فقرات الرقبة والظهر

[سالم11]

السلام عليكم جميع
اخواني الموضوع باين من العنوان
عندي فقرات في الرقبة وفي الظهر
ومزعجتني جدا ماني عارف ايش اعمل
هل هناك حد يعرف تكاترة مجربيين
في الدوحة والاخارج الدوحة ينصحني

ولكم كل التقدير

[شعنونة قطر]

سوي مساج في شرق :p

الله يعينج

[غير البشر]

ماتشوف شر يا الشيخ

والله للأسف ماعندي معلومه :(

لو تطلب من المشرفين ينقلونه قسم الحوار العام

او تكتب لك موضوع جديد هناك راح يفيدونك اكثر

[عيون Qatar]

للرفع ,,,,

الله يشفيك ..

[عاشقة الخور]

عيادة الدوحة فيها دكتور حق هاي السوالف .. الصراحة يمدحونة وفي النهاية لازم مساج

[mayada]

الف سلامه
مع احترامي للي حكت سوي مساج
غلط المساج لحالتك بالعكس يمكن يزيد معك وبالوجع
وبالشفى إن شاءالله

[حليتان*]

الله يشفيك

والله ما عرف هالسوالف

[sendarala]

عيادة الشفاء عند د/ ناظم
الله يشفيك ان شاء الله

[سالم11]

الله يجزيكم خير على الرد والمتابعة
انا اسوي مساج ارتاح شوي وبعدين يرد
مثل ماكان الصراحة متعبني
في الانتظار

[هدهد سليمان]

الحل المبدئي هو النوم على الارض او فرشه طبيه .. لكن سؤال لو سمحت هل تشعر بخذلان في اليد اليمين او اليسار؟

[Qatar4all]

روح ولا تهون للدكتور بات في عياده الدوحة اتكلم عنه من واقع تجربه :..

والله يشافيك :..

[سالم11]

اخي هدهد الصراحة انا مااحس بتنميل في الصابع احس الم في الاكتاف
يعني احس بشد مشدودة الاعصاب مع الم

Qatar4all انا رحت الى الدكتور بات وحولني على العلاج الطبيعي بس
مافية فايدة خف على شوي وبعدين رجع

الله يجزاكم خير اخواني

[هدهد سليمان]

اول شي الله يشفيك واجر وعافيه ..زين يالغالي جربت الحجامه .. جرب الحجامه وعقب راح تعرف الفرق بإذن الله

[@north_star@]

الحل المبدئي هو النوم على الارض او فرشه طبيه .. لكن سؤال لو سمحت هل تشعر بخذلان في اليد اليمين او اليسار؟
اخوي هدهد تعرف حد يسوي حجامة ؟؟؟

[فرحة الكواري]

اخي الكريم وصفك للألم مثل الالام اللي اصابت وحدة من الاهل

وصلت حتى تايلند ولم يفيدوها غير

العلاج الطبيعي في سبيتار لمدة 4 شهور

والحمدالله كل شي طبيعي الآن

[@north_star@]

الله يشافيك ويعافيك اخوي ترى انا عندى بعد الالام بالرقبه والاكتاف يمكن لاني شيبه

[هند88]

في المركز الامريكي لعلاج المفاصل والعمود الفقري في الهلال ..
اوكي ..
الله يشفيك

[سالم11]

جزاكم الله خير بارك الله فيكم

[هبوب الشمال]

السلام عليكم
اخوي انصحك نصيحه لوجه الله
خل عنك الي بالدوحه
الكل عارف مدى خبراتهم ومستوياتهم
انصحك بالدكتور / رسلان في ابوظبي
خووووووووووووووووووووش دكتور وفاهم ومجرب في عمليات وتشخيص
صح الصح
اما الحجامه انصحك بشخص في الشارقه اسمه
ابو سعود
ماشالله عليه يده تتلف بحرير
وجرب وادعيلي

[سالم11]

السلام عليكم
اخوي انصحك نصيحه لوجه الله
خل عنك الي بالدوحه
الكل عارف مدى خبراتهم ومستوياتهم
انصحك بالدكتور / رسلان في ابوظبي
خووووووووووووووووووووش دكتور وفاهم ومجرب في عمليات وتشخيص
صح الصح
اما الحجامه انصحك بشخص في الشارقه اسمه
ابو سعود
ماشالله عليه يده تتلف بحرير
وجرب وادعيلي

الدكتور رسلان لة عيادة خاصة ولامستشفي
حكومي وهل عندك لة عنوان وهل جريتة
تسلم على الرد الله يحفظك

[جوال 11]

الله يشفيك ويشفي جميع المسلمين
بالنسبة لحالتك تحتاج لدكتور أعصاب حيث أن الفتحات بين الفقرات تضيق مما يؤثر على الأعصاب والأسراع في عمل العملية هو الحل الأمثل وأحسن بلد هو ألمانيا ممكن تسأل مكتب العلاج في الخارج عن أحسن دكتور وتأخذ عنوانه وما تشوف شر وإذا قطري حاول مع اللجنة للعلاج في الخارج عن طريق دكتورك أو تعالج على حسابك ثم تقدم الفواتير ويُدفع لك قيمة العلاج فقط

[سالم11]

جعل ربي يجزيكم الخير ولايبتلي احد منكم بمكروة

اللي عند احد مجربة ولادكتور جيد حتى لو خراج البلد لايبخل
علينا جزاكم الله خير

[ام الحنايا65]

اخوى سالم نصيحه من قلب لك وحق اللى نفس حالتك رحو بنجلور انا توني جايه مع الاهل ونفس الاعراض كانت عندي وعند خواتى الحمدالله علاجنا وصار لنا شهر الحين ولارجع الالم د0 اشفاق احمد للعظام ادخل موضوعي في قسم السفر والسياحه الرحله العلاجيه بنجلور انا حاطه عناوين حق الدكتور مع الصور للعياده الصراحه ممتاز
وماتشوف شر انشاالله

[حدالكلمه]

اهم شي الابتعاد عن الاسبااااااااب لأن مهماكان العلاج ماراح ينفع الابالابتعاد عن الاسباب

[الغفير]

اخوى سالم نصيحه من قلب لك وحق اللى نفس حالتك رحو بنجلور انا توني جايه مع الاهل ونفس الاعراض كانت عندي وعند خواتى الحمدالله علاجنا وصار لنا شهر الحين ولارجع الالم د0 اشفاق احمد للعظام ادخل موضوعي في قسم السفر والسياحه الرحله العلاجيه بنجلور انا حاطه عناوين حق الدكتور مع الصور للعياده الصراحه ممتاز
وماتشوف شر انشاالله

رحت له ,,,,, ههههههه:)
بس احس ان فيه نصب شوي :)

[هدهد سليمان]

بشرنا اخوي سالم11 شصار وياك ..

بخصوص الاخوان اللي سألوني عن الحجامه .. عن نفسي اسوي الحجامه عند شخص ماليزي ممتاز ما شاء الله عليه ويده خفيفه واجهزه استخدام مره واحده فقط ويقطهم اسمه ابوبكر بالدوحه الجديده .. والرقم ان شاء الله سيتم وضعه بعد اخذ اذن الاداره

[ام الحنايا65]

رحت له ,,,,, ههههههه:)
بس احس ان فيه نصب شوي :)

شلون اخوى في شنهو النصب جزاك الله خير ابى اعرف

[سداوي&مدريدي]

سلامتك ماتشوف شر أخوي سالم

والله يشفيك ان شاء الله

[سالم11]

جزاك الله خير ام الحنايا65 رايح ادور على موضوعك

هدهد حياك الله جزاك خير الحجامة انا عملت حجامة عند الشيخ عقل
اكثر من مرة ارتحت شوي ورجع مثل الاول

جزاكم الله خير جميعا كل من رد في هذا الموضوع

[هدهد سليمان]

جزاك الله خير ام الحنايا65 رايح ادور على موضوعك

هدهد حياك الله جزاك خير الحجامة انا عملت حجامة عند الشيخ عقل
اكثر من مرة ارتحت شوي ورجع مثل الاول

جزاكم الله خير جميعا كل من رد في هذا الموضوع

زين يالغالي .. الشيخ / عقل بارك الله فيه ما منه قصور ان شاء الله .. لكن دائما الشخص يسعى للأفضل .. انصحك بإذن الله تجربة اخونا / ابوبكر ماليزي الجنسيه بوصفلك المكان هو افضل من الشيخ / عقل بكثير بحكم تجربتي .. بالمناسبه جربت الشيخ عقل وكان الامر لا يتعدى ثلاثة ايام ويعود نفس الألم اما بعد ما ذهب لاخونا ابوبكر شعرت بتحسن وفرق كبير ولله الحمد لم اشكوا الى الآن من اي شي .. ولكن ستكون الحجامه كسنة عن الرسول في اوقاتها المعروفه 17 و 19 و21 من الشهور العربيه في حالة اني لم اعاني من اي مرض لا سمح الله .. اما في حالة المرض ففي اي وقت .. مكانه الله يسلمك تروح له من صوب اشارات الاصمخ اذا كنت جاي من دوار البنك العربي تروح يسار قبل اشارات التويوتا تحصل لفه يمين دشها عقب 50 متر تقريبا تحصل بيت بالزاويه قديم لونه ابيض توقف عنده وتسأل عن ابوبكر .. الرقم باطرشه على الخاص وذلك لأن المنتدى يمنع وضع ارقام الجوالات ولم يؤذن لي بوضع الرقم .. الله يشفيك وما تشوف شر وبشرنا عنك عقب الحجامه بإذن الله ..