معركتي قبل الغدا مع ام خماس والسبب :الاستايل !!!!

[التركي]

تعرفون ان اسوأ المعارك في الحياة الزوجية :fight: دايما تكون قبل العشاء او قبل الغدا:anger1: ، اه يا الحسرة! واخر معركة لي امس قبل العشا مع ام خماس ،و صار فيها اكشن و ضرب بالصحون والملاس والله ستر جاتني فلعة خفيفة :tomato: ، وللاسف اثناء المعارك تعرف الصديق الصدوق من العدو اللذوذ ، وعلى قولة بوش : اللي مش معانا ضدنا:victory:، وسببها انه ام خماس كل ما دخلت المول وا للاندمارك او حتى في حديقة سباير مسكت يدي وتقول لي: امسك يدي، واقول لها ليش؟، تقول لي الاستايل كدي؟و عشان الناس يقولون يحب زوجته ، و اقول لها يدك يا ام خماس حارة كل ما مسكتها عرقت يدي،واستحملت كثير وخلاص ، وانا الان ما اقدر استحمل اكثر من ذلك:(، المهم عووش حبيبتي الله يحفظها قايمة واياي، اما زلوخ وخماس وحمود الخونة مع امهم ،انا الان ابي حل يعني الحين مسكة اليد امهاتنا وابهاتنا كانو يعملونها ؟:omen2:
ولازم المسكة قدام الناس وما يكفي مسكة البيت ؟:eek5:

[كازانوفا]

بما انه مش عاجبك خذ على راسك
وخل ام خماس تعيش الدور
وهذه نهاية اللى ما يمسك ايدين زوجته خخخخخخخخخخخخ

[!الشايمه!]

هههههههههههههههههههههههههه

والله ياشين الشي اذا ماكان من القلب....

شي صعب ان الشخص يخدع نفسه....لاجل الآخرين....!

والله يعينك....على قوم فريج :)



تحية

[OTOsan]

اقول يالتركي .. اشوف مشاكلك معاها اكثرت !!

ياخوك طلقها وافتك ههههههههههه


قول لها ان العادات والتقاليد الى الان لاتسمح بهذا الشئ في العلن ،، وان وصلتو البيت عطها ايدك خلها تمسكها لما تزهق :)

يعطيك العافيه ،،

[umhend]

هو مب عيب ولا بحرام بس عاداتنا وطبعنا مايسمح لازم تتفهم هالوضع اذا عصلقت وياك
خذها بعيد عن لعيون كورنيش حديقه الدحل وهنااك دلعها

[ماريسا]

حتى ابسط طلبات الزوجة اللي تحسسها بالاحترام و الحب و التقدير ثقيلة على الزوج
سبحان الله
أفففف الزواج اليومين دول بقى موضوع ينرفز أوي!! :"(

تحياتي للجميع:)

[التركي]

اقول يالتركي .. اشوف مشاكلك معاها اكثرت !!

ياخوك طلقها وافتك ههههههههههه



حبيب روحي ان طلقتها , بن توقف عن الكتابة , :weeping: بعدها ما في معارك .


الشكر للاحبة على المرور , والمشاركة .:victory:

[اروع سهم]

استخدم معها اسلوب يخليها هي بنفسها تقول لك خلاص مابيك تمسك يدي مثلا قول لها انك وانت جالس مع الشباب قالو انهم يمسكون ايد حريمهم لانهم مش واثقين فيهم او لان حريمهم جاهلات مايعرفون يتصرفون بنفسهم وجيب سواليف مالها معنى وامسك يدها كم مرة بعدينم صدقني هي بتقول لك بليز خلاص هونت مابيك تمسك ايدي

[هذلان]

تعرف قفازات الملاكمه .. البسهم في يدي قدام الناس في السوق ولا امسك يدها :nice:

سيكل :secret:

[نورالهدى]

الله يفرجها عليكم
ويبعد عنكم المشاكل

[أم جود]

عادي امسك يدها

يحليلها :)
هي تشد الخيط انت رخيه

[عليه العوض]

خليك مثلي خلها وراك بمسافة خمسة امتار تمشي وراك وخلي خطواتك كبيره وسريعه
بعدها تحرم تخرج معك الاسواق

[STAR]

مادري ليش أحس إنها قصص خيالية منك

[الكونجرس]

:telephone:

[بنسل]

مادري ليش أحس إنها قصص خيالية منك

خياليه من الواقع :nice:

[لاجل QT]

مسكينة ام خماس عن خاطرها امسك يدها تراها كبيرة في عين زوجتك ومشاعرها ..عادي انا احب الصق عند زوجى مافيها شي مااشوف حد استنكر بالعكس اشوفهم يحسدونا والغيرة تشتغل :rolleyes2:
عادي حتى في المطعم اقعد اكلة بيدي مافيها شي اول هو يشبع عقب انا اكل...عادي اشخذنا من كلام الناس..
من شذي الريايل قامت تشرد من حريمها لانها محرومة من الدلع

تكفى راعي الموضع دلع ام خماس لاتزعلها :nice:

[هبة ريح]

يحليلها ام خماس دلعها اشوي

والله يخليكم حق بعض ويبعد عنكم المشاكل

[التركي]

[QUOTE][الله يفرجها عليكم
ويبعد عنكم المشاكل
/QUOTE]

المشكلة اني اصبحت في ورطه:(, ام خماس زعلانه , وتقول لي بروح بيت جدوه :anger1:

[بنت قطر202]

انشالله ام خماس تدخل المنتدى وتشوف الي كاتبه عنها

يااااااااااااااااااااويلك منها

[ورقــة أمــل]

خل يدك وصخه دايما قبل لا تطلعون مكان عشان ما تمسك يدك ههه

[~~ الدانـه ~~]

المشكلة اني اصبحت في ورطه:(, ام خماس زعلانه , وتقول لي بروح بيت جدوه :anger1:

بيت من ؟ :(

انت لي الحين مامسكت ايدها ؟

زوجتك ناقصها دلال دللها ، قبل تمسك ايدها اسألها .... ليه يام خماس الله خلق لنا باليد اصابع ؟ بتقولك حتى يسهل تسطرني .... قولها لا ياعمري وامسك ايدها وشبك اصابعك باصابعها .... ولاتهدها لين تكتفي من ايدك

حسسها بالأمان وانها لازالت مرغوبه مو تقول لها يدج حاره يدي تعرق لي مسكتج هههههه شهالكلام

[المبرمج صلاح]

ههههههههههههههههههههههههههههههه ضحكتني يا تركي اانتا وام خماس

لا هو حرام ولا عيب بالعكس تعطي الزوجة الاحساس بالحب والامان من زوجها

[بوحارب]

لا امسك يدها ولا تمسك يدي

يلا عاد بلا هالأستايل الملغ

بعدين انه افضل امسك قلاص الكرك احسن من يد اللي احذاي خخخخخخخخخخخ

[حقيقه]

ياحليلهم الحريم لين الحين يحسبون الدنيا فيها رجال يملكون الاحساس والقلب الطيب
مايدرون انه مابه رجال ينشد فيهم الظهر
للاسف فيه حريم مستعده تبيع الدنيا عشان شريك حياتها
بس مستحيل تحصل رجل يبيع الدنيا عشانها
مادري ليه البعض من الحريم يفكرون بقلبهم ,, اماالعقل موقوف مؤقتاً << واعتقد بيتم موقوف للأبد


وانرد وانقول هالكلام ينطبق على البعض طبعاً:nice:

والله يخلي لك ام خماس يابوخماس