عمود الشفت في الاندكروزر 2008-2010

[قطري10]

السلام عليكم
شباب الله يحفظكم ايش سالفة عمود الشفت في الاندكروزر 2008-2010
عندي كروزر 2008 gxr v8 وفيه صوت في العمود الخلفي
وديته التشييك وعلى كلام التشييك في التويوتا قالي عمود الشفت خربان عندك ؟؟ وسألته ليه اخترب والسيارة جديدة
قالي: صعب أقولك مب من مصلحة الشركة أقولك هذا عطل وانت مالك شغل بنصلحه على حسابنا وبنتصلك بداية شهر 3 علشان انصلحه
وتهاوش معاه قلت ببرفع عليكم قضية ابي سيارة جديدة قالي انا مالي دخل .
طلعت من الشركة ولقيت واحد من الشباب عنده gx 2009 قالي عندي نفس المشكلة وسيارته ماشية 27000 ألف بس
وقالي انه يعرف واحد نفس المشكلة عنده وبعدين رجعنا عند المصري ويطلع لنا كشف فيه 24 سيارة فيها نفس العطل وقال كلهم نفس السالفة عندهم مشكلة في العمود

الحين ابي اسأل ويش سبب العطل وهل يعتبر عطل كبير في السيارة وهل فيه خطر على حياة من في السيارة

اي واحد عنده معلومات يعطينا لاني نواي أرفع قضية عليهم الله يحفظكم

[اللهب]

اخذلك 6سلندر ابرك ولا فية مشاكل ولاشي
وهو افضل استخدام منv8

[qazqaz]

الصراحه اول مره اسمع عن هالمشكله

وموتري ماشاءلله عليه 2009 ومكروف كرف ومايشتكي ..

والله يعينك يالغآلي

[tawareq]

عندي موديل 2008 وكان عندي نفس المشكلة
وبدلوا لي الوكالة الشفت 3 مرات على الضمان واخر ثالث مرة بدلوا لي شفت موديل 2010 على كلامهم

والحين طالع لي اصوات من تحت السيارة ومن البدي بعد

مع اني لا راعي بر وولا شي

والله يعينا على الوكالة

[بومحمد المطاوعه]

الصراحه

انا الحمدلله عندي gxr v6

اول دفعه شريته سنه 2007 شهر 12

والحمدلله ما اشتكي من اي شي

لا شفت ولا بريك ولا اي اشياء ثانيه

بس اللهم السيرفس كله في الوكاله

كل 5000 كيلو تشيك ايل فلتر

وكل 10000 تشييك كامل

الحين موتري ماشي 90 الف والحمدلله ماشاءالله عليه

مافي شي

مع اني كارفه كرف سيلين العديد كل مكان اروح فيه حتى المقناص رحت فيه


والله يكون في عونك اخوي

لازم في عطل من كل نوع في السياره

والحظ يلعب دور

تحياتي لك

[qatarman8008]

مرحبا اخوي انا عندي نفس موترك gx-r V8 2008 استمارة 2009 ماشي حول 15 الف وما شفت فيه شي لكن السؤال هو هل طلع الصوت عندك من البداية يعني والعداد اصفار والا بعد فترة

[المحتار20]

عندي موديل 2009 v8 gxr وكان عندي نفس المشكلة
وبدلوا لي الوكالة الشفت 4 مرات على الضمان واخر مرة بدلوا 10000 km ,
والحين السيارة ماشية 55000 km وما شفت فيه شي

[فارس قطر333]

والله حرام ندفع فلوس لموتر جديد وفي الاخير يطلع في خطأ في التصنيع

ولا راضين يغيرون الموتر بس كل اللي عليهم يغيرون القطعه

وانا عندي نفس المشكله وبدلوا لي عمود الشفت ولين الحين الموتر في صوت

[بوجبران]

مافي احسن من 2007ونازل لا عمود شفت ولا خرابيط

[حليتان*]

^^ صح كلامك


يا خووك رصهم بقضيه وشوف لك محامي شااطر

[قطري10]

للمعلومة يقولي المصري اللي في التويوتا انه شئ استهلاكي وكل 80 ألف -100 ألف لازم تغيره مرة واذا تروح سيلين اوتسحب طراد فيه تبدله من 50-60 ألف مرة

[ANONYMOUS]

اشدعوه توكم مكتشفين

يوم خذت لي واحد :(

[ولد البوكوارة]

انا موتري gx-r v8 2010

عقب الـ 5000 تقريبا طلعت فيه طقه في الجير ، وتطلع بشكل واضح اذا غيرت القير من الـ N للـ D بالبطيء

فمادري اذا هالطقه لها خص في عمود الشفت او لا

وواحد من الشباب قلت له عن هالسالفه ، قالي انا كان عندي نفس الشي وبدلوا لي الشفت

وان شاء الله في تشييكة الـ 10000 باقولهم وباخليهم يشوفون شالمشكله !

[جاسم القطري]

لا تشككوني بموتري انه فيه شي

الحمدلله للحين ما شفت شي ولا سمعت شي

وماشي عسل

يمكن اول الموديلات فيها عيوب

عندي 2009 فكسار

[فلفل حار]

يالربع عن الوسواس مواتركم مافيها الآ العافيـه ...

طقة الشفت معروفه وكان عيب رئيسي من وكالته بالدفعـات الاولـى من سنة 2008 وبعض موديلات 2009

وموتري 2008 جكسار 8 سلندر وصارت له هالمشكله وغيرتها على الضمان بالوكاله
وسعر التغيير كان 2450 ريـال بالضبط وكانت الفاتوره جدامـي وآستلمتها شخصيـاً ...

طبعـاً على حسابهم يهبوون آدفع ريـال ... :tooth: