عمليات التشيين .. قصدي التجميل

[موضي قطر]

تفاجأت من كم يوم بوحده في الدوام صارلها 3 شهور ماخذه اجازة بس انا واللي معاي

ماعرفناها :eek5: تدرون ليش ؟؟؟؟؟؟؟؟؟؟












لأنها مسوية عملية تشيين ... والله العظيم كانها وحدة احترقت في حادث وتموا الدكاترة

يرقعون في وجهها عشان الناس ما ( تروع :rolleyes2:) صار لها براطم مو طبيعية

تكلم معانا وتسكت بس شفايفها للحين تحرك وتوقف بعد ماتسكت بدقايق ؟؟؟

انا اللي ذابحني وش اللي حادها على تغيير خلقة رب العالمين والمشكلة انها وحده ام عيال

وفي الأربعين من عمرها وشكلها كااااان أحلى بواجد قبل (ماتغير) على عمرها وتسوي اللي

سوته والمشكلة صار بينها وبين البنات زعل لأنهم قالوا لها ان شكلها يروووووع :secret:

أما الحريم يسوون في عمرهم الهوايل ويزعلون اذا استلموهم الرجاجيل

طنازة؟؟؟ والأهم قريت في مواقع اسلامية ان تغير خلقه الله بدون داعي كتشوية من حادث أو

غيره حرااااام ؟؟

[لاجل QT]

مهب براطم ذي سبرنغ ..اشدعوة كلة تحرك هع هع
يسلموو:nice:

[بوحارب]

شينه وتبي تصير اشين

عادي توقعي اي شي من اصحاب المخوخ الغبية

واحد من ربعي توه راد من البحرين عشان يعدل خشمة

المهم

راح ورجع ( ربي كما خلقتني ) ولا صار اي شي فيه نفس ماهو

والمشكلة الأكبر انه زوجته اللي قالت له روح عدل خشمك مع اني اشوف خشمة طبيعي

بس هذي مشكلة بعض الحريم لما ودهم بالرجال المزيون في كل شي مع انه المفروض انها ماتحقر من شكلة ابد

وايضا مشكلة الرجال لما يسمعون كلام حريمهم في كل شي

وبعد مشكلتي انه لما اطلع برع المواضيع خخخخخخخخ

[بوهديب]

صار لها براطم مو طبيعية

تكلم معانا وتسكت بس شفايفها للحين تحرك وتوقف بعد ماتسكت بدقايق ؟؟؟
ههههههههههههههههههههههههههههههههههههههه
يمكن ماكله سحارة الفقع اللي عند(لاجل qt)

[روح-قطر]

استغفر الله عافانا الله شسالفه؟؟

عاد تصدقين عمره ماطرت على بالي سوالف التجميل بس مره سالوني لو بتسوين قلت جفوني لانها نازله بس لكن مو طور التنفيذ استغرب منهم ولا وحده كبيره بعد سبحان الله..

الله يهدي البنات يارب

[أم جود]

هههههههه.... حلوة هذي براطمها تحرك لما تسكت
الله يهديها

وايد ناس قامو يسوون .. ونسوا او تناسوا ان حرام

[موضي قطر]

مهب براطم ذي سبرنغ ..اشدعوة كلة تحرك هع هع
يسلموو:nice:


والله كل ماشوفها اتذكر الفنانة منى عبدالمجيد بعد عمليات التجميل

[موضي قطر]

شينه وتبي تصير اشين

عادي توقعي اي شي من اصحاب المخوخ الغبية

واحد من ربعي توه راد من البحرين عشان يعدل خشمة

المهم

راح ورجع ( ربي كما خلقتني ) ولا صار اي شي فيه نفس ماهو

والمشكلة الأكبر انه زوجته اللي قالت له روح عدل خشمك مع اني اشوف خشمة طبيعي

بس هذي مشكلة بعض الحريم لما ودهم بالرجال المزيون في كل شي مع انه المفروض انها ماتحقر من شكلة ابد

وايضا مشكلة الرجال لما يسمعون كلام حريمهم في كل شي

وبعد مشكلتي انه لما اطلع برع المواضيع خخخخخخخخ


اي والله صدق من قال العقل زينة شكراً لمرورك بو حارب

[موضي قطر]

صار لها براطم مو طبيعية

تكلم معانا وتسكت بس شفايفها للحين تحرك وتوقف بعد ماتسكت بدقايق ؟؟؟
ههههههههههههههههههههههههههههههههههههههه
يمكن ماكله سحارة الفقع اللي عند(لاجل qt)


هههههههه الله يضحك سنك المشكلة انها مقتنعة وتبي تقنعنا نسوي مثلها :eek5:

[موضي قطر]

استغفر الله عافانا الله شسالفه؟؟

عاد تصدقين عمره ماطرت على بالي سوالف التجميل بس مره سالوني لو بتسوين قلت جفوني لانها نازله بس لكن مو طور التنفيذ استغرب منهم ولا وحده كبيره بعد سبحان الله..

الله يهدي البنات يارب


الواحد يخاف ياخذ بنج وعقب ماعاد يقوم :nice:

[موضي قطر]

هههههههه.... حلوة هذي براطمها تحرك لما تسكت
الله يهديها

وايد ناس قامو يسوون .. ونسوا او تناسوا ان حرام


المشكلة يصيرون اشين من الشين نفسه والأدهى واثقين من نفسهم بعد العملية

شكل الدكتور شالهم عقولهم مع العملية عشان مايفرقون

[blackjacket]

هو الواحد اذا فيه عيوب مش مشكلة انه يعدله بعملية تجميل , يمكن هالاخت راحت عند واحد ما يعرف يسوي عملية و طلعها مثل ما تقولين:nice:
عيادات التجميل الي في الدوحة مع احترامي لهم حتى الواحد حرام يروح يشيل عندهم شامة مب يسوي عملية تجميل , مرة وحدة دخلت في غيبوبة في مركز تجميل اثناء العملية ولا طلعت منه و توفت في طواري حمد :omg:

[موضي قطر]

هو الواحد اذا فيه عيوب مش مشكلة انه يعدله بعملية تجميل , يمكن هالاخت راحت عند واحد ما يعرف يسوي عملية و طلعها مثل ما تقولين:nice:
عيادات التجميل الي في الدوحة مع احترامي لهم حتى الواحد حرام يروح يشيل عندهم شامة مب يسوي عملية تجميل , مرة وحدة دخلت في غيبوبة في مركز تجميل اثناء العملية ولا طلعت منه و توفت في طواري حمد :omg:

بالعكس وش زينها قبل ماتهول بعمرها ... واللي ماتت الله يغفر لها

[بنت قطر202]

يااااااااااااااااااااااااااكثر البنات الي مسووين عمليات تجميل والسيلكون الي يحطونه

[al-lord]

اسمحولي ..بس بتكلم بصراحه شوي..لانه كل ما فتحنا هل المواضيع ..الردود اتكون هي هي...
الحلال بيين والحرام بيين...تغيير خلق الله بدون داعي حرام...والكل يعرف هالشي
بس ميين الي يقرر اذا في دعوه لاجراد العمليه ولا لا ...بتقولون الدكتور..يمكن يصدق ويمكن يبي فلوس...مشايخنا...لللاسف..مب كلهم يلمون بالجانب الطبي والاجتماعي مع الديني...الشخص نفسه...صعب..لان الحاجه تغلط الواحد..
الشي الثاني ...اذا قلنا في فتره شهر قامت عياده باجراء ٤٠ عمليه...منها التجميليه البحته ومنها التقويميه..ونها اصلاح تشوهات خلقيه للاطفال ومنها حروق ..عمليتين منها ما اضبطوا...وكلنا يعرف ان الجوانب الي تاثر على نتيجه العمليه وايده ..مب بس تكنيك العمليه...وبعضها صعب التكهن بها...فاتلاقي هالحالتين هي الي يتكلمون فيها بالمنتديات والجرايد...وننسى ان في ناس اتغيرت حياتهم منهاللاحسن..و انا اعرف شباب اجروا عمليات غيرت حياتهم ..منها شخص اعرفه ..بحكم عمله يتعرض لغبار..فيتعب منها...راح لدكتور انف اذن حنجره..قاله احنا مانقدر انسويلك شي..لازم اتروح لدكتور تجميل لانه عندك اعوجاج...راح لدكتور التجميل..وقاله اذا صلحنا الاعوجاج بتغير شكل الخشم...سوى فلم..شلون وما يصير ..ومادري وشو..وقال لا ...ليما كان جايته دوره ..وكان لازم يختارون خمس ..اهو قدم..بس الغبار تعبه وما خلاه يتاهل للدوره وتاخر في التدريب...فقرر ايسوي العمليه ...الحين ماشاءالله عليه..
وهاي في الدوحه..وعندنا دكاتره ماشاء الله عليهم..بس كل واحد شاطر بشي...
الرجاء من الاعضاء الرد بشفافيه اكثر...انا متاكد ان معظم الموجودين بيدورون اقرب دكتور تجميل اذا لا سمح الله صارلهم شي...الله يعافينا جميع..
السموحه عالاطاله

[شاهيناز]

المواضيع في المنتدى اصبحت تاخذ طابع شخصي
كان المفروض تتكلمين عن عمليات التجميل بشكل عام ولاتخصين زملتك بشكل شخصي والله اعلم كان اغتبتيها امام العالم وهي غافله

من يومين وحده كاتبه عن مديرها الي وضفت هله
وقبلها وحده كاتبه عن المدير الي شاهم في تطفيش اغلب الموظفين في ادارت
واليوم انتي كاتبه عن زميلتك الي عامله عمليه تجميل؟

بكره يمكن وحده تجي تتكلم عنك هل ترضينها؟

[سنطره]

ههههههههههههههههه... في وحدة انفخت شفايفها ويوم اشربت شاي حار طلع صوت فششششششششششش
انفشت براطمه.
وفي وحدة انفخت خده وقال لها الدكتور لاتنامين على احدى الخدود نست وهي نايمة ونامت على احدى الخدود ووفش خدها كأن متورمخدها
الله يهديهم

[فلفل حار]

قلة العقـل مصيبه ...

[تحداني]

.. هوس كباقي أنواع الهوس ..
يطاردون الوهم .. وبالحيل يريدون إمتلاك الأشياء ..


يسعون للكمال ولله الكمال والعزه ..
وليت الجمال مقياس لقياس الحب والنضج والقرب من القلب والبعد عنه ..
لكانت الطرق المؤديه اليه جدا سهله ..



الله يشفيهم من هوسهم .. وتعود إليهم ذاكرتهم من جديد ..
ويصحون من تلك الغيبوبه سريعا .. :)




جملك الله برضى الرحمن

[نفسي عزيزه]

الله يهديها ويهدينا ويهدي الجميع

[بنت^البحرين1]

الله يلوع جبد العدوو .. اقرف شي عمليات تجميل الشفايف باااااااااااااااال شنو يصير المنظر قبيح ، البرطمي التحتي مرتخي على تحت والاسنان اللي فوق ماتبين بس الالي تحت يطلعون وعييييييييييييييي .. الحمدلله والشكر

اخوي بو حارب بس سؤال شدني ، الحين رفيجك هد كل الدول ويا البحرين يسوي عملية تجميل ؟؟ ليش هو بايع نفسه والا يبي ينتحر ؟؟ وعند اي دكتور راح ؟؟ الله لايهينك ابي اعرف

[راية الفخر]

ماشفتوا شي .. الحين بنات الجامعه هابين في عمليات التجميل .. براطم منفخه .. خدود نانسي عجرم .. وشغلات ثانيه .. جربوا اطلبوا موعد في الرميله عند دكتور تجميل الانف وشرط ماتحصلون الا بعد سنه ونص لان المواعيد فل عندهم والبنات هابين هاليومين في عمليات تجميل الانف ..

والغريب ان البنات يشجعون بعضهم في بعض المنتديات على هالعمليات وكل وحده تمدح الدكتور الفلاني للخشم والدكتور الفلاني لتكبير الشفايف والدكتور العلاني لتكبير الـ....... وكل يوم طالعين بشكل جديد ..

الله يهدي الجميع

[ام السعف]

مهب براطم ذي سبرنغ ..اشدعوة كلة تحرك هع هع
يسلموو:nice:

جزاج الله كل خير
بالفعل كلمة سبرنج تنطبق على الوصف،، اشدعوة تتكلم و تسكت يتم البرطم يتحرك فترة عقب ما تسكت ( هاهاهاهاهاها ) ،،،

عفانا الله ،، الحمدلله للحين نتعامل مع قشور البرتقال في تقشير الويه :eek5:

[لولوتي]

انزين شستفدنا من الموضوع

لا حول ولا قوة الا بالله

[موضي قطر]

المواضيع في المنتدى اصبحت تاخذ طابع شخصي
كان المفروض تتكلمين عن عمليات التجميل بشكل عام ولاتخصين زملتك بشكل شخصي والله اعلم كان اغتبتيها امام العالم وهي غافله

من يومين وحده كاتبه عن مديرها الي وضفت هله
وقبلها وحده كاتبه عن المدير الي شاهم في تطفيش اغلب الموظفين في ادارت
واليوم انتي كاتبه عن زميلتك الي عامله عمليه تجميل؟

بكره يمكن وحده تجي تتكلم عنك هل ترضينها؟

اختي انتي لا تعرفيني ولا اعرفك ولا فيه احد في المنتدى يعرفني ومع هذا انا ماكتبت

عن مكان شغلي !!! ولا ذكرت اسمها لا صريح ولا بتلميح ومدام الواحد ماذكر اي شي

عن حد فالكلام عام شفتيني قلت فلانة بنت فلان ومرت فلان سوت عملية تجميل ؟؟؟؟؟

واللي يتكلم عن شي مزعجة في شغله ولا مديرة ملعوزة وما شهر فيه من حقة حلوة والله الواحد مايقدر

يقوله كلمتين في هالمنتدى :rolleyes2:

[موضي قطر]

انزين شستفدنا من الموضوع

لا حول ولا قوة الا بالله

اختي انا قلت العمليات حرااااااام وطرح الموضوع ماكان عشان تقولين وش استفدنا ؟؟ تغير

خلق الله عادي كأني قاعدة انطر ردك عليه :anger1: والموضوع عام مب خاص والتجميل

صار ها الأيام قضية عامة وانتي ذكرتي رايك .... مشكورة :rolleyes2:

[VIPLady]

عمليات التجميل اذا صارت بالقدر المعقول . تغير للاحسن ومافيها شي اذا البنت تسعى دايما ورى جمالها.. بس بعقل و تغيره للشكل الانثوي والدلع مو تخريع خلق الله والدفاشه

بس للاسف الله يهدي بعض الناس مجرد تقليد و يبالغون بالشي... خاصه الشفايف وايد يصير شكلهم مقرف.. والي يلوع الجبد اكثر لين يفشون الشفايف تتغير كل حدودها و تصيرر عويه بعد..
الله يعينهم
بس في ناس في حاجه لعمليه الانف مثلا .. و غيرت حياتهم و واشكالهم للاحسن ....

[وطن]

الحمدلله الذي عافنا مما ابتلاهم به

[لاجل QT]

جزاج الله كل خير
بالفعل كلمة سبرنج تنطبق على الوصف،، اشدعوة تتكلم و تسكت يتم البرطم يتحرك فترة عقب ما تسكت ( هاهاهاهاهاها ) ،،،

عفانا الله ،، الحمدلله للحين نتعامل مع قشور البرتقال في تقشير الويه :eek5:

تقشير الوجهة عليج بسكراب كلين اند كليرفركة على الوجهة بغفاز خشن شي شي يطلع الوجهة رطب
السموحة راعية الموضوع :shy:
خبرج حريم نموت في التعدل :shy:

[شاهيناز]

اختي انتي لا تعرفيني ولا اعرفك ولا فيه احد في المنتدى يعرفني ومع هذا انا ماكتبت

عن مكان شغلي !!! ولا ذكرت اسمها لا صريح ولا بتلميح ومدام الواحد ماذكر اي شي

عن حد فالكلام عام شفتيني قلت فلانة بنت فلان ومرت فلان سوت عملية تجميل ؟؟؟؟؟

واللي يتكلم عن شي مزعجة في شغله ولا مديرة ملعوزة وما شهر فيه من حقة حلوة والله الواحد مايقدر

يقوله كلمتين في هالمنتدى :rolleyes2:


اختي اسمحي لي اقولك رغم اني معرفتي بامور الدين قليله للاسف
جذيه ماقدرافتي

بس بقولك عن شي سمعته
مره حضرت محاضره لسيده أم عمر وهي سيده معروفه في مجال المحاضرات الدينيه قالت اذا كنتي في مكان عام ومره وحده ماتعرفينها ولما شفتيها التفتي لصديقتك وقلتي كلام عن ملابسها او شي عنها تكون غيبه حتى لو ماتعرفينها

عمليات التجميل موضوع يمكن التحدث فيه لكن من نواحي عده حتى يستفيد الجميع منه مب لتعليقات والسخريه لان محد بيستفيد
والله يهدي الجميع

[لولوتي]

اختي انا قلت العمليات حرااااااام وطرح الموضوع ماكان عشان تقولين وش استفدنا ؟؟ تغير

خلق الله عادي كأني قاعدة انطر ردك عليه :anger1: والموضوع عام مب خاص والتجميل

صار ها الأيام قضية عامة وانتي ذكرتي رايك .... مشكورة :rolleyes2:


نعم اختي وش استفدنا؟؟؟
انتِ لما تطرحين موضوع نقاش في المنتدى العام المفروض يكون لج فيه هدف،،،
هدف توعوي،،، هدف تعريفي،،، هدف تعليمي،،، هدف ارشادي،،،الخ

لكن طرحج للموضوع اساسا يكون بشكل ساخر،،، والردود اتجي على نفس النمط،،،
اللي يتكلم عن البراطم و اللي يتكلم عن الخدود،،،

لما الموضوع الاساسي والردود مجرد تعليقات على خلق الله لا تودي ولا تجيب،،، شتسمينها (((( إستفاده من أي نوع ؟؟؟ )))


وعندي علم بأن محد منتظر ردي في اي مسألة،،، سواء كانت عامه او خاصه،،، ولكن لما توصفين الشيء بأنه قضيه عطيه حقه في النقاش بالطريقة الصحيحة المناسبه.

اختي تعلمت الكثير الكثير من هالمنتدى الراقي وبيسعدني اني اتعلم منك شي جميل واخذ منك معرفه جميله وعلم،،، مب مجرد كلمات اقرأها ما تزيد لي ولا لغيري شي من الاستفاده :)


وجزاج الله خير :)

[موضي قطر]

نعم اختي وش استفدنا؟؟؟
انتِ لما تطرحين موضوع نقاش في المنتدى العام المفروض يكون لج فيه هدف،،،
هدف توعوي،،، هدف تعريفي،،، هدف تعليمي،،، هدف ارشادي،،،الخ

لكن طرحج للموضوع اساسا يكون بشكل ساخر،،، والردود اتجي على نفس النمط،،،
اللي يتكلم عن البراطم و اللي يتكلم عن الخدود،،،

لما الموضوع الاساسي والردود مجرد تعليقات على خلق الله لا تودي ولا تجيب،،، شتسمينها (((( إستفاده من أي نوع ؟؟؟ )))


وعندي علم بأن محد منتظر ردي في اي مسألة،،، سواء كانت عامه او خاصه،،، ولكن لما توصفين الشيء بأنه قضيه عطيه حقه في النقاش بالطريقة الصحيحة المناسبه.

اختي تعلمت الكثير الكثير من هالمنتدى الراقي وبيسعدني اني اتعلم منك شي جميل واخذ منك معرفه جميله وعلم،،، مب مجرد كلمات اقرأها ما تزيد لي ولا لغيري شي من الاستفاده :)


وجزاج الله خير :)

وجزاك بمثله ...

[HIGHNESS]

المواضيع في المنتدى اصبحت تاخذ طابع شخصي
كان المفروض تتكلمين عن عمليات التجميل بشكل عام ولاتخصين زملتك بشكل شخصي والله اعلم كان اغتبتيها امام العالم وهي غافله

من يومين وحده كاتبه عن مديرها الي وضفت هله
وقبلها وحده كاتبه عن المدير الي شاهم في تطفيش اغلب الموظفين في ادارت
واليوم انتي كاتبه عن زميلتك الي عامله عمليه تجميل؟

بكره يمكن وحده تجي تتكلم عنك هل ترضينها؟


قلتي اللي بخاطري ...
اولاً لازم تقولون الحمدلله الذي عافانا مما ابتلاك به ..
ثانياً :الله يهديكم مواضيع العقار بصراحه مهب حلوه و اغلبها من البنات يفتحون موضوع عشان يغتابون بنت ثانيه وهات طنازة على خلق الله.. اتمنى مواضيع شفت وحده وشفت واحد توقف .. ويصير الكلام بشكل عام مثل ماذكرت الاخت شاهيناز عشان محد ياخذ اثم حد ...

[نوارا]

الله يهديهم ويصلحهم أمهات التجميل والوحدة اللي الله رازقهابجمال ليش تروح اتسوي عملية تجميل وتخرب وجها وسبحان الله يتحول هالجمال الى قبح ولين جيت تسألهاليش سويتي عملية التجميل تقول لك الموضة-أول يوم كنانشوف الوحدة خشمهاطويل وش حلوةألحين مسويته كنه خنفسانة أماشفايفها فحدث ولاحرج كنها توايرمنفخة--ماأقول الا مالت عليكم وعلى هالموضة اللي تمشون عليها--

[ع.م]

أنا بصراحة يكسرون خاطري اللي كذا ماحب أضحك عليهم.. لأنهم مساكين عمرهم مارح يرضون عن نفسهم..

مساكين.. الناس تضحك عليهم وهم عايشين في حالة إنكار للواقع..

سببوا حق أنفسهم ضرر يظل طول العمر.. شكلا و مضمونا..

ومع كثرة عمليات التجميل في الآونة الأخيرة لاحظت شي.. الوحدة كل مازادت عمليات التجميل اللي تسويها يقل وعيها للعالم الخارجي.. والله جد.. إحتمال هالمواد اللي يحقنون بها الجسم تأثر على إدراك الشخص للأمور حوله.. كل وحدة أعرفها مسوية عمليات تجميل واجد دايما تكون مب مركزة وتنسى و تضيّع وايد..

نصيحة حق كل وحدة تفكر تسوي.. تحمـــــــــــــــلي!!

تبين الناس يحبونج بدون ماتسوين شي تظنين إنه يخليج حلوة؟.. جد جد صلي الليل وادعي فالسجود "اللهم ارض عني" .. وكثري منها.. لين رضى عنج بتلاقين نفسج راضية واللي حولج راضيين..