طبيب تنصحوني فيه للجيوب الأنفية

[sad-o-bas]

السلام عليكم ورحمة الله..

ياجماعة، صار لي فترة وأنا أعاني من حساسية في الجيوب الأنفية، ومسببة لي مشاكل وصداع ماينطاق والله!

وبعد كشف الدكتور، عطاني وصفة وأدوية مسكنة، بس لازم أستمر عليها طول عمري، وإذا داومت بدون ما آخذ الحبة، أو بدون ما أنظف الخشم بماي ملح، راحت علي!

سويت سيرتش في قوقل، واليوتيوب على هالموضوع، وطلع فيه دكتور سنغفوري شغال في هالموضوع ويعالج هالمرض المزمن بالجراحة.. بس خفت لأني سألت الدكتور وقالوا المضاعفات خطيرة، واحتمال كبير يرجع الالتهاب بزيادة..

الطبيب إلي رحت له عام، بس فاهم.. وأنا بصراحة أدور دكتور متخصص، أو إستشاري في هالمجال، حتى لو كان طماع ماعندي مشكلة أهم شي يكون فاهم شغله، ويريحني من هالألم..

ممكن تنصحوني بعيادة، أو دكتور في حمد أو الأهلي أو أي عيادة خاصة أو عامة..

جزاكم الله خير وارحم الله والديكم مقدماً..

[قطر دزاين]

انا معاي صديق بالعمل يعاني منها واشوفه تمام حالته جيده بسال لك ان شاء الله وانتظر مني رد بعون الله

[سارا.]

عند الدكتور عبد العزيز الجفيري-والدكتورة بهية الباكر-والدكتور عمر الحكيم------------كلهم في حمد------بس ماعرف من فيهم عندة عيادة مساية-------

[sad-o-bas]

جزاك الله خير أخوي، وفي انتظارك..

[sad-o-bas]

عند الدكتور عبد العزيز الجفيري-والدكتورة بهية الباكر-والدكتور عمر الحكيم------------كلهم في حمد------بس ماعرف من فيهم عندة عيادة مساية-------

إختي أنا ناوي أسوي العملية، تخبرين حد سوى عملية عند واحد من هالدكاترة إلي فوق؟
وإذا في مجال ممكن تسألينهم عن أفضلهم.. سمعت إن فيه مضاعفات مش ولابد، إذا الدكتور ماظبطها..

مشكورة على التعقيب..

[meme~qatar]

د. عمرو الحكيم ممتاز وعنده عيادة مسائية في حمد

[sad-o-bas]

جزاج الله خير إختي، تمت إضافته للقائمة..

حد فيكم سمع عن الدكتور خالد كمال ناجي، قالوا عيادته جنب المعهد البريطاني.. ياريت إلي تعامل معاه بهالخصوص يفيدنا..

تحياتي

[nouar]

الحمد لله من زمان عملتها وارتحت ..

بس بكثر سوائل والحمد لله اتحسن النفس بالذات لما يكون المكان ما فيه مدخنين

[قطراوي للأبد]

والله ياخوووي

عندنا واحد من الجماعه

يروح مستشفى الملحم فالحسا ! .

عند الدكتووور اظن اسمه ايمن متولي اذا ماخاب ظني !!!

يروح كل 3 شهور مره ! .. يحط له على قولته نفس الجرج فالخشم !! ويحس براااااااحه .. وبعد 3 شهور .. يروح مره ثانيه

عاد مادري ياخوي !

بس ياليت إذا لقيت الحل المناسب حق هالمشكله .. تعطيني خبر !

والله يشفيك ويشفي جميع من يعاني من الجيوب والأمراض الثانيه

[sad-o-bas]

الحمد لله من زمان عملتها وارتحت ..

بس بكثر سوائل والحمد لله اتحسن النفس بالذات لما يكون المكان ما فيه مدخنين

إختي معليش ممكن تقولين لي وين سويتي العملية؟! وهل تنصحيني أسويها في نفس العيادة؟
وكم الفترة إلي يحتاجها الواحد قبل وبعد العملية لين يرد طبيعي؟

مشكورة على التفاعل، وأنتظر ردج..

[sad-o-bas]

والله ياخوووي

عندنا واحد من الجماعه

يروح مستشفى الملحم فالحسا ! .

عند الدكتووور اظن اسمه ايمن متولي اذا ماخاب ظني !!!

يروح كل 3 شهور مره ! .. يحط له على قولته نفس الجرج فالخشم !! ويحس براااااااحه .. وبعد 3 شهور .. يروح مره ثانيه

عاد مادري ياخوي !

بس ياليت إذا لقيت الحل المناسب حق هالمشكله .. تعطيني خبر !

والله يشفيك ويشفي جميع من يعاني من الجيوب والأمراض الثانيه

هذي جديدة علي بصراحة..
بس مايمنع نفكر فالموضوع.. أنا إلي أعرفه إن فيه عمليات جراحية، وإن جاني شي إن شاء الله من صوبك.. الله يشافيه ويشافي جميع المسلمين، والله ياجماعة إن الصحة تاج على رؤوس الأصحتء لايراه إلا المرضى!

الحمد لله على كل حال..

[أم*خلودي]

الدكتور /حندوسة _ المستشفى المغربي ويسوي العملية في المستشفى الأهلي
الدكتور / عبدالعزيز الجفيري _ مستشفى حمد وعنده عياده خاصه
الدكتور / ناجي كمال ناجي - مستشفى حمد وعنده عياده خاصه

[zeknon]

فية دكتور جيد في الاهلي
او فية الجفيري عندة عيادة خاصة صوب محطة بوهامور

[sad-o-bas]

يعطيكم العافية إختي أم خلودي، وزنكون..

لاحظت إن إسم الجفيري تكرر في أكثر من مشاركة ماشاء الله عليه..
والدكتور ناجي بعد نصحوني فيه هلي..

بنشوف ناجي، وإذا مافاد بنمر على الجفيري إن شاء الله..

يعطيكم ألف عافية، ومشكورين على الردود الطيبة..

[هجمة مرتدة]

مر على الدكتور عبدالعزيز الجفيري وانت مغمض و إن شاء الله امورك طيبة

[PathFinder]

بعد سنوات طويلة من العمليات والعلاج وجدت أفضل علاج وهو مثل مصباح علاء الدين, يوضع فيه ماء دافئ وملح ويوضع في فتحة الانف ويخرج الماء والملح من الفتحة الثانية, طبيعي ومريح جدا وهو افضل اختراع حتى الآن في عالم حساسية الجيوب الأنفية وممكن تشتريه عن طريق الانترنت.
http://www.sinucleanse.com/images/feature1.jpg

[بوعلي 78]

بعد سنوات طويلة من العمليات والعلاج وجدت أفضل علاج وهو مثل مصباح علاء الدين, يوضع فيه ماء دافئ وملح ويوضع في فتحة الانف ويخرج الماء والملح من الفتحة الثانية, طبيعي ومريح جدا وهو افضل اختراع حتى الآن في عالم حساسية الجيوب الأنفية وممكن تشتريه عن طريق الانترنت.
http://www.sinucleanse.com/images/feature1.jpg



الشيخ ممكن تعطيني معلومات اكثر عن هال جهاز؟؟؟

لأن انا سويت العمليه عند الدكتور حندوسه ووضعي من سيء الى اسوء، ووايد تعبان منهم في الفتره الاخيره،،،


اكون شاكر لك اذا تقدر تفيدني :victory:

تحياتي

[Angel]

أنا توني مسوية3 عمليات تقريبا بتاريخ 2-2... وارتحت وافتكيت من الصداع كنت ما تنفس خير شر ..
مانصحك اتسوي بالدوحة لو حبيت أعطيك اسم ورقم الدكتورحاضرة
تمنياتي لك بالشفا

[بوعلي 78]

أنا توني مسوية3 عمليات تقريبا بتاريخ 2-2... وارتحت وافتكيت من الصداع كنت ما تنفس خير شر ..
مانصحك اتسوي بالدوحة لو حبيت أعطيك اسم ورقم الدكتورحاضرة
تمنياتي لك بالشفا


الشيخه ممكن تعطيني اسم الدكتور ورقمه وعنوانه لو سمحتي؟؟؟

[راية الفخر]

أنا توني مسوية3 عمليات تقريبا بتاريخ 2-2... وارتحت وافتكيت من الصداع كنت ما تنفس خير شر ..
مانصحك اتسوي بالدوحة لو حبيت أعطيك اسم ورقم الدكتورحاضرة
تمنياتي لك بالشفا

ممكن تطرشين لي الرقم لاني اعاني من الجيوب الانفيه وجزاج الله خير

[خوخه وحلو]

د ناجي كمال ناجي ممتاز ماعليه كلام عياده خاصه طلع من مستشفى حمد وسوي عمليات ف عياده الدوحه مو طماع

[sad-o-bas]

مر على الدكتور عبدالعزيز الجفيري وانت مغمض و إن شاء الله امورك طيبة
بإذن الله بنمر عليه، بعد مانمر على الدكتور ناجي..



بعد سنوات طويلة من العمليات والعلاج وجدت أفضل علاج وهو مثل مصباح علاء الدين, يوضع فيه ماء دافئ وملح ويوضع في فتحة الانف ويخرج الماء والملح من الفتحة الثانية, طبيعي ومريح جدا وهو افضل اختراع حتى الآن في عالم حساسية الجيوب الأنفية وممكن تشتريه عن طريق الانترنت.
http://www.sinucleanse.com/images/feature1.jpg
صادق، قريت مشاركات وايد على النت، عربية وأجنبية على هالطريقة، وعيزت أدور فالصيدليات عن هالمصباح السحري، وللأسف مب موجود، ابتكرت طريقة ثانية.. خذت لي إبرة بلاستك وشلت الجزء المعدني (الكاب)، وقمت احقن الفتحة الي على اليمين ويطلع الماي المالح من الفتحة الثانية والعكس، مفعول سريع بصراحة.. بس هذا مب حل جذري، مب أكثر من تخفيف وتسكين لأعراض المرض البايخ وثقيل الدم!
مشكور على الإضافة الطيبة أخوي، وإن شاء الله في ميزان حسناتك..






الشيخ ممكن تعطيني معلومات اكثر عن هال جهاز؟؟؟

لأن انا سويت العمليه عند الدكتور حندوسه ووضعي من سيء الى اسوء، ووايد تعبان منهم في الفتره الاخيره،،،


اكون شاكر لك اذا تقدر تفيدني :victory:

تحياتي
أنا خايف والله من هالشي.. والله يشافيك إن شاء الله..



أنا توني مسوية3 عمليات تقريبا بتاريخ 2-2... وارتحت وافتكيت من الصداع كنت ما تنفس خير شر ..
مانصحك اتسوي بالدوحة لو حبيت أعطيك اسم ورقم الدكتورحاضرة
تمنياتي لك بالشفا
ياريت أختي، وألف الحمد لله على سلامتج :)
وياريت بعد لو تعطينا خلفية عن التكلفة، من سفر وحجز ومدة إقامة، وفترة العلاج.. عشان الواحد يرتب كل حاجة..






الشيخه ممكن تعطيني اسم الدكتور ورقمه وعنوانه لو سمحتي؟؟؟
الله يشافيك ويخفف مصابك..




ممكن تطرشين لي الرقم لاني اعاني من الجيوب الانفيه وجزاج الله خير
الله يشافيج ويخفف مصابج إختي..


د ناجي كمال ناجي ممتاز ماعليه كلام عياده خاصه طلع من مستشفى حمد وسوي عمليات ف عياده الدوحه مو طماع
إن شاء الله بكرة أنا عنده..



مشكورين على التفاعل وجزاكم الله ألف خير..

[ابـو مــحــــمـــــد]

مرحبا اخوي
انا مسوي عملية الحميه تقريبآ مرات
من سنة 90 حتى 2004
ولافيه فايده ارتاح سنه سنتين وترجع مره ثانيه
الحين انا اتابع مع الاستشاري الدكتور عمر الحكيم
ماشي معاه كورس ادويه انا وولدي ولله الحمد مرتاح مع علاجه على الاخر
هو قال ممكن اعمل لك عمليه والدكتور شاطر ولكنه قال لي خلني اشوف برنامج الدواء
معاك يمكن يكون افضل خاصه انك مسوي عمليات كثيره

والله يشافيك

[khaleeji]

الله يشفيك
انا بالسبه لي تجيني مع الزكام
اول ما يجي الزكام حبوب سايروس واستنشق ماي بحر
يروح على طووول اتمنى نتفع معاك

[sad-o-bas]

مرحبا اخوي
انا مسوي عملية الحميه تقريبآ مرات
من سنة 90 حتى 2004
ولافيه فايده ارتاح سنه سنتين وترجع مره ثانيه
الحين انا اتابع مع الاستشاري الدكتور عمر الحكيم
ماشي معاه كورس ادويه انا وولدي ولله الحمد مرتاح مع علاجه على الاخر
هو قال ممكن اعمل لك عمليه والدكتور شاطر ولكنه قال لي خلني اشوف برنامج الدواء
معاك يمكن يكون افضل خاصه انك مسوي عمليات كثيره

والله يشافيك

هلا أخوي يومحمد، شاكر لك الإضافة، بس بسأل الدكتور بخصوص الي طرحته.. لأن حسب علمي اللحمية غير حساسية الجيوب الأنفية والله أعلم..

تحساتس، والله يشافيك ويشافي ولدك وجميع مرضى المسلمين..

[sad-o-bas]

الله يشفيك
انا بالسبه لي تجيني مع الزكام
اول ما يجي الزكام حبوب سايروس واستنشق ماي بحر
يروح على طووول اتمنى نتفع معاك

تقريباً الحال من بعضه، بس أنا مع الجو البارد في الغالب، بس شكله هالسنة راح تمتد آثاره للصيف وغيره، حساسية جيوب أنفية!
عن نفسي أستخدم Clarinase، ومفعوله قوي وينعس، وأنا كل يوم أقبض خط مب أقل من 160كيلو.. فلازم نستغني عن الحبوب، ونحل المشكلة جذرياً
يمدحون حمام البخار بعد في مثل هذي الحالات.. الجهاز ب250 فالصيدليات..
مشكور على المشاركة أخوي، والله يشافي كل مسلم..

[رفيق الغيم]

انا اعانى نفس الشى الجيوب الانفيه ما لها علاج حتى وان سويت عمليه نفس الشى بعد فتره بترد نصيحتى لك الابتعاد عن الدخان والمدخين والروائح بشكل عام لانه يؤ ثر وايد على الجيوب الانفيه وتستنشق بماء دافى وملح كل صباح

[القناعة كنز]

تقريباً الحال من بعضه، بس أنا مع الجو البارد في الغالب، بس شكله هالسنة راح تمتد آثاره للصيف وغيره، حساسية جيوب أنفية!
عن نفسي أستخدم Clarinase، ومفعوله قوي وينعس، وأنا كل يوم أقبض خط مب أقل من 160كيلو.. فلازم نستغني عن الحبوب، ونحل المشكلة جذرياً
يمدحون حمام البخار بعد في مثل هذي الحالات.. الجهاز ب250 فالصيدليات..
مشكور على المشاركة أخوي، والله يشافي كل مسلم..

اخوي حبوب الAerius ان شاء الله ماتسبب لك نعاس
بس اكلها عقب صلاه المغرب او العشا كل ليله عشان تصحصح الصبح

ماتشوف شر انشاء الله

[sad-o-bas]

انا اعانى نفس الشى الجيوب الانفيه ما لها علاج حتى وان سويت عمليه نفس الشى بعد فتره بترد نصيحتى لك الابتعاد عن الدخان والمدخين والروائح بشكل عام لانه يؤ ثر وايد على الجيوب الانفيه وتستنشق بماء دافى وملح كل صباح

صدقت أخوي، بالنسبة للدخان والشيشة.. المشكلة في الناس إلي ماتتعض في هالجانب، للأسف الشيشة هذي مب قادر أتركها، مب إدمان والله بس القعدة مع الربع فالقهمة تحتم على الواحد إنه يشيش.. اللهم إغفر لنا وتجاوز عنا هذه الذنوب..


اخوي حبوب الAerius ان شاء الله ماتسبب لك نعاس
بس اكلها عقب صلاه المغرب او العشا كل ليله عشان تصحصح الصبح

ماتشوف شر انشاء الله
الشر مايجيج إختي، وشاكر لج نصيحتج.. بجرب هالحبوب باذن الله، بعد ما أخلص Clarinase إلي عندي الحين..

[القناعة كنز]

صدقت أخوي، بالنسبة للدخان والشيشة.. المشكلة في الناس إلي ماتتعض في هالجانب، للأسف الشيشة هذي مب قادر أتركها، مب إدمان والله بس القعدة مع الربع فالقهمة تحتم على الواحد إنه يشيش.. اللهم إغفر لنا وتجاوز عنا هذه الذنوب..


الشر مايجيج إختي، وشاكر لج نصيحتج.. بجرب هالحبوب باذن الله، بعد ما أخلص Clarinase إلي عندي الحين..

الClarinase وقفها اخوي احسن لان بالمستشفى ماصاروا يجيبونها يمكن مب متاكده بسبب مضاعفاتها

[شاهيناز]

الله يشافيك

الدكتور عبدالعزيز الجفيري مشاءالله ممتاز

في مجمع النخبه

[..الاميرة..]

استفسار اخوي

الصداع إلي يجيك هل كشفت عن سببه .. وهل تاخذ حبوب للصداع نفسه .. وشنهي نوع الحبوب ..

وألف لا باس عليك وربي يشافيك إن شاء الله وجميع الاخوان والاخوات ..

[sad-o-bas]

الclarinase وقفها اخوي احسن لان بالمستشفى ماصاروا يجيبونها يمكن مب متاكده بسبب مضاعفاتها
إن شاء الله، مشكورة إختي على النصيحة، ويعلها في ميزان حسناتج إن شاء الله..



الله يشافيك

الدكتور عبدالعزيز الجفيري مشاءالله ممتاز

في مجمع النخبه
بكرة إن شاء الله بمر على الدكتور ناجي، وبنشوف شلون الأوضاع عنده وإذا مافاد مرينا على الجفيري.. مشكورة إختي على الإضافة، والله لايوريكم مكروه إن شاء الله..




استفسار اخوي

الصداع إلي يجيك هل كشفت عن سببه .. وهل تاخذ حبوب للصداع نفسه .. وشنهي نوع الحبوب ..

وألف لا باس عليك وربي يشافيك إن شاء الله وجميع الاخوان والاخوات ..
نعم إختي الأميرة كشفت، وكان على بالي إن عندي ضعف في الشبكية، لأني أقرى وايد، وفي نفس الوقت أستخدم الكمبيوتر وايد، كشفت وقال لي النظر عندك أوكيه، كمبيوتر وحروف.. لين رحت عند طبيب عام في المستشفى الخاص بالشركة، وهو بصراحة فاهم وشخص لي العلاج، وقال لي إن المشكلة هذي موجودة عندك من زمان، وهي بتم مزمنة، يعني لازم آكل هالحبوب طول عمري، وما أنصحك بالتدخل الجراحي!

ما آخذ إلا البندول إكسترا(الأحمر)، والعادي(الأزرق) ماعاد ينفع!

مشكورة على الدعوة الطيبة، وحياج الله..

[sad-o-bas]

السلام عليكم..

بس حبيت أعطيكم أبديت على الوضع..

رحت للدكتور ناجي كمال، وبصراحة دكتور طيب ومحترم وتعامله ولا أروع..

المهم كشف علي وقال إن المرحلة للحين فالسيف سايد، وماوصلنا للصديد ولله الحمد، ف قال لي تحمل تاخذ مضاد حيوي (الطبيب العام، الله يجزاه خير وصف لي المضاد الحيوي مرتين مع الكلارينيس!)، وعطاني وصفة للحين مفعولها ماشي معاي، والحمد لله من 3 أيام وأحس الأمور مستقرة..

وصف لي الدكتور Flexonase وهو بخاخ للخشم، مرة فاليوم..
وبعد Fenistil 24 وهو مضاد للهتامين والحساسية..
و بندول خاص Panadol Sinus..

ملاحظة.. هذي الوصفة ترى ماتغنيك عن زيارة أي طبيب واستشارته قبل ماتجرب الوصفة.. بس الحمد لله الأمور للحين تمام، مع إن النعاس للحين موجود، بس فيه تقدم كبير..

الله لايوريكم أي مكروه، وخاصة هالجيوب الأنفية..

تحياتي

[الأقصى]

شفاك الله وعافاك

[PathFinder]

الشيخ ممكن تعطيني معلومات اكثر عن هال جهاز؟؟؟

لأن انا سويت العمليه عند الدكتور حندوسه ووضعي من سيء الى اسوء، ووايد تعبان منهم في الفتره الاخيره،،،


اكون شاكر لك اذا تقدر تفيدني :victory:

تحياتي

أخي العزيز, هو ليس جهاز ولكن هو مجرد ابريق, تضع فيه ماء وملح دافئ وتضعه في فتحة الأنف الأولى ويخرج الماء والملح من الفتحة الثانية, وأنا انصح الجميع باستعماله وخاصة اللي حالتهم صعبة وحرجة وممكن تشوف طريقة استعماله في اليوتيوب عن طريق البحث عن هذه الكلمة : Neti pot

[ع.م]

الدكتور أحمد حندوسة في المستشفى المغربي تشخيصه ممتاااز

[جاسم القطري]

ما تشوف شر

انا مسوي عمليتين في الانف

وحده لحميه والثانيه تعديل الغضروف

وتبي الشور خلك من ناجي لاني مريت عليه


وروح للجفيري بمستشفى حمد او في دكتور هندي بعد خطير اسمه قنيشين

الدكتور الهندي بعد في مستشفى حمد

اذا مشكلتك بس حساسيه بطرشلك اسامي ادويه استخدمها وبتشوف الفرق

[sad-o-bas]

تسلم لي يابومحمد..
بس والله للحين العلاج إلي ماشي عليه زوين.. بس إذا وقفت عن البندول أصدع بصراحة.. يعني تيتي تيتي زي مارحتي جيتي..

هي حساسية بس يابومحمد، وإذا فيه شي حطه على العام عشان الكل يستفيد..

فيه دكتور هندي اتصل لي واحد من الشباب (قرى الموضوع :) ) على ما أذكر إسمه توماس، قال لي إن هو الوحيد إلي ظبط أموره..

أنتظر ردك يالغالي، ومشكور على الرد والمساعدة..

[جاسم القطري]

هلا وغلا اخوي اسمحلي تاخرت عليك

شوف انا حاليا استخدم نوعين من البخاخ

Rhinocort AQ Nasal


https://www.canadamedicineshop.com/vmowebdocs/product/1780.jpg

هذا على طول مرتين في اليوم

Xylo comod

http://www.apomio.de/images/products/dc/xylo-comod-nasenspray-7210924S.jpg

هذا بس لمده اسبوعين بس وعقبها تكمل على البخاخ الاول

تقطعه فتره وترجع تستخدمه لانه مفعوله قووووي واذا استخدمته مده طويله ما راح يأثر فيفضل اسبوعين بس

وتقدر تسأل بعد عشان تطمن لكن هالشي انا جربته والحمدلله مرتاح عليه

ومر على الجفيري او الدكتور الهندي قنيشين

وبتعرف الفرق بينهم وبين الدكاتره اللي برا

[sad-o-bas]

جزاك الله خير أخوي جاسم..

الحمد لله اليوم تقريباٌ ماجاني شي، إلا صداع خفيف وراح ببندول.. يعني فيه تحسن..

بشوف إذا تردت الأحوال بشيك أدويتك والله يقدم إلي فيه الخير..

مشكور الشيخ، وماقصرت..

تحياتي

[kooool]

اخوي رح لله اول ثم لحندوووووووووووووووووووووووسة وماادراك ماحندوسة
في المستشفى الاهلي ..بس قبل ماتروح مر على المكينة وبحبحها ..وسال لك الشفاء
ولاتنسى ترد علينا بعد ماتطيب وتسلم عشان نطمن عليك ...مثل ماخليتنا نحاتيك

[..الاميرة..]

سبب سؤالي لك قلت يمكن يكون عندك مشكله من مشاكل الصداع والافضل تكشف ..

لكن دامك رحت للدكتور ووصف لك الدواء الحالي ومرتاح عليه فمعناته المشكله معروفه ..

الظاهر أنا إلي مفروض اكشف عن الجيوب الانفيه الانها الشئ الوحيد إلي ما كشفت عنه بسبب الصداع ..

الواحد ما قام يثق بأحد ما تدري هذا تشخيصه صح ولا الثاني إلي صح ..

عموماً مشافى ومعافى بإذن الكريم ..

[sad-o-bas]

سبب سؤالي لك قلت يمكن يكون عندك مشكله من مشاكل الصداع والافضل تكشف ..

لكن دامك رحت للدكتور ووصف لك الدواء الحالي ومرتاح عليه فمعناته المشكله معروفه ..

الظاهر أنا إلي مفروض اكشف عن الجيوب الانفيه الانها الشئ الوحيد إلي ما كشفت عنه بسبب الصداع ..

الواحد ما قام يثق بأحد ما تدري هذا تشخيصه صح ولا الثاني إلي صح ..

عموماً مشافى ومعافى بإذن الكريم ..

مشكورة إختي على الدعوة الطيبة..

نصيحة مني لوجه الله، جربي Panadol Sinus وإن شاء الله إحتمال كبير يخف عليج الصداع..

أنتظر الأبديت منج..

تحياتي

[ام رويشد]

ماتشوف شر اخووي

سوو حجامة ان شاء الله تنفعك وداوم عليها

[doha70999]

ممكن رقم عيادة الجفيري والدكتور ناجي ضروري بليييييييييييييز:weeping: