لماذا يا أهل قطر: إدارات كبرى المجمعات في قطر (غير قطرية) ؟!!

[Marazeem]

السلام عليكم ورحمة الله

أتساءل وكلي حرقة ؟ ليش إدارات المجمعات مثل الستي / فيلاجيو / حياة بلازا / الخ ؟
اللي فيها غير قطريين ؟؟ وغير متعاونين بل وحاقدين على أهل قطر !!!!

أنا من سنوات وأنا أبحث عن محلات في هذي المجمعات توها تنبني "عظم"!
في البداية يتكتمون ولا يعطونا سالفة ولما يخلص المجمع الا كلن خذ محل وطارت الطيور بأرزاقها!!
وبعدين تبقى لنا الفضلات !! ولما أدور محل اللي يتعاملون معي أجانب وشوام وهنود وكل واحد منهم يحولني على الثاني ؟
وفي الأخير يقولون ما عندنا محلات شاغرة ولا حتى "كشك"!!! واكتبي اسمك عندنا وبنكلمك إذا فضى محل!!


وبعد كم يوم ولا أسبوع ألاقي "غير قطري" فاتح محل ولا كشك وماخذ راحته!!!
كذب في كذب ونصب أشكره عيني عينك!!
ليش هم أولى منا يا هل البلاد؟؟؟ وهم اللي مستفيدين من كل شي وحسبنا الله ونعم الوكيل!!
في بلادنا وماكلين خيرنا!!!


أناشد أهل قطر والمسؤولين والقائمين على هالمجمعات انهم يبحثون خلف هالموضوع
ويعطون الشعب القطري فرصة انه يتنفس في بلاده وانه يكوّن نفسه ويشوف مصالحة!!!


لا تقولون ان غير القطري ما يقدر يفتح محل بغير كفالة!!
الله يسلم الواسطات ويسلم البخششة واللعب على العقول!!!

مفروض يكون فيه دعم للمشاريع القطرية الصغيرة وإذا صار فيه متسع ذيك الساعة
يفتحون المجال للمشاريع غير القطرية بكفالات قطرية !!


أنتظر رايكم
واللي يعرف أرقام إدارات المجمعات الجديدة
مثل وذ نان وغيرها يعطونا خبر رجاءا

[فارس قطر]

لماذا يا أهل قطر: إدارات كبرى المجمعات في قطر (غير قطرية) ؟!!

لان ادارة الاجنبي ناجحة 100% وهي تتبع سياسة الانفتاح

اما ادارة القطري فاشلة وخاصة في

كروة..... بسبب الاحتكار

وقود....... بسبب الاحتكار

مواشي......بسبب الاحتكار


لهذة الاسباب تكون ادارة الاجنبي ناجحة وادارة القطري فاشلة واصحاب المصالح

التي لهم رويا مستقبلية يفضلون الاجنبي.

[ريماس الغلا]

لماذا يا أهل قطر: إدارات كبرى المجمعات في قطر (غير قطرية) ؟!!

يكفيني هالسؤال ........ وبجاوب

لان اغلب التجار القطريين يستثمروون بره البلاد

والهنود والاجانب يستثمرون داخلها

مثل اللولو ودسمان ووووو

شوفوا لبنان اشلون يطالبون دائما في قنواتهم الفضائية بعودة التجار والمستثمريين

الله المستعان

[بويوسف]

لماذا يا أهل قطر: إدارات كبرى المجمعات في قطر (غير قطرية) ؟!!

لان ادارة الاجنبي ناجحة 100% وهي تتبع سياسة الانفتاح

اما ادارة القطري فاشلة وخاصة في

كروة..... بسبب الاحتكار

وقود....... بسبب الاحتكار

مواشي......بسبب الاحتكار


لهذة الاسباب تكون ادارة الاجنبي ناجحة وادارة القطري فاشلة واصحاب المصالح

التي لهم رويا مستقبلية يفضلون الاجنبي.


انت اسمك فارس قطر ؟

طيب اذا ادارة القطريين فاشلة فأنت من ضمن الفاشلين هذا اذا كنت قطري !!!!!

[بوحارب]

والله السؤال في محلة

وين اخوانا وربعنا عن هالمناصب

هم الأولى يها قبل الكل

بارك الله فيك اخوي على الموضوع الطيب :)

[وطن]

اللي اعرفه عن ادارة اللاند وفيلاجيو انهم يبحثون عن العلامة التجارية والجوده
عشان جذي ما يعطون اي حد محل
الا يكونون متأكدين من البروفايل مال الشركة او المحل اللي بيفتحه
يعني لازم شي عالمي ويكون شغله نظيف ... الخ
يعني مثلا في فيلاجيو واللاند مافي سبلاش او شومارت او بيبي شوب
او سناء وغيرهم من المحلات
ستايل محلاتهم غير عن محلات السيتي


لكن من فترة اشوفهم قاموا يخورونها بهالاكشاك اللي موزعه بالنص !!

[مبارك سعد]

صحيح أدارة الأجنبي منفتحه ويعرف وشلون يشفـــــــط وينشف فلـــــوس القطرييين ويقص عليههههم , وأخرتها مايطلع ألا الأجنبي هو اللي يختلس ويسرق فلووووس الناس أما القطري يحاول يقتصد ويوفر في النفقات علشان يعيش ويعجب وكل هذا مـــــــــــــش عاجبهم ...:victory:

[العقيد]

كلامك غير صحيح لان كل ملاك المحلات قطريين والي يشتغل في المحل مجرد عامل وحتى لو كان صاحب المحل غير قطري بعد لازم يكون المحل بأسم قطري وياخذ منه نسبة من الارباح يعني لقطري في الحالتين مستفيد .

[مـــــنــاف]

للأسف .. يردد البعض مقوله أن الموظف القطري (غير كفؤ , لايُعتمدعليه , لايعمل , لايفقه في العمل , كسول ) وغيرها من العبارات التي يرددها البعض من ذوي النفوس المريضه أو الــ...!!!!؟
الإنسان القطري اثبت كفاءه عاليه ومقدره كبيره على الإبداع والإتقان في أي عمل يُوكل إليه , ولدينا نماذج كثيره ومشّرفه نفتخر بها , ولا يتسع المجال لذكرها .

ويعود سبب تفضيل الشخص الأجنبي إلى قدرته على مجامله المسؤلين ولو كان على حساب العمل , ونظره البعض إلى العنصر الأجنبي على انه شخص (سوبرمان) .!!

موضوع يستحق المناقشه , وبارك الله فيكم

[بويوسف]

والله اخوي مناف مادري انت شايف الهجمة الموجودة على القطريين !! مادري شسالفة !!

[مـــــنــاف]

والله اخوي مناف مادري انت شايف الهجمة الموجودة على القطريين !! مادري شسالفة !!



طال عمرك .. انا اُشبّه القطري بالشجرة المثمرة , هي وحدها من تُقذف بالحجارة من أجل ثمرها , أما تلك الأشجار الخاوية الخالية فلا احد يهتم بها , لاأحد يقذفها , ولا أحد يصنع لها مكانا في حساباته .!
وبارك الله فيك أخي بويوسف

[Trader QTR]

والله الواحد مايدري شيقول

كل المناصب قامت تتحول عالاجانب

الله المستعان

[اسعاف]

ليش اجنبي يدير المجمعات( انت مابتفهم ،ولا قاعد تستهبل !!):anger1:

ما تدري ليش ؟؟؟؟؟؟؟؟؟؟؟؟؟

علشان الأجنبي يبون منه يحضر الآنسات والرقاصات وعارضات الباليه وشبه العرايا الذين

يتزحلقون على الثلج

وكل عيد يجلب المغنيين ويضع سيرك فيه مفاصيخ

ومطاعم وقهاوي للتسكع والعربدة وللمغازل والتشيش(علشان يزيد الدخل)

للنسوان والرجاجيل

هذا بالنسبة لسبب تفضيل الأجنبي على القطري في الأدارة

واذا وضعوا قطري بيكون يحاسب على العادات والتقاليد ومنع المغازل والمغنيين والمفاصيخ الأستعراضية

لأنها كلها عيب ، وما يبغي احد يصلخ وجهه ويفشله في المجالس امام العرب




اما بالنسبة :ليش القطري ما يعطونه دكان او كشك

بسيطة ،انت الظاهر ما عرفت اللعبة( بتستهبل وايد )

المسئلة ان الأجانب يطرشون لبنانية حمرة لابسة ضاغط

او فلبينية صايعة لابسه نص كوم لإدارة المجمعات

،وشوف يعطونهه كشك ودكان او لا

وبعدين ،المسئلة فيها حلاوة ( رشوة )

علشان يعطيك الدكان الي تبغيه في اي مكان اتحصله

اما اذا جاي ابنفسك بدون بنات وبدون (حلاوات) فهذا استهبال بغيض



انصحك اتروح سوق الخمس والجمعة ابرك لك هناك عند السليطي

وسامحونه على الصراحة الماصخة اشوي، الي اعرفها ونقلتها لكم من كلام بعض التجار

الغلابة الذين هجروا من منطقة الأسواق وسوق ال احمد والى الأن متسكعين وضايعين

وسلامتكم

[Ghost]

ليش اجنبي يدير المجمعات( انت مابتفهم ،ولا قاعد تستهبل !!):anger1:

ما تدري ليش ؟؟؟؟؟؟؟؟؟؟؟؟؟

علشان الأجنبي يبون منه يحضر الآنسات والرقاصات وعارضات الباليه وشبه العرايا الذين

يتزحلقون على الثلج

وكل عيد يجلب المغنيين ويضع سيرك فيه مفاصيخ

ومطاعم وقهاوي للتسكع والعربدة وللمغازل والتشيش(علشان يزيد الدخل)

للنسوان والرجاجيل

هذا بالنسبة لسبب تفضيل الأجنبي على القطري في الأدارة

واذا وضعوا قطري بيكون يحاسب على العادات والتقاليد ومنع المغازل والمغنيين والمفاصيخ الأستعراضية

لأنها كلها عيب ، وما يبغي احد يصلخ وجهه ويفشله في المجالس امام العرب




اما بالنسبة :ليش القطري ما يعطونه دكان او كشك

بسيطة ،انت الظاهر ما عرفت اللعبة( بتستهبل وايد )

المسئلة ان الأجانب يطرشون لبنانية حمرة لابسة ضاغط

او فلبينية صايعة لابسه نص كوم لإدارة المجمعات

،وشوف يعطونهه كشك ودكان او لا

وبعدين ،المسئلة فيها حلاوة ( رشوة )

علشان يعطيك الدكان الي تبغيه في اي مكان اتحصله

اما اذا جاي ابنفسك بدون بنات وبدون (حلاوات) فهذا استهبال بغيض



انصحك اتروح سوق الخمس والجمعة ابرك لك هناك عند السليطي

وسامحونه على الصراحة الماصخة اشوي، الي اعرفها ونقلتها لكم من كلام بعض التجار

الغلابة الذين هجروا من منطقة الأسواق وسوق ال احمد والى الأن متسكعين وضايعين

وسلامتكم



الاخ العزيز اسعاف اسعد الله صباحك
في البداية انا ما اعرف ايش تقصد بالاجنبي هل هو الاجنبي الاوروبي ولا الاجنبي العربي
ايما كان فكلاهما يؤدي وظيفة واحدة لكن انتبه ان معظم المجمعات في الدولة مملوكة لاناس مواطنين 100% وهم على درايه كاملة بما يحدث في مجمعاتهم فهل يدخلون في كلامك وان كانو طذالك لماذا لم يشملهم تعليقك
من وجهة نظري بالنسبة للمحسوبية والرشاوي بالبنات او بغيرها من الاشياء المحرمة فالكل مشترك فيها اذا كان المدير او صاحب الحلات واو المجمع
اما بالنسبة للمحسوبية فالكل حين يستعصي عليه امر يكلم احد بيعرفه ليتدخل في الموضوع لانجازه اما بما حرم الله او بما احل الله
يبقى فقط الخوف من الله عزوجل
ولا تاخد كلامي بصفة شخصية
وتقبل مروري وكلامي بصفة عامة

[abdulla4u]

متااابع بصمت

[بويوسف]

للأمانة يا أخوان لانريد ان نظلم الاخرين ونعمم الصفات السيئة على الاجانب الموجودين في قطر .. للاسف هناك من التجار القطريين يا اخ اسعاف من اللي مايخافون الله يسون اكثر من فعل الاجانب .. فالتعميم لايجوز ..

ولكن في اعتقادي ان السبب الرئيسي للإحتكار في بعض الأماكن بأن هناك مصالح سواء بأن صاحب المجمع يحتفظ بها لأصحابه او لوجود ادارة تريد ان تحصل على المعلوم (الرشاوي) من الراغبين في الحصول على محل او محلات .. وطبعا معروف بأن هناك ندرة في المحلات في السنين الاخيرة .. فأصبح اصحاب المجمعات والمحلات (يتشرطون ويتمنعون) وصار الواحد من التجار اللي يبغي محل او كشك يتحايل ويسعى بكل الطرق للحصول مبتغاه بدون فائدة .

اخي اسعاف إن كان هناك فساد في بعض المجمعات من الرقص والاستعرضات فيجب ان نلوم اصحاب المجمعات اولا قبل ان نلوم من يدير هذه المجمعات ..

والله يهدي الجميع للخير ويصلح شانهم .

[شيط ويط]

السلام عليكم ورحمة الله

أتساءل وكلي حرقة ؟ ليش إدارات المجمعات مثل الستي / فيلاجيو / حياة بلازا / الخ ؟
اللي فيها غير قطريين ؟؟ وغير متعاونين بل وحاقدين على أهل قطر !!!!

أنا من سنوات وأنا أبحث عن محلات في هذي المجمعات توها تنبني "عظم"!
في البداية يتكتمون ولا يعطونا سالفة ولما يخلص المجمع الا كلن خذ محل وطارت الطيور بأرزاقها!!
وبعدين تبقى لنا الفضلات !! ولما أدور محل اللي يتعاملون معي أجانب وشوام وهنود وكل واحد منهم يحولني على الثاني ؟
وفي الأخير يقولون ما عندنا محلات شاغرة ولا حتى "كشك"!!! واكتبي اسمك عندنا وبنكلمك إذا فضى محل!!


وبعد كم يوم ولا أسبوع ألاقي "غير قطري" فاتح محل ولا كشك وماخذ راحته!!!
كذب في كذب ونصب أشكره عيني عينك!!
ليش هم أولى منا يا هل البلاد؟؟؟ وهم اللي مستفيدين من كل شي وحسبنا الله ونعم الوكيل!!
في بلادنا وماكلين خيرنا!!!


أناشد أهل قطر والمسؤولين والقائمين على هالمجمعات انهم يبحثون خلف هالموضوع
ويعطون الشعب القطري فرصة انه يتنفس في بلاده وانه يكوّن نفسه ويشوف مصالحة!!!


لا تقولون ان غير القطري ما يقدر يفتح محل بغير كفالة!!
الله يسلم الواسطات ويسلم البخششة واللعب على العقول!!!

مفروض يكون فيه دعم للمشاريع القطرية الصغيرة وإذا صار فيه متسع ذيك الساعة
يفتحون المجال للمشاريع غير القطرية بكفالات قطرية !!


أنتظر رايكم
واللي يعرف أرقام إدارات المجمعات الجديدة
مثل وذ نان وغيرها يعطونا خبر رجاءا


اتفق معاج في سالفة انه الاجانب شايلين بعض .. ومسوين (لوبي) خصوصا في التجارة .. انا صار لي سنه وشي احافص على محل في فريجنا .. هالمحل موجود في صفه بين 5 محلات .. وكل هالمحلات ما سكينهم ومأجرينهم (بنغال وهنود) .. وهالمحل صار له فتره مسكر مافيه شي فاضي .. (ونشاطه تصليح اجهزة كهربائية) وكل ماسالتهم ابي اشتري المحل .. يتهربون مني .. واحد منهم قالي بشوف لك المحل اذا كان للبيع (عرفت عقب ان المحل له بس يستهبل علي).. وفعلا كلمني وقالي ادفع خلو المبلغ الفلاني .. وقلت له تمام قالي بشوف لك الكفيل وبرد لك خبر .. وغير كذا قام يتشرط علي .. مشترط انه ما افتح دوبي ولا حلاق ولا بقالة :rolleyes2: ( عشان يحمي ربعه اللي فاتحين نفس هالمحلات) وانا صراحه مالي نيه بهالشي قلت بافتح لي مخبز والا معصرة بركات هالمشاريع ماشيه والناس كله تاكل :shy:

لمراد

كلمته عقب قالي لا ماراح يبيع المحل .. قلت له ليش عيل مسكر قالي الرجال يشتغل من برا لا برا ومب شرط يكون في المحل ومكتفي حاط رقم جواله عشان اللي يبيه يتصله .. :rolleyes2: .. قلت له بروح حق كفيلك اكلمه .. قالي لا المحلات لي وانا مأجرهم من الكفيل وصار لي اكثر من 19 سنه :rolleyes2: .. والمهم تطقصت ع الموضوع وفعلا الكفيل مايقدر يسوي لي شي ومأجر هالمحلات كلها على هالهندي وربعه والرجال يمون عليه ومايقدر يجبره يبيع المحل او يرضى اني استأجره منه :anger1:

اما بخصوص موضوعج وادارة هالمجمعات وحركاتهم وانهم ياجرون لربعهم .. مادري كان رحتي حق مالك المجمع مباشرة وتفاهمتي وياه .. وعطيتيه نبذه عن مشروعج وتجارتج .. واكيد بيساعدج .. :telephone:

موفقه ان شاء الله

[فارس قطر]

انت اسمك فارس قطر ؟

طيب اذا ادارة القطريين فاشلة فأنت من ضمن الفاشلين هذا اذا كنت قطري !!!!!

الوطتية ماتقاس بئسم في منتدى

الوطنية هي امانة للتي يحملها ويعرف قيمتها

ليس كل من ادار مشروع وجنسيتة قطريا قلنا هذا وطنى هذا انسان ناجح

فهل تعلم من اقام بفتح المراقص والخمارات وبناء الكنائس ومحاربة الحجاب

فهل تغفر لهم اعمالهم ونقول عنيهم وطنيون

ان البلد يديرها من هوا كفوا كان قطريا اواجنبيا

اما هاؤلاء المسئولين اصحاب سرقات والاحتكار وتحويل 25% من شعب قطر على البند

المركزي

فماذا نعمل لهاؤلاء من المسئولين فهل نصفق لهم

[بويوسف]

اخوي فارس حبيت اوصل فكرة ان التعميم مايجوز هداك الله .. من الخطأ ان نقلل من قدرنا عند الغير .. ليش ماشوف اي جنسية تحط من قدرها وشانها غيرنا ؟ من قال انهم احسن ؟ لا والله ماصدقت الاجانب مش احسن منا فيهم الزين وفيهم الشين مثلنا .. فينا وفينا ..

[فارس قطر]

بويوسف / انا عطيتك امثلة على ادارات وموسسات مدرائها قطريون و لم يستفيد منها المواطن العادي اي شي

اتمنى اعطائي موسسة او ادارة مدنية استفاد منها المواطن اكثر من المدير او ارئيسها

اما براهيني كثيرة اخرها احالة مساعد ومدير الي النيابة بسبب اختلاسات

نحن نتمنى الخير للمواطنين لاكن.......

[بو حسن]

الاخت مرازيم
في مجمعات قاعده تبنى حاليا ,, وفي مجمعات تنتظر المستأجرين واصحاب التجاره ,,

شفت عند دوار الريان مول ,, لحد الان فضي ينتظرون التجار .. واسألي ويمكن اتكونين فأل طيب على راعي الحلال وتنفتح المحلات من بعدج ..
واتمنى من اللي عنده خبر عن سوق او مجمع جديد .. يدل اختنا عليه . . .

واما بالنسبه للنقاش ,, في كل بلد مقبره .. ومعاكم بس متابع بصمت:secret:



بوحسن

[ريماس الغلا]

للأمانة يا أخوان لانريد ان نظلم الاخرين ونعمم الصفات السيئة على الاجانب الموجودين في قطر .. للاسف هناك من التجار القطريين يا اخ اسعاف من اللي مايخافون الله يسون اكثر من فعل الاجانب .. فالتعميم لايجوز ..

ولكن في اعتقادي ان السبب الرئيسي للإحتكار في بعض الأماكن بأن هناك مصالح سواء بأن صاحب المجمع يحتفظ بها لأصحابه او لوجود ادارة تريد ان تحصل على المعلوم (الرشاوي) من الراغبين في الحصول على محل او محلات .. وطبعا معروف بأن هناك ندرة في المحلات في السنين الاخيرة .. فأصبح اصحاب المجمعات والمحلات (يتشرطون ويتمنعون) وصار الواحد من التجار اللي يبغي محل او كشك يتحايل ويسعى بكل الطرق للحصول مبتغاه بدون فائدة .

اخي اسعاف إن كان هناك فساد في بعض المجمعات من الرقص والاستعرضات فيجب ان نلوم اصحاب المجمعات اولا قبل ان نلوم من يدير هذه المجمعات ..

والله يهدي الجميع للخير ويصلح شانهم .


معروفين يا خوي ولهم مكانتهم وتجارتهم

[Marazeem]

الاخت مرازيم
في مجمعات قاعده تبنى حاليا ,, وفي مجمعات تنتظر المستأجرين واصحاب التجاره ,,

شفت عند دوار الريان مول ,, لحد الان فضي ينتظرون التجار .. واسألي ويمكن اتكونين فأل طيب على راعي الحلال وتنفتح المحلات من بعدج ..
واتمنى من اللي عنده خبر عن سوق او مجمع جديد .. يدل اختنا عليه . . .

واما بالنسبه للنقاش ,, في كل بلد مقبره .. ومعاكم بس متابع بصمت:secret:



بوحسن



جزاكم الله خير جميعا على التفاعل والاهتمام
لكن أنا الحين أبي الزبدة مثل ما قال بو حسن :telephone:
يعني خلاص الفاس طاح بالراس وشاخوا علينا الزلمات والهنود
أبي ولا عليكم أمر تقولون لنا شلون نوصل للملاك مباشرة ؟؟
أنا مشروعي عليه القيمة لكن اللي في الواجهة أجانب ويصرفونا ما يعطونا سالفة !!
وما نقدر نوصل للملاك مباشرة ..

اللي بيدلنا عليهم جزاهم الله خير
مجمع وذنان من عاده حجر وأنا أحاول فيه ما حد عطاني
اللي يعرف فيه أحد يقول لنا

ما تقصرون يا أخوان