ابي احسن طبيب سكر للوالده

[بو ذياب]

السلام عليكم

شباب ابيكم تفيدوني باسحن دكتور سكر للوالده ..

سويت لها موعد بطلعت الروح عند الدكتور محمد بقش ..

و كتب لها ابر انسلين بس لللحين السكر مش منتضم عندها كلش ..

اتمنى انكم تفيدوني بدكتور كويس .. ينفعني الله يجزاكم خير يارب

[Mozanee]

ان شاء الله تلاقي طلبك ,, والله يشفي الوالدة يارب ويقومها بالسلامة

[جلمود]

الدكتور أمين الجيوشي

بالعياده الخارجيه أنا دوم أودي الوالده عنده

وسلامتكم من كل شر

[ام السعف]

مرض السكر له جوانب أخرى لابد التقيد بها مع العلاج
فالعلاج بروحه ما ينفع ابدا ،، الدكتور محمد بقش ممتاز ،، و اذا كانت الوالدة مب مرتاحة معاه
حاول تاخذ لها موعد مع الدكتور بثينة إبراهيم ،،

[ام شهد قطر]

اذا كانت توها باديه مع الانسولين فيبيلها وقت لين ما ينتظم السكر أنا الوالده كذا مره غيروا لها الجرعه لين ما توصلوا للجرعه الصحيحه والنوع المناسب غير أن الدكتور محمد دغش من الاطباء الي ما عليهم كلام ويهتم بالمريض اهتمام كبير ويدخلهم بدون موعد اذا احتاجو

[Prestige]

الاطباء الذين تم ذكرهم من قبل الاعضاء جيدين في السكر

واطباء مستشفى حمد جيدين بشكل عام في علاج السكر

وكما ذكرت ام السعف

ليس فقط الطبيب هو المعالج

الشخص المريض بالسكر يجب ان يحطاط وينتبه في الوجبات


الله يشفيها ويشفي جميع المسلمين

[بو ذياب]

الله يسلمكم جميعا على الردود الطيبه ..
الدكتور محمد بقش زين نفس ما قلتو ..بس المواعيد هي المشكله .. يعني اقرب موعد بعد شهرين شهر 4

و اذا يا الربع اتعرفوون دكتور زين عيادة خاصه .. و جيده .. اقدر اخذ والدتي له .. اتمنى تفيدوني

[البدع]

مثل ماقالوا الاخوان

ونصيحة اخوي

عليها بالاستغفار

تراه يخقف ويساعد كثير

[بو ذياب]

الله يرحم لي والديكم جميع ..
ما قصرتو ..
الله يطول بعمر ابهاتكم و امهاتكم و لا يحرمكم من عزيز يارب

[ام شهد قطر]

الله يسلمكم جميعا على الردود الطيبه ..
الدكتور محمد بقش زين نفس ما قلتو ..بس المواعيد هي المشكله .. يعني اقرب موعد بعد شهرين شهر 4

و اذا يا الربع اتعرفوون دكتور زين عيادة خاصه .. و جيده .. اقدر اخذ والدتي له .. اتمنى تفيدوني

ترى الدكتور يدخل المرضى بدون مواعيد على ما اعتقد عنده عياده مسائيه يوم الثلاثاء روح على الساعه 5 وكلمه وانشاء الله بيدخلك بدون موعد

[كبير المتداولين]

اهم شي ابعد عن مستشفى حمد

[نوارا]

في دكتوربحريني اسمه فيصل المحروس وايد يمدحون فيه أهل قطروالخليج كلهم يعالجون عنده--

[بنت سلمان]

أمين جيوسي بلا منافس
أبوي الله يرحمه والوالدة دوووم عنده
والحمد لله كان 100% السكر عندهم

مع المحافظة منهم شخصيا

[ام خليفه79]

أخووي عندك الدكتور محروس

ف البحرين وااايد يمدحونه في وحده من العايله معالجه عنده والحمدلله أنتظم ومع العلم ما كانت تأخذ أبر بس حبوب والحين السكر منتظم بس ع حسب نفسيتها أهي تأخذ الحبوب يعني نادر ما يرتفع السكر عندها بس اخف من أول

وهو مكانه صوب مستشفى السلمانية العيادات الخارجية


والله يشفيها أن شاء الله

[بوجاسم 75]

الدكتور / آمين الجيوشي 000 بدون منافس

الله يشفى الوالدة وجميع المسلمين

[s4qatar]

ودها البحرين .. في مركز فرنسي متخصص في السكر جنب مستشفى السلمانية .. إسمه مركز جوسلين .. إدخل قوقل وشوفه .

ناس وايد راحو له وضبطهم .. بس يجب المراجعه معاهم كل 6 شهور .. حتى أدويتهم غير

وسلامة الوالده

[بنت^البحرين1]

في مستشفى المحروس في البحرين
وذي وايد يمدحونه .. وتوها رفيجتي قطرية يات حق امها عالجتها عنده تمدحه تقول نظم حق امها السكر

ومكانة مب جمب السلمانية لا .. مكانه جمب يم يم تري الخريطة شارع الخدمات .. لو بغيت ممكن اجيب لك العنوان كامل

وعندك مركز جوسلين ذي جمب مستشفى السلمانية .. بس للامانة ماسمعت عن حد كان متعالج عندهم

والله يشافي الوالدة ان شاءالله

[نون]

جمعة السكر بدون موعد