مصممات قطريات لديهم مشغل

[عنوووود]

مصممات قطريات جمعهم حب التصميم والابداع وشغل الفراغ بما هو مفيد وذا عائد مادي

تخصص تصميم عبايات وجلبيات وملابس شعبية ( قرنقعوة )


يوجد لديهم مشغل به عمال ومعدات خياطة وادوات وجميع الادوات المطلوبة وسجل تجاري
ولكن ليس لديهن محل لعرض الإنتاج ( إعتماد على مندوبة وكتالوج بالإنتاج للزبائن )

مطلوب :

أي شخص قطري و أمين ولدية محل في موقع طيب ومناسب لنوع التجارة

ويجد لدية الرغبة الجادة والصادقة في عرض إنتاجهم في زاوية في محله مقابل نسبة شهرية

علما بأن لديهم زبائن وسوف يكون دخول الزبائن للمحل له ايضا مردود على صاحب المحل وبضاعته


]http://www8.0zz0.com/2010/02/20/03/602539369.jpg (http://www.0zz0.com)





تحيااااااااتي الطيبة لكم

ووفقنا الله وإياكم لما يحب ويرضى

والله يوسع على كل من سئل الله الرزق الحلال من اوسع ابواب رزقه







.

[موضي قطر]

الله يوفقكم إن شاء الله

[البركان]

اختى انا بعطيك نصيحه


عندكم محلات كثيره بقطر لبيع الجلابيات اذهبى لمحل من هالمحلات واعرضى بضاعتك عليه وقولى لصاحب المحل اريدك تعرض لى هذه الجلابيات برسم البيع


يعنى هو يعرض واللى ينباع يعطيك فلوسه وحددى انتى سعرك وهو يحط له نسبه


ويكون فى علمك ان التسويق برسم البيع كل المحلات ترحب فيه لكن بشرط انك تتعاملين مع محل واااااحد


والله يوفقك

[عنوووود]

اختى انا بعطيك نصيحه


عندكم محلات كثيره بقطر لبيع الجلابيات اذهبى لمحل من هالمحلات واعرضى بضاعتك عليه وقولى لصاحب المحل اريدك تعرض لى هذه الجلابيات برسم البيع


يعنى هو يعرض واللى ينباع يعطيك فلوسه وحددى انتى سعرك وهو يحط له نسبه


ويكون فى علمك ان التسويق برسم البيع كل المحلات ترحب فيه لكن بشرط انك تتعاملين مع محل واااااحد


والله يوفقك




الله يوفق الجميع وشكرا على مرورك وردك الطيب

الي يبيعون جلبيات في قطر مايبون بضاعة مع بضاعتهم
وخاصة انهم يشترون بالجملة وبأسعار رخيصة بشكل خيالي من دبي وجدة وهي المتوفرة في السوق المحلي

لكن هذه الجلبيات تصنيع محلي ( made in Qatar ) لكن محد يبي يشتري بسعر البائع يبون بسعرهم وهي اسعار أقل من المطلوب وغير منطقية

إلي إكتشفته بصراحة في بلادنا : ( عدم الدعم الجاد لأي مشاريع صغيرة ) يعني الشركة إلي تعاقدت معها بلادنا لكي تدرس أنجح الطرق لتشجيع المشاريع الصغيرة والوطنية " موضوع قريته من كم يوم في الجريدة " لاتجدي نفعا مجرد إجتماعات مسئولين في أفخم الفنادق وكلام إعلامي بحت ، وشبح الواسطة مازال يطل بعينيه في كل طلب مساعدة في أي جهة خاصة بالتجارة أو قرض بنكي مادي بدون معوقات لا قبل لها



وإلي إكتشفته بعد والمؤلم جدا أن أصحاب المحلات الكبيرة والمتوسطة المالك قطري وعندما تكلمه يحولك على مديره الذي هو " أجنبي أو عربي " وعندما تتكلم مع مديره عن بضاعتك القطرية يسخر منك ويشعرك أنه ليس بحاجة لك رغم أن الأسعار مناسبة والإنتاج مناسب ورغم أنه لم يكلف نفسه بالنظر حتى إلى الـ samples يعني معروف الرأي مسبقاً إذا قلت له تصنيع محلي .






( وأنا آسفة إني أعطي نفسي التصريح برأئي

لكن

لأنه هم تعيشه أي تجربة قطرية وهي المعاناه إذا كان المنتج قطري وخاصة في قطاع إنتاج المستلزمات النسائية


( وممكن تسئلون أي شخص بدأ من الصفر هل كان لجهات دعم المشاريع والاستثمارات الصغيرة أي دور في نجاحه ):(

يعني يجبرون الشخص يدخل في دائرة الإستيراد غصبن عنه ويطرد أي فكرة إنتاج محلي ويرجعون يقلون نحن نشجع >>>>>>>:eek5: تناقض

على فكرة أنا أتكلم عن إنتاج جلبيات وملابس شعبية تصنيع قطري مب هندي وإكسسورات أيضا تصنيع يدوي بإشراف قطري وأشياء اخرى لايسعني التحدث عنها الآن بالاضافة طبعا الى العبايات


وتحيااااااااتي للجميع

[المها قطر]

نفس المعاناة صارت معاي
خسرت على التصاميم والقطع والشغل جدا مكلف بس للاسف مافية جهة تدعم القطريات ومثل ما قلتي اجتماعات بس حق الدعاية ولا الدعم مافية
اختي انا بعد اصمم عبايات وجلابيات رغم التكاليف الباهظة اللي تكلفني في تصنيعها الا ان الناس تدور الرخص ويقولون في سوق كذا معروض كثير واسعار رخيصة ارخص من عندج بوايد ... مايدرون عن التعب والجهد والتكلفة ..هم بس يشوفون الجلابية كابضاعة ما يشوفون الخامة ونوعيتها والشغل المتعوب عليها والتصميم
اختي اذا لقيتي جهة تدعم هالمشاريع ياليت تخبريني لان عندي نفس النشاط وحابة اتعاون معاج
الله ييسر لج امورج والله المستعان

[البركان]

اختى العنود

انا كلامى واضح

انا قلت اذهبى الى صاحب المحل واعرضى عليه بضاعتك برسم البيع اذا باعها يعطيك فلوسك واذا ماباعها تاخذين بضاعتك


انتى تعطينه البضاعه وتحددين له السعر


فى محلات بشارع السد قريب عند فندق الملينيوم صدقينى راح ياخذون منك البضاعه برسم البيع


اتركى عنك دعم المشاريع الصغيره هذا كله كلام فااااااضى انتى انفعى نفسك بنفسك وكافحى ولا والياس وصدقينى راح تنجحين

افهمى الكلام برسم البيع


والله يوفقك

[عنوووود]

اختى العنود

انا كلامى واضح

انا قلت اذهبى الى صاحب المحل واعرضى عليه بضاعتك برسم البيع اذا باعها يعطيك فلوسك واذا ماباعها تاخذين بضاعتك


انتى تعطينه البضاعه وتحددين له السعر


فى محلات بشارع السد قريب عند فندق الملينيوم صدقينى راح ياخذون منك البضاعه برسم البيع


اتركى عنك دعم المشاريع الصغيره هذا كله كلام فااااااضى انتى انفعى نفسك بنفسك وكافحى ولا والياس وصدقينى راح تنجحين

افهمى الكلام برسم البيع


والله يوفقك

شكرا جزيلااااااااااااااااا اخوي وجاري البحث عن محلات تأخذ برسم البيع

[ورقــة أمــل]

الله يوفقج اختي

انا في بالي بعد نس المشرووع وفي صدد اجيب عمالة لكن نفس مشكلتج ماعندي محل حاليا وماعرف شسوي بالبضاعة لاحقا

الله يوفقج يارب والشغل في الصور وايد مرتب وحلو

[عنوووود]

الله يوفق كل من رد أو حتى مر على موضوعي

ومازال جاااري البحث ........................................

[محمد2009]

الله اوفقكم اختى ..وانا رايي ياخذون لهم محل ويبدون اهم من نفسهم بدون الشراكه مع احد ..
تقبلي مروري محمد2009

[danh]

طيب اختي اقولج اقتراح ..

ايش رايج لو تبيعون حقوق شغلكم للمحلات .. يعني الشغله اللي تسوونها لمحل ما تسوونها لمحل ثاني

يمكن لو طرحتوا عليهم الفكره ذي يقبلون يتعاونون معاكم ..

والله يوفقكم ان شاء الله

[amen]

السلام عليكم ورحمة الله وبركاته اختي ان شا الله بالتوفيق بس ممكن تبعثي رقمك لي عالخاص عشان اتناقش معك بالاسعار ونسبة الربح وكمية الانتاج والموديلات طلبها بالسوق القطري لاني ممكن اساعدك

[عنوووود]

نفس المعاناة صارت معاي
خسرت على التصاميم والقطع والشغل جدا مكلف بس للاسف مافية جهة تدعم القطريات ومثل ما قلتي اجتماعات بس حق الدعاية ولا الدعم مافية
اختي انا بعد اصمم عبايات وجلابيات رغم التكاليف الباهظة اللي تكلفني في تصنيعها الا ان الناس تدور الرخص ويقولون في سوق كذا معروض كثير واسعار رخيصة ارخص من عندج بوايد ... مايدرون عن التعب والجهد والتكلفة ..هم بس يشوفون الجلابية كابضاعة ما يشوفون الخامة ونوعيتها والشغل المتعوب عليها والتصميم
اختي اذا لقيتي جهة تدعم هالمشاريع ياليت تخبريني لان عندي نفس النشاط وحابة اتعاون معاج
الله ييسر لج امورج والله المستعان

بالتوفيق اختي ،،،،، بخصوص الدعم : روحي حق دار الإنماء وشوووفي يمكن يقدرون يقدمون لج دعم مادي او تمويل

وبالتوفيق بإذن الله

[عنوووود]

الله يوفقج اختي

انا في بالي بعد نس المشرووع وفي صدد اجيب عمالة لكن نفس مشكلتج ماعندي محل حاليا وماعرف شسوي بالبضاعة لاحقا

الله يوفقج يارب والشغل في الصور وايد مرتب وحلو

الله يسلمج يارب ويوفقج

[عنوووود]

الله اوفقكم اختى ..وانا رايي ياخذون لهم محل ويبدون اهم من نفسهم بدون الشراكه مع احد ..
تقبلي مروري محمد2009

أنا معاك في الرأي ـ لكن رأي الأغلبية أن هذا هو الأنسب في الفترة الحالية إلى أن يتم إفتتاح محل لا حقاً


المحلات ايجاراتها غالية يا محمد _ محلات صغيرة في الغرافة وفي فريج بن عمران 20 الف شهرياً في ذمتك هذا شنو ؟؟؟؟؟

ووووووووووووووووووووين عايشين ؟؟؟؟ يعني إلي أرباحه شهريا 30 الف تعتبر خسارة مب ربح

[عنوووود]

طيب اختي اقولج اقتراح ..

ايش رايج لو تبيعون حقوق شغلكم للمحلات .. يعني الشغله اللي تسوونها لمحل ما تسوونها لمحل ثاني

يمكن لو طرحتوا عليهم الفكره ذي يقبلون يتعاونون معاكم ..

والله يوفقكم ان شاء الله



حلوة الفكرة " والله تنفعين في التسويق اختي دانة " بس ماتنفع لنوعية الشغل خاصة العبايات

لأن الزبائن هم نفسهم

[عنوووود]

السلام عليكم ورحمة الله وبركاته اختي ان شا الله بالتوفيق بس ممكن تبعثي رقمك لي عالخاص عشان اتناقش معك بالاسعار ونسبة الربح وكمية الانتاج والموديلات طلبها بالسوق القطري لاني ممكن اساعدك

شيك على الخاص

[الجووهره]

بالتوفيق اختي

[بو خليفه 123]

ليش ماتبتدون عرض منتجاتكم بالمنتدى الموقر "السوق النسائي"

من هناك يبتدي الاقبال على منتجاتكم و ممكن تتوسعون خطوه بخطوه ..

اذا وقفتم مكتوفي الأيدي و انتظرتم من يمد لكم يد العون .. فـ تأكدي يا اختي الكريمه بأنك لن تحصلي على ريال واحد من الربح ..

أنا اقول ابتدوا من المنتدى و لين وصلت ارباحكم السنويه اللي تعينكم تفتحون محل بأسمكم ترا الايجارات ارخصت .

تقبلي تحياتي

[شعنونة قطر]

موفقه انزين حبوبه ماتقدرين تشتغلين في البيت وحسب الطلب ييج


عندج مثلا ان ا شررايه


عطيني عبايه مميزه وصوري عباياتج بكاتالوج

وبيعيها في البيت قعدي فبيتج اشربي كرك وخلي المندوب يدور
وبس




احم اذا قبلتي بالفكره ياليت تطرشن لي الكاتالوج :p

[شانيل الدوحه]

بالتوفيق

[عنوووود]

موفقه انزين حبوبه ماتقدرين تشتغلين في البيت وحسب الطلب ييج


عندج مثلا ان ا شررايه


عطيني عبايه مميزه وصوري عباياتج بكاتالوج

وبيعيها في البيت قعدي فبيتج اشربي كرك وخلي المندوب يدور
وبس




احم اذا قبلتي بالفكره ياليت تطرشن لي الكاتالوج :p

هههههه ضحكتيني يوم قلتي " قعدي فبيتج وشربي كرك " الله يسعد قلبج

حاليا يتم عمل موضوع وسوف يتم تنزيل صور من الشغل

بخصوص مندوبة " يوجد مندوبة " لكن كنا حابين نتوسع في الشغل بعرض نماذج من الشغل لدى محلات داخل الأسواق كنوع من التنويع في التسويق


عموماً " فيه إقتراحات ممتازة وتعاون بعد ماتم طرح الموضوع" والفضل لهذا المنتدى وفقهم الله والقائمين عليه

[ام ناصر1]

الله يوفقج ويسهل امورج

[عنوووود]

الله يوفقج ويسهل امورج

جزاج الله كل خير

[داماس]

امممم .. هل مازال العرض الساري

[captin]

الله يوفقكم ويسدد خطاكم ويسهل اموركم
شي يشرف ان في قطر مثلكم يبتدى ويظهر الصناعة المحلية بلمسات محلية

اقترح شي وعل وعسى تمشي معاكم
خاطبوا اصحاب المجمعات الكبيرة مثل الشيخ فيصل بن قاسم والربان
واطلبوا منهم يعطونكم مساحات لمدة محددة خلال الموسم رمضان والاعياد
ان كان بسعر رمزي ولا تشجيع منهم للمنتج المحلي بالإعفاء الكامل اذا صار خير وبركة

هناك اقتراح ثاني انكم تتعاونون مع دار الانماء الاجتماعي وتعرضون منتجاتكم من خلال معارض مشتركة معاهم في المولات او باماكن اخرى.

واقتراح ثالث ايضا تتعاونون مع إدارة الشؤون الاجتماعية من خلال المعارض اللي يسوونها ويعرضون فيها منتجات الأسر القطرية .

والله الموفق

[Bo-7assan]

والله انا من فتره في بالي هالمشروع, بس للاسف محلاتنا ماجره حاليا, على العموم ياريت اختي ترسلين لي التفاصيل هل بيكون شراكه ولاكيف الطريقة اللي تبحثون عنها ؟

[طموحة]

ممكن تفضين الخاص ..؟

[ثاني]

مرحبا


ممكن تفضين الخاص ..؟

[عزالوطن]

ممكن تصميم ملابس رجاليه مثل شركات امن

[بومرشد]

بــالتــوفيق إن شــآآآء الله

[jassimqtr]

عندي لج حلين
1- يا تزيدين عدد العماله وتزيدين كميت الانتاج فاليوم
2- او تتعاقدين مع مصنع فالصين يخيط المجلابيات او الملابس ويورد بكميات كبيره وبيكون بسعر الكونتينر ,
انا اشوف جيه افضل

[واقعية]

اختي ارسلت لج عرض ع الخاص

و لكن بريدج مليان و ما يستقبل رسايل

ارسلي لي رقمج و الله الموفق

[qatarlands]

اختي العنووود راسليني انا عندي محل عبايات في الريان وممكن يفيدك

[اهل قطر]

الله يوفقكم

[MLAAS]

-.- ليش ماتخلين الاغراض معروضه في البيت ؟؟؟؟

يعني مثلا تسوون ملحق صاله متوسطه معاها غرفتين او 3 غرف تبديل ملابس ...

افضل لج من النسبة واضمن لج