استفسار للأصحاب لكزس 570

[العنابي]

السلام عليكم ورحمة الله وبركاتة
عندي استفسار لاصحاب اللكزس 570 2009-2010
شلون الموتر على الخط حق السفر من ناحية
- الثبات
- العزم
-عزل الصوت من الهواء الخارجي

وشكرا لكم

[بوفهد 5555]

مرحبا اخوي عندي واحد ما في فرق بينه وبين الجي نفس الصوت ومب ثابت سافرت فيه 6 مرات حرام السعر فيه

[العنابي]

مرحبا اخوي عندي واحد ما في فرق بينه وبين الجي نفس الصوت ومب ثابت سافرت فيه 6 مرات حرام السعر فيه

مشكور بوفهد
طيب وش البديل

[BURBERRY]

نصيحه لاتشتري لكزس فورويل .. فيه مشاكل في البريك و الهيدروليك

المواتر الامريكيه مريحه للخط و السفر .. مثل الكدلك و الجمس و الشفر

[العنابي]

شرايكم بالرنج سبورت او فوج
بس الغريب ان لكزس 570 تارسة الدوحة
معقول كل هذول غلط

[المنسى]

اشتر وعلى مسئوليتى الكزس ماعليها كلام

[alkoos]

بالعكس خذها وانت مغمض ثابته ومريحه طبعا مو نفس الامريكي طبعا اريح ولا الالماني في الثبات لكن بتعجبك والصوت الهوى ممتاز

[المدهش]

اشتر لكزس وبتدعيلي
موتر ولا بعده في الفورويل موتر
وقمة في الفخامه ، وعزم خطير
ويكفيك رهافته وهدوئه على الخط

[بن رومي]

انا اول ما اشتري اللكزس

واجربة

بجااااااااااااوب على كل استفساراتك




خخخخخخخخخخ


انا من وجهت نظري اشتر الموتر وتوكل على الله

بس ترى سعرة اكبر منة بوااااااايد





بن رومي

[البدر 8]

جرب قبل تشتري
وجيب لكزس ممتاز

[فلفل حار]

آذا الفكسـار مريح بالخط عجل شلون اللكزس ...؟

آشتره وآنت مغمض ...
:)

[آل فيصل]

مايحتاج مركب شيوووووخ

[بعيد النظر]

والله ياخوي سافرنا على جي اكس 2008 ..
وشفتا انه ثابت ورييف ع الخط ! (سياحية)

جربنا الـ 8 الفكسار شفنا انه احلى واحلى ..
والله اتحس انك راكب بزنس هههه


فـ ما بالك باللكزس ؟! أكييد انه درجة اولى =p
وعن عزم ما يحتااااااااج قووووي !

[ولد منصور]

السلام عليكم ورحمة الله وبركاته

بالنسبة لعزم الموتر ياخوي ماشاء الله عليه قوي أما صوت الهوى لك عليه بس مب ذاك الصوت المزعج وبالنسبة لثباته على الخط الموتر ثابت بس على خله على زر السبورت إذا بتقبض خط

[بو عيسى]

والله انا اشوف اللكزس افضل موتر فورويل واذا على سعره العالي فهالموتر سعره فيه احسن من المواتر الثانيه اللي تاخذها وعلى طول سعره يطيح بالارض وبالتوفيق

[بــوعــوف]

خذه وانت مغمض ..

بتاع كلوووو .. خطوط .. بحر .. بر .. كشخة .. دريول .. وشيك في مخباك ..


ومبروك مقدما ..

[أكتتاب]

على قوله بوعوف .. بتاع كلوووووووه
موتر حلو .. واحسن من الرنج .. انا سمعت ان الرنج يقفل عليك

اللكزس حلو .. لكن الرنج اكشخ
بس الحين وايد رنجات .. والرنج سعره يطيح

لكن اللكزس مايطيح .. مع انه سعره مبالغ فيه حبتين
اشدعوة 370 مادري 350 .. وياباني

بس والله موتر حلو

سافرت مره على جي اكس ار .. وقاعد ورى .. خلف السايق
والله مادري كم يمشي احسبه 120
طالعت الطبلون .. ولا الحبيب 160
والله ماتحس ياريال

الف مبروك مقدما :) ولا تنسى العزيمه خخخخخخخخ

[محترف]

انا جربت الموتر ومشيت عليه 46 الف كيلوو والموتر قمه واريح من الرنج واريح من الكدلك اسكاليد الموتر ريف وهادي وقوي.


بس فيه شي مهم, لازم اتعرف حق الموتر, في السرعات العالية تحط الهايدروليك على اسبورت, واذا كنت تمشي سرعات قليله اقل من 80 تحط الهايدرولك على كمفورت. بهالطريقه يكون الموتر اريف واريح فور ويل انصنع في التاريخ.

ومبرووك مقدما .


تحياتي


محترف

[آلصآحب آلجديد]

بالتوفيق .. ان شاء الله

[بيّز]

انا عندي واحد ولا عليه كلام في السواقه واذا تبي تجربه مقدم من عندي لك جربه واذا تبي تسافر فيه ماعندك مشكله جربه .........ماعمري سافرت فيه بس ضربت فيه خطوط مثل خط الشمال وخط الخور الساحلي والشحانية ماكنك تسوق 4 ويل جنك تسوق بيم دبليو
مثل ماذكر لك واحد من الاخوان فوق سعرها شوي غالي انا اتفق وياه يعني الكزس فوق 350 الف توه ماتش
هي صح تستاهل وشيك بس بعد وايد عليها هالسعر
والحين كل شي غلا يعني هالسعر لبعض الناس عادي
البورش 4 ويل جي تي اس والرنج روفر ولكزس 4 ويل كلهم حاليا اسعارهم لدى الوكلاء تقريبا نفس الشي
يعني من برع السيارات حلوه وخشنه ومن داخل بعد فول ابشن وحلوين ووارد الدوحه
بس طلعهم من الوكاله وتعال بعد 6 شهور بس
شوف كل وحده كم تسوى في المعارض
واسمحلي حطيت المقارنه بهالسيارات لانهم مع احترامي حق باقي السيارات هم الافخم والاحلى
الكادلالك 4 ويل والنيسان اكس 6 كل هالسيارات تعتبر درجه ثانيه بعد السيارات الي فوق

[العنابي]

مشكورين يالربع وخاصة بيز على العرض , مريت التضامن أمس وقال لي 2010 قيمتة 360 ألف بالحجز يوصل بعد شهر الاضافات حجم الرنج صار أكبر شوي وضافوا لحية أعتقد
2009 بالشركة 314 ألف
والابيض يبدوا هو سيد الالوان .

[A bin M]

ما عليه كلاااام ..

<<<بوراشد ؟

[سهيمان]

موتر ماعليه كلام

والله يوفقك

[بوخالد911]

الكل امدحه

ولحد اشتكى منه ولا عليه

[العنابي]

طيب شرايكم
أشتري جديد من الوكاله ب 360
ولا 2010 مستعمل ماشي تحت العشرة

[فلفل حار]

والله يالغالـي آن كانكـ تبي النصيحه ...

آشتر 2009 مستعمل بسعر طيب مايتعدا الـ280 آلف ...
وشكلها آحلـى من الـ2010 بعـد ...

بس آذا عاجبكـ موديل الـ2010 والآسبيليرات آلي عليه عيل آشتر جديد آبركـ لكـ ...

مافرقت على كم آلف دامكـ دافع فوق الـ300 آلف على الآقل تحس آنكـ آول من يركبه مب مستعمل والله العالم شلون كان آستخدامه للموتر من قبلكـ ...




ويعطيكـ خيره ويكفيكـ شـره ...
:)

[بوحارب]

والله ياخوي انه ماجربت اسافر في هالموتر الحلو

واخر مرة سافرت على جي 96
وكان معاي الأخ فلفل حار

بس اذا تبي الصراحة ما كنا نسمع بعض لأنه التنسيم من كل صوب في الموترههههههههههههههه