المساعد الشخصي الرقمي

مشاهدة النسخة كاملة : مركز العيون التخصصي ... حد جرب يسوي ليزك عندهم ؟


مسباح عاج
20-02-2010, 09:21 PM
السلام عليكم

بغيت اسوي عملية الليزك للعيون
ومتردد هل أسويها في قطر أو في السعودية أو البحرين

كذا شخص مدح لي استشاري عيون زائر اردني يسوي عملية الليزك في مركز العيون التخصصي الي في مجموعة الجبر في الطريق الدائري الثالث قبل اشارات السينما

اذا حد جرب العملية عندهم ، اتمنى يفيدني عن مستواهم الطبي ؟

ولكم جزيل الشكر
Ussop
20-02-2010, 10:04 PM
متابع للموضوع، ومهتم برأي من جرب...

يرفع...
نور اعيوني
20-02-2010, 10:10 PM
ايه انا سويت عندهم عملية الليزك بصراحه ولله الحمد كل شي اوكى وبعدين الدكتور الزاير اذا كان خالد الشريف سوووو العملية وانتو مغمضين لانه 5 احسن دكتور في العالم بعمليات الليزك..توكلو على الله..
ام الحنايا65
20-02-2010, 10:48 PM
اخواني الحين في عمليه احدث من عملية اليزك اسمها عملية اى ليزك سويتها حق بنتى في بنجلور والصراحه العمليه سهله جدا وفي مشتشفي راقى اسمه كراكيوس
روح الاطلس
21-02-2010, 12:24 AM
نعم كثير سووا عند الشريف ويمدحونه لكن استخير قبل مهم جدا
بوخالد911
21-02-2010, 12:43 AM
نعم سووويتها عند د خ الشريف

ممتازز

يده خفيفة

التكلفة 9000 ريال
والفحص الاولي 600 ريال

وروووح ونت مغمض


موووفق
هاجر
21-02-2010, 12:58 AM
أنا سويتها عندهم عند الدكتور خالد الشريف
لي اللحين ثلاث سنوات تقريباً والحمدلله الأمور كلها طيبة
yosif1
21-02-2010, 01:07 AM
انا بعد مسوي العملية عند د خالد الشريف
المشكلة مب في العملية
التعب بعد العملية
العين يصيبها جفاف
ةخصوصا اذا الواحد سوة العملية بالصيف
بــو فهــد
21-02-2010, 02:21 AM
انا سويت العمليه الحمدلله في عيادة ابو الفين .. لكن وايد ناس امدحولي د خالد الشريف ..
استخير ربك وتوكل عليه .. العمليه سهله جدا .. لكن التزم بالقطرات اللي يعطونك اياها بعد العمليه .. بتتعب شوي لكن فتره وتعدي ان شالله
دكتورة روح
21-02-2010, 05:32 AM
انا والله ودي اسويها
طيب بخصوص الدوام كم لازم ناخذ اجازة ؟
وطلعة الصبح لين متى مانطلع
MasterCard
21-02-2010, 04:24 PM
د خالد الشريف في زائر اي عيادة ؟
المضعد
21-02-2010, 05:24 PM
الله يوفق لك
القلم الصريح
21-02-2010, 05:51 PM
مركز العيون التخصصي تابعه لمجموعه الجبر ،
د خالد الشريف سوا عملية ليزك للوالده سنة 2004 والحمدلله الى اليوم كلشي اوكي ولا في اي عوارض
فقط باديه ايام العمليه يقعد الشخص اللي عمل الليزك في غرفة فيها الاناره ضعيفة ومايطلع بالشمس لمده سبوع او اقل وبعدها يمارس حياته طبيعيه ويستخدم دايما قطرات العين رفرش ( دموع صناعيه ) وتكلفة العمليه تقريبا 10000 ريال من فحص وعمليه وقطرات
مسباح عاج
21-02-2010, 06:48 PM
الله يجازيكم كل خير

يعطيكم العافية
Phenomenon
21-02-2010, 06:55 PM
السلام عليكم ،،،

انا سويت العملية عند د. خالد الشريف في مركز العيون التخصصي سنة 2006
والحمد لله الامور كلها تماااااام

اذا د. خالد الشريف اللي بيسوي لك العملية ، فـ توكل على الله ... انصحك فيه ممتااااااز
حتى وانت في العملية يريحك ويتم يكلمك ويقولك الحين بيصير كذا ... او بتحس بكذا ...
فالواحد يكون مرتاح نفسيا معاه :)
أم أحلى بنت
21-02-2010, 07:05 PM
والله صراحه جزاكم الله الف خير
انا صادتني قرحه بسبب العدسات وكنت خايفه من هالعمليه كنت ابي اسويها عند دكتور احمد شريف بس ترددت...
اللحين لازم اقعد 6 شهور بعدين اسوي العمليه والسبب هالعدسات صج خطره...
يعطيكم العافيه ويعطي صاحب السؤال الف عافيه فادنا جميعا