عملية ربط المعده او شفط الدهون

[أنت]

اخواني انا قررت اسوي ربط المعده او شفط الدهون
تنصحوني وله لا
ياربع تعبت وانا متين تعبت وانا اسوي رجيم
تنصحوني انا فلت بسويها في مستشفى الخور

[بنت قطر202]

اخوي اذا بتسويها ربط معده انا سمعت ان لاقدر الله احتمال المعده تتلصق في بعض مع الوقت

وانا اعرف وحده سوت ربط ومافاد ولاشيء وتمت مده ماتاكل إلا أكل مطحون ،، وأخر شيء سوت شفط

بس تدري افتحو بطنها من جهة اليمين لين اليسار العمليه تخوف وتعب في نفس الوقت

والمصيبه ان مب اي دكتور يعرف يسويها وحتى لو انجحت احتمال ماتضعف

انا مابي احطمك بس ترى المتن اوقات مب من الأكل أوقات يكون من نفسيت الواحد اذا متضايق او مستانس،،

احسن حل روح دكتور تغذيه وخله يحط لك نظام غذائي وجربه لمدة وشوفه اذا نفع أو لا ..

ونصيحه بانصحك إياها تحمل تاخذ حبوب انا اعرف وحده بعد كانت معاي في الشغل متينه وفي مده بسيطه اضعفت سألتها اشسويتي قالت خذت حبوب بس الحبوب هذي تنوصف من الدكتور واعتقد لمرض معين بس حذرها منها الدكتور وقال انها تضر اكثر من انها تفيد ...

[نورالهدى]

أي عملية في مستشفى الخور
ربط المعده بعد بتسوي ريجيم
مب حل سحري
أشوف عملية التحوير أفضل وما أدري المستشفى اتسويها والا لا

[بوسعود911]

اخوي استخير الله اول شي وانا مانصحك فيها لاني سمعت انا لها مضاعفات بعيد الشر عليك

[(الفيصل)]

اذا كانت (السمنه )عندك في (المعدلات الطبيعية)
أنصحك بزيارة أخصائي(تغذية)
+
الاشتراك في نادي (صحي) لممارسة الرياضة (بإنتظام)
المسئلة تحتاج لإرادة(قوية) فقط
وصدقني راح (تلقى جسمك مثل ماتبي وافضل)
وأجعل مسئلة قرار (العملية ) أخر المطاف ، اخر المطاف

[أنت]

مشكورين اخواني عى الردود
انا اخر حل اسوي ربط
اخوي انت قلت علمية التحوير شنو هذا مافهمت

[نورالهدى]

مشكورين اخواني عى الردود
انا اخر حل اسوي ربط
اخوي انت قلت علمية التحوير شنو هذا مافهمت

يعني انت بتسوي عملية وماتعرف شي عن عمليات السمنه
:omg:

[PoBox]

*

*

ربط المعدة بعده انت مجبور بس تاكل الاكل ك سوائل كبداية
شوربة ، اكل مهروس ، الخ الخ
وتمضغ الاكل مضغ تكسر راسه :rolleyes2: وبعدين تبلع

وان بلعت قبل مب احسن لك :omg:

اركض كل يوم لمدة ساعة كاملة يكفيك لو كان وزنك 400
مع الوقت الشحوم تذوب
وبنفس الوقت الجلد ينشد


الحين الارادة بيدك
بعد العملية الارادة غصبا عنك
ومب شرط تضبط معاك
لاتلعب بجسمك والله يوفقك .

[القطــــــرية]

انصحك اخوي تقرا مواضيع في منتديات الدكتور سلطان التمياط وان شاءالله يفيدك

منتديات الدكتور سلطان التمياط (http://www.temyatt.com/vb/index.php)

[وحيد-الشوق]

لاتسويها نصيحة

وخصوصا في مستشفى حمد الكجره سمعت عن حالات كثيره دشت في غيوبية واخرها من فتره

حاول تتعب حتى لو المدة كانت طويلة وفي النهاية مافي شيء سهل وانا اخوك لازم نتعب :(

[STAR]

حلاه الريال دبدوب وعريض ‏‏(‏‏=‏‏↳‏
دش نوادي صحية

[STAR]

يعني انت بتسوي عملية وماتعرف شي عن عمليات السمنه
:omg:

كان الأفضل انج تشرحين له العملية بما ان هو مب عارف
شنهي تحوير المعده وتجاوبين على استفساره مب....


لان المنتدى يتبادل فيها الاعضاء المعلومات ويستفيدون
من بعض...
وسوري عالمداخلة

[Chambray]

ربط المعده ما انصح به
تخيل جهاز في بطنك 24 ساعه صدقني بتضايق بعد سنه سنتين وبعدها بتقرر تشيل الجهاز ، ولكن بعد هالفترة تكون الانسجه في الجسم احسبته جزء من الجسم وتكونت عليه طبقه انسجه ولازم إذا قررت ازاله الجهاز ان يكون هناك قطع و و و إلخ
فعمليه تركيب ربط المعده سهله
لكن عمليه فك ربط المعده صعبه

عمليه تحويل المعده او تحوير المعده او بالمسمى العلمي bypass فهي قطع بدايه المعده وربطه بالامعاء مباشرة يعني الجراح يلغي شغل المعده ... لكن المشكلة في العمليات اذا تبي ترجع طبيعي ايش الحل لازم في صعوبات ومشاكل وصعوبه حتى جراحياً ..

لذلك مالك إلا الصبر والرياضه

[موضي قطر]

اخوي ما انصحك تسويها ناس سوها وصارت لهم مضاعفات حاول تسوي

رجيم لمدة 3 شهور كبداية وشوف النتايج

[كينيا]

انصحك اخوي بالمشي ثم المشي ثم المشي
كل اللي سووا العمليات صح ضعفوا بس يعانون من مشاكل الترهل لأنه نزول سريع
وأنا انصحك اذا بتسمع النصيحة وتبي تضعف صج واذا تبي صحة للجسد والروح عليك بالمشي حاول تمشي ساعتين في اليوم عد نفسك عندك دورة لمدة شهر من الساعة الفلانية لين الساعة الفلانية مايردك منها مشوار ولا عزيمة ولا غيره
أما بالنسبة للأكل فحاول
للفطوراكل نص رغيف أو حبتين توست مع بيضة أو جبن قليل الدسم أو كورن فلكس مع حليب خالي الدسم او قليل يوم كذا ويوم كذا
والضحى لاااااازم تاخذ لك حبة فاكهة أو توسته مع جبنه او بسكويت 3 حبات مع شاي وسكر امتنع عنه نهائي خذلك سكر اسمه ( equal )
لونه أزرق استعمله مع الشاي والكوفي
أما الغداء خذ لك مقدار قوطي الروب الداندي الابيض وخله مقياس لك كل يوم للعيش يعني سوو لك تشكيله فيه ديزاين وحركات وحول ع السلطة أول خل يكثرون لك من الملفوف في السلطة أو اكله بروحه لأنه يحرق الدهون مقالي لا بس مشوي أو مسلوق اقصد اللحوم والدجاج والسمك
والعصرية بعد لازم تاخذ لك حاجة سندويتش صغير نفس وجبة الضحى ارد واقولك لازم
بدون حرمان
والعشااااا حاول تتعشى بدري اي شي خفييييف
والساعه 9 أو عشره خذ لك بسكوته مع حليب قليل الدسم كوب صغير

بس هالشهر أرجوك وعقب انت بروحك بتتشجع ليشفت النتيجة وبتقول أختي قالت
خل هذا يستوي عندك نظام حياة بتتعود عليه
أما بالنسبة للمشي فاعتبره اسلوب حياة لازم تمشي قول انا اليوم مامشيت نفس لما تقول انا ماشربت ماي ولا مااكلت لاتقول مب ماشي لأني اكلت او خربت لا حتى لو كثرت في وجبة ضاعف المشي احححححرق واححححرق لأنه هو اللي بيفيدك أما إذا استسلمت عقب نوبة الأكل بيتم ضميرك تعبان ونفسيتك تعبانه وبترد تاكل زيادة حط لنفسك هدف لاتقول بنزل مثلا 20 كيلو لا قول ابي انزل 5 وعقب بالتدريج
إذا نجحت تطبق هالشهر صدقني بتكمل لاتقد تقول أنا متين أنا متين وانا تعبت لا عط نفسط طاقه ايجابية وتحرك حط لك سيكل أو جهاز مشي عند التلفزيون وامش ع الكورنيش او سباير او حتى في فريجكم قول بمش يحتى وانا متين على الاقل ماتروح في زيادة
الموضوع كله إرادة حتى الربط اشوف عالم حولي كل مااكلوا غلط رجعوا وتألموا والله مساكين :secret:
أي استفسار انا حاضره
وبالتوفيق

[العـوا]

الرياضة الرياضة

[danh]

اخوي عن تجربة انصحك ما تسويها هذا انا رديت اسوي ريجيم عند دكتورة تغذيه مع مشي والحمدلله ابتدى الوزن ينزل وناويه استمر..

انا مصورة العملية على شريط فيديو لاني مسويتها في جده لو اوريك شريط فيديو والله تحلف انك ما تسويها ولو عرفت بعد مضاعفاتها ما كنت فكرت اسويها وترا تحوير المعدة اخطر منها .. المضاعفات اللي عانيتها منها هي استرجاع الاكل اثناء النوم و ما اقدر اكل اي شيء الا وانحرج يعني تنسى مطعم وتنسى تاكل عند احد .. واللي اعرفهم كلهم ما فادتهم رجعوا ياكلون ..

روح لدكتوره تغذيه واهم شيء نوعية الاكل اللي بتاكله فيه مركز انصحك فيه موجوده في فريق بن عمران انا جربت كذا مركز تغذيه كلهم لوعه الا هذا اكلهم زين اسمه الغذاء المثالي عند الشاهين ..

[كينيا]

وانصحك اخوي بشرب الشاي الأخضر 3 أكواب في اليوم
خذلك ذاك الغوري الشفاف وصب فيه ماي مغلي وضيف له شاي خضر ونعناع وزنجبيل
مفعوله مع الأشياء اللي قلتها لك قبل وإذا بتشربه بعد الأكل لازم تضيف له قطرات ليمون عشان ما يأثر على امتصاص الجسم للحديد خلها عادة عندك صدقني انه مفييييد على طويلة
ونصيحة اخوي خل في يدك وحواليك ماي داااايما اشرب ماي
لأن احنا عندما شين طبوع مهب جوع كله نحس بملل فشنسوي نقوم نحط يدنا في حلجنا خل الماي اقرب شي لك تطاوله من قريب :nice:
ويالله خل نتعاون وننزل وزن
ارد واقولك الحركة بركة والله مفعولها عجيب
روح اشتري لك ملابس رياضة جديدة ونقيهم بذوق عشان تحب تلبسهم بالتالي لما تلبسهم لازم بتتشجع وبتتحرك
الأكل لاحق عليه :secret:
القعدات والمجالس لاحق عليها :eek5:
خل لك يوم في الأسبوع وأكل الغدا اللي خاطرك فيه أو الريوق مثلا يوم الجمعة
خل عنك تمرمر المعاصر :anger1:
المطاعم السريعة حط عليهم اكس
ومثل ماقالت الأخت دانة اشترك بنظام وجبات مثل دايت سنتر صح غالي شوي بس على القل شهر عشان تعرف كميات الكل اللي لازم تاكلها وتتعود شوي عليها :victory:

[كازانوفا]

انا اقولك ايش اتسوي عشان تنحف
ادخلي على الخااااص وانا اعطيك الطريقه
بلا شفط وبلاعمليات مش مضمونه
والطريقه اللى بعطيك ياها مضمونه ان شالله

[الصاعق الحارق]

شفط الدهون بالليزر بمستشفى العمادي من دون اي عمليه جراحيه
http://www.mefeedia.com/watch/27474020

[نمر بن عدوان]

انصحك اخوي بالمشي ثم المشي ثم المشي
كل اللي سووا العمليات صح ضعفوا بس يعانون من مشاكل الترهل لأنه نزول سريع
وأنا انصحك اذا بتسمع النصيحة وتبي تضعف صج واذا تبي صحة للجسد والروح عليك بالمشي حاول تمشي ساعتين في اليوم عد نفسك عندك دورة لمدة شهر من الساعة الفلانية لين الساعة الفلانية مايردك منها مشوار ولا عزيمة ولا غيره
أما بالنسبة للأكل فحاول
للفطوراكل نص رغيف أو حبتين توست مع بيضة أو جبن قليل الدسم أو كورن فلكس مع حليب خالي الدسم او قليل يوم كذا ويوم كذا
والضحى لاااااازم تاخذ لك حبة فاكهة أو توسته مع جبنه او بسكويت 3 حبات مع شاي وسكر امتنع عنه نهائي خذلك سكر اسمه ( equal )
لونه أزرق استعمله مع الشاي والكوفي
أما الغداء خذ لك مقدار قوطي الروب الداندي الابيض وخله مقياس لك كل يوم للعيش يعني سوو لك تشكيله فيه ديزاين وحركات وحول ع السلطة أول خل يكثرون لك من الملفوف في السلطة أو اكله بروحه لأنه يحرق الدهون مقالي لا بس مشوي أو مسلوق اقصد اللحوم والدجاج والسمك
والعصرية بعد لازم تاخذ لك حاجة سندويتش صغير نفس وجبة الضحى ارد واقولك لازم
بدون حرمان
والعشااااا حاول تتعشى بدري اي شي خفييييف
والساعه 9 أو عشره خذ لك بسكوته مع حليب قليل الدسم كوب صغير

بس هالشهر أرجوك وعقب انت بروحك بتتشجع ليشفت النتيجة وبتقول أختي قالت
خل هذا يستوي عندك نظام حياة بتتعود عليه
أما بالنسبة للمشي فاعتبره اسلوب حياة لازم تمشي قول انا اليوم مامشيت نفس لما تقول انا ماشربت ماي ولا مااكلت لاتقول مب ماشي لأني اكلت او خربت لا حتى لو كثرت في وجبة ضاعف المشي احححححرق واححححرق لأنه هو اللي بيفيدك أما إذا استسلمت عقب نوبة الأكل بيتم ضميرك تعبان ونفسيتك تعبانه وبترد تاكل زيادة حط لنفسك هدف لاتقول بنزل مثلا 20 كيلو لا قول ابي انزل 5 وعقب بالتدريج
إذا نجحت تطبق هالشهر صدقني بتكمل لاتقد تقول أنا متين أنا متين وانا تعبت لا عط نفسط طاقه ايجابية وتحرك حط لك سيكل أو جهاز مشي عند التلفزيون وامش ع الكورنيش او سباير او حتى في فريجكم قول بمش يحتى وانا متين على الاقل ماتروح في زيادة
الموضوع كله إرادة حتى الربط اشوف عالم حولي كل مااكلوا غلط رجعوا وتألموا والله مساكين :secret:
أي استفسار انا حاضره
وبالتوفيق


وانصحك اخوي بشرب الشاي الأخضر 3 أكواب في اليوم
خذلك ذاك الغوري الشفاف وصب فيه ماي مغلي وضيف له شاي خضر ونعناع وزنجبيل
مفعوله مع الأشياء اللي قلتها لك قبل وإذا بتشربه بعد الأكل لازم تضيف له قطرات ليمون عشان ما يأثر على امتصاص الجسم للحديد خلها عادة عندك صدقني انه مفييييد على طويلة
ونصيحة اخوي خل في يدك وحواليك ماي داااايما اشرب ماي
لأن احنا عندما شين طبوع مهب جوع كله نحس بملل فشنسوي نقوم نحط يدنا في حلجنا خل الماي اقرب شي لك تطاوله من قريب :nice:
ويالله خل نتعاون وننزل وزن
ارد واقولك الحركة بركة والله مفعولها عجيب
روح اشتري لك ملابس رياضة جديدة ونقيهم بذوق عشان تحب تلبسهم بالتالي لما تلبسهم لازم بتتشجع وبتتحرك
الأكل لاحق عليه :secret:
القعدات والمجالس لاحق عليها :eek5:
خل لك يوم في الأسبوع وأكل الغدا اللي خاطرك فيه أو الريوق مثلا يوم الجمعة
خل عنك تمرمر المعاصر :anger1:
المطاعم السريعة حط عليهم اكس
ومثل ماقالت الأخت دانة اشترك بنظام وجبات مثل دايت سنتر صح غالي شوي بس على القل شهر عشان تعرف كميات الكل اللي لازم تاكلها وتتعود شوي عليها :victory:

بارك الله فيج وكثر من امثالج على المجهود والنصيحة

[شموخ قطريه]

نصيحه اخويه اخوي

بلاربط بلا تحويل بلاشفط دهون بلاخرابيط مالها اي داعي


عن تجربه شخصيه لي انا

الاراده + اخصائي تغذيه + رياااااااااااااااااضه

وصدقني هاي الطريقه مظمونه 100%

شلك بعوار الراس وشلك باانه جسمك يتخيط ويغزون فيه ابر

بيقولونلك لاتاكل كذا ولاتشرب كذا وتحرم عمرك من كذا

لايبه انا تابعت مع دكتور في مستشفى حمد

وهاي وصفته لي او بالاصح لكل الناس



الفطور
عصير برتقال او شاي حليب- مع شريحتين توست مع جبن


الغدى
قالي نفس اكل البيت بس بكميات محدوده اهم شي السلطه مثلا اكل البيت عيش وصالونه كوب معياري عيش وشوية صالونه ( مب تكثرووووووووون )


العشى ( اهم شي قبل النوم ب 3 ساعات)
نفس الفطور بالظبط


( طبعا الرياضه ثم الرياضه ثم الرياضه ثم الرياضه) اشتركو في نادي امشو على الكورنيش حركو جسمكم


وصدقوني الي نزلتوه من الوزن مستحيل تطلعونه بسرعه لان الاكل صحي والجسم صحي وبهالحاله ماتكونون حرمتو جسمكم من اي شي وعطيتوه حقه ...

الممنوعات :rolleyes2:

حلويات ( اذى الواحد اشتهى شي نتفه صغيره مب قطعه كبيره)

شوكليت

الكيك

الشبس

البيبسي

البسكويت
وبس :nice: اتمنى ان الكل يستفيد

[بوحسين08]

أضغط على نفسك شوي .... خفف أكلك ... مع المشي والتمارين الخفيفة 5 مرات بالاسبوع راح تحصل نتيجة طيبة ... بس لا تقول باخصص يوم يكون مفتوح وأكل فيه النوع والكمية اللي أبيها ... كل اللي يعجبك يوميا بس لاتكثثر منه وابتعد عن السكريات ... والله يوفق الجميع

[نون]

شفط الدهون والشد افضلك وسمع نصيحتي

[بـن عدوان]

انا واحد من اهلي مسويها قبل سنتين اعتقد

الفرق كبير، بس لو تدري شكثر يعاني .. ؟

[STAR]

انزين الجسمي إشلون ضعف؟‏!‏

[فرحة الكواري]

اخي الكريم انصحك بالذهاب الى مركز بيرفكت ويت ( دكتور نيتروشن ) قرب دوار السوق المركزي

عبارة عن جهاز يطلع الوزن وكمية الـ ( الدهون - الاملاح - السوائل - العضلات )

وعلى هذا الاساس يحددون لك الدايت المناسب

شفت حالات كثيرة مشت على انظمتهم والفرق واضح خلال شهرين

كل التوفيق ان شاءالله

[عاشقة الخور]

الواحد يكون فوق المعدل الطبيعي للوزن " متين" ولا يكون عقب العملية في قائمة الأموات ؟؟؟؟
( مانصحك اتسويها في المغصب الألي للبشر " مستشفى حمد ؟؟؟؟

[نورالهدى]

انزين الجسمي إشلون ضعف؟‏!‏

الجسمي
وديانا كرزون
وليلى علوي
عملوا عملية تحوير

[أنت]

مشكوووووووووووووووووووورين اخواني على الردود