شكوى رسمية الى من يهمه الامر !!!!!

[الاستشاري]

السلام عليكم ورحمه الله تعالى وبركاته ,,,

الى صاحب الموقع والى جميع المراقبين و جميع المشرفين والى جميع الاعضاء والى جميع الزائرين ..

المحترمين.

لاحظنا في هذه الايام الاخيره هبوط جميع الاسهم بصوره مستمره مما أدى الى خسائر فادحه جدا

الامر الذي يتكرر هذا الهبوط وهو كالاتي :

على جميع المساهمين بعدم البيع أو العرض نهائياً بأسهم الناقلات , و أسهم الصناعات .

وجميع الاسهم نرجوا منكم بعدم العرض لكي نحافظ على أسهمنا .

نريد من كبار مسؤولين بالدولة التدخل الفوري لوقف هذا النزيف المستمر .

وأوناشد حضره صاحب السمو / الشيخ حمد بن خليفة آل ثاني أمير البلاد المفدى

حفظه الله ورعاه .

التدخل بشكل جاد ورسمي لوقف هذا النزيف المستمر الذى آدى الى خسائر كبيرة وخسائر تقدر ,

بقيمة ما يقارب 950 مليون ريال قطري في خلال ثلاث أسابيع .

الى جميع كل من يعيش في أرض الوطن نرجوا منكم بنشر هذا الموضوع بكل شتى الطرق !

أو عن طريق المسجات عبر الجوال أو عبر الجرايد والصحف الرسمية أو عبر الاذاعة والتلفزيون !

الى جميع المواطنين والمواطنات :

لوقف هذا الهبوط المستمر يـــد اً بــيـــد ونتعاون دئما وأنا اتمنى من الله العزيز القدير ان يوفقنا واخر

دعوتنا ,والحمدالله رب العالمين . والختام

ملاحظه هامه : أرجوامن صاحب الموقع الطيب أن يثبت هذا الموضوع ولوا على الآقل شهر..لكي

يتعدل الوضع ويستقر وأن ترتفع جميع الاسهم اللهم آمين .. وشكراً

[دهن العود]

الاستشاري

يعطيك العافية على الموضوع

أنا أخترت الاخير

[الاستشاري]

تسلم يا اخوي :rolleyes:

مشكور وماقصرت ورحم الله والديك

وانشاء الله نوناشد المسؤولين التدخل الفورى أتجاه شركات الوساطه والبورصه

والهوامير بعد ..

:mad:

[رحال]

الشكوى لغير الله مذله !!! يعطيك العافيه ،،، العرض خمسه مليون والطلب صفر طالما لا يوجد شراء اين الحل ؟؟؟

[السهم الازرق]

معاك 100% يا الاستشاري ..

و انا عطيت صوتي للثلاثة اختيارات الاخيره ..

الاختيار الثاني و الثالث تسبب في تدهور سهم ناقلات ..

و الاختيار الاخير سبب طبيعي لنزول السوق عموما

هذا والله اعلم

[الاستشاري]

مرحبا اخوي الرحال

كلامك يا غالي والله صحيح 100 % لكن أيش تفهم بناس اكبار في السن اعقولهم صغيره

ناس ما تفكر كله بس بالربح اليومي ... وما احترامي الشديد 9 % من الناس مشاركين بالمنتدى

هذا ومشاء الله عليهم على يد وحده !!

لكن المشكله الناس اللي اتشوفهم بالبورصه والله اشكال ....

تضحك وغلط بنفس الوقت أنا والله ما أريد الاساَءة للجميع لا والله , لكن اعتقد لكل مساهم

لما يشوف واحد شكله غلط يقول بقلبه بل !! هذه بس هو اللي سبب الخساره ..

أتصدقون رايح المجموعه اليوم على ساعه 10 الصباح الا واحد عنده 6000 سهم شيبه وكبير بسن

يبي يــبــيــع الناقلات وش تقولون عنه ...؟؟

من وجهة نظري غبي وما يعرف شي ما يعرف ان خساره وفي نفس الوقت الله مش بيوفقه

لان حرام ثم حرام ثم حرام

ما تشوفون الشاشة حمره ..؟؟ ما عمت أعيونكم ؟؟

اليوم 5 مليون سهم وطلب صفر !! هذا يدل ان الناس ما تريد الشراء لان حرام

وعلشان هشكل الله مش اموفقهم والله العظيم ... صدقوني !!

صدق ونعم الامثال لفضيلة الشيخ الدكتور / يوسف القرضاوي يوم قال في بيانه الاخير حرم شراء


اسهم الناقلات الى 1/6/2005

يمحق الله الربا صدقت .. وما أعظمك يارب الله ما يضرب بعصى ... :)

ملاحظة هامه جداَ وضروري : أنصح لصاحب الموقع يضع أعلان على هذا الموقع الطيب , في سوق

الدوحة الاوراق المالية علشان العالم ,,,

تزور وتتعلم وتتثقف , مش مثل بعض الناس اعقولها تَــنَك .. وفي قوله الحكيم :

(( وجعلناكم كالانعام بل هم آضل )) صدق الله العظيم ... والختام

[الاستشاري]

معاك 100% يا الاستشاري ..

و انا عطيت صوتي للثلاثة اختيارات الاخيره ..

الاختيار الثاني و الثالث تسبب في تدهور سهم ناقلات ..

و الاختيار الاخير سبب طبيعي لنزول السوق عموما

هذا والله اعلم

هلا والله فيك يا سهم الازرق اتمنى اشوف الشاشة زرقة بدال اللون الاخضر لوع جبدنا

ههههههههه

أشكرك على التصويت وعلى مرورك الكريم مشكور وما قصرت ..

وتحياتي لك

[السهم الازرق]

طلبات الشراء صفر لان الهوامير و المستثمرين الاجانب عارفين الاشكال اللي تتكلمون عنها ..

و يدرون ان السهم بأنحدار مستمر لان العرض بالملايين ..

ليش يشترون الحين و السهم كل يوم ناقص 3.50 ؟!

الشراء راح يصير بكيف الهوامير و المستثمرين مب بكيفنا لان احنا اللي عطيناهم دفة السوق و خليناهم ينزلون و يصعدون السهم بكيفهم ..

و لو من البدايه كان في وعي و الناس مسكت اسهمها كان السهم والله الحين فوق ال 100 ريال ..

لكن الحمدلله انا لاني مب ناوي ابيع فمستانس على اللي يصير بسهم ناقلات ..

بقعد اتفرج عليه ينزل لين يقول بس .. و بعدها بشتري

و رب ضارة نافعه

[الاستشاري]

مرحبا يا اخوي السهم الازرق مره ثانيه

التجار هم السبب وهم اللي يتحكمون بالسوق لا حول ولا قوة الا بالله العلى العظيم

أذا الناس متمسكه بأسهمها بطريقه ذكيه , صدقني الاسهم بتكون فوق لكن التجار يلمون ...

الله يعزكم وصاخة المستثمرين الصغار ..

لان التجار يفكر بس يلم ويلم لكن المشكله في هذا الزمان كل واحد يحب يدور الشي لانفسه ويحب نفسه

ومستحيل القلوب تكون متحده لبعضها البعض حتى لو في البورصه !!

لكن التجار لهم قروبات جامده ويتفقون لبعضهم لبعض وأحنا عارفين حركاتهم من زمان لكن بأذن الله مصيرهم

الخساره لانهم ما يفكرون الا بمصلحتهم ما يفكرون بمصلحة الغير ما يفكرون بالناس اللي تجي لهم جلطات ..

وناس تموت وناس ترهن بيوتها وعقاراتها وكل شي يعني المسثمر الصغير يسوي كل شي لاجل المال ..

والتجار يا مال الاضعفه قاعد رجل على رجل وما يفتكر كلش ..

[السهم الحزين]

سوال يامن اتهمت على كلامك كبار المستثمرين
لو خرجو كبار المستثمرين هل ستظل بالسوق
سوق البورصة
كبار المستثمرين+ صغار المستثمرين
القاظى لايحكم على القضية من طرف واحد

[الاستشاري]

سوال يامن اتهمت على كلامك كبار المستثمرين
لو خرجو كبار المستثمرين هل ستظل بالسوق
سوق البورصة
كبار المستثمرين+ صغار المستثمرين
القاظى لايحكم على القضية من طرف واحد


مرحبا يا السهم الحزين بقول لك شي

25 % مساهمين لا يعرفون شي وامغرقينا

25% كبار المستثمرين هم التجار بعد امغرقين السوق

وفي ناس فيهم الخير ما يبون يعرضون هم اللي يستاهلون كل خير

بس لو انا قاضي احكم على التجار اللي يلعبون بالسوق بعطيهم حكم هو

بيكونوا بالاقائمة السوداء هذا اقل شي

وتحياتي لك

[السهم الحزين]

انصحك اخي العزيز

مادام هذة نظريتك الله يعينك

ردد

ياليل ماطولك لين تحقق امانيك

[الاستشاري]

انصحك اخي العزيز

مادام هذة نظريتك الله يعينك

ردد

ياليل ماطولك لين تحقق امانيك

عادي عندي لا اردد ...

انا مرتاح اصلن

:rolleyes:

[السهم الحزين]

الله يوفقك

لو تغير التوقيع وتحط توقيع رمز لبلادنا الجميلة يكون احلا

[بوعبدالله2005]

اخي الأستشاري الله يبارك فيك

كلامك فيه الكثير من الواقع

بس ملاحظه !!!!!!!!!!!!!!!!!!!
ياريت عندما تكتب ايات من القران الكريم انك تكتبها صح لأنك كتبتها غلط

[فلان]

صدق ونعم الامثال لفضيلة الشيخ الدكتور / يوسف القرضاوي يوم قال في بيانه الاخير حرم شراء


اسهم الناقلات الى 1/6/2005

يمحق الله الربا صدقت .. وما أعظمك يارب الله ما يضرب بعصى ... :)



أخوي اللي أنا فهمته إن فضيلة الشيخ القرضاوي حرم البيع لين التاريخ المذكور مب الشراء والله أعلم

[الاستشاري]

أخوي اللي أنا فهمته إن فضيلة الشيخ القرضاوي حرم البيع لين التاريخ المذكور مب الشراء والله أعلم



انشاء الله يا اخوي ما طلبت شي

[الاستشاري]

اخي الأستشاري الله يبارك فيك

كلامك فيه الكثير من الواقع

بس ملاحظه !!!!!!!!!!!!!!!!!!!
ياريت عندما تكتب ايات من القران الكريم انك تكتبها صح لأنك كتبتها غلط

السلام عليكم

اشكرك يا بو عبدالله على التصحيح

وكما اشكرك بمرورك الكريم ....

وبعدل الخطأ ....

وتسلم يالغالي

[الاستشاري]

أخوي اللي أنا فهمته إن فضيلة الشيخ القرضاوي حرم البيع لين التاريخ المذكور


مب الشراء والله أعلم



اخوي الشراء والبيع بعد يا اخوي حرام

وكلام القرضاوي فيه الخير بعد

وكل كلامه يدل على الحكمه ويدل انه في شي بيصر

غير جذيه الشركه ما تأسست الى الحين ؟؟

وتحياتي لك واشكرك على مرورك الكريم

ومع السلامه