مرض سكر الحمل

[alfahad1]

السلام عليكم ورحمة الله وبركاته

بغيت اعرف من الاخوه والاخوات الاعضاء اللي عندهم فكره عن هذا المرض (سكر الحمل)

ومدى خطورته واتمنى اللي عندها تجربه مع هذا المرض ان تفيدنا ولكم منا جزيل الشكر

[أم جود]

السلام عليكم
سكر الحمل

له مخاطر اذا ما حرصنا على نسبة السكر فالدم احيانا سكر الحمل ممكن يبقى مع المرأة حتى بعد ولادتها

بس الأغلب يروح منهم السكر

سكر الحمل اذا اهملناه
ممكن انه يؤدي الى كبر حجم الجنين فالرحم .. وهني لازم قيصرية خاصة اذا تعسرت الولادة

نقص الكاليسيوم عند الجنين
زيادة ماء الجنين

اما للحامل ممكن يصيدها نزيف نتيجة لكبر الرحم

وهالشي عن تجربة

بالنسبة لي صادني تسمم حمل وارتفاع الضغط بشكل رهيب
لكن الحمدلله بعد ما ولدت كل شي رجع طبيعي

[alfahad1]

يعطيج العافيه اختي ام جود

[هبة ريح]

عليها بالحمية تكثر من السلطات وتشرب الماي وتمشى حتى لو ساعه ف اليوم

والاخت أم جود ماقصرت كفت ووفت وماعليها شر ان شاءالله

[سنطره]

اغلب سكر الحمل يروح بعد الولادة اذا قللنا من النشويات وابتعدنا من السكريات والمتابعة ارتفاع وانخفاض السكر في المستشفى
ممكن يحدث ولادة مبكرةيعني قبل اكمال الشهر التاسع وممكن يؤدي لكبر حجم الجنين.
وفي نساء ما شاالله لايؤثر عليهم سكر حمل اذا حافظوا على نفسهم.
ان شاالله مافي شر

[راسيه]

حبوووبه تاكدي من التحليل
انا عذبوووني قالو لي فيج سكر ومرتفع وخطر ومادري شو .. ولازم تعدين التحليل

خذت 50 g اول مره وبعد ساعه سحبو دم
وثاني مره 100 g وسحبو قبل لاشرب المحلول و3 مرات كل ساعه مره بعد المحلول ..
واخرتهاااا ماااافيني سكر والله الحمد ..

السكر يكثر الماي حول البيبي .. واحتمال الولاده قيصري بسبب كبر البيبي .. وياليتها كبرعلى عافيه
والاغلبيه يروح منهم بعد الولاده بس البعض يتم معاهم على طووول ..

الله يشفيج ويثبت لج ولنا