بنتحر من القهر لا ومن الدور الثاني أبي رأيكم (جديد معدل)

[التركي]

بنتحر من القهر لا ومن الدور الثاني أبي رأيكم

--------------------------------------------------------------------------------

بصراحة فكرت كثير:wizard:، ومحصت الأمور، لا... وقلبته تنازلت ونصبت تعيرت، ولا في فايدة حتى جاتني فكرة الانتحار:court:، لا... ومن الدور الثاني، وقبل لا أطلع الدور الثاني حطيت تواير تحت، وفرشت فراش أم خماس وشوية رمل، وحطيت تحت الفانيلة شوية قطن، عشان يكون الانتحار مريح بدون كدمات السبب... آه يا:secret: السبب!
بصراحة أبي أتزوج الثانية، وأنا عمري واحد وخمسين سنة، وعندي عبود وحمود وخلود ونورا وزعفور، وأم خماس حية ترزق وكلهم مو براضين، آيا القهر! نسيت أقولكم: هم خماس سوالي تليفون من البحرين؛ لإنه يدرس هناك، ويجيب حلاوة شويطر كل جمعة، وهددني بالتليفون قال يا با، قلتله ها يا با:strong3:، قال ترى إن تزوجت ما أكلمك، آه يا باسكن روبن كاكاو اتبرد على قلبي! أريد أعيش بل أعيش إسوة باخواني القصيميين!;)
المهم أم خماس عمرها خمسين سنة، وعندها أعطال هندسية وعمرية! وأنا رياضي جسمي سامبتيكة، وألعب سكواش وقلينة ماطوع، وأصوم...
أنا أبي أعيش طبيعي وما أحب الحرام -لحظة عشان أمسح الدموع- أعرف بتقولون نصاب! بس باخد كلينيكس ثاني عشان أمسح بعد، ولي متى أصوم وأحط الحرة في الإسكواش؟
والقهر إن عبود عمره ثماني وعشرين سنة، وساكن معاي في البيت، وابشركم عريس جديد:tease:، ,وأنا أشوفه كأني بومة أحرك عيوني يمين ويسار، وحمود يحن كأنه نيسان بترول... أبي أتزوج!
ما أدري العيال وإم خماس يبوني أرتكب حرام واتعذب في النار... آه يا القهر! ... أو انتحر
إش رأيكم؟ انتحر؟ ومن الدور الثاني؟
قال أبو يمن:
لا يعرف الألم إلا من يكابده ولا الصبابة إلا من يعانيها
آه يا القهر!!!!:anger3:

[ودي أكون]

ماعندنا مانع تبي تتزوج تزوج .. بس بشرط :shy:

أنها اتكون بعمرك ..:eek5:

يعني خمسينيـــه :tease:

[حنان الدنيا]

ماعندنا مانع تبي تتزوج تزوج .. بس بشرط :shy:

أنها اتكون بعمرك ..:eek5:

يعني خمسينيـــه :tease:



حرام عليج خليه يتزوج بس مو صغيره وايش الفايده اذا بياخذ خمسينيه مابيكون استفاد شئ

ونصيحتي كلم ام العيال اذا بتقدر على انته تبيه واذا قالت ماقدر قولها خلاص بتزوج

وروح تزوج واستانس وعيش حياتك بعد ولاتزعل :victory:

[كازانوفا]

الف مبروك بس انا ارشحلك صبوحه الشحروره
هاي تليق فيك من الآخــــــــــــــــــــــــــــــــــــــــــــــ ر
وتنوب فيها ثواب ايش قلت ؟؟؟؟؟؟:)

[ودي أكون]

حرام عليج خليه يتزوج بس مو صغيره وايش الفايده اذا بياخذ خمسينيه مابيكون استفاد شئ

ونصيحتي كلم ام العيال اذا بتقدر على انته تبيه واذا قالت ماقدر قولها خلاص بتزوج

وروح تزوج واستانس وعيش حياتك بعد ولاتزعل :victory:

:eek5:


:eek5:


لحــظة أنتي واحد وإلا وحده :eek5:


أي والله وحده :eek5:



ومأيده عالثانيه :omg:


يارج الله يا أم خماس طيحوا كرتج خلاص بعد هالعمر :weeping:

[فرانسـ كوفي]

اتكل على الله وتزوج

[الشحانية يونايتد]

الله يرحم شيبانا بس

يدش البيت ويقولها (( يا مره ترى تملكت وعرسي اليوم الفلاني))

أما جيلنا التعبان لو مزح مع زوجته وقالها ابي اتزوج لما يرجع البيت يلقى فراشة بالمجلس واحذاه سندوتش جبن وكوب شاي اسود مسويته الخدامه رأفة بحاله

أقول يا بو خماس تعال خلنا نشرد أنا وانت ونتزوج من الشيشان ترى يمدحون بناتهم ونعيش اهناك ؟؟!!

[لاجل QT]

اهم شي ان تكون ام العيال راضية وهذا يعتمد عليك

اهم شي يكون عندك مصاري للزواج وهذا يعتمد عليك

الاهم والموهييم والمهمات البنت الصغيرة او المراءة الشابة غير المراءة في الخمسين هل انت قادر تعطيها حقوقها الزوجية كاملة مع هالدنيا المليئة بالفتن :rolleyes2:

[هتـان قطر]

زين حاول تطيب خاطرها بكم كلمه وانك ما تستغني عنها وانها كانت ومازالت هي المبداه في كل شي

مع اني اشك في ذلك بعد ما تتزوج ..لكن ما علينا ..وقول لها اللي تبينه باسويه واكيد بتقول ضف وجهك ولا ابي

اشوفك في هالبيت اذا تزوجت..وافق على كل مطالبها واكيد بتوافق من غير رضى نفسي لانها بتكون مجبورة

انها توافق..قلبي معاها المسكينة

هذا طبعكم يالرجاجيل اذا كبرت المرة كثرتوا من عذاريبها ونسيتوا الايام الخوالي

راح الوفا وراحوا هله..عسى الله يكون في العون

ملاحظة صغيرة..اكتب البيت باسمها ..يمكن يجيه قص على الاقل تستفيد شي من وراك

[التركي]

ههههههههههههههه

,

انااسف جدا , كل يوم طايح في مشكلة :weeping: , بس انتم الاخوان اللي ينشد الظهر بكم

تراني افكر اليوم اطلع على الدري .

[بوخالد2]

ملاحظة صغيرة..اكتب البيت باسمها ..يمكن يجيه قص على الاقل تستفيد شي من وراك

هههههههههههههههههههه :nice:

[بلوتنيوم]

وليش الخوف
شد حيلك الزواج من الثانية للقدعان وبس:omen2:
الي يخاف مايعيش :rolleyes:

[الحجاجي]

قال أبو يمن:
لا يعرف الألم إلا من يكابده ولا الصبابة إلا من يعانيها
آه يا القهر!!!!:anger3:

فعلاً

محد حااااس فيك ..

الحريم اغلبهم مستحيل يأيدونك ..

وهذي فطرة ما نقدر ننكرها .. ومعذورين ..

بس اعقلها وتوكل

في النهاية ما يصح إلا الصحيح ..

دام ماعليك قصور .. ( مالياً وصحياً )
مفروض تعذرك أم العيال .. ( ولا تسوي حق عمرها عمره على قولة اخوانا المصريين ) .


تمنياتي لك بالتوفيق قبل الوصول لمنتصف الدرج

[التركي]

للاسف , ام خماس اشوفها تكتب شعر , مادري اللي ادور في راسها , اخاف تنتقدني في قصيده , وتروح علي

محد يزوجني .

[Petroleum]

هاهاهاهاهاها

أقوووول ترى اللسان ماله عظم

شاطريين حنا بالحجي لكن وقت الصج كل منا صار دياية مرته

وين رجال أول
http://up.arabseyes.com/upfiles/4EL48675.bmp

ووين رجال الحين

http://up.arabseyes.com/upfiles/4S648843.bmp

و على قولة راكان بن حثلين و هو يخاطب حمزه اللي معاه في المنفى في تركيا

عقب المعزه صار كنا دراويش
الكل منا خبزته في يمينه

لاعاد لاقهوه ولاعاد به عيش
ولاعاد به فطحه خروف سمينه

[نورالهدى]

هههههههههه
تراك اتنكت
انزين عندي حل
بدل ماتصرف فلوسك على حرمة جديده
عطها لأم خماس تسوي فيها عمليات تشبيبية وش رايك
مب أحسنلك
لا وبترد أصغر من 20
وبتقول نورالهدى قالت
أنا أشوفهم عواجيز وفجأه صاروا صغار وماكنت أدري وش السالفة
بس دريت ولين كبرت بروح أتشبب قبل لا ريلي يسوي شكلك

[(الفيصل)]

بنتحر من القهر لا ومن الدور الثاني أبي رأيكم

!!!!:anger3:
من الدور الثاني يمكن ما(تموت)!!
أقفز من برج


















من أبراج (العقل والحكمه) :nice:

[أم جود]

انا اقول لك شي
يود مينونك لا يجيك اين منه

خلك على ام العيال شزينها شحلاتها

[لاجل QT]

هلا التركي
وش رسيت علية..الزواج والانتحار من الدور الثانى على سيبرنغ:rolleyes2:

[علي99]

بتوفيق

[ام سلطون]

صراحه انت رجل ونعم الرجال :victory:
لوفيه 100واحد منك جان احنا بخير
انا اقول توكل على الله ونتحر:nice:
وصدقني بندعيلك بالرحمه:)

[التركي]

:telephone: الجديد في شيء على الطريق


بس خايف ام خماس :anger1:
وخماس يكون كذي:anger1:

[مستجدة]

هذولا انتم يالرجاجيل النكران طبع فيكم تاخذون الحرمه حلم وترمونها عظيم
لا مراعه لشعور ولا عشره ولا لبيت وعيال وطالع مع انكم بنفس العمر بين فيها التعب وانت مازالت
اطامر على اربع تبي العرس هدها تعب السنوات في خدمتك وخدمة عيالك وبيتك

وفي الوقت اللي الخوي مايتخلى عن خويه تبي تعرس وعيونك ناطه وطالع لك قرون ذيب وطبعا تبي وحده من دور بناتك وبنت بعد يعني مالك في العوانس الثلاثنيات ولا المطلقات العشربنيات

عموما لاتوقع انه بندعي لك لا بالشئ اللي في خاطري الان واللي ممنوع من النشر

انا اقول يمدحون برج ابو ظبي الجديد الانه اطول برج في العاااااالم وفيه مسجد في اعلى البرج صل ركعتين
ومسح دموعك وطب ولاتشهد حتى اتكون الموته اتبرد القلب .

[الـمـحـنـك]

تزوج وتوكل على الله من الي مانعك بس يليت تكون كبيره مو صغيره يعني من 35 وفوق اشوي يكون احسن

وتحياتي لك ولا تنتحر اذ سالفه فيها فراش وتواير يعني بدون شي ولا فلا

اخوي وبتوفيق وانا بصراحه اشوف لو تهتم في عيالك لن بعض ناس يتزوج ويهمل الغير ياخوفي تنسى الي خدمتك سنين عمرها

فكر فيها قبل تتزوج وصدقني اذ هاي عمرك والله بتهملها والله يكون في عونها..........وبعدين عمرك 50 سنه,,,,,,,, صج ان الله محلل اربع

لكن عطنا سبب..يجبرك على زواج في هاي العمر....وتبي صج اراحه زينه وقابل ام العيال والعيال والله يسعدك ويسعدهم وشيل عنك الخربطه

او لا تحرق قلبها بعد هاي السنين والعشره وانتحر ابرك لك

والله اعلم

على كل حال الله يهديك ويرشدك لصواب ....وبتوفيق مره اخرى

[المبرمج صلاح]

انسى الموضوع وروح نام ترى مافي امل
ام خماس بعدين تعملك ازالة كاملة من الدنيا
ههههههههههههههههههههههههههههههههههههههههه

[التركي]

احد يعرف رقم الخطابة ، ام خماس قررت تخطب لي

[um3lianny]

مبروك مقدما يا بو خماس لكن حط في بالك ان ام خماس ممكن تخليك بعد و تشوف حياتها بطريقتها ثرى سوها نسوان وايد و القصص اللي حولك تشهد

[سهم الغدر]

اخوي مدام عمرك 51 ماعتقد ام خماس تزعل ... توكل على الله وتزوج والشرع حلك اربع , واخذ طريق الحلال ابرك لك من الحرام ...وقت الحساب ام خماس مو نافعتك ولا عيالها...مبروك مقدماً, بس لاتنسى ام خماس بالرضوى الزينه تراها تستاهل

[الفيصل2009]

الله عليك ياتركي كلا" على همه سرا انت في الزواج وحنا نطحن في المجلس الاعلى للتعليم نبي التقاعد ولا البند المركزي تقبل مروري عقبال ماتاخد الي في خاطرك وتلاعبك سكواش

[قطرية فذة]

ماقول الا عسى الله يوفقك

ويسر أمرك

[بدوي]

الله يعينك ياخوي

الحلال افضل من الحرام ،، بس شلون توصل

هذي يبيلها ترتيييييب وانت وشطارتك :victory:

ذكرتني بسالفة :nice:

مره كنت عند واحد من الربع في المجلس

شوي الا داش علينا واحد من الشلة وجهه معتفس :rolleyes2:

شفيك يابو الشباب ؟؟

قال : ابوي جاب العيد !! :eek5:

خييييييير عسى ماشر ؟؟ قال : اليوم هدف لنا ذيك الشامية اللي عمرها ماوصل 20

ووياها ذاك الولد الابيض وفيه شقار :omen2:

يقول : طلع متزوجها من سنتين اعتقد ،، وجابها قطر الحين :anger1:

المشكلة يقول : الحيييييين هالاشقر اخووووووي :eek5: انا وجهي اتردد قبل لا اشوفه في المنظرة :(

يقول : الله يعيني على سوالف المدارس لاكبر :omen2: الله يسامحك يايبه :weeping:



وانت ياخوي .. استخير وشوف اللي يريحك ويريح هلك

:nice:

[الحره]

حقك تتزوج وتعدل بس انت بهالمقابل بتخسر ناس تحبهم ويحبونك اذا مستعد للخساره على حساب حبك لنفسك فتوكل على الله

[غدير البورصه]

عرس ولا عليك من حد. الله حلل اربع

يا الخواف

[التركي]

غدير البورصة

ارجوك لا تقول

خواف ، تراني أتزوج

[التركي]

غدير البورصة

ارجوك لا تقول

خواف ، تراني أتزوج

[aljaber1]

قولاً بلا فعل مثل صدى صوت عقب تصويت
الي بيتزوج يعملها ومايقول
بس هذا حال الواحد الصار كبير
يبي يشعر بهميته بس انت لاتكثر عليها
وتقولك روح وتتوهق

[simsim1963]

ما سمعت الشايب ويش يقول " الشايب مايبنه **** يبن طلع يديد"
بو ف*** مسقايه *** بفولاذ الحديد"
حبيبي أصرف النظر استر لك ترى بعد الخمسين يسمونها مراهقه خداعه تفكر انك رياضي بس كله في القلب

[الحره]

بس تدري اخوي قهر تاخذ وحده جديده تشارك عيالك بحلالهم بعد عمرن طويل ان شاءالله

يعني الي بتاخذها ماسألت نفسك على اي اساس بتقبل فيك ااذا بتاخذها صغيره طبعا واذا ماكانت اجنبيه بعد

[اعقل مرجوجه]

الله يعينك ويعينها

تراها معوره قلبي ام العيال

*وانت لو رحت تتزوج مب تجينا بعدين في موضوع ثاني بمشاكلك مع الجديده


ويمكن تكون مت من القهر بتجننك او تذبحك وتورثك ههههه

ترى محد مرتاح

[**هـتــــــان**]

:omen2:وانت يومنك تبي العرس ليش ماعرست بعز شبابك ..قاعد للحين وتوك تذكرت تجدد شبابك ..:rolleyes2: واكيد بعد بتاخذ وحدة من عمر اعيالك وبتظلمها يعني ممرضه لك بعد كم سنه لين يروح وهم مراهقه الخمسين .
اللي يبي العرس يعرس بعز شبابه :( ولايظلم بنات خلق الله معاة ..يابو خماس .

[التركي]

برجاء سبب النقل.

[حليتان*]

يمدحون لبنانيات يقولون يسون لك حمص وتبوله ...وتنزلك في الشهر 15 كيلو

[المغروره]

شلك بعوار الراااااااس احمد ربك ع العاااافيه وعلى نعمه العياااااال
يعطيك العاااااافيه

[التركي]

برجاء سبب النقل

[الصريحه]

ماادري وش اقول حلال لكن شوف الاصلح لكم واستخير قبل كل شيء

[بوعلي2]

الله يعينك

[التركي]

الان كثير من البنات خاصة اعمارهن فوق الثلاثين على الاقتران برجل متزوج .

[التركي]

الان .. كثبر من البنات اللاتي اعمارهن اكثر من الثلاثين يوافقنا على الاقتران برجل متزوج .

[وطن]

الان .. كثبر من البنات اللاتي اعمارهن اكثر من الثلاثين يوافقنا على الاقتران برجل متزوج .

انت تقريبا في سن الوالد
تتوقع اني انا برضى اتزوج واحد في سنه ولا متزوج بعد
لاني وصلت 30 !!!

الوحده لين كبرت تبي ترتاح في حياتها ما تبي الشقى
ولعلمك بنات وايد كل ما كبروا كل ما زادت شروطهم وصعب انهم يتنازلون
وأنا وحده منهم
الزواج استقرار وتكافئ مب اي واحد تتزوجه البنت والسلام .. وباجر تبتلش بالعيال وبريل يعل قلبها !!!

وانت تبي تتزوج على مرتك اللي عاشت معاك ع الحلوة والمره 30 سنه وزود
ما فكرت في شعورها ؟
مرتك الحين كبرت واحتياجها النفسي لك اكثر من قبل
بدل ما تكون معاها طول الوقت وتعاونها وتعيشون حياة جديده بما ان عيالكم كبروا وتستانسون بالطلعات والسفرات وغيرها

تبي تهديها ضره ؟؟!!!

لا حول ولا قوة الا بالله
الله يهديك يبه

ترى حتى شعور عيالك من صوبك بيتغير لين تزوجت على امهم وجرحتها

[بصمة قطرية]

تعوذ من ابليس يا ولد الحــلال وابعد عنك هالفكـــرة ~
فكر في ام عيالك بعد هالعشرة وهالعمر تستاهل تجيب لها ~ ضُرة ~
هل هاذي راح تكون بمثابة ~ مكافئة نهاية الخدمة ~
آآآآخ صج انقهر لي سمعت واحد تزوج على زوجته بعد ~ عشرة عمر طويلة ~
والله قهر ~
والله لو تفكر في اللحظات اللي عاشتها ام عيالك وتحملتك فيها راح تحب راسها ~
مصيبة الرجاجيل فيهم انانية وينسون حريمهم ~

ليش ما فكرت في شبابك ..؟؟
الحين لما زادت حاجتها لك تفكر تستبدلها ..؟
المرة لما تكبر ويكبرون عيالها مين بيبقى لها غير ~ شيبتها ~
لي راح وتزوج اش بيصير فيها ~
ويقولون ليش حريمنا الكبــار فيهم ضغط وسكر ~
كلهم من هم المرة الثانية ~

لما ينسى عشرة العمر واللحظات الزينة والشينة اللي عاشتها معاه
ما تنقهر ~ ..!!!

بس بس خلاااااص ما ابي اقول اكثر ~
والله دمعت عيني ~
لأني صج أكره هالشي ~

لا تظلمها ~

[KABOOM]

يرجال مصدق نفسك
عند ام خماس تحس نفسك بطل
لجاتك بنت صغيره بتشوف الفرق
وبتدري ان تاريخك انتهاء
البنت تبيلها صبي...
ولاتطالع ولدك المعرس توه تاريخ الصلاحيه مانتهاء

فلايغرك السكواش ولا غيره..
حط حيلك في اللي عندك ابرك لك
لاتزيد الهم همين ثم تندم

[التركي]

الفكرة رجعت مرة ثانية
ما أدري العيال وإم خماس يبوني أرتكب حرام واتعذب في النار... آه يا القهر! ... أو انتحر
إش رأيكم؟ انتحر؟ ومن الدور الثاني؟

[نوفا91]

انتحر احسن :)

[20qatar22]

يااااانااااااس ياااااعاااااالم..
افهمووووووه الرجااااااال..
الرجاااال مايبغي يطيح فالحراااام..
وأنتوووا تدروووون الحرام سهل..
افهموووووا يانااااس اللي يبغي يسويه حلاااااااال

[**هـتــــــان**]

تزوج بعدها اوردي بتنتحر بالرحه :)

[شخص ما]

وين المشكله طيب؟؟؟؟ عادي بيزعلون في البدايه وبعدين بيرضون بالواقع :(:(
بس السؤال اللي يسدح نفسه ماتحس انك تباالغ :con2:

[ن.سهيل]

ماعليك من السوالف عليك بل

( الكيك )

وخل

( العصيد )

[الحياة الخالدة]

الفكرة رجعت مرة ثانية
ما أدري العيال وإم خماس يبوني أرتكب حرام واتعذب في النار... آه يا القهر! ... أو انتحر
إش رأيكم؟ انتحر؟ ومن الدور الثاني؟


انتحر احسن :)


أنا اقــــول بعد تنتحــر أحسن ..

حالتك مستعصية ..
ما دامها تروح و ترد كل فتـــرة يعني مالها علاج ..

[همسه]

الله يبعدك و يبعد عنك الحرام

الله يكتب اللي فيه الخير و الصلاح للجميع

:)

[sara jsm]

الموضوع صارله بالضبط سنة كاملة من فتحته !!
ماادري استفدت من الردود ولا لا ؟؟
عالعموم يبين من شخصيتك انك رجل متردد في قراراته ,,
ماعندي لك الا دعاء ,, الله يهديك ان شاءالله

[نوفا91]

الموضوع صارله بالضبط سنة كاملة من فتحته !!
ماادري استفدت من الردود ولا لا ؟؟
عالعموم يبين من شخصيتك انك رجل متردد في قراراته ,,
ماعندي لك الا دعاء ,, الله يهديك ان شاءالله

اتوقع بعد هالرد بيعقل ويجابل ام خماس هههههههههههههههههه

[لافوشيا]

شسالفه مب فاهمه شي؟؟؟

[نوفا91]

شسالفه مب فاهمه شي؟؟؟

الرجال يبي يتزوج وهو فالخمسين ع ماظن ويقول انه لين الحين يلعب سكواش وفيه حيل اما ام خماس انتهت صلاحيتها ..ايييه ونسيت وانه يشوف ولده المعرس ويتقطع قلبه ههههههههههههههههههههههههه<<شرايج فيني قلت لج القصه كلها :tease: