المساعد الشخصي الرقمي

مشاهدة النسخة كاملة : متى توزيع الاراضي


علي99
22-02-2010, 05:36 AM
ابي اعرف متى الواحد يستلم ارض كم المده المطلوبه الواحد مل وهو يروح يراجع في ارضه نبي حل
Gentleman
23-02-2010, 07:41 AM
قالوا القائمة الجديدة في شهر 12 اللي طاف... وبعدين قالوا شهر 2... وأنا منتظر من سنة 2000 .... وعندي ربع منتظرين من سنة 1996... وأعرف ناس أراضيهم طلعت في أقل من سنة من تقديم الطلب.
سوق واقف
23-02-2010, 08:04 AM
على حسب وين مقدم أخوي يعني أذا مقدم في وسط الدوحة أكيد راح تتأخر ولكن أذا في المنطق الشمالية أو الجنوبية ماراح تتأخر

يا خوي أنت تقول في شخص ينتظر 1996 أخي لا تزعل لا أعتقد .... لأنه تم توزيع أراضي كثيرة العام والسنة والأولويه للقدماء ...

بس أكيد صاحبك طالب في مكان لا يوجد به توزيع أو عطوه واهو ما يبغي في المكان الي عطوه .. والعلم عند الله
الدوحة قطر
23-02-2010, 12:21 PM
في حد عنده فكره متى راح يتم التوزيع الجاي؟
علي99
24-02-2010, 01:01 AM
يااخوي اناا طالب اي مكان لو في سلين معندي مشكله بس اهم شي يعطوني ارض ملينا وحنا ننطر غيرنا يقدم اليوم بعد شهرين مخذينها
Gentleman
25-02-2010, 12:58 PM
على حسب وين مقدم أخوي يعني أذا مقدم في وسط الدوحة أكيد راح تتأخر ولكن أذا في المنطق الشمالية أو الجنوبية ماراح تتأخر

يا خوي أنت تقول في شخص ينتظر 1996 أخي لا تزعل لا أعتقد .... لأنه تم توزيع أراضي كثيرة العام والسنة والأولويه للقدماء ...

بس أكيد صاحبك طالب في مكان لا يوجد به توزيع أو عطوه واهو ما يبغي في المكان الي عطوه .. والعلم عند الله

أخوي أنا قلت فيه أشخاص منتظرين من 1996 مب شخص واحد. ولو تطرش لي رقمك على الخاص راح أعرفك على عشرات الأشخاص اللي منتظرين من القرن اللي طاف ويقبلون بأراضي في أي مكان. بسبب قانون تجنس الأب والجد عدة آلاف من طلبات كبار الموظفين من 1993 حتى 2003 موقوفة إلى اليوم...وأنا واحد منهم... وأخيراً قالوا لنا طلباتنا راح تمشي بس لازم نصبر.
بنـ الدحيل ـت
26-02-2010, 10:19 PM
هل وزعوا الأراضي في بني هاجر ..؟؟
احمد1
27-02-2010, 09:44 PM
اللهم صل على محمد واله و اصحابه اجمعين