الجنسية الخليجيه ومجلس الفلس القادم

[فرانسـ كوفي]

ليش مايصدر نظام جديد بخصوص الجنسيه الخليجيه لكل خليجي

مثلاً

اي خليجي يعيش في دوله خليجيه غير وطنه لمده لاتقل عن خمس سنوات يحق له الجنسيه مع حسن السيره وسلوك

ابي اعرف شلي يمنع مدام عاداتنا وحده وكلنا اهل ونسايب ليش مصعبينها مو احسن من بعض الجنسيات الاخرى اللي منحت جنسيات خليجيه وهم مالهم اصل في الخليج ولا قرايب مع احترامي وتقديري لهم

مثلي انا ابي اعيش في الامارات بس سالفة الجنسيه جايبه لي الهم لو عشت هناك بصير كأني مجرد وافد لذلك ياليت يشوفون لنا حل في مجلس التعاون القادم ويناقشون الموضوع بجديه

واذا يبون يحطون شروط انتحاريه مافيه مشكله اهم شي بصيص من الامل واذا يبون يحطون مشنقه قبل الجنسيه بجم يوم ماعندي مانع يحطون بس لايشدون علينا الحبل وايد عشان مانموت قبل الجنسيه

ترى ملينا من مجلس البطيخ اللي مامنه فايده حتى عملتهم الموحد اجلوها لين 2015 يقولون شركة تصنيع الفلوس تعتذر لانه خلص الورق اللي عندهم من كثر تشقق الاوراق في مجلس التعاون المنسدح

لذلك يقولون انتظرو علينا لين 2020 وبنوفر لكم جم اورقه حق عملتكم بس لاتشققون الاوراق اللي صرفناها لكم في مجالس تعاونكم القادم حاولو تتفقون على راي لو مره هذا اذا فيه رائي مفيد لجتمعكم :weeping:

[الامانه]

الله المستعان

[فرانسـ كوفي]

الله المستعان


اي والله الله المستعان

جبدي منبطه :anger1:

[حمد بن خالد]

مادري يعني بس اعتقد معاملة الخليجي في دولة خليجية شقيقة تكون نفس معاملة المواطن بالظبط

اذا في اختلاف ماعرف بصراحة

[هداف]

ياعزيزي مع احترامي لطبلك لكن انا وغيري كثيرين لا نتفق معك بل ونرفض هذا الطلب وبشده ايضا

على اي اساس تطالب ان من حق الخليجي ان يكتسب جنسية اي دوله خليجيه لو جلس فيها 5 سنوات !!
وهذه الجنسيه هل هي شامله جميع الامتيازات للمواطن الاصلي ام انها مجرد ( اقامه ) اذا كانت مجرد اقامه
طويله الاجل الخليجي ياعزيزي في كل دول الخليج يتنقل من غير فيزه ولا اقامه !

طلبك غريب وماله داعي
( من تهون عليه بلاده ويطالب با لمواطنه في بلد اخر غير وطنه هذا لا يستحق الثقه والاحترام ) وقد يسميه البعض مرتزق

[كازانوفا]

الموضوع غريب اي دوله بتجنس اي خليجي على ارضها وعلى اي اساس بتجنسه الحمدلله عنده بلد معترف دوليا
تقول جامعه هههههه

[مستجدة]

ياخوي الان كل لبلد مناشب الناس على جوازاتهم وجنسيتهم
حتى المواطن بنفس البلد وين رحت وين جيت اعطيك مثال عن هني والجنسيه القطرية
بنات قطريات وابوهم قطري وجدهم قطري وكل طوايفهم قطرين وامهم خليجيه بعد وفاة الاب
الام مالها احد في قطر سافرت لاهلها هى وبناتها اللي كان اعمارهم سنتين واللي خمس
البنات امهم عرضت عليهم الجنسيتها لكن البنات سبحان الله قطر بدمهم برغم انهم بعاد عنها
ومحتفظين بجنسيتهم من فتره انتهت صلاحيه بطاقه وحده من البنات اللي صاروا شابات وجات زياره
حق خالتها لكن في الجوزات سين جيم وين كنتي وانتي اكيد عندك جنسيه ثانيه والبنت ياحرام اتصيح
ومخترعه اتقول انا كنت عند امي ابوي متوفي ليه تحرموني من جنسيتي واتشككون فيني

بصراحه هالجنسيه صارت نقمه على المواطن الخليجي
مانقول الا الله يرحم ايام اجدادنا اللي كان كل الخليج بيتهم لاحسد ولا تعقيدات ولا منه

[سهم طايش]

لا و الله مهب موافقين على طلبك بتشوف التكدس الخليجي في قطر و الامارات السعودية و البحرين بيفضون من البشر

[بوعلي 78]

والله انك صادق مجلس البطيخ

ياخوي خلهم يشوفون حل حق الجمارك ويحلون مشاكلهم الحدوديه، بعدين يفكرون في الجنسيه،،،

امحق مجلس تعاون

[فرانسـ كوفي]

اللي يقول طلبي ماله داعي مايعرض سبب انتقالي الى دوله خليجيه مجاوره وطلبي ليس تقليل من وطني ولكن لدي ظروف ولكن وضع الجنسيه محيرني

بالنسبه حق اللي يقول الخليجي بمكانه يعيش في اي دوله خليجيه كلامك صحيح اخوي

بس ابي الامتيازات حقت المواطن الاصلي لاني بنتقل الى الابد لظروف تجبرني على الانتقال بس سالفة الجنسيه هي اللي قالبه وضعي من فوق الى تحت

[هداف]

اللي يقول طلبي ماله داعي مايعرض سبب انتقالي الى دوله خليجيه مجاوره وطلبي ليس تقليل من وطني ولكن لدي ظروف ولكن وضع الجنسيه محيرني

بالنسبه حق اللي يقول الخليجي بمكانه يعيش في اي دوله خليجيه كلامك صحيح اخوي

بس ابي الامتيازات حقت المواطن الاصلي لاني بنتقل الى الابد لظروف تجبرني على الانتقال بس سالفة الجنسيه هي اللي قالبه وضعي من فوق الى تحت

الله يفرج ضيقتك ويسهل امورك بس هذه حاله خاصه لاتعمم اخي الكريم وتصبح قانون !!
ماتطالب به صعب ولا يجدي نفعا لو تطبق


كان الله في عونك

[لاجئ عاطفي]

ياعزيزي مع احترامي لطبلك لكن انا وغيري كثيرين لا نتفق معك بل ونرفض هذا الطلب وبشده ايضا

على اي اساس تطالب ان من حق الخليجي ان يكتسب جنسية اي دوله خليجيه لو جلس فيها 5 سنوات !!
وهذه الجنسيه هل هي شامله جميع الامتيازات للمواطن الاصلي ام انها مجرد ( اقامه ) اذا كانت مجرد اقامه
طويله الاجل الخليجي ياعزيزي في كل دول الخليج يتنقل من غير فيزه ولا اقامه !

طلبك غريب وماله داعي
( من تهون عليه بلاده ويطالب با لمواطنه في بلد اخر غير وطنه هذا لا يستحق الثقه والاحترام ) وقد يسميه البعض مرتزق


مرتزقه ؟؟ تقريبا 30% من قبايل قطر القطرييين الجنسية اصلهم من السعوديه فشلون اتقول عنهم مرتزقه وهم اهني لهم مكانة اجتماعية ولهم وضعهم الواضح للعيان كلهم ؟؟!! راجع اصول القبائل القطرية وانت اتعرف ان اغلب هل قطر من شبه الجزيرة العربية

[هداف]

مرتزقه ؟؟ تقريبا 30% من قبايل قطر القطرييين الجنسية اصلهم من السعوديه فشلون اتقول عنهم مرتزقه وهم اهني لهم مكانة اجتماعية ولهم وضعهم الواضح للعيان كلهم ؟؟!! راجع اصول القبائل القطرية وانت اتعرف ان اغلب هل قطر من شبه الجزيرة العربية



اخي الكريم تركد وانا اخوك وافهم كلامي ولا تفسره عكس معانيه !!!! حصل عندك خلط عجيب


القبائل اللي عنيتهم انت في ردك هم امتداد لقبائل قطر سواء كانوا من السعوديه او الامارات او البحرين وهم مواطنين ويحملون الجنسيه منذ سنوات طويله قبل استقلال قطر من 30 الى 60 سنه !! قبائل مشهوره قطريه على مستوى الجزيره ولديهم ولاء لقطر ولحكومة قطر ولهم جيل اول وثاني وثالث في قطر !!! لاتخلط بارك الله فيك هؤلاء مواطنين قطريين لهم كامل الامتيازات المخصصه للمواطن الاصلي .

التجنيس موجود بشروط وظوابط وهو امر سيادي لحكومة قطر والمجنس لا يتمتع بكامل الامتيازات اللتي يتمتع بها المواطن الاصلي.

اما ما ذهب اليه اخونا الكريم صاحب الموضوع( خمس سنوات في اي بلد خليجي وتحصل على الجنسيه ) معا كامل الامتيازات للمواطن الاصلي !!!! هنا كان تعليقي وردي .

[الأرجنتيني]

المادة 41 من الدستور القطري
الجنسية القطرية واحكامها يحددها القانون. وتكون لتلك الاحكام صفة دستورية.

[المتألق]

الحين بيرد اخونا عبدالرحمن وبيقول لا ممنوع

والقطري الاصلي مايبي احد ياخذ جنسيه قطريه هههههههههه

[ديمقراطي]

اخوي ...

اسمع هل خبر بعدين بتقول موضوعك يجي مرحله ثانيه
انا متزوج من خليجيه وعندي مولود و زوجتي ماتسحق الجنسيه الا بعد خمس سنوات