ممكن حد يفيدني بخصوص هالمخالفة

[حمد بن خالد]

السلام عليكم ورحمة الله وبركاته

اخواني يالس اجيك عالمخالفات وحصلت هالمخالفة

وهي واضحة

لكن المبلغ ... صفر ريال ؟؟!!

هل معناة ان السيارة مطلوبة ولا شو بالظبط

http://www9.0zz0.com/2010/02/22/10/940773387.jpg

[ودي أكون]

يمكن لين اللحين يتشاورون افكم يضربون لك النقاط :secret:

واتقولون مافي استهاتار هااا :anger1:

[سهم داق]

الغرامة . ريال يعني ما راح يحسبونها عليك هذي من وجهة نظري

بس هم كاتبين نوع المخالفة ؟

[heavy duty q]

الله يسلمك لانك مسرع فوق ال 180

موترك 100 % مطلوب وعليك نيابه

الله يعينك على بلواك

[حمد بن خالد]

المخالفة سرعة

رادار يعني

بس ما اعتقد مايحسبون المبلغ

يا أنه خطأ أو ان السيارة مطلوبة

وأتمنى يطلع خطأ

مب وقته الصراحة

[حمد بن خالد]

الله يسلمك لانك مسرع فوق ال 180

موترك 100 % مطلوب وعليك نيابه

الله يعينك على بلواك

افاا

الله السمتعان

اتمنى مايطلع هالكلام صج

:telephone:

[البدع]

يمكن (محفص)

:nice:

:nice:

:nice:

[الســـهم]

اللي أعرفه ان النقاط لازم يمر عليها سنه عشان تطيح عنك ..

اذا المخالفه مدفوعه فاتوقع ان النقاط راح تبقى , اما اذا الاحتمال هذا غلط فالله يكون بعونك ..

[حمد بن خالد]

اما انت يالبدع مالك حل

اخوي السهم

الموضوع مش موضوع نقاط المخالفة رادار وموجود لكن بدون مبلغ

اخاف اسأل وانصدم ويطلع الموتر صج مطلوب

[بوسنافي]

نفس ماقال هيفي ديوتي

انت مسرع فوق ال ١٨٠ ،،، وزياده على النقاط موترك بينحجز والله يعينك

[م.قطري]

الله يسلمك لانك مسرع فوق ال 180

موترك 100 % مطلوب وعليك نيابه

الله يعينك على بلواك

ميه في الميه

لتحاتي الشيخ بينحجز الموتر كم يوم وفيها محكمه الغرامه من 1000 لي 6000

بس حاسب على عمرك وعن السرعه

[حمد بن خالد]

نفس ماقال هيفي ديوتي

انت مسرع فوق ال ١٨٠ ،،، وزياده على النقاط موترك بينحجز والله يعينك

لاحوووووول

انزين هالموضوع مافيه واسطه :shy:

يعني لو اكلم حد اعرفه بيمشي الموضوع ولا مشددين

لأن اخبر على ايام 2001 و 2002 كانت الأمور عاديه بس الحين مادري

وين احنا ووين الحجز الحين

والله فشيلة

[وطن]

الحين فوق الـ 180 يسحبون السيارة ؟؟

<=== تبي تضبط اللمت عندها

[حمد بن خالد]

ميه في الميه

لتحاتي الشيخ بينحجز الموتر كم يوم وفيها محكمه الغرامه من 1000 لي 6000

بس حاسب على عمرك وعن السرعه

بعد بدون لا احاتي يعني

مابي اسمع زود الله يرضى لي عليكم

انزين والسايق عليه شي بعد ؟؟!!

[رذاذ]

انت مسرع فوق ال ١٨٠ ،،، وزياده على النقاط موترك بينحجز والله يعينك

[شبح الصمت]

ياخي اتصل الحين
4890666
واطلب قسم المخالفات والبنات اهناك راح يفيدونك
اسالهم قولها شنو مخالتي وهل موتري مطلوب
الله يعوضــك خير يا بوخالد
توني مشيك اليوم الصبح والحمد لله عليه 1600 ريال و6 نقاط نعمــه الحمد لله الحمد لله

[كازانوفا]

[quote] المخالفة سرعة

رادار يعني

بس ما اعتقد مايحسبون المبلغ

يا أنه خطأ أو ان السيارة مطلوبة

وأتمنى يطلع خطأ

مب وقته الصراحة

/quote]
ليش مب وقته
اذا انت طاير اكثر من 180 لازم تعطيهم موترك عشان لا تعيدها ترى روحك غاليه عند رب العالمين وعندنا
وغريبه ما عندك موتر ثاني ؟؟؟؟
خلاص لا تشيل هم بنحل مشكلتك

[حمد بن خالد]

الله يعين الجميع

اخوي شبح الصمت

بصراحة أول ماشفت المخالفة حسيت الموضوع فيه شي لكن قصيت على نفسي وقلت ما اعتقد يمكن حد يفيدني

الله المستعان

هاي غلطة ولازم الواحد يتحمل نتايجها

وجاري الاتصال ...



وأطلب من الإدارة الموقرة غلق الموضوع

الأعضاء ماقصروا ويزاكم الله خير عالإفادة

اللي مب حلوه موول :weeping:

[بوعلي 78]

لاحوووووول

انزين هالموضوع مافيه واسطه :shy:

يعني لو اكلم حد اعرفه بيمشي الموضوع ولا مشددين

لأن اخبر على ايام 2001 و 2002 كانت الأمور عاديه بس الحين مادري

وين احنا ووين الحجز الحين

والله فشيلة



بلى فيه واسطه بس يبيلك واسطه قويه :telephone:

لأن توه واحد من الشباب صاده الرادار المتحرك وكان مسرع فوق 220، بس عنده واسطه

دفع 1000 ريال وشالوا عنه النقاط بعد :victory:


ماعليك كل شي بالواسطه يمشي :anger1:

[حمد بن خالد]

[quote] المخالفة سرعة

رادار يعني

بس ما اعتقد مايحسبون المبلغ

يا أنه خطأ أو ان السيارة مطلوبة

وأتمنى يطلع خطأ

مب وقته الصراحة

/quote]
ليش مب وقته
اذا انت طاير اكثر من 180 لازم تعطيهم موترك عشان لا تعيدها ترى روحك غاليه عند رب العالمين وعندنا
وغريبه ما عندك موتر ثاني ؟؟؟؟
خلاص لا تشيل هم بنحل مشكلتك

من اللي ماعنده موتر ثاني الحين الله يرضى لي عليك

انا قلت مب وقته لان لي ماضي غير مشرف بالتهور جدام الوالد والعمام

والحين الصورة تغيرت جدامهم وعقلت وكبرت وصرت أبو عيال

لكن أمر الله , والحمدلله على كل حال

[حمد بن خالد]

بلى فيه واسطه بس يبيلك واسطه قويه :telephone:

لأن توه واحد من الشباب صاده الرادار المتحرك وكان مسرع فوق 220، بس عنده واسطه

دفع 1000 ريال وشالوا عنه النقاط بعد :victory:


ماعليك كل شي بالواسطه يمشي :anger1:



يعني لي الحين الأمور سهالات :telephone:

ماقصرت ويعل عمرك طويل

[شيط ويط]

الحين فوق الـ 180 يسحبون السيارة ؟؟

<=== تبي تضبط اللمت عندها

اشعنده (شوماخر) :shy:

[بوعلي 78]

يعني لي الحين الأمور سهالات :telephone:

ماقصرت ويعل عمرك طويل




وعمرك الله يطول في عمرك

بس تبي الصراحه
ضحكتني بسالفة ماضيك جدام ابوك واعمامك، والله انك ذكرتني بايام مضت :shy:


الله يفرج عليك ويحل لك هال سالفه باقل خساير :victory:

[أكتتاب]

الغالي معناته انك ماشي فوق الميه وثمانين
الموتر ينحجز وغرامه ونيابه
لكن لو عندك واسطه كل شي يمشي

مره صادني الرادار ماشي
200
والشارع 80
هههههههههههههه
والله مارقدت .. وصارلي اسبوع احاتي
اخر شي طلع افلاش بس هههههههههه

الله يعينك الغالي .. وحرك نفسك من الحين ..
ولو في اي استفسار انا حاضر لك

[بوطويشم]

السلام عليكم

اذا كنت مسرع 180

على كلام الشباب اول مره يمكن يسامحونك ويخالفونك 1000 ريال

او

اتحول نيابة والقاضي يحدد سعر المخالفة

بس ليش مسرع الدنيا ماراح تطير

شوي شوي

[theeb_qatar]

ياريال سهـالات .. حتى لو ماشي 300 ...


السالفه بالعربي يبـغون فلـوس .. + اجار الموقف اللي بوقف عليه موترك فالحجز ..
يعني عصفـورين بحجر ..

اما سجن وبطيخ لاتحاتـي ..

[وطن]

اشعنده (شوماخر) :shy:

هاهاهاهاهاهاها

[أكتتاب]

لا السالفه مب سجن

السالفه .. حجز موتر .. ومخالفه .. ونيابه

يعني بالعربي غرباله .. ومايسوى عليك

[وحيد-الشوق]

بلى فيه واسطه بس يبيلك واسطه قويه :telephone:

لأن توه واحد من الشباب صاده الرادار المتحرك وكان مسرع فوق 220، بس عنده واسطه

دفع 1000 ريال وشالوا عنه النقاط بعد :victory:


ماعليك كل شي بالواسطه يمشي :anger1:

كل شيء بالواسطة تقدر تسوية

واحد من الشباب اعرفه صايده رادار على خط بوسمرة ومب واحد 3 ورا بعض وكان ماشيء 180 وانحجز موتره وعليه محكمة وانسحب ليسنة بعد طبعا الواسطة وماتسوي طلع الموتر في يومين واعتقد شال الحكم بعد خخخخ بس الليسن مسحوب لين الحين بس يسوق عادي

شتقول ناس مركبه فلتر ومواترهم تنحجز 3 شهور خخخخخخخخخخخخخخ

ومااعتقد الامور صعبة عليك :secret:

[فارس قطر333]

الله يسلمك لانك مسرع فوق ال 180

موترك 100 % مطلوب وعليك نيابه

الله يعينك على بلواك

نفس الكلام راح يحولونك على النيابه

[بوعلي-Qtr]

الحين فوق الـ 180 يسحبون السيارة ؟؟

<=== تبي تضبط اللمت عندها

تتحول المخالفة لين النيابة
واتوقع فيها محاكمة
,,

[فلفل حار]

الواسطه موجوده بكل مكان ...

بس مب حلوه رجال طوله بعرضه ويروح يتضحكـ ويترجى في فلان وعلان عشان يطيح المخالفه ...
ينحجز الموتر آشرف له عشان يتوب مايعيدها ...:anger1:





طوول عمركـ متهور يابوخالد الله يحفظكـ ...
:)

[سمو انسان]

سهالات ياخوي
انا جاتني فشهر ١٢ بنفس الطريقه
مسرع فوق ال ١٨٠
بيوقعونك على تعهد وبدفعونك حول ال ٢٠٠٠
في حالت شافوك شاب صغير اعتقد الموضوع فيه حجز للسياره كم يوم
بس لاتعيدها مره ثانيه لان حزتها بتكون صج محكمه
والله يوفقك :)

[الـقـاسـي]

ماشالله كل واحد اشوفه افتى على كيفة ..

اخوي اللي بيصير اذا افترضنا انه السرعه فوق 180 ..

راح يتحول الموضوع دايركت للنيابة العامة .. بتدخل على وكيل النيابة بيقول لك شنو سبب السرعه شعندك .. وحسب العذر راح يحدد لك مبلغ من
1000 ريال الى 5000 ريال كفالة تطلع فيها - وتستردها بعد تنفيذ الحكم ماتروح عليك يعني - ..
ويتحول الموضوع للمحكمة يحكمون بمبلغ معين ويمكن يحكمون بسحب الرخصه لمده معينة ..
وهذي القصه كامله

[غير البشر]

:( :telephone:



الله يعينك ويسهل امورك

[حمد بن خالد]

يعطيكم العافيه وماقصرتوا

يعني الأمور أسهل من اللي انذكر أمس

يزاكم الله خير عالإفادة الطيبة

وانا اتصلت , لكن للأسف مالقيت الإجابة

مافي إلا أروح بنفسي واشوف واللي في الخير يجيبه رب العالمين

:)

[كازانوفا]

بالتوفيق ان شالله
وخبرنا ايش بيصير معاك
مش تخوفنا عليك وبعدين اطنشنا
oky:)

[رجل الجزيرة]

يا جماعة الخير

هذا منتدى بزران إلا رجاجيل

واحد مسرع ل 180 وفوق هذا كله متعاطفين معه

وليه هو ما يسجن سجن إداري ويتحول للمحكمة ويسجنه القاضي وتحجز السيارة وغرامة فوق 10 آلاف ريال وينشر إسمه في الجرايد عبرة له ولغيره من المستهترين.

لو إنه دعم له عائلة وبعد هذا تعاطف؟

والله إن أمركم عجيب.

[حمد بن خالد]

يا جماعة الخير

هذا منتدى بزران إلا رجاجيل

واحد مسرع ل 180 وفوق هذا كله متعاطفين معه

وليه هو ما يسجن سجن إداري ويتحول للمحمكمة ويسجنه القاضي وتحجز السيارة وغرامة فوق 10 آلاف ريال وينشر إسمه في الجرايد عبرة له ولغيره من المستهترين.

لو إنه دعم له عائلة وبعد هذا تعاطف؟

والله إن أمركم عجيب.

الله يجزاك خير على حرصك

وهاذي نظرتي انا الحين من بعد سنين الطيش والتهور

وان اسرعت فـ والله اني مانتبهت ولا أذكر ان عندي سبب للسرعة

والله يحفظنا ويحفظ جميع المسلمين

خالصـ شكري لك اخوي ابن الجزيرة

[رفيق الغيم]

هذا اخوى سرعتها فوق ال 180 وتراجع فيها المرور

[رفيق الغيم]

يا جماعة الخير

هذا منتدى بزران إلا رجاجيل

واحد مسرع ل 180 وفوق هذا كله متعاطفين معه

وليه هو ما يسجن سجن إداري ويتحول للمحمكمة ويسجنه القاضي وتحجز السيارة وغرامة فوق 10 آلاف ريال وينشر إسمه في الجرايد عبرة له ولغيره من المستهترين.

لو إنه دعم له عائلة وبعد هذا تعاطف؟

والله إن أمركم عجيب.

لا تستعجل اخوى اصلا المرور بيحولوه للنيابه العامه

[ممنوع اللمس]

اسأل مجرب ولا تسأل طبيب
خخخخخخخخخخخخخخ
يارووووووووحي موترك راح فيها يالغالي ههاي خخخ
انا مثلك قلت 0 ريال ورحت المرور معاي ربع ريال بعطيهم ويردون الباقي
الا الموتر مطلوب سرعه فوق 180 محكمـه

[رجل الجزيرة]

الله يجزاك خير على حرصك

وهاذي نظرتي انا الحين من بعد سنين الطيش والتهور

وان اسرعت فـ والله اني مانتبهت ولا أذكر ان عندي سبب للسرعة

والله يحفظنا ويحفظ جميع المسلمين

خالصـ شكري لك اخوي ابن الجزيرة

وجزاك يا رب، ولد ولد عمتي عمره 15 سنة كان مع ولد عمه نزالين من أول جسرة على طريق أبو سمرة وكان ولد عمه مسرع فمع تجاوزه للشاحنة من ناحية اليمين إلا وضايقهم وإطلعوا من فوق الجسر وتهشم وجه ولد ولد عمتي فقعد في الإنتعاش يومين وبعدين توفي - الله يرحمه - فكان من المحرصين على الصلوات الخمس ومرح ودائما وإبتسامته في وجه.، والحمد لله على كل حال، وأرجو منكم العذر والسموحة.

[قطري طموح]

ولله يابوخالد لو انا مكانك جان انقطع وجهي ، رجال وابو عيال ومسرع 180 ؟ من المفترض تكون قدوه لعيالك واللي اصغر منك ، واللي اكبر منها انك بتروح تدفق ماي وجهك تدور لك واسطه تفك هالمخالفه !!! انصحك خل السياره محجوزه ولامنة احد عليك .

[_QTR_]

بلى فيه واسطه بس يبيلك واسطه قويه :telephone:

لأن توه واحد من الشباب صاده الرادار المتحرك وكان مسرع فوق 220، بس عنده واسطه

دفع 1000 ريال وشالوا عنه النقاط بعد :victory:


ماعليك كل شي بالواسطه يمشي :anger1:



ههههههههههههههههههههههه والله ضحكتني يالغالي

هذي نيابه وبعدها محكمة ... ومافيها واسطة يا بوالشباب

واذا صدق كلامك عطني رقم موتره وخلني اتاكد

[جنوب الدوحه]

السجن شهرين مع وقف التنفيذ .. الله يعينك

[أكتتاب]

ياجماعه .. الرجال يبي يعرف وش معنى رقم صفر في المخالفه
احنا قلناله المعنى :
تحويل للنيابه ومحكمه وغرامه وحجز للموتر

بالنسبه للتعاطف :: مش متعاطفين والله .. والسرعه جنون والله يكفينا شرها
لكن لعل الرجال عنده سبب .. وبعدين والله في مواتر ماتحس انك مسرع وتنصدم وانت تشوف الطبلون

الله يكفينا شر هالسرعه .. وياما ناس راحو ضحيتها

انا والله من بعد ماصادني الرادار .. دايما احاسب ومستحيل اسرع فوق الميه وثمانين الحين

الله يحفظنا جميعا :)

[أكتتاب]

السجن شهرين مع وقف التنفيذ .. الله يعينك

اخوي الجنوب :: مافي سجن
في حجز موتر ومثل ماذكرت قبل .. نيابه .. وغرامه

[QaTaR49999]

الله يعينك صفر يعني النيابه