إستشارة فنيه في بناء عظم

[الأرجنتيني]

السلام عليكم ورحمة الله وبركاته .

أستشاره فنيه يا شباب للي أشرف بنفسه على البناء .

ألحين بعد صبة النظافه العاديه طبعا و بعد أعمال النجاره والحديد الي بتجهز لموعدها .

حسب الكميات في الخرايط

( للقواعد - والأعمده اللي تحت - والميده والأعمده والجسور والسقف فيما بعد .. ألخ ) طبعا

شغل الحديد والنجاره بالتنسيق مع بعض .

المهم

سؤالي بخصوص عن كافة أعمال الخرسانه من المصانع شلون

اقدر أحدد الكميه لكل مرحله من الصب بحيث مايزيد في كل مرحله ولا ينقص

وشلون أنسق الاستيراد من المصانع بالكميات المحدده والمواعيد

وشهي أحسن المصانع للخرسانه الجاهزه .

وشكثر يكفي لكل مرحله وكم تكلفتها تقريبا لمساحة البناء 300 لكل دور

وشكرا لكم

[Chambray]

الي اقدر اساعدك فيه
أحسن المصانع للخرسانه الجاهزه

حسب خبرتي هي شركة المسند للخرسانه

[الأرجنتيني]

Moyen Orient

لاهنت يالذيب على الشور وجعل ربي يكثر من أمثالك .

وبانتظار باقي الأفادات من الأخوة الأعضاء الي لهم في هالمجال

[Chambray]

ولو يالشيخ يمكن غيري يفيدك بالاحسن ، انا قلت الي اعرفه ..
بس تبي شوري ..
صج راح توفر في البنيان
لكن راح تتعب
عط الخباز خبزه وريح راسك ..
إذا اذا انت حاب تتعب شوي :)

[RAHA]

السلام عليكم ورحمة الله وبركاته .
أستشاره فنيه يا شباب للي أشرف بنفسه على البناء .
ألحين بعد صبة النظافه العاديه طبعا و بعد أعمال النجاره والحديد الي بتجهز لموعدها .
حسب الكميات في الخرايط
( للقواعد - والأعمده اللي تحت - والميده والأعمده والجسور والسقف فيما بعد .. ألخ ) طبعا
شغل الحديد والنجاره بالتنسيق مع بعض .
المهم
سؤالي بخصوص عن كافة أعمال الخرسانه من المصانع شلون
اقدر أحدد الكميه لكل مرحله من الصب بحيث مايزيد في كل مرحله ولا ينقص
وشلون أنسق الاستيراد من المصانع بالكميات المحدده والمواعيد
وشهي أحسن المصانع للخرسانه الجاهزه .
وشكثر يكفي لكل مرحله وكم تكلفتها تقريبا لمساحة البناء 300 لكل دور
وشكرا لكم

و عليكم السلام و رحمة الله و بركاته
بالنسبة لتحديد الكميات يجب عليك حساب حجموم الخرسانات مثلا:
القواعد: الطول* العرض * الإرتفاع ---------- لكل قاعده
الجسور: طول الجسر* العرض* الإرتفاع ----- لكل جسر
تجمع كل الكميات بيطلع لك جمالي حجم الخرسانه
هذا طبعا كله على الورق
و لكن الأهم و يجي هنا شغل المهندس المحترف
يقارن الواقع بالورق لأن النجار و الحداد من مصلحته الزياده
لذلك يستلم المهندس من النجار و الحداد القواعد و الجسور
و يقيس ابعاده على الواقع بحيث يكون مطابق للمقاسات
و تطلب زياده عن الكميه بحدود 2 متر حتى لا ينقص عليك الخرسانه

[الأرجنتيني]

raha

جزاك الله خير على الإفادة .

[موضي قطر]

بالتوفيق ياخوي

[فتى الجود]

الله يوفقك
أخـــــــــــــــوى

بالنسبة لسؤالك

في مكاتب أستشارية
عندهم مهندسيين ( حساب كميات )
أعتقد هذا بيوفر عليك كثير من التعب والقلق

لكن طبعاً ما يخيك اذا السقف عندك هوردي راح تختلف حساب الكميات

وهذي عناويين 0 بالرابط 0 بعض المكاتب الأستشارية اللى عندهم مهندسيين حساب كميات

مكتب رقم 1 ، 4





http://www.up.org.qa/upnew/data/office2008.xls

[الأرجنتيني]

بالتوفيق ياخوي

الله ويفقنا وياج ان شاء الله .



الله يوفقك
أخـــــــــــــــوى

بالنسبة لسؤالك

في مكاتب أستشارية
عندهم مهندسيين ( حساب كميات )
أعتقد هذا بيوفر عليك كثير من التعب والقلق

لكن طبعاً ما يخيك اذا السقف عندك هوردي راح تختلف حساب الكميات

وهذي عناويين 0 بالرابط 0 بعض المكاتب الأستشارية اللى عندهم مهندسيين حساب كميات

مكتب رقم 1 ، 4





http://www.up.org.qa/upnew/data/office2008.xls

جزاك الله خير على الرابط .

:nice:

[@ كنترول @]

بالتوفيق أخوي إن شاء الله ..

[qatar.1995]

السلام عليكم ورحمة الله وبركاته .

أستشاره فنيه يا شباب للي أشرف بنفسه على البناء .

ألحين بعد صبة النظافه العاديه طبعا و بعد أعمال النجاره والحديد الي بتجهز لموعدها .

حسب الكميات في الخرايط

( للقواعد - والأعمده اللي تحت - والميده والأعمده والجسور والسقف فيما بعد .. ألخ ) طبعا

شغل الحديد والنجاره بالتنسيق مع بعض .

المهم

سؤالي بخصوص عن كافة أعمال الخرسانه من المصانع شلون

اقدر أحدد الكميه لكل مرحله من الصب بحيث مايزيد في كل مرحله ولا ينقص

وشلون أنسق الاستيراد من المصانع بالكميات المحدده والمواعيد

وشهي أحسن المصانع للخرسانه الجاهزه .

وشكثر يكفي لكل مرحله وكم تكلفتها تقريبا لمساحة البناء 300 لكل دور

وشكرا لكم



انا حاضر في اي وقت تبين المهندس يحسب الكميات ويساعدكم في حجز الخرسانه بعد في الشوفه

وكل هذا بدون مقابل

بس ايكون البنيان في منطقه الريان الوجبه او الخيسه

وبشرو باي استفسار على الخاص

[فتى الدوحة]

عندي إستفسار لأهل الخبرة جزاكم الله خير
اللحين اللي بيصب سقف البيت وجات الخلاطات ( الريديمكس ) وصبوا السقف ولكن في سيارة وحدة تأخرت في الحضور ، هل فيه ضرر في التأخير ؟ ولا لازم الصبه كلها تكون في نفس اللحظة ؟؟

[RAHA]

عندي إستفسار لأهل الخبرة جزاكم الله خير
اللحين اللي بيصب سقف البيت وجات الخلاطات ( الريديمكس ) وصبوا السقف ولكن في سيارة وحدة تأخرت في الحضور ، هل فيه ضرر في التأخير ؟ ولا لازم الصبه كلها تكون في نفس اللحظة ؟؟

في الصب ماعندك مشكله
و لكن في تأخير السياره
يعتمد على زمن التأخير
لو في مهندس مشرف على الصب
و تأخرت السياره من حقه يطلب غيرها
فكل ما زادت المده كل ما انشفت الخرسانه
في الجو البارد ماعندك مشكله
في الجو الحار يحطون ثلج مع الأسمنت حتى لا ينشف بسرعه

و هذا يحدده الأستشاري او المهندس عند فحص الخرسانه
اول ما تدخل اول سياره للموقع

[فتى الدوحة]

جزاك الله خير أخوي راحة على المعلومات اللي قاعد تقدمها لنا
تحياتي للجميع