المساعد الشخصي الرقمي

مشاهدة النسخة كاملة : سؤال لذوي الخبرة



roadrunner
15-02-2005, 11:50 AM
السلام عليكم.

بالنسبة للعقارية .. 5% اسهم مجانية, 20 كاش, 95% اكتتاب بسعر 40 ريال

الحين... لنفرض ان الجمعية العمومية موعد انعقادها اليوم .. وانا شريت اسهم بهالشركة امس ... وناوي ابيع بكرة ... هل بتنزل الأسهم المجانية بحسابي بكرة .. يعني اقدر ابيع الأسهم المجانية ... وهل يحق لي بالإكتتاب بالأسهم الي سعرها 40 ريال ... علما بأن الأسهم كانت موجودة عندي يوم انعقاد الجمعية العمومية .

ولكم سلامي.

قطري
15-02-2005, 11:58 AM
تقدر تبيع الـ 5% بس لانها مجانية
اما الـ 95% طبعاً لا والسبب ان موعد الاكتتاب بيكون
بعد فترة من اجتماع الجمعية وموعده بتحدده الجمعية
السؤال هل بتوافق الجمعية على التوصية بالاسهم ولا لا؟
شكراً لك

roadrunner
15-02-2005, 12:03 PM
اوكي اخوي ... بس انا قصدي عن استحقاق الأسهم الخاصة بالإكتتاب .... هل يحق الإكتتاب لأصحاب الأسهم وقت إنعقاد الجمعية العمومية (والي باعوا راحت عليهم) أم يحق الإكتتاب فقط لأصحاب الأسهم وقت الإكتتاب ( حتى لو اشترى أسهمه بعد إنعقاد المجلس).

وشكراً على التجاوب السريع

قطري
15-02-2005, 12:07 PM
شوف بالنسبة للأسهم المجانية مثلها مثل الارباح
يعني اخر يوم هو يوم ماقبل الجمعية
اما الاكتتاب فممكن ان يكون في تاريخ معين وممكن
نفس الحالة الاولى هذا الي بيحدد الجمعية العمومية
والله اعلم