مطلوب فورا ... مصمم ديكور للمنازل !!!!!

[المخلب]

السلام عليكم

طلبتكم وانشاء الله تقدرون على طلبي ..

ابي منكم لو تتكرمون رقم تلفون مصمم ديكور شاطر .. بكل شئ مو بس بالجبس !! بالجبس والخشب والسيراميك والجدران !!

وياحبذا لو يكون لبناني <<<< لان ذوقهم حلو !

ناطر ردكم .. اسم المحل والرقم واسم الشخص لو تكرمتوا !!

تحياتي لكم اخوكم المخلب ..

[المخلب]

جماااعه دلوني تكفون ... (( ترى كلمه تكفى هزت رجاجيل وقت الحروب ))

[قطر]

اخوي المخلب ،،

اولا السلام عليكم ومساك الله بالخير

ثانيا ماانصحك بمصمم يتولى كل شي لازم انت اتحط لمساتك وانا اخوك

ولا ترى بيلعبون عليك لعبه ..


في قطري معروف ،، مااعتقد عنده محل لكن قوله ابي مفتاح البيت بس

وخل الشغل عليه

شغله رهيب ..

وفي عندك ديزاين للمفتاح لكن اذا اللبنانيه الله ايعينك على ذوقها

في الفرنسيه مادري الفرنسي للتصميم على طريق سلوى

هذا شغله رهيب ..

وفي واحد معروف نسيت اسمه قد تعاملت معاه على نظام اندلسي لكن انا مااحب كل شي بذوقهم

عطني لين كم يوم واجيب رقمه اذا ماعجبوك اللي فوق.

[المخلب]

قطر بعد قلبي مساك الله بالنور ..

تكفى يالغالي .. ارقامهم ضروري .. واهم شئ شغلهم نظيف وسريع .. نبي نخلص البيت يبيله ديكور ونسلمه ..

زين وهذا القطري اهم شئ يصمم الديكور وينفذه اذا كذا اوكي بس ياريت رقمه ..

والله انك عزيز وغالي وماتقصر يالقلب ..

[قطر]

المخلب بالنسبة لرقم القطري بحاول اجيبها ،، وهو يقدر ايسوي كل شي وماعليك الا انك تدخل البيت

لكن يبيله كاش من قلب :deal:


بالنسبة لمحل المفتاح ترى معروف على طريق سلوى كبير لحاله اسمه ديزاين

بالنسبة للرجال اللي قلت لك بجيب رقمه باذن الله اليوم او بكره ايكون عندك.. وهو اينفذ

اخبر بعد في مصمم فرنسي ضايع رقمه بدوره لك لكن هذا بس تصميم ماينفذ..

برجع لك بالخبر وحاضرين للطيبين.

[المخلب]

تسم وانا بنتظارك ..

[بو عبدالرحمن السهم]

http://www.haute-peinture.com/index2.html هلا اخوي المخلب سمعت عن مصمم فرنسي شاطر وعطوني كرته وهذا الرابط عنوانه وفيه رقم تليفونه وهو اعتقد حول حلويات جبري في احد ها لبنايات انت كلمهم وشوف وياريت تعطيني رايك لين شفتهم لاني انا بعد عندي شغلات ديكور ابغي اسويها ومحتار عند من واذا لقيت حد شغله زين ومحترم يا ريت تخبرني وما تقصر يا خوي <<<<<<<<<<(بس ترى ما انصحك بالبناني اذا لقيت فلبيني احسن )

[قطر]

المخلب

جاك الخاص اخوي

[سهم طايح]

مرحبا يا شباب

عندي واحد من الربع يصمم ديكورات وتقدر تشوف شغله على الطبيعة لانه قاعد يشطب بيت حاليا وهو قطري بعد مادري اذا هو نفس الشخص وله لا الريال اللي اعرفه ( سليطي ) هل هو نفسه ؟.

[المخلب]

تم ارسال الرد ..

[قطر]

مرحبا يا شباب

عندي واحد من الربع يصمم ديكورات وتقدر تشوف شغله على الطبيعة لانه قاعد يشطب بيت حاليا وهو قطري بعد مادري اذا هو نفس الشخص وله لا الريال اللي اعرفه ( سليطي ) هل هو نفسه ؟.

مرحبا اخوي

لا والله مب نفسه

ياليت ترسل لاخوي المخلب عنوانه اكيد بيحتاجه

وجزاك الله الف خير ;)

[المخلب]

اي والله عطوني ارقام مصممميين ..

يااخي الواحد حلاته يسوي اجمل شئ ببيته !

ودام البيت جديد يستاهل انرزه بكم ديكور ..

تكفى عطني رقمه بسرعه ادق الحين واشوفه العصر ..

[sulai6i]

مرحبا يا شباب

عندي واحد من الربع يصمم ديكورات وتقدر تشوف شغله على الطبيعة لانه قاعد يشطب بيت حاليا وهو قطري بعد مادري اذا هو نفس الشخص وله لا الريال اللي اعرفه ( سليطي ) هل هو نفسه ؟.

السلام عليكم ..
لو تكرمت اخوي ترسل لي رقم الشخص واسمه على الخاص
وشكرا لك


اخوي المخلب .. في محل في سوق المانع مصمم الديكور اسمه جاكوب وجنسيته هندي
بس رقمه مب عندي .. تقدر تمر سوق المانع وتسأل عنه اعتقد ورى محل علي بن علي
بدور لك عن رقمه بين الكروت اذا لقيته بدزه لك على الخاص

[ceasar_33]

أخوي المخلب،أنا مهندس ديكور لبناني ومدير لشركة ديكور في الدوحة.ازا بعدك بهمك الأمر،فممكن اني أساعدك.اسمي *********وجوالي:************
مع العلم يا شباب،ممكن يكون اللبناني أفضل من الفلبيني .تحياتي للجميع


تم تحرير الموضوع من المشرف العام لمخالفته القوانين.

[مزيون_قطر]

اخوي المخلب في محل بشارع النصر جنب الرعايه التقنيه اهو محل كمبيوتر والطابق الثاني تصميم وتنفيذ

يرونك الشغل بالكمبيوتر وكل شي واتوقع شغلهم ماعليه كلام بتلاقي المحل جنب الرعايه التقنيه في محل

كوكتيل وجنبه المحل .

[المخلب]

اخوي المخلب في محل بشارع النصر جنب الرعايه التقنيه اهو محل كمبيوتر والطابق الثاني تصميم وتنفيذ

يرونك الشغل بالكمبيوتر وكل شي واتوقع شغلهم ماعليه كلام بتلاقي المحل جنب الرعايه التقنيه في محل

كوكتيل وجنبه المحل .


عرفته بس انت مجربهم ولالا ..؟؟


على فكره قطر .. اتصلت عليهم !! وردت علي وحده لبنانيه .. بس قالت بنكلمك بعدين ولا دقوا !! اخاف ماايبون يشتغلووون ؟؟؟؟