مشكلة اختي..تخاف عملية البواسير

[عيون Qatar]

السلام عليكم ورحمة الله وبركاته



باختصار مشكلة اختي عندها بواسير وحبة صغيرة
تعاني من 6سنوات تعبانه وخائفة .. واختي تحتاج لارائكم ,,


وبصراحه ترفض فكرة العمليه وخصوصا الجراحيه

بس عندها موعد مع مستشفى حمد بس محتارة
هل تنصحونها بالعملية في مستشفى حمد ولالا..:weeping:

ياليت اللي عندهم معلومات او قد سوت عمليه
سواء عملية او جراحه تفيدني


او حتى اللي عندهم وصفات او ادويه فيها
و اللي عندهم معلومات اخري.. لاتبخلون علي


الله يجزاكم خير و يوفقكم دنيا وآخره

[عـ العبيدلي]

الوالد سواها في حمد والحمد لله كل
اموره طيبه ..

الله يشافيها وما عليها شر

[سهم داق]

الله يشفيها

[اسعاف]

اسأل الأستشاريين في الباطنية

[عاشق الشهادة]

ماتشوف شر اختك عيون الوكرة وحرام تترك نفسها 6 سنوات بدون لا تتعالج ,
انا سمعت انه فيه باسور وناسور صح او غلط الله يعلم ,
والاعضاء الي لهم تجارب بيفيدونك ان شاء الله وماعليها شر يارب .

[احب قطر]

ماتشوف شر ان شاء الله ، والبواسير ترى عادي موجود في كل شخص ، انصحها تروح حق د.عبدالعظيم هو كان في مستشفى حمد والحين في الاهلي ... يسوي علاج بالابر بدون عملية.

[هجمة مرتدة]

انسوا العمليات في المستشفى الاهلي .. تخديرهم سيء جدا جدا جدا ..

اذا بتروح استشارة روح حق د. عبدالعظيم في الاهلي .. لكن العملية سوها في حمد ..

[طاش]

خليها اتروح حق حق د محمد امين زبيب استشاري امراض باطنية وصاحب ذمة وراح يعالجها او يرشدها للمكان المناسب والله يشفيها ان شاء الله

[شموخ وبس]

الله المستعان 0000 عقدتي 0000 اهم شي تتعالج منه في ناس سووا وخربوهم ماصاروا يتحكمون الله يعزكم في البراز فلازم اتروح عند واحد ثقة وشاطر تراالعمليه مهب لعبه

[عيون Qatar]

جزاكم الله خير واشكركم جميعا,,,


بس المهم سؤالي فيه وحده سوت العمليه عند طبيبه في مستشفى حمد ؟؟
بس المشكلة هي ماتبي طبيب الا عند طبيبة

ولازالت انتظركم للمزيد من الردود
الله يعينها ويشفيها,,

[bshayer]

عندك الدكتور الشكرجي ..
وبالليزر او الابره واحد من الاهل وسواها بنفس الفتره طلع ..
واليوم الثاني يتحرك طبيعي وعادي وتقريبآ العمليه كلفته 5000 ريال ...>>قبلها كان يستخدم دهان(كريم)بس مافاد معاه ...:(لين عمل العمليه

بس البعض يقول يمكن ترجع البواسير اذا رجعت بنفس النظام السابق مافي حركه واكل دسم وشرب المنبهات ..مثل الكرك والنسكافيه والبهارات ..(سوء التغذيه)...

والله يشفيها وتقتنع تسوي عمليه ..:)

[أبو روان]

الله يشفيها

[استغفر الله]

تحاميل ومرهم نيوهيلار بإذن الله بينفعها مع مراقبة الاكل والمشي ..والله يشفيها ..

[ANONYMOUS]

ماتنلام

احد الاصدقاء فيه من 10 سنين.. والحياء والخجل مخلينه ساكت.. ويعاني.. وهو رجل.. فما بالكم ب حرمه

الله يشفي مريضكم

[جوال 11]

أحسن دكتور في قطر لهذه الحالات حسب ما سمعت من الأصدقاء د. عبدالعظيم في الأهلي والأسراع في العملية أفضل من الأنتظار وبالشفاء

[N7eEeS]

عندج الدكتور اياد الشكرجي عراقي الجنسيه يسوي العملية ب 5000 ريال اعتقد افضل الموجودين في قطر بس الالم يتم تقريبا 5 ايام إلى 10 ايام بعد العملية وبعدها بأذن الله تتخلص من الالم وسندارة البواسير، وفي نفس الوقت يسوي العملية وتطلع ومدتها ماتتجاوز 15 دقيقه وبعدها تاكل مضاد حيوي علشان مايصيدها التهاب وبعض المسكنات.
والله يشفيها.

[أغلى البشر]

اياد الشكرجي وعيادته ورى اللاندمارك

[بوهديب]

الله يعينكم والله الموضوع حساس بس اعتقد والله اعلم ان البواسير مشكلتها من البطن والاكل لان في ناس الامعاء ماتساعد على نزول الاكل الى المستقيم وخروجه والعلم عند الله
اسأل الله ان يشفيها ويستر عليها

[مبارك سعد]

د . محمد العمادي في مستشفى العمادي تراه جيد وهذا من واقع تجربه وتراها عمليه بسيطه والله الشافي أنشاء الله ...:nice:

[حليتان*]

الله يشفيهاا

ما عندي فكرة والله