أرباح الصناعات 620 مليون ؟؟؟؟؟؟؟؟

[الأستشاري]

توقعت مصادر مالية أن تبلغ أرباح شركة صناعات قطر للربع الأول من عام 2005 في حدود 620 مليون ريال . وسوف تعلن الشركه نتائجها المالية يوم الأحد القادم . كما أكدت أن نسبة التوزيع المتوقعه للعام القادم ستكون مانسبة 50%.

وألف مبروك للجميع

ولا داعي للخوف

[شاهيناز]

الصناعات ضاعت وضيعتنا معاها
بعت الغالي ولرخيص واشتريتها
ماهقيتها منها وانا الي حاطه كل ثروتي فيها :(
ثروتي كم الف ريال :D
حسبي على من كان السبب
وسلامي

[ضايق الصدر]

ناس تسلفت يا شاهيناز
بس انقول
لا حول ولا قوة الا بالله

[سهم طايش]

الصناعات بترجع مثل قبل و احسن باذن الله

رجاءااااا لا تبيعون بخساره

[الأستشاري]

للأسف الشديد ...........
أن أغلب الناس حاطه فلوسها كلها في البورصه ... وهذا خطأ... وهذا يدل على قله الوعي بمخاطر الأستثمار.

[ضايق الصدر]

للأسف الشديد ...........
أن أغلب الناس حاطه فلوسها كلها في البورصه ... وهذا خطأ... وهذا يدل على قله الوعي بمخاطر الأستثمار.
السالفة مش قلة وعي
الا ما توقعنا غدر السوق

[qatary1]

لاتبيعووووووون صناعات

[شاهيناز]

ضايق الصدر
الله يوسع صدرك

الحمدلله ماتسلفت

ولا ببيع لان مافي شرايه :D

جنها طاحت في جبدنا

بكره بصفهم عند بوابه العطيه كل يوم يظهر لنا في الجريده يقول سهم ذهبي
بخليه يشتري الذهب مني
بس حد يدلني على بيته :mad:

وسلامي

[ضايق الصدر]

ضايق الصدر
الله يوسع صدرك

الحمدلله ماتسلفت



^
^
^
^
انا متسلف :cool:

[الأستشاري]

أخي ضايق الصدر .........

مخاطر الأستثمار ......تعني كل ماهو متوقع من عوامل أقتصاديه او سياسيه أو تقلب في الأسعار لسبب أو لأخر تؤثر على الأستثمار.


وغدر السوق متوقع . وعدم الوعي بغدر السوق هو عدم الوعي بمخاطر الأستثمار .

[ضايق الصدر]

الحمد لله انا واعي
وكنت حاط احتمال70%خسارة
ولكن
تبي الصراحه
انا داخل السوق في هذي الفترة بمغامرة كبيييييرة
بالعربي اتصيب ولا اتكمل خيبتها

[ضايق الصدر]

وتفسيرك صحيح يالاستشاري

[بيـــزات]

المشكله مو ان حد خسر لاقدر الله ما خسر الا اللي باع ابخساره

والا اللي عنده لين الحين ان شاء الله ربحان.. بس تبي مثل ما يقولون

صبر ايوب على بلواه.....

يالله يا الصناعات شدي حيلج وارتفعي علشان نبيعج ونشتريج مره ثانيه

بس في الصيف


موفقين جميعا

[المديون]

ببيع انا سهم الصناعات ببلاش ... دامه يخون اللي يحبه ويغليه

مابيه دامه ياعرب سهم غشاش ... خان الظنون وراح واخلف هقاويه

[ضايق الصدر]

المشكله مو ان حد خسر لاقدر الله ما خسر الا اللي باع ابخساره

والا اللي عنده لين الحين ان شاء الله ربحان.. بس تبي مثل ما يقولون

صبر ايوب على بلواه.....

يالله يا الصناعات شدي حيلج وارتفعي علشان نبيعج ونشتريج مره ثانيه

بس في الصيف


موفقين جميعا
دووم ترفع معنوياتي يا صديقي

[ضايق الصدر]

ببيع انا سهم الصناعات ببلاش ... دامه يخون اللي يحبه ويغليه

مابيه دامه ياعرب سهم غشاش ... خان الظنون وراح واخلف هقاويه
اييييه يالصناعات قامت تنكتب فيج اشعار
وتنجرلج مواويل

[المديون]

ببيع انا سهم الصناعات ببلاش ... دامه يخون اللي يحبه ويغليه

مابيه دامه ياعرب سهم غشاش ... خيب ظنون الناس واللي شرو فيه

[ولد الهلال]

هالى السالفة السلاف اختى شهناز الله ايساعدج بس صدقونى سهم صناعات بيرجع نفس قبل واحسن ضيق الصدر تسلم على هل الخبر الحلو ياحلو والله وارجوكم يشباب لا حد ايبع اى شى وما عليكم من الاشاعات . الاستشارى ابصراحة انت وايد ممياز انا وايد اتابع مقلاتك على النتدى يعطيك العافية

[سماري]

بسم الله الرحمن الرحيم
الله يبشرك بالخير دايما يا الاستشاري


ان مع العسر يسرا ان مع العسر يسرا

[متداول]

اخوي الاستشاري لا تعرضنا لا لمخاطر سياسية ولا اقتصادية ولا فيه احد يشك بقوتها بوجود صاحب السمو الذي يعطي كل اهتمامة للوطن والموطنين بس المشكلة انه مافي مخاطر ونزل السوق فسرلي ايها وجزاك الله خير .

[السهم الحزين]

سلام عليكم
موسم الحصاد خلاص
والى يبي قريشات يبيع
لانة بينزل الى110
يعطيكم العافية

[حالي الذوق]

سلام عليكم
موسم الحصاد خلاص
والى يبي قريشات يبيع
لانة بينزل الى110
يعطيكم العافية



كلامك يحطم بصراحه :o

[المراقب]

الحاجز الأول للمقاوة عند 147 نقطة على حسب ما قرأت في التحاليل، والله اعلم. يعني ستكون هناك عمليات بيع وشراء عند تلك النقطة.

وأرجع وأقول هذه تحليلات قرأتها يمكن تكون صائبة ويمكن تكون خاطئة.

والله اعلم

[Bahrainigirl]

I guess investors should start buying Industries Qatar as soon as they announce thier results. They should aim to at least breakeven with thier initial investment so they don't loose. So if IQ is let say 160 and thier first investment is 240 with the same amount , breakeven point is (160+240)/2 = 200 and thats not hard to reach. Think about it!!!!!!! All the best to everyone.... It will good good time to buy as soon as the buying volume = selling volume.. Trust me

[شرقاوي]

ماشاء الله تبارك الله

ارباح ممتازه


ومثل ماقالت الاخت بحرين قيرل

المستثمرين يجب ان يبدؤا بشراء

اسهم صناعات قريبا

[miss meme]

السلام عليكم ورحمة الله وبركاته :) :) :)


اختي شاهيناز انتي مهب بروحج كلنا كلناها والله بس الحمد لله على كل حال وبكرة يتغير الوضع
:D :D :D
ان شاء الله


وحبيت انبهج اختي للون الخط الي تكتبين به يعور العين يا ريت تغيرينه وما عليج امر فديتج :p :p :p

[شاهيناز]

حتى لو ردت لاسمح الله صناعات للخميسن
بنتمسك فيها

ان شاءاللهmiss meme
بغير الخط بس اي لوا اختار ابي شئ يناسب التوقيع :D

وسلامي

[بروكر]

الشاطر اللى بيشتري الحين...وياريت عندي حتى اشتري...وياريت بعت بعد ماشريتها ب 230 وعلقت...وياريت...وياريت...وكلمة ياريت ماتعمر بيت..

[المستكاوي]

دخول الاجانب طيح السوق لان النوعيه الي عندنا والباقي لكم

[مؤثر]

[quote=توقعت مصادر مالية أن تبلغ أرباح شركة صناعات قطر للربع الأول من عام 2005 في حدود 620 مليون ريال . وسوف تعلن الشركه نتائجها المالية يوم الأحد القادم . كما أكدت أن نسبة التوزيع المتوقعه للعام القادم ستكون مانسبة 50%.

وألف مبروك للجميع



الله يسمع منك

[مؤثر]

سلام عليكم
موسم الحصاد خلاص
والى يبي قريشات يبيع
لانة بينزل الى110
يعطيكم العافية



شنو اللي بينزل 110

[ابوسعود]

شركه قويه واتوقع قبل توزيع الابارح راح توصل

اسعار قياسيه جديده لشركه والله كريم

[بوحظين]

الصناعات ذهب .... انا اشوف سعر 120 مناسب جداً لها ..... و مب للبيع الا 3 - 2005
سوقنا فيه خير ..... بس بدون عجله

[الزقروطي]

الصناعات بترجع مثل قبل و احسن باذن الله

رجاءااااا لا تبيعون بخساره

الله يسمع منك

:(

[اللورد]

الصناعات ذهب .... انا اشوف سعر 120 مناسب جداً لها ..... و مب للبيع الا 3 - 2005
سوقنا فيه خير ..... بس بدون عجله


الظاهر قصدك 3-2006

[Le7dan-Qatar]

والله كلام حلو

وان شاء الله اعلان النتائج يكون فال خير على سعر السهم

والله كريم

[بوحظين]

اخبار حلوه ... اتوقع السهم يوقف عند 125 ..... بس تحت 100 سعر مناسب للشراء

[المراقب]

السهم وإن نزل سيعاود الصعود وبقوة وبرأي سيتعدى حاجز 200 ريال، ولو نزل إلى 100 أو 120 ريال كما يتوقع البعض.

أرياح الشركة سوف تعلن الأحد القادم، وهي بين 700 - 800 مليون ريال، وهذا سيحرك حركة البيع والشراء.

[الأستشاري]

أعلنت شركة الصناعات مساء اليوم عن أرباحها للربع سنه الأولى حيث بلغت 790 مليون ريال . وقت خالفت كل التوقعات والتى كانت تدور حول 620 مليون .

وألف مبروك ... للجميع. والخبر غدا في الجرايد