الهوامير داخلين داخلين!!!بس ينتظرون شغله !!!

[كحيلان]

داخلين يعني داخلين . .
فقط ينتظرون اخبار محفزه وصفقات واتفاقيات للشركات ليضمنوا حق دخلتهم. .
الهوامير شكلهم ماخذين بعض من الارباح من بدري ولكن اخبار محفزه لجميع للشركات للسنه 2006 يريدون ان يعرفوها من بدري ليعطوكم من بدري نصف الكعكه التي اكلوها لوحدهم!!وبذالك يكونون قد ضمنوا حق نصف الكعكه التي سيعطوكم اياها.
وجهة نظر اتوقعها في اي لحظه . .

[حالي الذوق]

داخلين يعني داخلين

ههههههههههههههههههههههههههههههه

بعد ايش بعد خراب مالطا


حسبي الله ونعم الوكيل

[حمد خالد]

يعطيك العافيه اخوي وانشاء الله الامور بتزين

[الجزيرة]

.......... قصدك .... خالصين وشبعانين


... على فكره الهوامير ..... كلتهم القباقب

[الفيصلي]

اللي يعجبني فيك ياكحيلان دايما متفائل ماشاء الله عليك

[الامير]

داخلين يعني داخلين . .
فقط ينتظرون اخبار محفزه وصفقات واتفاقيات للشركات ليضمنوا حق دخلتهم. .
الهوامير شكلهم ماخذين بعض من الارباح من بدري ولكن اخبار محفزه لجميع للشركات للسنه 2006 يريدون ان يعرفوها من بدري ليعطوكم من بدري نصف الكعكه التي اكلوها لوحدهم!!وبذالك يكونون قد ضمنوا حق نصف الكعكه التي سيعطوكم اياها.
وجهة نظر اتوقعها في اي لحظه . .
في الف عافيه ;)

[كحيلان]

يالربع وشفيكم انتم اول من رد علي!!!! متحطمين لأبعد درجه!!! طيب ليش؟

ياما وياما جأت وراحت شغلات اصعب من هذه الفتره والحمد لله عدت على خير.

هذي سحابة صيف وتعدي مطرها ان شاء الله مايضر السوق.

[Small Investor]

السلام عليكم

وينهم الهوامير انا قاعد لهم حتى لو صار سعر السهم الواحد 1-
بس بروحي مافي فايده لازم نتفق على عدم البيع ...

[البدر]

صدقني هالسوق صغار المستثمرين هم هواميره وصناعه وصناديقه وسندور في حلقه مفرغه لانعرف لها نهايه ولابدايه الي ان تنظر الدوله في امرنا وينشئو صندوق حكومي يدعم السوق شيء غير معقول لنا الان اكثر من 5 شهور نزوول ماصار تصحيح نصف السنه تصحيح انا انفك راسي مافهمت السوق القطري فاانسب حل اما الصبر على الاسهم وعدم البيع او الخروج لحين الاستقرار ومن ثم الدخول

[أم المهند]

وصلكم خبر الوليد بيستثمر عندكم ؟؟ ان شاء الله هذا الي بيرفع سوقكم هايات جديدة

وقرار خفض نسبة التذبذب بسوقنا ربما ينعكس على سوقكم بشكل ايجابي لوجود بعض الشركات بأسعار مغرية كثيرا

تحياتي

[أم المهند]

صدقني هالسوق صغار المستثمرين هم هواميره وصناعه وصناديقه وسندور في حلقه مفرغه لانعرف لها نهايه ولابدايه الي ان تنظر الدوله في امرنا وينشئو صندوق حكومي يدعم السوق شيء غير معقول لنا الان اكثر من 5 شهور نزوول ماصار تصحيح نصف السنه تصحيح انا انفك راسي مافهمت السوق القطري فاانسب حل اما الصبر على الاسهم وعدم البيع او الخروج لحين الاستقرار ومن ثم الدخول


ماهي الحسافة يابدر الأنتظار وآخرتها نطلع بخسارة .. حسبي الله ونعم الوكيل

:anger1: :anger1:

[البدر]

ماهي الحسافة يابدر الأنتظار وآخرتها نطلع بخسارة .. حسبي الله ونعم الوكيل

:anger1: :anger1: بالنسبه لي ولك والمستثمرين عموما مالنا الا الصبر والله انا خسران اكثر من 30% الي الان ومالي الا الصبر اما الخروج اقصد به المضاربين اليوميين اما المستثمر مافيه حل ثاني لازم الصبر والخير ان شاء الله بقدوم ابو خالد الامير الوليد ينعش البورصه بربع مليار واهم شيء يفتحون نسبة التملك او يرفعوها الي 50% لانه صعبه مثل الوليد اذا بيدخل البورصه لن يدخل 5 الاف سهم يدخل بكميات كبيره والنسبه ستقف عائق امام كبار المستثمرين كالوليد وغيره وان شاء الله يتحسن الوضع وترتفع البورصه على فكره لاارى لك مشاركات في تداول هل هجرتي السعودي ام لازلتي هناك

[المهندس عبدالعزيز]

..........


... على فكره الهوامير ..... كلتهم القباقب


خخخخخخخخخخخخخخخخخخخخ

[مؤشر أخضر]

يعني الهوامير شبعانين ألحين......هههههههههههه....

[غالي ألأثمان]

يا كحيلان والله انك فاهم كل شي هذي هي البورصه اذا مانزلت كيف نربح واذا ما ارتفعت كيف نربح........ربحي خسارة غيري وخسارة غيري ربحي........والرزق في السماء مش في الارض........الصبر زين بس المشكله للي عندهم ديون ولازم يسددون هني الطامه الكبرى........الله يعينهم ولا يبلي احد من المسلمين ويعوضهم خير ان شاء الله وعسى ان تكرهو شي وهو خير كم وعسى ان تحبو شي وهو شر لكم.......اللي يبي يشتري يشتري بداية شهر ثلاثه وانصحه بالصناعات والغاز لان هذي المعلومات اللي عندي وشكرا لكم

[حسين بن عاقول007]

انا اتمني من كل قلبي يتغير قانون التذبذب
يكون كالتالي 8 بالمية ارتفاع و3 بالمية نزول خصوصا بهالفترة محتاجين لكل نقطة ارتفاع

كحيلان الناس متحطمين لانة حاطينة كل اموالهم وماخذين قروض بالبورصة لكن طلع رياح بما لا تشتهي السفن

علي عموم الله يعوضهم ويعوضنا خير
بس لي سوال حاير فية
الاسعار حاليا مغرية جدا جدا جدا جدا جدا

ليش المحافظ ما دخلت لحين ابي اعرف السبب

يبون يشترون السهم علي 15 ريال او 4 ريال مثل سوق ابوظبي

[امير الاسهم]

وصلكم خبر الوليد بيستثمر عندكم ؟؟ ان شاء الله هذا الي بيرفع سوقكم هايات جديدة

وقرار خفض نسبة التذبذب بسوقنا ربما ينعكس على سوقكم بشكل ايجابي لوجود بعض الشركات بأسعار مغرية كثيرا

تحياتي

مصائب قوما عند قوما فوائدوا

يمكن اذا انهار السوق السعودي يرتفع سوقنا ;)

[كحيلان]

اميرة الاسهم اسمحيلي استوقفك عند كلمة ((((يمكن اذا نهار السوق السعودي يرتفع سوقنا!!!!))))

بعض اخواننا السعوديين يشاركون معنا في هذا المنتدى لايعلمون ما بداخلك!!!! من كلمة يمكن!!! احتمال بعضهم يفسرها بالأمنيه!!

وانا كلي ثقه بأميرة الاسهم انها لاتقصد انهيار! انما تقصد تصحيح قوي . .والله لايخسر اخواننا الخليجين.


للعلم سبق ان علقت عليهم انهم راح يركبون سياكل من هذا الارتفاع الجنوني!!! بسبب تعليقاتهم على سوقنا!! والتقليل من قوته!!!

انا غيور على سوقنا ولا ارضى احد يعلق علينا . . تحياتي

[ساس]

يعني تبي تقول أن الهوامير مادخلوا البورصه؟؟؟
ياخي والله أن كثير من الهوامير أخسروا وتضرروا من الانهيارات اللي صارت وترى والله ظالمينهم وايد
اللي حصل هالمره يعتبر (حاله خاصه)وماحصلت من قبل في سوقنا...وعلشان جذيه الحاله جديده علينا ومب عارفين شلون نتصرف معاها...والحل الوحيد في حالة العجر هو (الصبر)وفي كل الحالات افضل من الخساره بأكثر من 20% من رأس المال.



أتمنى للجميع التوفيق وعودة الروح للسوق وعودة الأموال لأصحابها ;)

[أم المهند]

كحيلان ...


كلك ذوق وبالنهاية ان شاء الله اننا أخوة وأخوات .. والمادة لا تنسينا جذورنا

[امير الاسهم]

اميرة الاسهم اسمحيلي استوقفك عند كلمة ((((يمكن اذا نهار السوق السعودي يرتفع سوقنا!!!!))))

بعض اخواننا السعوديين يشاركون معنا في هذا المنتدى لايعلمون ما بداخلك!!!! من كلمة يمكن!!! احتمال بعضهم يفسرها بالأمنيه!!

وانا كلي ثقه بأميرة الاسهم انها لاتقصد انهيار! انما تقصد تصحيح قوي . .والله لايخسر اخواننا الخليجين.


للعلم سبق ان علقت عليهم انهم راح يركبون سياكل من هذا الارتفاع الجنوني!!! بسبب تعليقاتهم على سوقنا!! والتقليل من قوته!!!

انا غيور على سوقنا ولا ارضى احد يعلق علينا . . تحياتي

اخوي كحيلان انا اولا امير الاسهم مو اميره الاسهم وانا انصحك تلبس نظاره

اخوي كحيلان انا ماقصدت الشماته في احد وخاصتا السعوديين هم هلي بس اكثر المحللين

هم الي قولون ان سوقهم فيه تضخم كبير وهو الاكبر في تاريخهم ولابد من النزول

فاذا صار التصحيح عندهم الحيتان الهناك بينتقلون الى سوق دبي والدوحه لانهم اكثر الاسواق

اجتذاب للسعوديين

وارجو لاحد يزعل مني

تحياتي امير الاسهم

[Clueless]

الله يوفق

[كحيلان]

اخوي امير الاسهم اسمحلي لم انتبه للأسم . .

[راجي عفو ربه]

يا كحيلان والله انك فاهم كل شي هذي هي البورصه اذا مانزلت كيف نربح واذا ما ارتفعت كيف نربح........ربحي خسارة غيري وخسارة غيري ربحي........والرزق في السماء مش في الارض........الصبر زين بس المشكله للي عندهم ديون ولازم يسددون هني الطامه الكبرى........الله يعينهم ولا يبلي احد من المسلمين ويعوضهم خير ان شاء الله وعسى ان تكرهو شي وهو خير كم وعسى ان تحبو شي وهو شر لكم.......اللي يبي يشتري يشتري بداية شهر ثلاثه وانصحه بالصناعات والغاز لان هذي المعلومات اللي عندي وشكرا لكم
ما شاء الله دايما ربحان!!!

[ام حبيبتي]

يعطيك العافية اخوي