مشكلة ارسال فودافون في منطقة ام صلال علي

[ALHAJAJI]

يا جماعة صار لي اكثر من ثلاثة ايام اعاني من عدم وجود ارسال لشبكة فودافون في منطقة ام صلال علي , وكل ما اتصل على الشركة يقولون فيه اصلاحات للشبكة ,,,,,

فيه حد من فودافون يقول لنا شنهى المشكلة :telephone:


الله يرحم ايامك يا كيوتل

[ودي أكون]

المشكله الله يسلمج ..

عندهم الارسال تعباااان :rolleyes2:

وعندهم خدمة التحويل .. يبلغونج ان جاج اتصال بس البلاغ يكون ثاني يوم ..:nice:

الشركه توها .. فالله المستعان .. :)

[ثرية]

ليش تروحون بعيد
انا في دحيل والارسال يقطع ويسكر ويفشلني مع خلق الله

[ALHAJAJI]

المشكله الله يسلمج ..

عندهم الارسال تعباااان :rolleyes2:

وعندهم خدمة التحويل .. يبلغونج ان جاج اتصال بس البلاغ يكون ثاني يوم ..:nice:

الشركه توها .. فالله المستعان .. :)


كلامج صح ,, بس انــــــــــــــــــــــــــا 1

[hamoor4ever]

هههه ام صلال ذاك اليوم وانا في الكورنيش وذابحني تقطع تبون تهدون كيوتل وتروحون حق الرخص بعد كل شي بثمنه ههههه عيل نص ريال مكالمه خارجيه اكيد بيقطع ، سووو مثلي ارجع حق كيوتل ابرك :) خلهم يبوقون بس ع الاقل تقدر تتصل

[ALHAJAJI]

هههه ام صلال ذاك اليوم وانا في الكورنيش وذابحني تقطع تبون تهدون كيوتل وتروحون حق الرخص بعد كل شي بثمنه ههههه عيل نص ريال مكالمه خارجيه اكيد بيقطع ، سووو مثلي ارجع حق كيوتل ابرك :) خلهم يبوقون بس ع الاقل تقدر تتصل



والله ياخوك في البداية تمام التمام

بس الحين حرام اللي قاعد يصير من الشبكة

[hamoor4ever]

والله ياخوك في البداية تمام التمام

بس الحين حرام اللي قاعد يصير من الشبكة

نفس اللي صادني اسعار المكالمات حلوه بس يوم بديت استخدمه استعمال مكثف اكتشفت ان الشبكه كله اتقطع في الدوحه فمابالك وانت برع بعدين لو بغيت تروح العديد ولا بتسافر ولا بتروح مكان بعيد انسى الارسال فبصراحه انا ابغي جوال اللي يتصل فيني يلاقيني مب يوصل لي مسج بصراحه فودافون حرام اللي يندفع لهم لو نص ريال

[م. عبدالعزيز]

فودافون مشاكلهم زادت هالايام.. اشوف في احد المنتديات قريت موضوع يشتكون عن شبكتهم خصوصا هالكم يوم ما ادري شعندهم

[بوطويشم]

السلام عليكم

معروف فودافون ارسالهم ضعيف

[البدع]

من يومين رحت الصناعة

واتصلت الف مرة بالكراج

وجواله مسكر ..

ورحت غيرت الكراج

وفي الاخير طلع فودافون حالتها تعيسه .. ومافي ارسال بالصناعية

هذا جزاء الي يدور الرخص

وصدق من قال ... كل رخيص غالي

[ثاني]

قديمك نديمك < كيوتل

[مطنش]

لا تعب نفسك .. في كل مكان ارسالهم تعبان ويقطع حتى عندي .. لدرجة اني حذفت الشريحة في البيت ورجعت لكيوتل .. لأني مب فاضي ان اخلي الناس يتصلولي ويجيني مسج او يطلعلهم مسكر في معظم الأوقات إلا مارحم ربي ..

صدق قالوها الغالي غالي وكيوتل تفرض نفسها .. ولو ادفع زياده ولا اعور قلبي والعوز اللي يبي يتصلي