انتبهو من فخ كيوتل في برنامج mail exchange في فودافون مجانا

[كبير المتداولين]

انا حملت برنامج mail exchange المعروف عالميا في استقدام البريد الالكتروني على جوالي وبعد استخدامه من الساعه 7 صباحا الى 6 المغرب قمت بازالته من الجهاز وبعد صدور الفاتوره كانت الكارثه 345 ريال رسوم استخدام برنامج مجاني .
وعند استخدام نفس البرنامج في فودافون تم خصم 2 ميجا فقط من ال 300 ميجا المجانيه المقدمه من فودافون بالرغم من استخدام البرنامج لمده 3 ايام


والي يدافع عن كيوتل حياه في بلاوي بعد


http://www13.0zz0.com/2010/02/25/06/564210010.jpg (http://www.0zz0.com)

[ودي أكون]

كيوتل مالها امان ابد وخاصه لو السالفه سالفة فواتير ..

كيوتل فالهلا مافي احسن منها :)

والنت تستخدمه من فودا وايد افضل ويعمر والله :)

[كبير المتداولين]

اعطيكم نصبه ثانيه

مشترك في خط ثابت + انترنت + موزاييك تي في + كاشف - كان رسوم توصيل الخدمه مجانيه تاريخ بدأ الاشتراك 1-3-2009 رسوم الخدمه الشهريه الثابته 225 حسب عرضهم وعند الذهاب الى كيوتل لفصل الخدمه يقولون لي لازم تخلص سنه ولابناخذ رسوم التوصيل قلت اوكي كملو السنه وهاي فلوسكم مقدما وافصلو الخدمه .

من المفروض 225 * 12 شهر = 2700 ريال المدفوعات خلال السنه
تخيلو اني دافع 2900 واتفاجئ امس انهم يطالبوني بزياده 200 ريال

وطبعا عند الذهاب الى مدير في كيوتل لشرح الامر طلع ولافاهم شي شوي يقولي هاي رسوم توصيل وشوي يقولي هاي ترتيب للفاتوره وشوي يقولي هاي مقدما .

وين الثقه ياكيوتل

[احب قطر]

طرش لي رقمك عالخاص وانا راح اشوف الموضوع كامل لك.

[كبير المتداولين]

طرش لي رقمك عالخاص وانا راح اشوف الموضوع كامل لك.

شيك الخاص اخوي ترى انا مراجعهم 3 شهور وللاسف بدون جدوى

[مستثمر مبتدئ]

انترنت فودافون نكبه على طووول يقطع،،،،

بخصوص موضوعك اخوي كبير المتداولين شكلك تستخدم النت العادي مال كيوتل وهاي ماينفع للبرنامج اشترك في خدمة موبايل نت 50 ميجا بـ25 ريال في الشهر او 250 ميجا بـ50 ريال في الشهر وفك عمرك وخلك مثلي انا استخدم البرنامج عن طريق الوايرلس وعن طريق خدمة موبايل نت اذا في الدوام اشبكه على الوايرلس واذا برع اشبكه على كيوتل واذا في البيت اشبكه على وايرلس البيت ،، والله يوفقك

[احب قطر]

بشرنا اخوي كبير المتداولين ... ايش صار معاك؟؟

[كبير المتداولين]

جزاهم الله خير كيوتل حلو مشكلتي يعجبوني بشعارهم لنتواصل

بس ابي اوجه نصيحه للموظفين الي في كيوتل وخاصه خدمه العملاء الي مايفهم شي لايفتي يخلي الي يفهم هو الي يفتي ..

شكرا كيوتل
والشكر لك اخوي احب قطر يعطيك العافيه ماقصرت

[سهم داق]

8
8
8
8

يه بهالسرعة ما شاء الله مبروك عليك أخوي حلّ مشكلتك :)

[آلصآحب آلجديد]

وين التحدي والتنافس في الاسعار بين كيوتل وفودافون
انا اشوف كلهم نفس الفكره والعميل المتضرر

[بنت ابوها 19]

كيوتل حراميه وقسم بالله


فواتير التلفون للبيت كانو يقولن لنا انه تجي عقب كل ثلاث شهور
الحين يقول لا الفاتوره تجي بعد كل 16 يوم
حسبي الله عليهم
اشفطونا وانهبونا لين ماقالو بس

[مستثمر مبتدئ]

ممكن نعرف سبب المشكلة وشلون حلوها عشان نتجنب هالشي وشكرا ومبروك عليك

[مستثمر مبتدئ]

كيوتل حراميه وقسم بالله


فواتير التلفون للبيت كانو يقولن لنا انه تجي عقب كل ثلاث شهور
الحين يقول لا الفاتوره تجي بعد كل 16 يوم
حسبي الله عليهم
اشفطونا وانهبونا لين ماقالو بس

اصلا من زمان تجي كل شهر وبعدين على قولتج كل 16 يوم يعني تقصدين كل تاريخ 16 من كل شهر تنزل الفاتورة؟؟؟؟ وهالتاريخ مخصص لعملاء النخبه اختي

[مضاد]

ممكن نعرف سبب المشكلة وشلون حلوها عشان نتجنب هالشي وشكرا ومبروك عليك


ممكن جداً ...... بس على الخاص . :whistling:

______

الله يكون في عون مشتركى كيوتل , وبقيت الشعب ,

اللي ماعندهم عضوية في منتدى الاسهم القطرية ...:(

[الـقـاسـي]

هههه سوو لك غسيل مخ سريع كيوتل

[عباري قطر]

هههههه اصلا حركاتهم وايد بس ايش نقول وايش نخلي ..

يالله الحمدلله ع كل حال .

[روميت]

.........:)