أفكر في كم مشروع وخاطري أزيد من الإختيارات !!؟ ولا عليكم أمر :(

[بـوعبدالله]

..

السلام عليكم ورحمة الله وبركاته ..

اخواني ؟؟

انا فكرت في كم مشروع ..!
بس كبار حدهم حدهم حدهم ..!

فـ لو تساعدوني في مشاريع تكون شوي صغيره وراس مالها يكون بين الـ 400 ألف والـ 200 ألف ..!!

تسوون فيني خير والله .. :(

عجزت وانا افكر ..
وكل ما فكرت .. أقول لا لا هذا ماينفع ..!
لأنه ماعرف شاللي بيمشي في السوق وشاللي مب ماشي !!

__
ملاحظه :
علي في البنك حوالي 700 ألف ..
وهذا غير اللي باخذه عشان المشروع اللي أفكر فيه :)!!.
فـ لو سمحتوا اللي بيعطيني فكره ..
تكون واضحه ومفهومه ومضمونه ..

أدري إني غثيتكم شوي ..
بس ما أظن بتبخلون بالنصيحه !!

فـ نصايحكم الله يجزاكم خير //

[simsim1963]

شوف يالطيب أنا مرة شفت مقابله عالتلفزيون مع سعادة الشيخ جاسم بن فيصل صاحب السيتي سنتر يقول الي عندة مبلغ بسيط لا يتعدى مليون او اثنين احسن شئ له يستثمر في الاسهم لأن اسعارها نازله ولا ينصح بالعقار لأن اسعاره عاليه كثير والشور عندك

[شموخ دائم]

,

,


مرحبا يا بوعبدالله

اول شي احب احييك على تفكيرك بتحسين وضعك وايجاد دخل ثاني لك

ياريت توضيح هذي النقطه

علي في البنك حوالي 700 ألف ..
وهذا غير اللي باخذه عشان المشروع اللي أفكر فيه !!.

اخوي اذا تقصد عليك سلفه والله ما انصحك تدخل في تجاره
المخاطره دائما كبيره واحسن شي ان المال يكون مال حر وليس عن طريق سلفيه

ولي رجعه بعد توضيحك

ان شاء الله نقدر نفيدك ونفيد المتابع للموضوع

وبارك الله فيك وفي حلالك


اخوك

,

,



شموخ دائم

[بـوعبدالله]

شوف يالطيب أنا مرة شفت مقابله عالتلفزيون مع سعادة الشيخ جاسم بن فيصل صاحب السيتي سنتر يقول الي عندة مبلغ بسيط لا يتعدى مليون او اثنين احسن شئ له يستثمر في الاسهم لأن اسعارها نازله ولا ينصح بالعقار لأن اسعاره عاليه كثير والشور عندك

سمسم ..

أولآ الله يعطيك العافيه ..

ثانيآ :
الأسهم < ما أفهم فيها .. ويبيلها واحد فاضي ><
انا ما اقصد العقارات يالغالي ..
انا اقصد مشروع تجاري ..

وتسلم لي ع النصيحه يالغالي ..

[بـوعبدالله]

,

,


مرحبا يا بوعبدالله

اول شي احب احييك على تفكيرك بتحسين وضعك وايجاد دخل ثاني لك

ياريت توضيح هذي النقطه

علي في البنك حوالي 700 ألف ..
وهذا غير اللي باخذه عشان المشروع اللي أفكر فيه !!.

اخوي اذا تقصد عليك سلفه والله ما انصحك تدخل في تجاره
المخاطره دائما كبيره واحسن شي ان المال يكون مال حر وليس عن طريق سلفيه

ولي رجعه بعد توضيحك

ان شاء الله نقدر نفيدك ونفيد المتابع للموضوع

وبارك الله فيك وفي حلالك


اخوك

,

,



شموخ دائم

عزيزي شموخ ..

بوضّح لك أكثر ..
علي دين في البنك ..
أو بمعنى أوضح ..
عندي مشكله وياهم ..
والدين هذا بعد خذيته عشان بزنس والحمدلله على كل حال ..
ماتوفقت فيه .. يعني قرصه نتعلم منها .. :victory:
والكلام هذا من 4 سنوات ..
بس الحين فكرت مره ثانيه ..
بسبب الإلتزامات والظروف ..
والدنيا ماتوقف على خساره ..
والواحد لازم يحاول ..
بس هالمره بحاول بشكل أصحّ من اللي قبله وبتركيز أكثر ..

لكن !!
محتاج آخذ النصيحه من أكثر من مكان ..
فـ قلت آخذها من عندكم .. أفضل
بما إنكم متمرسين في السوق ..
وعلى قولتهم ماخاب من إستشار ..
وانتوا ماراح تقصرون ..

انا في بالي مشروع كبير شوي ..
بس مخليه لين أكون نفسي بمشروع صغير أطلع منه اللي يساعدني في
هالمشروع الكبير وأصفـّي حساباتي شوي وبعدين أبدأ فيه ..

..

[بـوعبدالله]

..

اخوي اللي طرش لي رساله خاصه ..!

انا ماقدر أدز رسايل خاصه .. للحين ماوصلت مشاركاتي للـ 50 :(

فـ ولا عليك أمر ..
دز لي رقمك و اسمك جزاك الله خير ..

[برااق]

نصيحة لوجة الله اقول سدد دينك ابرك لك قبل لا ينطرك باب السجن

[بـوعبدالله]

^
مرحبا اخوي براق ..

واقعد أسدد لهم لمدة 25 سنه بـ نفس القسط ؟؟
والفوايد لمدة 4 أو 5 سنين بدون مايتحرك القرض ؟؟

..

لا يأس مع الحياه ..
وانشالله لا سجن ولا شي ..
الدنيا مدرسه والرابح فيها هو المجتهد حتى لو خسر في البدايه ..

..

وتسلم والله اللي نصحتني بهالنصيحه ..
بس والله ياخوك ما بأذني ماي ومصمم على هالشي ..
خلني أسوي شي قبل لا يوصل عمري 30 وانا ما سويت شي ..
وقاعد على هالدين .. وفوق هذا عزوبي :ok:

تكفون يالربع ..
عطوني نصايح بالمشاريع ..
لأنه جد جد جد مابأذني ماي ..
وابي اسوي شي قبل لا ياكلني العمر :victory:

..

[زنجبيل]

الله يوفقك

[danh]

اخوي لا تاخذ سلفه.. اعمل دراسة جدوى لمشروعك وروح دار الانماء الاجتماعي في شارع السفارات

الدور الرابع قسم التمويل .. وان شاء الله بيساعدونك بدون فوايد..

وهذا رقمهم للاستفسار 4380222

[بـوعبدالله]

..

نجبيل .. الجميع إن شاء الله ..

..

دانه !!

حلو ..
بس اخاف يقولون نفس بنك التنميه ؟
يعني يمكن يقولون احنا نموّل المشاريع الي ترجع بالفايده والمنفعه ع الدوله !!

!!

[jajassim]

اخوي لا تاخذ سلفه.. اعمل دراسة جدوى لمشروعك وروح دار الانماء الاجتماعي في شارع السفارات

الدور الرابع قسم التمويل .. وان شاء الله بيساعدونك بدون فوايد..

وهذا رقمهم للاستفسار 4380222

الله يعطيك العافية ،، للعلم ( دار الانماء الاجتماعي )

فقط ،، للأسر التي تعتمد على نفسها في الانتاج ،، والحد الأقصى للتمويل 000ر100 ريال فقط

وكيفية دعم المشاريع والمبادرات الذاتية

تحرص دار الإنماء الاجتماعي والراعي الرسمي للصندوق ( الشركة القطرية للتأمين ) إلى تنفيذ نظام فعال لإدارة أنشطة الصندوق وتطويره بشكل مستمر لتحقيق أهدافه المتمثلة بتنفيذ المشاريع الذاتية ونجاحها وذلك عبر تنفيذ الدار لبرامج الدعم التالية:

قروض ماليه وبشروط سداد ميسره وبدون فوائد

تدريب وتأهيل قدرات أصحاب المبادرات الذاتية

برامج الدعم الفني للمشروع

برامج الدعم التسويقي للمشروع

برامج الدعم الادارى للمشروع


بس تمويلهم فقط 100000 ريال ،، فقط للأسر المنتجة ،،

http://www.qatarshares.com/vb/showthread.php?t=301598

وارسل لي ايميلك ،، اذا كنت ترغب في مشاريع ادخل ذهب ،

[بـوعبدالله]

^
جاسم ..

تسلم ع الشرح الوافي ..
وشيّك ع الخاص يالغالي ..

[ولد شرق]

اخوي
افتح مطعم
بس مش اي مطعم
افتح مطعم باجة... خلها الصبح الظهر العصر المغرب العشا باجه
وبعد ماتفتح المطعم واتحط راس الهرفي للعميل وصحن البصل عنده اكيد العميل يبي ينام
في ظرف شهر اقلب المطعم فندق

اخوي امزح معاك ترى
نصيحتي لك الحين انك تاخذ عقار على اساس ان العقار نازل
وبالتوفيق ان شاء الله

[الساهر 17]

والله في مشاريع كثيره ماتحتاج مبالغ كبيره

واذا بغيت النصيحه على الخاص لاني ماقدر اطرش

[مناتسا]

مرحبا بوعبدالله

انا نصيحتي لك انك تشارك اصحاب الخبره

شوف لك شباب من هل قطر ولا واحد من هل الخبره وادخل معاه شراكه

بحيث ان المبلغ الي ينحط يكون نسبة وتناسب مع ملكية الشركه

واذا كان واحد من الشركاء بيشتغل في الشركه فيحق له راتب

و كما يقولون (قليل الكثير كثير، وكثير القليل قليل)

مثلا هذا الموضوع

http://www.qatarshares.com/vb/showthread.php?t=344207

اذا لقيت لك 1 ولا 2 يدخلون معاك في المشروع وتشوفون مع راعي الفكره اتوقع ان المشروع يكون ناجح

3-4 ملاك والكل يبي المحل ينجح والكل يسوي دعايه احسن من ان 1ولا 2 يشتغلون

وكل مشروك مبروك ادري ان المثل ينقال على الاكل بس انا احس حتى في الشغل يمشي المثل

والله يوفقك الى ما فيه الخير

[amen]

السلام عليكم اخوي ابو عبد الله نصيحتي اذا قررت تفوت باي مشروع تجاري او خدمي انك تجمع الخبرة الكافية قبل الدخول فيه واذا قررت تشارك اي شخص اعملله دراسة كاملة من حيث الامانة و الدين والخبرة وانا انصح باي مشروع تجاري لان الله بارك في التجارة وكما المصطفى صلى الله عليه وسلم تسعة اعشار ارزاق امتي في التجارة وافضل التجارة الاستيراد وخاصة من الصين اي سلعة مطلوبة في السوق القطرية وهي كثيرة

[النهار]

عليك بالاسهم على الاقل في اخر السنه لوماتضارب تحصل نسبه معينه من الارباح لوشاطر تعرف تضارب في السوق بعد خير ونعمه

شي ثاني تشتري لك محل يكون معروف مثل مطعم معرض سيارات شركة صيانه مغسلة سيارات مغسلة ملابس او شي عندك القدره على ادارته

ابعدعن شركات تأخير السيارات الصوالين النسائيه وشركات المقاولات

الله يوفقك ويطرح البركه في الخطوه الي تخطاها

[المليونير الفقير]

ابوعبدالله اتقول عندك مشروع حلو بس كبير شوف اذا مشروعك ناجح ومضمون عندي استعداد للمشاركة وعلى قولة اخونا كل مشروك مبروك

[قطرية فذة]

الله يفتح عليك يارب

[النجم الساطع]

المشاريع كثيرة جدا جدا
لكن هناك اسائلة كثيره هل انت متفرغ تفرغ كامل ؟ هل انت صاحب بال طويل وصبر؟
او انك موظف يالله تطلع من الشغل وتبي تريح وتزور الربع وتمشي في الاسواق وفي اجازة الاسبوع تبي تسافر وتغير جوا ..... الخ فانسى الموضوع .
مشروعك الاول فيه اسباب انه مامشي نفس الاسباب يمكن اتكرر بس بثوب ثاني ماتنبتبه لها!!!
لا تحدد سقف المشروع مثل قولتك 200000 الى 400000 على اساس انه البنك بيعطيك هذا الحد سوا انت او صديق لك او شي عندك بتضحي فيه في سبيل المشروع يمشي !
اول شي لفتح باب المشاريع شوف الناس في حاجة شنو ؟ وانت مبدع في هالشي ؟؟؟
ادرس السوق عدل ادرس المنطقة اللي تبي تباشر فيه العمل ادرس امكانياتك عدل عمل خطط من ثلاث احتمالات 1- ان المشروع ناجح وكيف يتم تطويره 2- مشروع غير ناجح وكيف يتم وضع الخطط لايقاف الخسارة 3- انه يالله يمشي يعني الايرادات تعادل المصروفات المحصله صفر فلازم اتغيره او توقفه.
اختيار الزمان , تبدا في الصيف , الشتاء, الربيع , الخريف يعني ابي اوصل لك انه كل وقت وله ظرفة .
الواحد يمكن يقول لك مثلا سفريات بس هو يقصد سفريات وعلى مستوى العلاقات اللي يعرفها وهكذا , وانت ادش هالمجال لا علاقات ولا نفس تفكيره وتروح في سفريات بس كيف تغطي مصاريفها.
فانا انصحك قبل تاخذ اي نصيحة (( اتعب في البحث بنفسك عن المشاريع اللي انت بتبدع فيها مثلا ( مطعم انك خبير مندي ) فلازم اتروح لاهل المطاعم وتسالهم اشلون المطعم ماشي موب ماشي اتقول لهم انا ابي افتح مثلا في مدينة الخور ممكن مساعدة وبهذي الطريقه تعلم من شخص يعطيك عصارة تجربته غير عن شخص يجلس وراء الجهاز من غير قصور في الجميع وانا متاكد ان اهل الخبره مالين المنتدى بس يمكن بعضهم ماله خاطر يشرح وهكذا والله يوفقك ويوفق الجميع لاطاعة الله عزا وجل وهي اكبر تجارة في هالزمن
اخوك المحب النجم الساطع

[ممنوع اللمس]

بو عبود طرش لي ايميلك خاص بنخطط انا وانت على مشروع صار له فتره يدور بمخي طبعا مب شراكه كل واحد بصوب بس يعني تفيدني وافيدك وان شاء الله خير
خبرك اللي يعتمد عالراتب الحين يموت ابرك له