كيوتل والعميل .. الى اين تصل معاناة العميل

[بوعلي-Qtr]

السلام عليكم

من القهر اكتب هالموضوع

من ساعة كاملة وانا اتصل في 111 كيوتل ولين الحين محد رد
شدعوه ياجماعة .. شركة بهالحجم مايقدرون يزيدون حجم الموظفين
ياخي اذبحونا

لين متى واحنا بننطر

يعني قلنا عندكم اكثر من مليونين مشترك ومسوين حفلة وحاله
لين ماحطيتو موظفين ازيادة


والله اكتبلكم وانا انطرهم يردون


وبخصوص 111 بفلوس ولا بلاش ؟؟

[MoTeC]

الله يعينك خلك على الخط وان شاءالله بيردون عليك اكيد فيه ضغط عليهم :)
و انطر حد من الاعضاء اللي لهم خبره او اللي شغالين بقسم الـ111 يفيدك
وبخصوص انه بفلوس ولا ببلاش
لا ببلاش حتى الـ 180 نفس الشي

[يحفظك ربي]

يمكن كانو راقدين الساعه 1 ونص مساكين :weeping:

[وحيد-الشوق]

ياخوك مب شيء جديد على هالشركة التعبانة

مره من المرات اخوي متصلهم تخيل ساعة ونص ومحد رد خخخخخخ

المشكلة اذا جيت تتكلم يقولك عندنا 2 مليون مشترك طيب انا شسوي مب مشكلتي

زيدوا عدد الموظفين وارحمونا ياكيوتل من خدماتكم التعبانة

[مستثمر مبتدئ]

الله يخلي النخبة لهم الاولوية طبعا رقم خدمة النخبه 100 ويداومون من 8 الصبح لين 8 بالليل واذا اتصلت عقب الـ8 طبعا يحولونك لأسبقية المشتركين على 111 احم احم

[yousef545]

الله يعينك

اقل شي ساعه عادي سهالات

مليونين عميل وخمس موظفين

[السعدي999]

اتصلهم من تلفون هلا بيردو عليك سريع هذا الكلام عن تجربة شخصية

[إينشتاين]

انا مشترك في باقة الشهري 575 من اكثر من 5 شهور،، واليوم اتصلت على 114 اغير الرقم المجاني،،

والمفاجأة انهم قالو لي (( انت غير مشترك في الخدمة )).

وصار لي اكثر من ثلاث ساعات اتصل على 111 وكل اتصال تقريباً ثلث ساعة،، وعمك اصمخ ولاحد يرد.

وين الي يطبلون ويزمرون لكيوتل في المنتدى،، اكيد يشتغلون في كيوتل، ليش مايوصلون معاناتنا لمدرائهم في للشركة.