قال المثل ...تعرف فلان؟؟ قال : اعرفه ..قال : عاشرته ..قال: لا ...قال :اذا ماتعرفه

[صمت القلوب]

السلام عليكم ورحمه الله وبركاته ...
--------------------------------------------------------------------------------

قال المثل
تعرف فلان؟؟
قال : اعرفه
قال : عاشرته
قال: لا
قال : اذا ماتعرفه ...


هكذا قالوا وهكذا صدقوا وهكذا انطبق المثل من اول الزمان الى ان يشاء الله تعالى وهكذا ابصرنا فى هذه الدنيا
لنجد ان اغلب البشر له عدة اوجه ...فهذا الذى تراه صافى الابتسامة .. ودود النظرة.. دبلوماسى الحديث .. تاخذك اناقته فى تعامله ..
ولكن ما ان تعاشره وتتبادل معه الحوار والنقاش وتتبادلا الزيارات والتجمعات وربما تصاهره .. يظهر على حقيقته ..
وتلك النظرة تتحول الى نظرة حقد .. وتلك الابتسامة تصبح صفراء .. وذاك الحديث يتحول الى بذاءة .. وتلك المبادئ التى تردد على طرف لسانه .. تتساقط منه عند اول معترك لكَ معه
فمن ادعى الكرامة تجده يلثم الايادى للحصول على مصلحة ما
ومن ادعى الفضيلة يتنازل عنها عند اول منعطف ليحصل على مرامه
وينقلب عليك عدوا بعد ان كان صديقا فقط حين يشعر بخطر منك عليه لئلا تُظهر حقيقته امام الاخرين
فذاك الانسان يكشر عن انيابه ليصبح اكثر ضراوة من الذئاب
بالطبع لن انكر ان هناك أُناس صادقون تعرفهم بصدقهم.. سيماهم على وجوههم .. ولكن يبقى الاغلب هو الأسوأ


لذا يجب علينا الا نحكم على الاشخاص من اول وهلة ولكن نبقى لانفسنا فرصة حتى لا نقع تحت طائلة الخداع
ونكون نحن من خدعنا انفسنا قبل ان يخدعنا الأخرين


بحكي لكم قصه مرت علي ...
خلال دراستي تعرفت على واحده طيبه وحبوبه .... كنا تقريبا خلال سنتين ونص ندرس ونتشارك بالضحك والوناسه .... بس بالاغلب اللي جمعتنا المواد والامتحانات ...يعني بالنادر نتشارك باشياء خاصه .... المهم دخلنا فتره العملي ... ومن المفروض تتوطد علاقتنا اكثر ...وطبعا كنا اكثر من واحده .... صرنا في فتره العملي اقرب واقرب ...لكــــــــن هالقرب الزياده خلاني اكتشف اشياء ماتوقعت ابدا انها تصدر منها ....اكتشفت ان تفكيرها سطحي جــــــدا ... لامباليه ...مهما ابديت لها من مشاعري وحنيتي عليها تبادلني ولكن بالنادر ...
اكتشفت الطامه الكبرى انها منـــــــافقه وبوجهين .... خصوصا لما صرنا مجموعه .... مثلا اذا واحده من القروب ضايقتها .... تجي وتتكلم عليها طوول اليوم .... بس اذا ظهرت اللي ضايقتها حكت الموضوع قدامها على انه موقف ظريف ومضحك !!!!!!!!! وهالشي خلاني استغرب
واكتشفت بعد انها تعيب على خلقه ربنا ...يعني هاذي خشمها كبير وهاذي متينه وهاذي بشعه ... للعلم هي فتاه جميله ...
واللي مره صدمني ... صار سوء تفاهم بسيط جدا بيني وبينها ....ماوعيت الا تشتكي للبنات اني اتجاهلها ... واخليها بروحها ولا اسال فيها .... انزين هي بنفس الوقت تقعد معاي وتسولف ليش ماتقولي اللي بخاطرها بدل ماتراويني شي وتخبي شي في قلبها ....
مو احسن شي ان يكون الانسان صرييييح وصادق ... خصوصا انا واحده صريحه ومااحب اكتم شي ولو كان بسيط ...
الحوار الاخير اللي تم بينا ..واحده من الصديقات قالت ياريتنا اكتفينا بمعرفتها من خلال الدراسه وياريتنا ماعاشرناها وعرفناها عن قرب ....
مافي احد خالي من العيوب ... وانا انسانه تملاني العيوب ...ولكن لما صارحتها بشي بسيط وعن طريق المزاح ازعلت وقالت انا من صغري محد يذمني او يقول لي كلمه مو حلوه !!!!!



هل حصلت هالمواقف معاكم ... عند معرفتكم الشخص لفتره من خلال الدراسه والعمل وعند التقرب منهم تكتشف منهم اشياء ماتخطر عالبال ...
هل هالمثل صحيح ...قال تعرف فلان ..قال نعم ..قال عاشرته ...قال لا ..
قال ...اذا انت ماتعرفه ....؟؟؟؟؟

ولو ان الموضوع الموضوع بالنسبه لي صار قديم ...بس حبيت اشوف اراءكم ..او قصصكم اذا فيه ...اتمنى تنوروني بردودكم الكريمه ...


خالص محبتـــــــــي ...
صمت القلوب



--------------------------------------------------------------------------------

[ريم المدينة]

شوفي حبي..

في ناس طبعها النفاق يعني حتى لو هي اتشوف ان ما في داعي للكذب هي طبعها وتربيتها تخليها تسوي جذيه...

و اصلا هذي دياية ولا ليش تسوي جذيه؟؟

او انها سوري على هالكلمة "مب اصيلة" و مب بنت البلد عشان جذيه تخاف من اللي جدامها لا يسفرها فهي تنافق و تمدح عشان هالحركة...

هاي اللي في بالي الحين...

[بوهديب]

اختي صمت القلوب سبحان الله اكثر هذي المواقف اتكون ايام الدراسه
وبعدها اتخف شوي شوي لان عقل الانسان يكبر ويكون حذر من اي شخص يصاحبه لان تعرض من هلمواقف ايام دراسته وبدايت عمله في اي وظيفه
المواقف هذي دايم اتصير مع الشخص المتفوق والناجح والمرح واللي الناس دايم تحبه وتلتم حواليه يكون معاهم شخص حقود غيور كاره نفسه لان يحس بنقص من الناس اللي حواليه فيبتدي يخرب على هذا الشخص الناجح والمحبوب ويبتدي يتكلم عليه ويطلع عيوبه وجدامه لا هو الشخص اللي يخاف على مصلحتج
اتمنى ان الموقف هذا عطاج درس وتستفيدين منه
وادعو الله عز وجل ان يبعد عنج المنافقين واصحاب القلوب المريضه

[صمت القلوب]

شوفي حبي..

في ناس طبعها النفاق يعني حتى لو هي اتشوف ان ما في داعي للكذب هي طبعها وتربيتها تخليها تسوي جذيه...

و اصلا هذي دياية ولا ليش تسوي جذيه؟؟

او انها سوري على هالكلمة "مب اصيلة" و مب بنت البلد عشان جذيه تخاف من اللي جدامها لا يسفرها فهي تنافق و تمدح عشان هالحركة...

هاي اللي في بالي الحين...

والله صدقتي ياختي في كل كلمــه
جزاج الله كل خير على مشاركتج الطيبه

نورتي الموضوع

[صمت القلوب]

اختي صمت القلوب سبحان الله اكثر هذي المواقف اتكون ايام الدراسه
وبعدها اتخف شوي شوي لان عقل الانسان يكبر ويكون حذر من اي شخص يصاحبه لان تعرض من هلمواقف ايام دراسته وبدايت عمله في اي وظيفه
المواقف هذي دايم اتصير مع الشخص المتفوق والناجح والمرح واللي الناس دايم تحبه وتلتم حواليه يكون معاهم شخص حقود غيور كاره نفسه لان يحس بنقص من الناس اللي حواليه فيبتدي يخرب على هذا الشخص الناجح والمحبوب ويبتدي يتكلم عليه ويطلع عيوبه وجدامه لا هو الشخص اللي يخاف على مصلحتج
اتمنى ان الموقف هذا عطاج درس وتستفيدين منه
وادعو الله عز وجل ان يبعد عنج المنافقين واصحاب القلوب المريضه

اخوي الكريم ذكرتني بنقطه
اذكر مره تكلمنا بصراحه بينا البين ... فسالنا سؤال شنو اللي تكرهينه في نفسج
يعني سوالف بنات ...فكلنا استغربنا من اجابتها يوم قالت اكره كل شي في نفسي ...وبعدها قلبت الموضوع مزاح ...!!! مع ان والله ماعليها قاصر ...
لكن الله يهديهم ويهدينا جميييع
شاكره مرورك الكريم ...وشكــــــــرا للدعوه الطيبه ... ولك بالمثل اخوي ...

جزاك الله كل خير ...

[لــولــو]

بس ااختي هاي المواقف في ايام الدراسة لين الحين ما شفتي شي اذا اشتغلتي بشوفين شي ادهي و امر بس الله يبعد عنج هالاشكال لان وايد ناس يتكلمون من ورا الناس بس يقول المثل دعا القالفة تسير

[صمت القلوب]

بس ااختي هاي المواقف في ايام الدراسة لين الحين ما شفتي شي اذا اشتغلتي بشوفين شي ادهي و امر بس الله يبعد عنج هالاشكال لان وايد ناس يتكلمون من ورا الناس بس يقول المثل دعا القالفة تسير

الله يعينا انشالله ...
القافله تسير والكلاب تنبح ...:victory:

جزاج الله خير عالمشاركه الطيبه
لاهنتــــــــي

[The Master]

يعطيك العافيه اختي صمت على الموضوع الطيب...والعميق في معانيه...
واللي الواحد يكتسب منه خبره في حياته...

بالنسبه لي انا شخصيا...صارت لي مواقف كثيره...منها الزين ومنها الشين...
والواحد يتعلم من اخطائه...ويحط قوانين...على اساس تمنع حصولها في المستقبل...

مثلا بالنسبه لي...مطبق المثل اللي يقول..."ان كنت تريد ان تكون مخلصا للناس...فلا تسمع اراء الناس فيهم"...
القصد...او مثال للتوضيح...
مثلا...انت توظفت في مكان جديد عليك...وماتعرف الا كم واحد فيهم...وعندكم مدير...خذ السوالف...يجيك واحد يقول هالمدير من ارزل المدره اللي عرفتهم...وغثيث...وممل
يجيك ثاني يقول لك...هالمدير دايما ضد القطريين...ومايبغي حد فيهم يتطور...عشان ماياخذون مكانه...
وثالث ورابع...
طبعا انت رسمت الافكار...واثبتت في مخيلتك صفات هالمدير...
لما يكلمك...ماراح تكون طبيعي...لان هالافكار في راسك...وانت تقول هالمدير شري وراعي مشاكل...لكن تتفاجئ...انه من احلى ما يكون...وطيب...وخلوق...ومبدع...

المحصله... يمكن هالناس كارهينه...
او ماعندهم شي ويحبون السوالف...
او مايبغون لك الخير عشان ماتتقرب من المدير...
او يمكن المدير كذلك...لكن بس معاهم...اما معاك انت يكون غير...

فا...التطبيق في حياتنا...لاتسألهم عن الناس...ولا تسمع رايهم...عاشرهم...وشوف اخلاقهم...وبعدين انت احكم عليهم...
لانك انت اللي بترتاح في النهايه...

اما عن مثالك اختي صمت...
شي طبيعي...في مثل يقول..."ماتعرف خويك الا في السفر"...
ليه تحديدا في السفر؟؟؟...لانك بتعاشره...وتعرف سلوكياته وتصرفاته...ونخوته...والسنع...والكرم...والطيبه...
اما اذا كان في مجرد ربع في قطر...انت معاه مجرد كم ساعه...ماتدري عنه وش هو باقي يومه...

وختاما...(بقى شي ماقلته...احم)
نفس المثل اللي انتي ذكرتيه اختي صمت...
ينطبق على اللي مقبلين على الزواج...
اللي يطالبون ب ان الرجل يقعد مع المره...قبل الملكه...يشوف اخلاقها ويدرسها...
وكذلك ايضا...للرجل اللي يكلم المره خلال الملكه وقبل العرس...سوالف تلفون وزيارات خاطفه...احم

في النهايه...تلقاهم ينصدمون بعد الزواج..."على حسب الاشخاص...ان كانوا صريحين"...

فا الزبده...ماينعرف الشخص الا بالعشره...للازواج...
والحب...مايكون الا بالعشره...لان بالعشره انت تعرف الشخص اللي قدامك عدل...


معليش على الاطاله...خبرك احب اكتب...خاصه في شي مفيد...
"اهم شي لحد يقول عني سخيف مثل ماقال لي (الفيصل)..."

[صمت القلوب]

يعطيك العافيه اختي صمت على الموضوع الطيب...والعميق في معانيه...
واللي الواحد يكتسب منه خبره في حياته...

بالنسبه لي انا شخصيا...صارت لي مواقف كثيره...منها الزين ومنها الشين...
والواحد يتعلم من اخطائه...ويحط قوانين...على اساس تمنع حصولها في المستقبل...

مثلا بالنسبه لي...مطبق المثل اللي يقول..."ان كنت تريد ان تكون مخلصا للناس...فلا تسمع اراء الناس فيهم"...
القصد...او مثال للتوضيح...
مثلا...انت توظفت في مكان جديد عليك...وماتعرف الا كم واحد فيهم...وعندكم مدير...خذ السوالف...يجيك واحد يقول هالمدير من ارزل المدره اللي عرفتهم...وغثيث...وممل
يجيك ثاني يقول لك...هالمدير دايما ضد القطريين...ومايبغي حد فيهم يتطور...عشان ماياخذون مكانه...
وثالث ورابع...
طبعا انت رسمت الافكار...واثبتت في مخيلتك صفات هالمدير...
لما يكلمك...ماراح تكون طبيعي...لان هالافكار في راسك...وانت تقول هالمدير شري وراعي مشاكل...لكن تتفاجئ...انه من احلى ما يكون...وطيب...وخلوق...ومبدع...

المحصله... يمكن هالناس كارهينه...
او ماعندهم شي ويحبون السوالف...
او مايبغون لك الخير عشان ماتتقرب من المدير...
او يمكن المدير كذلك...لكن بس معاهم...اما معاك انت يكون غير...

فا...التطبيق في حياتنا...لاتسألهم عن الناس...ولا تسمع رايهم...عاشرهم...وشوف اخلاقهم...وبعدين انت احكم عليهم...
لانك انت اللي بترتاح في النهايه...

اما عن مثالك اختي صمت...
شي طبيعي...في مثل يقول..."ماتعرف خويك الا في السفر"...
ليه تحديدا في السفر؟؟؟...لانك بتعاشره...وتعرف سلوكياته وتصرفاته...ونخوته...والسنع...والكرم...والطيبه...
اما اذا كان في مجرد ربع في قطر...انت معاه مجرد كم ساعه...ماتدري عنه وش هو باقي يومه...

وختاما...(بقى شي ماقلته...احم)
نفس المثل اللي انتي ذكرتيه اختي صمت...
ينطبق على اللي مقبلين على الزواج...
اللي يطالبون ب ان الرجل يقعد مع المره...قبل الملكه...يشوف اخلاقها ويدرسها...
وكذلك ايضا...للرجل اللي يكلم المره خلال الملكه وقبل العرس...سوالف تلفون وزيارات خاطفه...احم

في النهايه...تلقاهم ينصدمون بعد الزواج..."على حسب الاشخاص...ان كانوا صريحين"...

فا الزبده...ماينعرف الشخص الا بالعشره...للازواج...
والحب...مايكون الا بالعشره...لان بالعشره انت تعرف الشخص اللي قدامك عدل...


معليش على الاطاله...خبرك احب اكتب...خاصه في شي مفيد...
"اهم شي لحد يقول عني سخيف مثل ماقال لي (الفيصل)..."



اخوي الكريم ... تمعنت بردك وقريته بتركيز لانه كله كلام صحيح ...بخصوص المقوله...
ان كنت تريد ان تكون مخلصا للناس...فلا تسمع اراء الناس فيهم"...
حصلت معاي بالضبط ... اوهموني بانها انسانه تحقد علينا وبتحاول ترسبني وتكره العرب وووووو ولكن لما تعاملت معاها اكتشفت انها طيبه جدا وحنونه وخدووومه لابعد الحدود ..
سبحان الله ..

كلامك اخوي افادني كثيرا ...ولا فيه اطاله ولا شي ... ومحشوم من السخافه ...
مااااقصرت وجزاك الله كل خير ...
انزين سؤالي ... اشلون نتعامل معاهم خصوصا اذا اشتغلنا وياهم ؟؟

[The Master]

اخوي الكريم ... تمعنت بردك وقريته بتركيز لانه كله كلام صحيح ...بخصوص المقوله...
ان كنت تريد ان تكون مخلصا للناس...فلا تسمع اراء الناس فيهم"...
حصلت معاي بالضبط ... اوهموني بانها انسانه تحقد علينا وبتحاول ترسبني وتكره العرب وووووو ولكن لما تعاملت معاها اكتشفت انها طيبه جدا وحنونه وخدووومه لابعد الحدود ..
سبحان الله ..

كلامك اخوي افادني كثيرا ...ولا فيه اطاله ولا شي ... ومحشوم من السخافه ...
مااااقصرت وجزاك الله كل خير ...
انزين سؤالي ... اشلون نتعامل معاهم خصوصا اذا اشتغلنا وياهم ؟؟

ويجزاك خير يارب اختي صمت...
الحمدلله انك اقتنعتي...والاهم انها تفيدك في حياتك..جربيها وان شاء الله منها فايده...

بخصوص كيف نتعامل معاهم...امممم
هذي يبغي لها قوة شخصيه نوعا ما...وجد...و صرامه...
كيف؟؟...
بالنسبه لي انا صريح...وواقعي لابعد الحدود...
ومتبع المثل اللي يقول...
"ان كنت تبغي تصاحب صاحبك...حاسبه من اول مره"...
القصد...
لما تتعرف على شخص او حتي اشخاص في جهة عمل او جامعه او غيره...وتكون جديد عليهم...
لما اشوف الغلط من اتجاهي اتكلم...وما اسكت...واحسبهم علي اي شي يسوونه صوبي...
يعني مثلا...
فلان جاني وتغشمر معاي باليد...اقول له انا ماحب المزح باليد...وابتسم عادي...واخلي كلمتي كا حدود...واقولها بطريقه ما تحسسه بالاحراج...وعلى طول لما اقول له الكلمه...احاول افتح معاه اي موضوع ثاني...عشان هو ماينحرج ولا يحس بالغلط...
طبعا في ناس يمكن تاخذ بخاطرها او شي...لكن بالنسبه لي لازم احط حدود من داية علاقاتي مع الناس...ولا بيتمادون...وبيستهبلون...
طبعا هذا مجرد مثال...
كذلك نفس الحال...مثالنا...لما يجيني شخص ويقول لي ان فلان كذا وكذا...اقول له واللي يرحم والديك...ياريت نغير الموضوع...لان بالنسبه لي ماحب اسمع كلام عن حد...وانا اهم شي عندي تعامل هالشخص اللي انت تتكلم عنه معاي...وانا اللي احدد شخصيته...فا ولاتهون ماتجيب لي طاري حد...

طبعا انا عارف ان البنات عالمهم اصعب من ناحية هالامور...لكن حاولي ب اسلوبج وذكائج...وفكري بطريقه تورينهم انج ماتحبين هالشي...واشيا ثانيه اذا كنتي تتضايقين منها...

نصيحه...ترا احيان كثيره الواحد يحس انه يغلط على الناس اذا كلمهم بهالطريقه وانه يحرجهم من اول مره...لكن تراها تستاهل...خاصه لراحتك انت...ولمبادئك...وطبعا نحاول نراضيهم ان ازعلوا...في النهايه...نحب الحياة الاجتماعيه...والعلاقات...والسوالف...والربع...فا نحاول بذكائنا...نتحكم في هالامور...

اتمنى الفكرة اوصلت...
والاهم انج تنفذينها بالطريقه الصحيحه واللي ترضيج...اذا اقتنعتي باللي قلته...وان شاء الله الناس بتتفهم كلامج عدل..."مع اني اشك في هالزمن حد يفهم شعور الثاني"...لكن تستاهل التجربه...

وما اوصيج...حاولي ترقعين اذا حد زعل...وبعد تورينهم انج مرحه وطيبه وراعية اخلاق...وان عندج مبادئ ماتحبين تتعدينها...وان شاء الله يفهمون...

فا كثري من الفطاير...والقيمات...والقهوة...خبرج حق التضبيط...احم...

وبس...

[صمت القلوب]

ويجزاك خير يارب اختي صمت...
الحمدلله انك اقتنعتي...والاهم انها تفيدك في حياتك..جربيها وان شاء الله منها فايده...

بخصوص كيف نتعامل معاهم...امممم
هذي يبغي لها قوة شخصيه نوعا ما...وجد...و صرامه...
كيف؟؟...
بالنسبه لي انا صريح...وواقعي لابعد الحدود...
ومتبع المثل اللي يقول...
"ان كنت تبغي تصاحب صاحبك...حاسبه من اول مره"...
القصد...
لما تتعرف على شخص او حتي اشخاص في جهة عمل او جامعه او غيره...وتكون جديد عليهم...
لما اشوف الغلط من اتجاهي اتكلم...وما اسكت...واحسبهم علي اي شي يسوونه صوبي...
يعني مثلا...
فلان جاني وتغشمر معاي باليد...اقول له انا ماحب المزح باليد...وابتسم عادي...واخلي كلمتي كا حدود...واقولها بطريقه ما تحسسه بالاحراج...وعلى طول لما اقول له الكلمه...احاول افتح معاه اي موضوع ثاني...عشان هو ماينحرج ولا يحس بالغلط...
طبعا في ناس يمكن تاخذ بخاطرها او شي...لكن بالنسبه لي لازم احط حدود من داية علاقاتي مع الناس...ولا بيتمادون...وبيستهبلون...
طبعا هذا مجرد مثال...
كذلك نفس الحال...مثالنا...لما يجيني شخص ويقول لي ان فلان كذا وكذا...اقول له واللي يرحم والديك...ياريت نغير الموضوع...لان بالنسبه لي ماحب اسمع كلام عن حد...وانا اهم شي عندي تعامل هالشخص اللي انت تتكلم عنه معاي...وانا اللي احدد شخصيته...فا ولاتهون ماتجيب لي طاري حد...

طبعا انا عارف ان البنات عالمهم اصعب من ناحية هالامور...لكن حاولي ب اسلوبج وذكائج...وفكري بطريقه تورينهم انج ماتحبين هالشي...واشيا ثانيه اذا كنتي تتضايقين منها...

نصيحه...ترا احيان كثيره الواحد يحس انه يغلط على الناس اذا كلمهم بهالطريقه وانه يحرجهم من اول مره...لكن تراها تستاهل...خاصه لراحتك انت...ولمبادئك...وطبعا نحاول نراضيهم ان ازعلوا...في النهايه...نحب الحياة الاجتماعيه...والعلاقات...والسوالف...والربع...فا نحاول بذكائنا...نتحكم في هالامور...

اتمنى الفكرة اوصلت...
والاهم انج تنفذينها بالطريقه الصحيحه واللي ترضيج...اذا اقتنعتي باللي قلته...وان شاء الله الناس بتتفهم كلامج عدل..."مع اني اشك في هالزمن حد يفهم شعور الثاني"...لكن تستاهل التجربه...

وما اوصيج...حاولي ترقعين اذا حد زعل...وبعد تورينهم انج مرحه وطيبه وراعية اخلاق...وان عندج مبادئ ماتحبين تتعدينها...وان شاء الله يفهمون...

فا كثري من الفطاير...والقيمات...والقهوة...خبرج حق التضبيط...احم...

وبس...



:):):)

يعطيك الف الف عافيه عالرد الطيب
وعلى نصائحك القيمه ... مااااااقصرت ...
خالص تقديري لمجهودكـــ
وانشالله تاخذ بعين الاعتبار ...
جزاك ربي الجنه ..

[(الفيصل)]

لك ثلاث خيارات لتتعرفي حقيقة الشخص
1- تسافرين معه لمدة طويله والسكن يكون مشتركاً.
2- تتزوجينه. أو تصاهرينه.
3- تطلبين منه المال أو المساعدة عند الضيق .

سوف تتعرفين على معدنه(الحقيقي)

[صمت القلوب]

لك ثلاث خيارات لتتعرفي حقيقة الشخص
1- تسافرين معه لمدة طويله والسكن يكون مشتركاً.
2- تتزوجينه. أو تصاهرينه.
3- تطلبين منه المال أو المساعدة عند الضيق .

سوف تتعرفين على معدنه(الحقيقي)

نقاط مهمه ..
جزاك الله خير عالمختصر المفيد
لاهنت

[حليتان*]

بااال والله تصدقين هالسوالف حتى في الشباب موجوده ... بس مش واايد

لما تشوفين حد يتكلم على حد عندج سوي نفسي ..

لا تتأثرين في الموضوع ، دخلي سالفه على سالفه .. ومع الوقت بيفهم ان ما تبين تتكلمين على الناس وبيستحي .. وان ما ستحى بطيها ويها وعطيها اياها كااش ..


وعلى فكرة لا تقولين حق رفيجاتج عن اسرارج والله تصير زعله بينكم بيطلون كل شي..

نفسي تهاوشت مع واحد من ربعي طلع الاولي والتالي ..

[صمت القلوب]

يالله لاتحطنا في هالمواقف ...
شكـــــرا لتواجدك الطيب اخوي الكريم

لاهنت

[هبة ريح]

لك ثلاث خيارات لتتعرفي حقيقة الشخص
1- تسافرين معه لمدة طويله والسكن يكون مشتركاً.
2- تتزوجينه. أو تصاهرينه.
3- تطلبين منه المال أو المساعدة عند الضيق .

سوف تتعرفين على معدنه(الحقيقي)

اوافقك الراي اخوي بس في الخيار الثاني احس انه صعب اشوي
اوكي عرفت حقيقة الشخص وبعدين؟؟!! ان صار ماصار شبتكون النهاية
في ناس يعرفون الاشخاص من معاشرتهم من اول شيء ومن تصرفاتهم
وحركاتهم,, وفي ناس ينعرفون في اوقات الضيق والشده مثل ماتفضلت في الخيار الثالث

[صمت القلوب]

الشكر الجزيل لكل من شارك بالموضوع
لاهنتو

[BoFahed]

موضوع مهم اختي للاسف يا ما ننخدع باشخاص نثق فيهم سواء في الدراسة او في العمل او في الغربة وبعد هذه الثقة يتبين حقيقة نفوسهم المريضة انا وبعد تجارب سيئة حبيت اوضح الاتي :

اذا الواحد فينا حب شخص ويبي يصادقه لازم يختبره مثل ما ذكر الاخوان بالسفر ولا في المال ولا في مشكلة حتى لو كانت غير حقيقية مثلا اقول شخص ابي مبلغ ضروري مع اني مب محتاج بس اشوفه الفلوس عنده غاليه علي لانه اذا كان مادي ما فيه خير اضرب عليه اكس (تعس عبد الدينار والدرهم ) ولا في سفر اشوف اخلاقه وطباعه وهو بعيد عن البلاد والضغوط الاجتماعية هل تغيرت ولا نفس الشي لان السفر جزء من العذاب وتبين معدن الانسان ولا في مشكلة اقوله انا عنده مشكلة واشوفه هل هو متحمس مبادر يبي يساعدني حتى لو ما بيده شي بس اشوف حرصه

ومثل ما ذكرتي اختي بان الشخص لازم ما يحكم على اي انسان باللي يسمعه عنه لان بعض الناس حقوده ومريضه وعنصريه وجبانه الواحد يبعد عنها ويحرص منها بمجرد ان تختلف مع اي شخص في قضية سخيفة وتافهة يشن عليه حرب ولا داحس ولا الغبراء بس من نوع اخر تشويه سمع وقذف ونعت بصفات ابعد ما يكون عنها هذا الشخص.

ويارب ماتكون في مصاهرة لاقدر الله لانه بتكون مصيبة كبيرة ما بتخلص حتى في المحاكم وياما قصص شفناها وانا عشتها شخصيا لانه المظاهر خداعة وناس اكبر همهم التمثيل و اخفاء حقيقة انفسهم المريضة في التظاهر بالتدين في كثير من الاحيان الواحد لازم يسال بدل المرة مليون للي يبي يناسبه


المهم اللي ابي اوضحه بان ثقة الانسان والصداقة غالية لا ينالها الا اللي يستحقها بغض النظر عن اصله وفصله لانها في هذا الزمن المادي المفاهيم تغيرت كثيرا المعيار هو الدين والاخلاق واللي ذكرناها مسبقاحتى لا يعطي الانسان اكثر من اللازم ويكون المقابل اقل من اللازم فيعاني نفسيا و مرضيا لا قدر الله

[صمت القلوب]

المهم اللي ابي اوضحه بان ثقة الانسان والصداقة غالية لا ينالها الا اللي يستحقها بغض النظر عن اصله وفصله لانها في هذا الزمن المادي المفاهيم تغيرت كثيرا المعيار هو الدين والاخلاق واللي ذكرناها مسبقاحتى لا يعطي الانسان اكثر من اللازم ويكون المقابل اقل من اللازم فيعاني نفسيا و مرضيا لا قدر الله


جميل مااضفته اخي الكريم ... وتعليقي على اخر فقره ... واللي تعتبر الاهم بنظري ...
وانشالله ما نعاني ابدا في حياتنا...:(
جزاك الله خير عالاضافه الطيبه

لاهنت