الي يتصلون من برع قطر .. نصاب او بنت تبي تتعرف .. او شحات .. او ساحر .. او مستثمر

[البدع]

أنا عشت برع قطر وفي دول اوروبية

بس محد اتصل فيني مثل مايتصلون في قطر

الصراحة مليت

صرنا شعب مستهدف

الي يتصل:

شحات من (3 دول عربية معروفة)

بنت تبي تتعرف (من دولة خليجية ومن دولة عربية متفتحة جدا وبها فقر)

نصاب عنده شركة سياحة او يقول فزت باليانصيب (من دولة عربية افريقية)

ساحر يهددك بالسحر (من دولة اسلامية فقيرة)

مريض ماعنده فلوس دواء (من دولة عربية عندها عدواة مع قطر)

او مستثمر من قبرص .. يوعدك بالملايين وبالتجارة المربحة

واذا بخيل تلاقيه يبعث لك مسج ويقول لك مبروك فزت بجائزة كذا وكذا ...

او يعطيك رنة ويخليك تتصل على تليفون فتح خطة بعشرة وفوق

الصراحة مليت

صرت ارد عليهم بقسوة اذا ما اتصلوا فيني

واقلوهم عيب .. بسكم نصب وطرارة

[غزلان]

انا مريحه دماغي

الأرقام الغريبه محليه او خارجيه مارد عليها :)

[البدع]

انا مريحه دماغي

الأرقام الغريبه محليه او خارجيه مارد عليها :)

أنا الخارجي طلقته

بس الداخلي مجبور ارد عليه

اشغال مالها اول ولا آخر

ياحظكم يالحريم

ماعندكم اشغال .. بس صرف على الاسواق

[العسيري]

أنا والله واحد ما أحب أرد علي الأرقام الغريبة فألأرقام المهمة بالنسبة لي موجودة عندي

وإذا أنا مارديت علي المتصل بي وهو يعرفني فاكيد انه رايح يبعثلي مسج وأنا رايح أتصل به

لكن إذا كان المتصل يتصل بكثرة ويسندرني ويوجع راسي فلازم أرد عليه علشان افتك منه ومن اتصالاته المزززززززعجه!!!

[mlson]

البدع اتمنى يكون كلامك وتكون لهجتك معروفة وبالقاموس العربي والخليجي

برع = برا او من الخارج ؟ ياليت تفسر برع

مشكلة الدخلاء على اللهجة الخليجية

[عذاب]

ااي والله زهقووني يجيلك سااحر يقولك بفكلك السحر وانت ماافيك شي اصلن ويقول اذاا تبي تفكه لازم تطرش صدقه للفقراء وتذبح لهم خروف ههههه قمه من الغبااء ويقوول اذاا مااتقدر طرش الفلوس لي واناا بتصرف , الاخ مستغفلني ,, على بااله اهبل ..

[جنوب الدوحه]

اكتفي بعدم الرد على اصحاب البو رنه والمسجات :)

[البدع]

السموحة ما ارد على استفزازات اليهالووووو ,,,

[البدع]

عذاب ,, انا هددني بانه يسحرني ,,, اذا مابعثت له على الويسترن يونيون ,, ومرة سنة وماصادني شيء والحمدلله

[meme~qatar]

الحمد لله مارد على اي رقم غريب داخلي او خارجي


اللي اعرفهم ارقامهم مخزنة عندي


واللي يبيني وماعرف رقمه يطرشلي مسج ويقول انا فلان

وساعتها ارد

ويسلموا

[خليفـة]

سو مثلي يالغالي .. وشرط انك بترتاح راحه مالها مثيل

مجرد ما اشوف رقم مكالمة خارجية وما اعرفه .. انتظر لين الرنه الثالثه .. وبعدها أرد عليه بالتالي :

انا : الو !
راعي المكالمة : السلام عليكم
انا : أليكم السلام !
راعي المكالمة : من ؟
أنا : كياهوقيا باي .. تومارا مألوم نييه !دوسرا تايم كوول نييه بالكل .. مخ فِكِر كوتش نييه بالكل .. شارسوبيس :anger1: :anger1: :anger1:
راعي المكالمة : طلع هندي؟؟ توت توت توت توت

وكان الله غفورا رحيماً
:nice:
:nice:

[ابو ضمير]

انا اتمنى احد يتصل علي من هالاشكال بس ما في حد

[بحر العذاب]

رقم بدايته 009893 مطرش لي مسج ( أحبك وينك أتصل ) من يومين

مشاء الله علي طلعت محبوب من داخل قطر وخارجها

[sh50]

كلمة برع غلط والصح برا لكن ماادري بعض الناس مصرين عليها ليش اصلا برع مالها معنئ ياليت اعرف من وين اصلها