طاح جهازي

[لولوتي]

السلام عليكم ورحمة الله وبركاته

جهازي الجديد من سوني طاح :weeping:

وديته الشركه قالوا لي التصليح يكلف 2000 QR :eek5:

عند الجهة اليسار من تحت،،، اشوي تحرك بدي الاب توب لأن يوم طاح كان مركب فيه الفلاش
وطبعا نفس المكان تتركب السماعه بعد


فـ السؤال :rolleyes2:
في مجال للتصليح بأقل من هذه التكلفة اللي اتعادل نصف سعر الجهاز:weeping:

مع الشكر:)

[جنوب الدوحه]

انا ما عرفت شنو الي اخترب فيه ما وظحتي ..

مممم يمكن تحصلين سعر احسن من الشركه لن الشركه اكيد بيصلحونه بغالي .. روحي السوفتيل ان شاء الله بتحصلين الي يصلحه بارخص من جذيه ..


والسموحه :)

[لولوتي]

انا ما عرفت شنو الي اخترب فيه ما وظحتي ..

مممم يمكن تحصلين سعر احسن من الشركه لن الشركه اكيد بيصلحونه بغالي .. روحي السوفتيل ان شاء الله بتحصلين الي يصلحه بارخص من جذيه ..


والسموحه :)


هلا ومرحبا جنوب الدوحه

مافيه شي مخترب لكن البدي ماله تفكك من الطيحه ويأثر على وصلة السماعه اللي في نفس الزاوية ((تفكك بس من طرف بشكل بسيط "تلخلخ")) :weeping:
ولا يبي له اساسا تغيير البدي كله لكن هذا هو حلهم الوحيد :(

و إن شاء الله بروح لهم وعسى القى عندهم حل مقبول بسعر افضل.

شكرا وجزاك الله خير :)

[جنوب الدوحه]

ان شاء الله.. حاولي تشوفين في الانترنت عن الكفر يمكن تحصلين بسعر زين ..


وقلي لنا شنو صار معاج .. لن عندي كمبيوتر جديد والله dell طاح وتكسر الكفر وخذت غيره ^_^

تقبلي مروري اختي :)

[alqtri]

السوفيتيل عندهم ناس خبره في التصليحات وارخص بوايد

بالتوفيق ان شاء الله

[قطرية فذة]

تقريباً اختي مشكلتك نفس مشكله جهاز الوالد يحفظه الله

ووداه للشركه وقالو له التصليح قرابه 1000 ريال

انا خذت الجهاز ورحت حق كمبيوتر بلازا اللي بالغرافه وعطيته الجهاز

ولله يا اختي حتى ضغطات الزر طايحه والشاشه كلش ماتشوفين وش مكتوب

الا شاشه سوووووداء

قالي التصليح ب 300 ريال مع البرامج كامله

نظف لي الجهاز ولله الحمد مافي احسن منه

قالي بس ان الهارد وير انضرب وبدل لي اياه

ورجع احسن من قبل بواااااايد

؛

خبرينا شو يصير معاك

موفقة

[sad-o-bas]

السلام عليكم..

إختي جربي الدبلوماسي.. وردي علينا.. هو السيرفس ماله بصراحة غالي.. بس حق هالسوالف بيكون أوكي..

[لولوتي]

منكم السموحه اعزائي
توني الحين ادور على موضوع لي وشفت مشاركاتكم

جزاكم الله خير ما قصرتوا وبارك الله فيكم اجمعين :)

[A H M A D]

هلا اختي برسلك عالخاص رقم صديق لي يصلحه لك وتشوفين وين محله اتوقع بالغرافة بس بطرشلك رقمه عالخاص واساليه ويقولك السعر ترى هو ولد عمي

تحياتي لك

[Abo Ahmed]

إختي

جربي هالرقم ممكن يفيدك

مايكربت تكنولجيا المعلومات الأمريكية

محمد رزان
جانب فندق سوفتيل "من الخلف"
ت: 4374541
ج: 5175956
ص.ب: 15702
E-mail: rizan12@yahoo.com

إن شاء الله يصلحلك إياه

أخوكم

Abo Ahmed