انسرق سبير موتري وهو واقف في الغسيل في التيسير

[قطري10]

السلام عليكم
شباب انا اليوم حبيت أغسل موتري جيك واروح التيسير وسائل الهندي كم سيارة قدامي قالي 18 سيارة قلت مو مشكلة احط السيارة عندك قالي وقفها في المواقف وحط المفتاح داخلها قلتله اوكي
حطيت الموتر وحركت وجيت مع أذان المغرب ودق سلف وحرك صوب البيت يوم وصلت البيت الا اشوف سلسلة السبير في الارض شسالفة السبير مش موجود انصدمت اشوف عدة البنشر الا ملعوزة قلت حسبي الله على السارق

شباب انتبهو على سياراتكم الله بحفظنا ويحفظ الجميع .

[Mody]

لا حول ولا قوة الا بالله العلي العظيم
مدري شالسرقات اللي زادت في ديرتنا
الله يعوض عليك واحمد ربك جات في السبير
ولا في الموتر كامل مثل ماصار معانا

لكن لا تسكت روحلهم ولعوزهم ودور عندهم
يمكن منزلينه وحاطينه في مكان والله اعلم

[بوطويشم]

السلام عليكم

الحمدلله بس الاسبير وماشالو الموتر بكبره

بس ترى غلط انك تحط المفتاح فالسيارة كان فالمفروض تروح حق الي يسجل السيارات وتلزم عليه ان المفتاح يكون عنده

ترى الدوحة مب مثل قبل

[3abo0dqtr]

اي انا بعد اقول جي

روح عندهم المحطه يمكن منزلينه عندهم

وربي يعين الجمييع انشاالله

[Alpinestars]

لا حول ولا قوة الا بالله العلي العظيم

ياالغالي تاكد منهم احتمال موترك بنشر وهم غيروا التاير

الله يوفقك ..

[بن درويش]

معوض خير

[alkoos]

والله ياخوي توقع كل شي حاليا توقع تنام وتصحى الصبح موترك مبيوق من داخل بيتكم عاادي

[زمن الغدر]

اخوي انا موترى كان بشارع سلوى قدام المحلات الي عند لمسه فن وبنشري
باقوا من الموتر السبرنق حق الصيخ

[البيت بيتك]

اول شي مبروك ماجاك
واهم شي جات فى الاسبير ولا فى شي ثاني

[قطري10]

الله يبارك فيك ومعوضين ان شاء الله

[البتار]

مبروك ما جاك الشيخ بس مهب على سرقة الاسبير ، على المولودة وتتربى بعزك
عندي سؤال لو سمحت من وين جايب الكافي الي وزعته ، ترى نوعية ممتازة
على كل حال الله يعوض عليك الاسبير .

[عاشق البيئة]

حسبي الله ونعم الوكيل

[KhalidQ]

كلم الشرطه المعموره يرسلون لك دوريه ويشفون السياره و يفتحون محضر
و التيسير راح يجيب لد الاسبير طيب و لا غصب

[نور اعيوني]

الحمدلله على كل حال..والحمد لله ان الاسبير انسرق ولا السياره..