المرور والشعب

[كلاسيك قطر]

السلام عليكم ورحمة الله وبركاته ..

شخباركم ان شاءالله بخير .

هاي الموضوع خذ له يومين في بالي وقلت ابي اكتبه واخذ رايكم فيه ..

احنا تقريبا البلده الوحيده فالعالم الي فيها هذا الشي ..

انا اول مره اشوف انه في 3 جهات للمرور واعطاء المخالفات للشعب ..

ماشاءالله يعني احنا عندنا

1 - المرور

2 - لخويا

3 - الفزعه

لهاي الدرجه عدد شعبنا خيالي عشان تكون هل هاذي الجهات للشعب !!

وياليت بس الشعب ,, هم وبصراحه متخصصيين فقط للشباب والتركيز كله على الشباب وخصوصاً الي عندهم فوريلات ومافي اي تعاطف ,, الا ينطرون على الشباب الزله الوحده عشان يخالفونه

ولا اذا تمر عند ثبوت ماحصل عليك اي غلطه وماشاف عليك شي يطلع لك مخالفه من تحت الارض .. ذيك المره واحد من الربع مار على ثبوت وماشاف عليه شي قاله ليش تتمشى بالكشافات !!
يعني اوصلت لدرجه لاتطاق .. خلاص قمنا ننحكر في المجالس عشان مايمسكون علينا شي

ووو السموحه على الموضوع الملخبط بس هذا الي فبالي .. وحبيت اخذ رايكم فيه :)

سلام



===============

الرجاء من المشرفين نقل الموضوع في حوار العام

[كلاسيك قطر]

للرفع

[الوعد2016]

ياليتك بعد ذكرت التحريات وتحريات المرور ورجل المرور بزي رسمي بين السيارات في الزحمه يصيد المخالفين بس كله عشان سلمتنا يالغالي وعشان ما نبذر اموالنا في شي غير مفيد يعني دهننا في مكبتنا

[كلاسيك قطر]

88888

تسلملي فديت خشمك

[لاجئ عاطفي]

السلام عليكم ورحمة الله وبركاته ..

شخباركم ان شاءالله بخير .

هاي الموضوع خذ له يومين في بالي وقلت ابي اكتبه واخذ رايكم فيه ..

احنا تقريبا البلده الوحيده فالعالم الي فيها هذا الشي ..

انا اول مره اشوف انه في 3 جهات للمرور واعطاء المخالفات للشعب ..

ماشاءالله يعني احنا عندنا

1 - المرور

2 - لخويا

3 - الفزعه

لهاي الدرجه عدد شعبنا خيالي عشان تكون هل هاذي الجهات للشعب !!

وياليت بس الشعب ,, هم وبصراحه متخصصيين فقط للشباب والتركيز كله على الشباب وخصوصاً الي عندهم فوريلات ومافي اي تعاطف ,, الا ينطرون على الشباب الزله الوحده عشان يخالفونه

ولا اذا تمر عند ثبوت ماحصل عليك اي غلطه وماشاف عليك شي يطلع لك مخالفه من تحت الارض .. ذيك المره واحد من الربع مار على ثبوت وماشاف عليه شي قاله ليش تتمشى بالكشافات !!
يعني اوصلت لدرجه لاتطاق .. خلاص قمنا ننحكر في المجالس عشان مايمسكون علينا شي

ووو السموحه على الموضوع الملخبط بس هذا الي فبالي .. وحبيت اخذ رايكم فيه :)

سلام



===============

الرجاء من المشرفين نقل الموضوع في حوار العام


سبحان الله
الواحد منكم يخالف وما يبي حد يعاقبه على مخالفته ..
ياخي ان شاء الله عشرين جهه مهب 3 بس شالمشكله اذا الواحد منا تقيد بالنظام والقوانين ؟؟
ياخي المثل يقول لاتبوق ولاتخاف فاذا انت مشيت باللقوانين واللوائح مافي اي مشكلة ولكن اتخالفون وماتبون حد يكلكمكم ؟؟؟ وين عايشين انتوا ؟؟
على فكره رحت مرة البحرين لاحظت ان كل السيارات اللي على الارصفة سيارات قطرية يعني سياسة المخالفات اصبحت سمة للقطريين وللاسف الشديد

[شيط ويط]

اخوي كلاسيك قطر دام انت ملتزم بالقوانين والتعليمات .. فأعتقد ماعندك مشكلة في انه يكون

للمرور حتى لو 17 الف جهة :)

وهالجهات كلها موجوده للتصدي للمخالفين اللي هم في الاخير سبب لمضايقتك انت كشخص

ملتزم بالقانون .. بعدين ترى عددنا كبير يعني تقريبا حول 1.6 مليون نفر .. والبلاد صغيره

وزحمة فأكيد محتاج لهذا العدد الكبير من الجهات لتنظيم المرور وضبط المخالفين

تحياتي لك

[الحـ(درب)ـب]

انا عن نفسي اقول


لهم باقة شكر على المجهودات الكبييرة اللي يقومون فيها (( بالذات وقت الزحمة ))

تخيل نفسك : واقف بعز الصيف بالشمس والنار تكويك من تحت الأقدام وتفك الإشتباكات المرورية




وبعدين الفزعه والأخوية والمرور تابعين للدولة يعني ((( فيهم الخير والبركة )))

انا عن نفسي عندي جي اكس ار شنابر وبوالين (( ماعمري سابقت ولا عمري حفصت وامشي دوم بالكشافات ))
الحمد لله ماعمره توقفت بنقطة تفتيش

بالعكس مرات اكون متملل ولو شفت نقطة تفتيش استانس واجهز الإستمارة والليسن
واستانس اكثر لما اوصل عنده ويمشيني بدون لايطلبهم (( يحسسني انه واثق بالسائق : اللي هو انا خخخخ ))

في نقطتين مهمتين:
1- تخيل نفسك باحد الدول الخليجية المجاورة وكل نقطة تفتيش يكلمونك بخياسة نفس وفوق على ذالك يطلب هوية كل اللي بالسيارة (( مو مثلنا بس يطلب السائق ))

2- تخيل انت شرطي ويجيك واحد عليه مخالفات وفوق على ذلك يكلمك بخياسة نفس؟؟؟ وشيكون شعورك؟؟



حاول تقدر مجهودات الدولة تجاه السيطرة على الأمن والمرور


وتقبل مروري

[ولد قحطان]

في بعضهم يرفعووووووون الضغط
يطلع لك من ورا الاشارة من بين السييايير يدور له حد مخالف
مستلم خلق الله صك بهالدفتر
هذا ما يهمه لا سلامة ولا غيره
يبي يطلع حرته فينا

[جوال 11]

عدم أحترام النظام يحتاج لمن يوقف المخالفين
فكثيرا ما نرى التجاوز من اليمين قبل الدوار والمداخل ومضايقة السيارات وكل هؤلاء يحتاجون لردع وتغليظ العقوبة

[كلاسيك قطر]

اشكركم والله

ع ردود
وانشوف باقي الاعضاء

[مرتبش]

بالعكس انا ابيهم يزيدون اعدادهم
ابي اشوف الشرطة وين ماروح.. وابيهم يوقفون المخالفين جدام العالم وتنكتب مخالفة امام الكل.. عبرة لمن لا يعتبر

لو الداخلية تنتبه لهالموضوع خصوصا بعد زيادة عدد السائقات القطريات.. نبيهم يطمنون اكثر ان عين الحكومة في كل مكان

[قطر دزاين]

على الاقل قبل لايخالف يحذر!

ما يصدق على الله يكتب لك مخالفه ,,ويطلع لك من ورا السيارات يخلي الناس كلهم ويجيك انت بذات خصوصا ً اذا كنت شاب

[بو شاهين]

انزين يالربع مهب مشكلة اذا خالفنا القوانين لازم نتخالف صح ماعندي اي مشكلة في ذي النقطه

لكن

صارت السالفه اشلون

يدورون شنهي الاشياء الي تحبها الشباب ومافي عليها مخالفات

في اليوم الثاني يطلعون قانون من المخبة ويبتدون يخالفون الشباب المساكين

[طلعة الروح]

بيخالفون من ولا من الله المستعان..........................
المخالفات اكثرت في الشوارع والسبب الرئيسي هو الزحام
والشرطه للاسف مش في كل مكان يتواجدون..
المشكله الشوارع ضيقه ووايد ناس ماعندهم سعة بال حتى لو مب مستعجل
خصوصا الريايل هههههههه يبي يسوي اي شي بس عشان
يفلت من الزحمه حتى لو يطير فوق موترك بسبة الشوارع الضيقه والانحباسات المرورية اللي تصير على اقل مشكله وهاي اللي يسبب الحوادث المرورية للاسف فضروري انه الواحد يمسك اعصابه بالشارع ولا بتصيبه هستيريا وحاله نفسيه...

[الدوحي7]

والله انت قلتها يقول لك ليش مشغل الكشاف هههههه،، اهم شي لاتقرب صوب نقاط التفتيش ويكفي بلاك بيري يعلمك،، وعساكرنا فيهم الخير وخصوصا اذا كان قطري صح ،،