كيوتل وما ادراك ما كيوتل ......للمرة الألف .... [الأرشيف]

SASAS

28-02-2010, 10:50 AM

http://www.m5zn.com/uploads/2010/2/27/photo/lau1zrzcmx6.jpg (http://www.tobikat.com)

لو ما انسميها بوقة....شنو انسميها!!!؟

الاتصال اللي داخل المستطيل الاصفر هو اتصال واحد ( لنفس الرقم ) حسب التوقيت والمدة ولكنه مكرر على جزئين مرة ثانية !!!

يعني مدبلينه ... تسوى الواحد يلاحقهم حق 26 ريال !!!

ولكن ......

قد اسمعت لو ناديت حيا..... لكن لا حياة لمن تنادي !!

بو خليفه 123

28-02-2010, 10:54 AM

اخوي كلامك منطقي 100%

و لكن الافضل انك تتأكد , و عندما يتم الاقرار بالخطأ من كيوتل بأمكانك اللجوء الى المنتدى لتنوير اخوانك الاعضاء بالمنتدى .

ودي أكون

28-02-2010, 11:37 AM

والله كيوتل محد يسلم منها ..:)

اللحين مثلا انا كرتي هلا .. كنت مشتركه فخدمه (( اتحط رقم اتكلمه بأقل تكلفه .. )) .. مقابل 10 ريال شهريا .. وصار لي من شهور مشتركه فيها ..

شرايك شهريا 3 مرات يطرشون لي مسج (( خصم مبلغ 10 ريال )) قيمة اشتراك في هالخدمه ..

يعني شهريا خصم 30 ريال ... :)

يبون فلوس بعطيهم كل شهر 100 بلاش .. بس لاياخذون مني شي بوق والا بالغصب :tease:

بوخالد911

28-02-2010, 12:00 PM

شي غرريب

SASAS

28-02-2010, 12:14 PM

اخوي كلامك منطقي 100%

و لكن الافضل انك تتأكد , و عندما يتم الاقرار بالخطأ من كيوتل بأمكانك اللجوء الى المنتدى لتنوير اخوانك الاعضاء بالمنتدى .

أنا متأكد 100%
وهل كيوتل ستقر بالخطأ .....طال عمرك !!؟؟

بو خليفه 123

28-02-2010, 12:24 PM

اذا الفرع لم يقر بخطأه فـ يتحتم عليك تصعيد الموضوع الى ماهو اعلى من مدير فرع و بالنهايه سوف يقرّون بالخطأ و تحصل على حقوقك ..طال عمرك !!

بوخالد911

28-02-2010, 12:25 PM

من الافضل تدق على 111

موووفق

سوق واقف

28-02-2010, 12:25 PM

العذر جاهز لاتحاتيهم

بوسعود911

28-02-2010, 12:36 PM

الله يعوض عليك
يعني الواحد لازم يدقق في الفاتورة قبل لايدفع

hamoor4ever

28-02-2010, 01:57 PM

على قوله الشباب العذر جاهر لان مب انت الحاله الوحيده في غيرك وايد علشان جذيه مرتبين نفسهم وبينحط الغلط عليك بعد ادفع ابرك لك بلا هم

fhd4

28-02-2010, 02:01 PM

بسيطة أخوي ... كلمهم وقدم بلاغ وبيطرشون لك رقم الشكوى ...

وبإذن الله بعد 3 سنين بيحلون لك المشكلة ...

حيهور

28-02-2010, 02:04 PM

ياخوي شبكة فودافون كل مرة خارج نطاق الخدمة --- ليش؟

رذاذ

28-02-2010, 02:11 PM

والله لشوف الفاتور قبل ..

جزاك ربي الف خير

هدهد سليمان

28-02-2010, 02:16 PM

كيوطل .. خذ الامور بروح رياضيه ..

alqtri

28-02-2010, 02:23 PM

في الاخير بيقولون لك خطأ من احد الموظفين

وهذا العذر اللي عند كيوتل خطا موظف

كازانوفا

28-02-2010, 02:23 PM

ما في حد يردعهم
بس مش اكثر

م. عبدالعزيز

28-02-2010, 05:22 PM

يمكن هذي مكالمه جماعيه

إنسان عادي

28-02-2010, 05:34 PM

:omg:
يمكن هذي مكالمه جماعيه

شلون مكالمة جماعية لرقم واحد ؟

م. عبدالعزيز

28-02-2010, 06:41 PM

:omg:

شلون مكالمة جماعية لرقم واحد ؟
يعني انا اتصل لك .. اول ماترد علي اقولك خلك عالخط بشبك فلان ثاني .. اخليك هولد واتصل لفلان الثاني .. واول مايرد الثاني يبدأ يحسب علي مكالمة ثانيه ..

بس الصوره اللي حطاها الاخ بالموضوع اما انها مكالمه جماعيه أو خطأ وراد ، وانصحه يتصل 111 وبيحلون له المشكله لو فيه

SASAS

28-02-2010, 07:26 PM

اذا الفرع لم يقر بخطأه فـ يتحتم عليك تصعيد الموضوع الى ماهو اعلى من مدير فرع و بالنهايه سوف يقرّون بالخطأ و تحصل على حقوقك ..طال عمرك !!

طال عمرك ....تعتقد أن الواحد منا بقدر يلاحقهم من مكتب الى مكتب وشهور عشان يحطون في رصيده 26 ريال بسبب خطأ في السيستم!!؟
هذا أقصى ما نحلم به مع كيوتل !!
فبالتالي عليه العوض !
احسن لي بكرامتي ومن غير ما اضيع وقتي معاهم ومن مكان لمكان ومن مدير لمدير ومن طابق لطابق عشن اثبت خطأهم !!
يكفيني اني طلعت حرتي بالمنتدى ومطلعهم حرامية !

SASAS

28-02-2010, 07:29 PM

من الافضل تدق على 111

موووفق

لو اتصلت بيطرشون لي واحد بال 26 ريال كاش !!؟
والا بعد شهرر بيقولون بنحط لك في الرصيد !!؟
والا بيقولون لي لازم اتزورنا واتقدم شكوى رسمية ومعاك الاثباتات الرسمية !!
خلاص انا هونت وما ابي منهم شي !

SASAS

28-02-2010, 07:30 PM

العذر جاهز لاتحاتيهم

أكيد أعذار كيوتل لا تعد ولا تحصى !!

SASAS

28-02-2010, 07:31 PM

الله يعوض عليك
يعني الواحد لازم يدقق في الفاتورة قبل لايدفع

اي والله لازم ادقق ورا كيوتل
وانا للاسف ما ادقق
بس هالمره استغربت من الرقم
وقمت اشوف الا والقى شي غريب !!!

دققوا عدل ورا كيوتل ...تراهم ......!

SASAS

28-02-2010, 07:33 PM

كيوطل .. خذ الامور بروح رياضيه ..

انا ما خذ الامور بروح رياضية ...ولاني ناطر منهم بشي !!
بس حبيت اوضح لكم وانبهكم لفواتيركم !!

SASAS

28-02-2010, 07:35 PM

في الاخير بيقولون لك خطأ من احد الموظفين

وهذا العذر اللي عند كيوتل خطا موظف

ههههههههههه

تدري لو هالموضوع في دولة اوروبيه والا امريكا ....
تقدر ترفع عليهم قضية ...
بس قبل القضية هم اصلاً بيراضونك ب 2000 دقيقة مجانية دولية او اي شي ثاني...

احنا هني ....بيقولك اشرب من ماي البحر ....

لان محد وراهم ...والمجلس الاعلى للاتصالات ....نايم !
والا المفروض اخطاء الفواتير يتحاسبون عليها .....

SASAS

28-02-2010, 07:37 PM

ما في حد يردعهم
بس مش اكثر

جبتها عالجرح !!

لو المجلس الاعلى للاتصالات عندها مكتب شكاوى على كيوتل وفودافون ويحاسبهم ....

جان الامور الحين افضل ........

SASAS

28-02-2010, 07:40 PM

يعني انا اتصل لك .. اول ماترد علي اقولك خلك عالخط بشبك فلان ثاني .. اخليك هولد واتصل لفلان الثاني .. واول مايرد الثاني يبدأ يحسب علي مكالمة ثانيه ..

بس الصوره اللي حطاها الاخ بالموضوع اما انها مكالمه جماعيه أو خطأ وراد ، وانصحه يتصل 111 وبيحلون له المشكله لو فيه

مشكوررررررر على الدفاع عن كيووووتل !!!

أخوي هاي رقم بيت :)
وما عندي خدمة مكالمة جماعية :victory:

ومشكور على الشرح التفصيلي الجميل ...

والله يخلي لكم كيوتل ...

SASAS

28-02-2010, 07:41 PM

بسيطة أخوي ... كلمهم وقدم بلاغ وبيطرشون لك رقم الشكوى ...

وبإذن الله بعد 3 سنين بيحلون لك المشكلة ...

هونت مابي ال 26 ريال !!

Notepad

28-02-2010, 07:41 PM

اخوي من قالك ان مافي مكتب شكاوي المجلس الأعلى للاتصالات وتكنولوجيا المعلومات حاطين رقمهم نفسهم في موقع كيوتل اذا في شي ولا شي اتصل واشتك وحقك مايضيع ان شاء الله

SASAS

28-02-2010, 07:45 PM

اخوي من قالك ان مافي مكتب شكاوي المجلس الأعلى للاتصالات وتكنولوجيا المعلومات حاطين رقمهم نفسهم في موقع كيوتل اذا في شي ولا شي اتصل واشتك وحقك مايضيع ان شاء الله

السكوت أوسع ......لا ضاق الحكي !!!

احب قطر

28-02-2010, 08:20 PM

الواعد

28-02-2010, 08:34 PM

هالمشكلة صارت لي قبل حوالي 3 شهور وماقصر أخوي ( احب قطر )

تابع الموضوع وكلموني وانحلت المشكلة بس رجعت مرة ثانية وبعده خلاص انحلت

الغريب اصلا ان تلفون البيت مافيه خدمة اتصال بجوال وهم حاطين اني متصل بجوالات :)

م. عبدالعزيز

28-02-2010, 08:37 PM

مشكوررررررر على الدفاع عن كيووووتل !!!

أخوي هاي رقم بيت :)
وما عندي خدمة مكالمة جماعية :victory:

ومشكور على الشرح التفصيلي الجميل ...

والله يخلي لكم كيوتل ...

اخوي انا ما ادافع.. وقلت سابقا اني "اتوقع"
وخدمه المكالمات الجماعيه موجوده للخطوط الارضيه
http://www.qtel.qa/ParentProdSrvcesLinks.do?idnum=2&prodtype=1#conference-call

وعموما اذا انت ماعندك الخدمه يعني هاي خطأ بالفاتوره.. كلمهم وبيعوضونك بالفاتوره الجايه

SASAS

28-02-2010, 09:37 PM

اخي الكريم ، اكيد انك عارف ان موضوع الحسابات والفواتير تكون بشكل آلي وأي شي معرض للعطل الو الخطأ ولهالسبب كيوتل تبعث فواتير للتأكد منها قبل ماتدفع ، ومن حقك تستفسر عن كل ريال تدفعه ، ولو بغيت طرش لي رقمك عالخاص وان شاء الله باقول لك ايش موضوع هالمبلغ.

مشكور طال عمرك...
معروف ان الفواتير اتكون بشكل آلي ...ومعروف أن اي شي معرض للعطل او الخطأ....
تعتقد اني لازم أجيك كل الفواتير سطر بسطر ...مكالمة بمكالمة ...!!؟؟

أخوي ...أنت بتقول لي ايش موضوع هالمبلغ !!؟ انت لين الحين مب واثق انهم مغلطين ...
وبتقول لي مبررات كيوتل حق الفاتورة ....!!

لو المبلغ بينحط بالرصيد من غير ما اروح لهم والاحقهم ....ما عندي مانع ...
اما لو لازم اروح واجي ...واثبت واحلف ....ما في داعي ....

SASAS

28-02-2010, 09:40 PM

اخوي انا ما ادافع.. وقلت سابقا اني "اتوقع"
وخدمه المكالمات الجماعيه موجوده للخطوط الارضيه
http://www.qtel.qa/parentprodsrvceslinks.do?idnum=2&prodtype=1#conference-call

وعموما اذا انت ماعندك الخدمه يعني هاي خطأ بالفاتوره.. كلمهم وبيعوضونك بالفاتوره الجايه

أخوي ما اتقصر على الشرح ...

مثل ما قلت لك ....

خدمة المكالمات الجماعية غير متوفرة عندي في خط البيت ........!
الا اذا كيوتل حاطتها مجانا عشاني !!

ANONYMOUS

28-02-2010, 10:16 PM

الخطا وارد

والمسامح كريم

:p

احب قطر

28-02-2010, 10:20 PM

مشكور طال عمرك...
معروف ان الفواتير اتكون بشكل آلي ...ومعروف أن اي شي معرض للعطل او الخطأ....
تعتقد اني لازم أجيك كل الفواتير سطر بسطر ...مكالمة بمكالمة ...!!؟؟

أخوي ...أنت بتقول لي ايش موضوع هالمبلغ !!؟ انت لين الحين مب واثق انهم مغلطين ...
وبتقول لي مبررات كيوتل حق الفاتورة ....!!

لو المبلغ بينحط بالرصيد من غير ما اروح لهم والاحقهم ....ما عندي مانع ...
اما لو لازم اروح واجي ...واثبت واحلف ....ما في داعي ....

اعتقد ان من المفروض ان الشخص يشييك فواتيره ، والموضوع لافيه حلفان ولا فيه روحه ورجعه ، كل اللي بيصير ان احد بيكلمك وبيشوف السستم ليش تم حساب المكالمة وبيرد عليك خبر ، اذا خطأ من كيوتل راح يرجع لك المبلغ واذا في شي مش واضح راح يوضوحون لك اياه