تجربة ماليزيا

[ضوى]

عدنا والعود احمد ، 17 يوماً قضيتها في ماليزيا برفقة زوجي وابنائي ، 17 يوما مرت كانها دهرا من الملل الذي عشناه :weeping:

كان هذا الموجز واليكم التفاصيل :

كوالامبور بعيدة جدا والرحلة طويلة بشكل سخيف 8 ساعات تقريبا ، قطع قلبي الطريق والله ، وصلنا كوالالمبور بتاريخ : 11-2-2010 ، الساعة 10 مساءاً تقريبا بتوقيت كوالا ، مع العلم ان فارق التوقيت بيننا وبينهم خمس ساعات بالضبط ، اخذنا تاكسي المطار سيارة مريحة ومقبولة ب 190 رنجت ، وصلنا الفندق حوالي الساعة 11 وشوي ، اسم الفندق سويس جاردن ، صلينا مافاتنا من صلوات ثم نمنا بعد عناء السفر ، صحينا الساعة 9 صباحاً ، فطرنا وطلعنا نتمشى ( وندمت لاني طلعت عيالي بهالشمس الحارة والجو المداري الحار ، لم نمشي كثيرا في شارع العرب رجعنا الفندق من حرارة الجو ، خرجنا بعد المغرب نحو شارع العرب ، اخذنا التاكسي السياحي من المحطة السادسة بشارع العرب ولفينا كوالامبور كلها حوالي 22 محطة سياحية وكانت تجربة مبدئية مقبولة نوعا ما خاصة ان الباص مكيف ومريح .

ثاني يوم طلعنا بالباص السياحي وكانت التذكرة صالحة لمدة 48 ساعة ، ونزلنا بكل المحطات السياحية عدا محطة البرجين التوام ومحطة برج كوالا للاتصالات افردنا لها يوما كاملا ، نزلنا نحو حديقة الفراشات والطيور وكم منطقة سياحية عادية مافيها شئ يذكر ، اما محطة البرجين فنزلنا البرجين وتمشينا وتعشينا وردينا وفي اليوم التالي محطة برج كوالا ، نزلنا واخذنا جولة كاملة في البرج وماحوله وكانت تجربة عادية لا شئ مميز فيها اطلاقا.

ثالث يوما قضينا تقريبا نصف اليوم بشارع العرب تمشية واستكشاف فقط لاغير

رابع يوم اتجهنا للتايم سكوير الالعاب والمجمع كان جميل بالنسبة لاولادي

رابع يوم توجهنا إلى بينانغ ، عن طريق الجسر وكلفتنا الرحلة 500 رنجت ، وحجزنا في فندق هوليدي ان مباشرة عالبحر ، فندق جميل جدا انصح به لمن اراد زيارة بيننانغ ، جزيرة جميلة وجوها رايق نوعا ما ، وشعر اولادي لاول مرة بالاستمتاع في هذه الجزيرة فقد استمتعوا كثيرا بركوب السكوتر والباراشوت والبطابط والخيل والسباحة وزيارة المناطق السياحية في بينانغ مثل حديقة التوابل وحديقة الفراشات وقمة بينانغ كانت رحلة جميلة لعلها اجمل مافي رحلتنا الماليزية

بعد خمس ايام قضيناها في بينانغ عدنا لكوالالمبور نفس الفندق حيث كانت امتعتنا بالمخزن عندهم واخذنا شنطة صغيرة لنا جميعا ، ريحنا في هذا اليوم بعد طول السفر ، وصباح اليوم التالي توجهنا لالعاب الصن واي لاجون وكان الجو حاااااااااااااااااااار جدا ولا يطاق لي ولابنتي اما زوجي اولادي فلعبوا بالماء ولم يشعروا بالحر وركبت ابنتي وابني الصغير اخطر لعبة في ماليزيا على قولتهم واخذوا شهادة من المتنزه بذلك !! قضينا اليوم هناك من الساعة 12 وحتى الساعة 7 يعني يوم تقريبا ثم عدنا للفندق تعشينا ونمنا .

صباح اليوم التالي توجهنا لجنتنغ وكان الجو حار في الاعلى ورطب عكس ماسمعت انها باردة ويحتاج السائح لجاكيت من شدة البرد ن وكانت الالعاب عادية ولعبوا اولادي كل الالعاب الداخلية والخارجية وعدنا للفندق الساعة 9 مساءا

قيل عودتنا بثلاثة ايام ذهب اولادي للتايم السكوير للمرة الرابعة وذهبت انا للتسوق مع زوجي اخذنا الهدايا وما اعجبنا من ملابس واشياء اخرى ثم اخذنا الاولاد وعدنا للفندق ، جهزنا انفسنا وحزمنا امتعتنا وشددنا الرحال عائدين لقطر الحبيبة

سلبيات ماليزيا

دولة بعيدة جدا وحااااااااااااارة جدا ، غالية نوعا ما ، كثرة وجود العاريات بشكل لايصدق والله اني ماشفت في اوروبا اللي شفته في ماليزيا ، ولم نسمع صوت الاذان اطلاقا ، المساجد قليلة في كوالا ، كثرة الاعراق والاجناس والصينين بهذه البلد ن كثرة المدخنين والباصات اللي تخنق ولكن للحق البلد غير ملوثة بسبب الامطار المستمرة على مدار السنة


في الختام

شخصيا تجربة ماليزيا لا اكررها اطلاقا لا انا ولا اولادي ، ولا انصح ان يسافر اليها احد في هذا الوقت من السنة لانه يتصادف السنة الصينية الجديدة والبلد كلها صينين وكل مكان زحمة لا تطاااااااااااااااااااااااااااااق
وللامانة اللي صرفته في ماليزيا اكثر مما صرفته في اوروبا ولا اعرف كيف ؟

عموما بلد لا تستحق الزيارة لاكثر من اسبوع او عشر ايام ليس اكثر فهي لاتستحق البقاء فيها اكثر من ذلك


ساحاول ان ارفق بعض الصور ولكن لاحقا ان شاء الله

[السنافية]

الحمدلله ع السلامة اختى ضوى
غريبه كل اللي يروح ماليزيا يمدحهااا
والمفروض الجو بهالوقت يكون بارد
يلا تجربة وانشالله المرات الجاية تكون احسن
وناطرين الصور لا تتاخرين علينااا
تحياتي لج :)

[ضوى]

الحمدلله ع السلامة اختى ضوى
غريبه كل اللي يروح ماليزيا يمدحهااا
والمفروض الجو بهالوقت يكون بارد
يلا تجربة وانشالله المرات الجاية تكون احسن
وناطرين الصور لا تتاخرين علينااا
تحياتي لج :)

الله يسلمك اختي السنافية :)

ماليزيا بلد مداري حار طوال شهور السنة مايعرفون الربيع ولا الشتاء اطلاقا


هي تجربة بس تجربة ماعجبتني الصراحة ، حتي عيالي مب ذاك الزود ولا زوجي ماعجبته يعني عادية ماتستاهل كل الكلام اللي ينقال عنها بصراحة استغربت كثييييييييييييييير من اللي طلع ماليزيا فووووووووووووق

بالنسبة للصور ان شاء الله باقرب وقت بس خليني اتفرغ :shy:

[لاداعي]

الحمدلله على السلامه ضوى

[qatari-vip]

الحمدالله على السلامه

ليش افااا مااعجبتك

بلعكس انا رحت لها سنه 2008 حلووه جلس فيهاا 8 ليلي

بس انا اشوفك ماارحتي مكاان

ليش ماارحتي لنكااوي جزيره حلوه

ليش اارحتي للكاامرون مرتفعات الكامرون جدن باارده

بنينق بعد حلوه

جتنق حلوه

رحتو لسوق الياباني

السوق الصيني


وترى فيه منااطق حلوه بعد انا مااجيتهاا

ونشالله اروح لها مره ثاانيه

[ســـهم]

الحمدلله على السلامه ضوى .

[موضي قطر]

الحمدلله على السلامة اختي ضوى :)

[شجرة الدر]

الحمدلله ع السلامه ضوى من فتره افكر فيج اقول اشفيها مختفيه ،،

[ضوى]

الحمدلله على السلامه ضوى

الله يسلمك اخوي الفاضل :)

[الخير كله]

الله المستعان

صادج ما صاد المبروكه قصو عليها وراحت تايلاند....

انا باعتقادي ان هالبلدان يع من قلب وشكرا:omen2:

[قناص قطر]

السلام عليكم

الحمدلله على السلامه

انتي الظاهر معاي بنفس الرحله

القطريه

الرحلة الخميس 11/2/2010

لمدة 9 ايام

للاسف بلاد لاتستحق الزياره

ملل في ملل بلاد ثقيله مافيها راحه

هذي ثاني زياره لها زرتها من سنتين ولكن قلت ممكن مع الاهل غير

كله صوب والعيد الصيني صوب

نصيحه لا حد يفكر يسافر لها بعطلة الربيع

الصينين في كل مكان

[ضوى]

الحمدالله على السلامه

ليش افااا مااعجبتك

بلعكس انا رحت لها سنه 2008 حلووه جلس فيهاا 8 ليلي

بس انا اشوفك ماارحتي مكاان

ليش ماارحتي لنكااوي جزيره حلوه

ليش اارحتي للكاامرون مرتفعات الكامرون جدن باارده

بنينق بعد حلوه

جتنق حلوه

رحتو لسوق الياباني

السوق الصيني


وترى فيه منااطق حلوه بعد انا مااجيتهاا

ونشالله اروح لها مره ثاانيه

كل هذا ومارحت مكان ؟؟ لفيناها لف اللهم الا لنكاوي والكاميرون مارحناها مالنا حاجة فيها ومعانا يهال يبون لعب ووناسة مايبون غطس وسباحة وباراشوت !!

كل اللي قلته رحته بس ماحسيت بشئ جديد فيها وتستحق هالمدح كله يعني بالفعل لقالوا الناس اذواق وكل واحد له بلاد يرتاح لها وبلاد مايرتاح لها ولا يتقبلها :)
عموما تقبل تحياتي وان شاء الله ربي يزرقك زيارة لها مرة اخرى :)

[الرويـس]

الاهم رجوعكم بالسلامة
:)

[طماطه]

انا رحت ماليزيا مرتين ووايد استانست فيهاااا ^_^

على حسب جدوولج الي تسوينه .. انتي وايد كررتي في الاماكن .. و17 يوم حق ماليزيا بعد واااايد ..

واحس ماليزيا ماتنفع ان تودين وياج يهال .. ^_^

انا يوم رحت شهر 6 - 2008 كان الجووو حلووو مب رطب .. ويووم رحت شهر 1 السنه الماضيه كان الجوو حار ورطب ..

[Dreams]

يسلمووووو

[شموخ-qtr]

شهر 4 شلون الاجواااء .؟

يعطيج العافيه وحمدلله ع السلامه حبوبتي ..

[احساس رابح]

انا رحت ماليزيا مرتين ووايد استانست فيهاااا ^_^

على حسب جدوولج الي تسوينه .. انتي وايد كررتي في الاماكن .. و17 يوم حق ماليزيا بعد واااايد ..

واحس ماليزيا ماتنفع ان تودين وياج يهال .. ^_^

انا يوم رحت شهر 6 - 2008 كان الجووو حلووو مب رطب .. ويووم رحت شهر 1 السنه الماضيه كان الجوو حار ورطب ..

كلامج صح اختي طماطه

انا توني راد من ماليزيا وتايلند بتاريخ 24/2 خذيت فيها 14 يوم وبعدين تايلند 10 ايام

بس سفرتنا كانت شخصين انا وزوجتي فقط بدون اطفال والله والله ارتحنا راحه في ماليزيا لابعدها راحه ووزعنا الايام على كل مناطق ماليزيا من سيلانجور الى بينانق الى لنكاوي الى كوالالمبور وكانت من احلى الايام صرااااااحه مادري ليش الاخت ضوى ما ارتاحت هناك وكان جو ماليزيا جو جميل جدا غائم ومطر خفيف ورطب شي بسيط وانا ان شالله راح انزل موضوع كامل مفصل عن السفره انشالله

[هذلان]

تستاهلين السلامه

هههههههه بصراحه اول سطر في الموضوع ضحكني (اللهم لاتجعلها شماته) لكن كلش ماكنت اتوقع حد يسافر سياحه و يرجع يفتح موضوع يذم البلد الي راح لها . هذا دليل انج متحسفه حد الحسافه .

ماليزيا رحت لها كذا مره بس ما اتوقع كانت بالسوء الي ذكرتيه طبعا كلامي قديم .
و فعلا كذا شخص ذكر نقطه الصرف في ماليزيا اكثر من اوروبا

يالله كل طقه بتعلومه اعتبريها سفره دافعة بلا :)

[ضوى]

الحمدلله على السلامه ضوى .

الله يسلمك اخوي سهم ، جزاك الله خير


الحمدلله على السلامة اختي ضوى :)

الله يسلمك اختي موضي ، شاكرة مرورك الحلو


الحمدلله ع السلامه ضوى من فتره افكر فيج اقول اشفيها مختفيه ،،

الله يسلمج غاليتي ن ماتفقدين غالي يارب :shy:


الله المستعان

صادج ما صاد المبروكه قصو عليها وراحت تايلاند....

انا باعتقادي ان هالبلدان يع من قلب وشكرا:omen2:

مممممممم ، يع ؟؟ لا ماعتقد لهالدرجة ، السالفة ومافيها انه ماتستاهل اكثر من عشر ايام وحارة ورطبة وبعيدة وطريقها يقطع القلب بس معقولة كسياحة :)

[ضوى]

السلام عليكم

الحمدلله على السلامه

انتي الظاهر معاي بنفس الرحله

القطريه

الرحلة الخميس 11/2/2010

لمدة 9 ايام

للاسف بلاد لاتستحق الزياره

ملل في ملل بلاد ثقيله مافيها راحه

هذي ثاني زياره لها زرتها من سنتين ولكن قلت ممكن مع الاهل غير

كله صوب والعيد الصيني صوب

نصيحه لا حد يفكر يسافر لها بعطلة الربيع

الصينين في كل مكان

:victory::victory::victory::victory:

الحمد لله عالسلامة اخوي

[ضوى]

الاهم رجوعكم بالسلامة
:)


الله يسلمك ن جزاك الله خير

[ضوى]

الاهم رجوعكم بالسلامة
:)


انا رحت ماليزيا مرتين ووايد استانست فيهاااا ^_^

على حسب جدوولج الي تسوينه .. انتي وايد كررتي في الاماكن .. و17 يوم حق ماليزيا بعد واااايد ..

واحس ماليزيا ماتنفع ان تودين وياج يهال .. ^_^

انا يوم رحت شهر 6 - 2008 كان الجووو حلووو مب رطب .. ويووم رحت شهر 1 السنه الماضيه كان الجوو حار ورطب ..

لولا اختلاف الاذواق لبارت ماليزيا :) ، عموما كنت اتوقع انها احلى مما رأيت ولكن ... علي اية حال تجربة لن اكررها :)

تحياتي اختي طماطة

[ضوى]

يسلمووووو


شكرا عالمرور


شهر 4 شلون الاجواااء .؟

يعطيج العافيه وحمدلله ع السلامه حبوبتي ..

والله ماعندي فكرة عن الاجواء بشهر 4 ، بس حسب سؤالنا لسائقنا هناك قال لنا ماليزيا طول السنة جوها بهالشكل ، بلد مداري يعني مطر ورطوبة وحر طول السنة


الله يسلمج جزاج الله خير

[ضوى]

كلامج صح اختي طماطه

انا توني راد من ماليزيا وتايلند بتاريخ 24/2 خذيت فيها 14 يوم وبعدين تايلند 10 ايام

بس سفرتنا كانت شخصين انا وزوجتي فقط بدون اطفال والله والله ارتحنا راحه في ماليزيا لابعدها راحه ووزعنا الايام على كل مناطق ماليزيا من سيلانجور الى بينانق الى لنكاوي الى كوالالمبور وكانت من احلى الايام صرااااااحه مادري ليش الاخت ضوى ما ارتاحت هناك وكان جو ماليزيا جو جميل جدا غائم ومطر خفيف ورطب شي بسيط وانا ان شالله راح انزل موضوع كامل مفصل عن السفره انشالله


سبحان الله الجو غائم وحار ورطب مطر صحيح بس رطب :(، عموما الاختلاف وارد وعليه ماليزيا ماراح تكون من ضمن خياراتي اطلاقا في المرات الجاية

[ضوى]

تستاهلين السلامه

هههههههه بصراحه اول سطر في الموضوع ضحكني (اللهم لاتجعلها شماته) لكن كلش ماكنت اتوقع حد يسافر سياحه و يرجع يفتح موضوع يذم البلد الي راح لها . هذا دليل انج متحسفه حد الحسافه .

ماليزيا رحت لها كذا مره بس ما اتوقع كانت بالسوء الي ذكرتيه طبعا كلامي قديم .
و فعلا كذا شخص ذكر نقطه الصرف في ماليزيا اكثر من اوروبا

يالله كل طقه بتعلومه اعتبريها سفره دافعة بلا :)


:rolleyes2::rolleyes2::rolleyes2:

دافعة بلا !! ليتني دافعة البلا بمكة هال17 يوم والا في مدينة سيد البشر واطهرهم :( ولكن قدر الله وماشاء فعل والحمد لله زي ماقلت كل طراق بتعلوم :(

شكرا لك هذلان

[شانيل الدوحه]

الحمد لله ع السلامه

[شانيل الدوحه]

الله المستعان

صادج ما صاد المبروكه قصو عليها وراحت تايلاند....

انا باعتقادي ان هالبلدان يع من قلب وشكرا:omen2:

المبروكه حطمتيني ليه شفيها تايلند بروح لها بعد اسبوع

[هذلان]

ههههههه ضوى طقه مب طراق :nice:

[مستثمر 999]

ارضاء الناس غايه لا تدرك

على الاقل عيالج استانسوا وشافوا حياة جديده

العيب مب في البلد ( ماليزيا ) ولكن للاسف انتي كابرتي وما سألتي الناس الي راحوا ماليزيا من قبل

وانا متأكد ان كل الي صرفتيه ما يوصل نص المبلغ الي بتصرفينه في دبي وبدون الشوبينج

انا وديت العيال دبي في اجازة الربيع اقل من اسبوعين ولكن صرفت مصاريف خليها على ربج

بس ركبوا المترو وخذنا لفه حول اطلانطس والجزيره وتكفيني ابتسامتهم

التذكره ب 25 ريال ( درهم ) راوند تريب

[ضوى]

الحمد لله ع السلامه

الله يسلمج ، جزاج الله خير

[ضوى]

ارضاء الناس غايه لا تدرك

على الاقل عيالج استانسوا وشافوا حياة جديده

العيب مب في البلد ( ماليزيا ) ولكن للاسف انتي كابرتي وما سألتي الناس الي راحوا ماليزيا من قبل

وانا متأكد ان كل الي صرفتيه ما يوصل نص المبلغ الي بتصرفينه في دبي وبدون الشوبينج

انا وديت العيال دبي في اجازة الربيع اقل من اسبوعين ولكن صرفت مصاريف خليها على ربج

بس ركبوا المترو وخذنا لفه حول اطلانطس والجزيره وتكفيني ابتسامتهم

التذكره ب 25 ريال ( درهم ) راوند تريب


اخوي مستثمر

اشدخل اني كابرت وماسالت ؟؟؟:) للعلم ماخليت موقع سياحي الا ودخلته وعلى هالاساس قررت السفر لماليزيا من كثر مامدحوها الناس واهل زوجي وصديقاتي مافي احد من اللي حوالي مامدحها لي ووصفها لي بوصف فوق الخيال ، لكن انا كشخص ( كفرد مستقل :)) ماعجبتني اطلاقا والناس اذواق والصرف شئ نسبي يختلف من شخص لاخر وللعلم فقط انا ماحب الشوبينج ولا اعرف له :)

دبي ماحبها ولا احب اروحها :)ولا افكر اروحها ن عموما هي تجربة وعدت بحلوها ومرها وماقدر اقنع نفسي انها كانت تجربة حلوة :)

[مستثمر 999]

سلامات ضوى


وين روحج الرياضيه


انا ما قلت شي ولا قصدت الاساءه

القصد ان الواحد لا زم يسأل الناس عن الاماكن السياحيه انا ما اذكرها الحين ولكن كان ممكن افيدج

عموما الحمد لله على السلامه والله يوفقج في الرحلات الجايه

فكري في الشام في الصيف وخاصه بلودان واللاذقيه وبتدعين لي

[ضوى]

سلامات ضوى


وين روحج الرياضيه


انا ما قلت شي ولا قصدت الاساءه

القصد ان الواحد لا زم يسأل الناس عن الاماكن السياحيه انا ما اذكرها الحين ولكن كان ممكن افيدج

عموما الحمد لله على السلامه والله يوفقج في الرحلات الجايه

فكري في الشام في الصيف وخاصه بلودان واللاذقيه وبتدعين لي

الله يسلمك اخوي

بالعكس اخوي مافيه اي شئ لا تضايقت ولا زعلت الموضوع عادي جدا ، بس انت تقول اني كابرت وماسالت ، واللي صار اني ماخليت شئ ماسالت عنه :)

مارح افكر ببلد عربي حاليا غير مصر :) لاني رحتها وواثقة اني بارتاح فيها ان شاء الله :)

الفارايست اطلاقا مافكر ولا راح افكر لذلك باقبض ارضي واذا فيه سفر بتكون لمكة والمدينة ان شاء الله او مصر او اوروبا غير هذا مارح افكر :)

تحياتي لك

[اخصائي]

الحمدالله على السلامه اختي ....... طبعا انا صارلي سنين وانا دايما اقول ان ماليزيا بلد مايستاهل الواحد يتعنا ويسافر له
اول شي الجو حااااااار
والبلد زحمه
وغاليه نوعا ما يعني كأنك في الدوحه نفس الاسعار
الطبيعه عاديه مقارنة بأوروبا
تتملل فيها بسرعه ماادري ليش
وتحياتنا لكم جميعا

[ع.م]

الحمد لله على سلامتج..

لم ولن أروح إلى ماليزيا.. و شكراً على سرد التجربة المخيفة :)

[qtrose]

الحمد لله على السلامة أختي ضوى ،،

والله وانت تسولفين تخيلت خدودي انصلخوا من الشمس :shy:

أنا زرتها سنة 2005 ، وتحسفت اني تعنيت لها . جوهم حاااار

وتحسين بالكتمة !! الأماكن الي مريتي عليها ، مرينا عليها ، ماعدا

جنتنج للأمانة كان جوها حلو ! ياريتك خبرتينا قبل لا تسافرين كان ما نصحتك ،،

والله اني استخسرت الفلوس الي دفعناها للتذاكر وللفندق وآخرتها طلعت ديرة

ما تسوى ..:(

الله يعوضك المرة الجاية وتستانسين انت وعيالك وأبو عيالك :)

[ضوى]

الحمدالله على السلامه اختي ....... طبعا انا صارلي سنين وانا دايما اقول ان ماليزيا بلد مايستاهل الواحد يتعنا ويسافر له
اول شي الجو حااااااار
والبلد زحمه
وغاليه نوعا ما يعني كأنك في الدوحه نفس الاسعار
الطبيعه عاديه مقارنة بأوروبا
تتملل فيها بسرعه ماادري ليش
وتحياتنا لكم جميعا

بالضبط هذا اللي انا اقوله، بلد مايستحق الواحد يتحمل 8 ساعات بالجو ولا الحر ولا الغلا :) وغير هذا ملل بالرغم من الاماكن السياحية بس ملل

شاكرة مرورك ومساندتك :)

[ضوى]

الحمد لله على سلامتج..

لم ولن أروح إلى ماليزيا.. و شكراً على سرد التجربة المخيفة :)


اما تجربة مخيفة :secret:

الله يسلمج يالطيبة وبالنسبة لزيارتج فكري في الموضوع يمكن تعجبج مب شرط الاحساس اللي حسيته انتي تحسينه يمكن تكونين مثل ناس وايد ماليزيا عندهم واااااااااااااو

[لا تبيع]

بالتوفيق

[السهم الذهبي]

انا الصراحه صارلي فترة ماشارك قراءة فقط والسبب ضيق الوقت بس هالموضوع برد عليه والسبب ماليزيا لاني زرتها وتحسفت لاسباب :

اولا : طول المسافة 7 ساعات واخرتها ماتسوى مقارنه ب فرنسا ، المانيا ، تركيا
ثانيا : سبحان الله اول ماتوصل تشعر ان كولالمبور اماكنها عادية جدا
ثالثا : بعد المسافات بين اماكنها السياحية وسوء السيارات :rolleyes2:
رابعا : قررنا نزور البرجين توين تور يمكن تتغير النظره قالو لنا لازم تصحون من الصبح الساعه 7 عشان تاخذون التذاكر من عند الباب نظام( من سبق لبق ) ولما طلعنا فوق نص البرج قالو الجولة انتهت وراح ننزل :weeping::weeping:
خامسا : اللي يمدح جزيرة لنكاوي اكيد انه راعي بحر لانها بعد الساعه 8 مساء ظلام ولازم ترجع الفندق اضافة لقلة المطاعم المشهورة يعني عشاك في الفندق
سادسا : ولا فندق يبث قنوات عربية . :anger1:
سابعا : تعبنا لما حصلنا رقم ماليزي للاتصال اضافة لتعبئة الرصيد :telephone:

الخلاصة : نصيحه اللي متعود على اوروبا لايغامر بالدول الاسيويه

[ضوى]

الحمد لله على السلامة أختي ضوى ،،

والله وانت تسولفين تخيلت خدودي انصلخوا من الشمس :shy:

أنا زرتها سنة 2005 ، وتحسفت اني تعنيت لها . جوهم حاااار

وتحسين بالكتمة !! الأماكن الي مريتي عليها ، مرينا عليها ، ماعدا

جنتنج للأمانة كان جوها حلو ! ياريتك خبرتينا قبل لا تسافرين كان ما نصحتك ،،

والله اني استخسرت الفلوس الي دفعناها للتذاكر وللفندق وآخرتها طلعت ديرة

ما تسوى ..:(

الله يعوضك المرة الجاية وتستانسين انت وعيالك وأبو عيالك :)


الله يسلمج اختي الكريمة

الله يعوضني يارب بسفرة تنسيني هالسفرة :( اول مرة بحياتي اروح بلاد واتحسف اني رحتها حتى تايلند ماحسيت بهالندم كثر ماليزيا بالفعل مب عارفة ليش بلد مملة اوووف

شاكرة لج غاليتي مساندتي :)

[ضوى]

بالتوفيق


شكرا جزاك الله خير

[خالد624]

فعلا ماليزيا بلد عادي جدا والرطوبه فيها على مدار العام لانها على تقع خط الاستواء

[ضوى]

انا الصراحه صارلي فترة ماشارك قراءة فقط والسبب ضيق الوقت بس هالموضوع برد عليه والسبب ماليزيا لاني زرتها وتحسفت لاسباب :

اولا : طول المسافة 7 ساعات واخرتها ماتسوى مقارنه ب فرنسا ، المانيا ، تركيا
ثانيا : سبحان الله اول ماتوصل تشعر ان كولالمبور اماكنها عادية جدا
ثالثا : بعد المسافات بين اماكنها السياحية وسوء السيارات :rolleyes2:
رابعا : قررنا نزور البرجين توين تور يمكن تتغير النظره قالو لنا لازم تصحون من الصبح الساعه 7 عشان تاخذون التذاكر من عند الباب نظام( من سبق لبق ) ولما طلعنا فوق نص البرج قالو الجولة انتهت وراح ننزل :weeping::weeping:
خامسا : اللي يمدح جزيرة لنكاوي اكيد انه راعي بحر لانها بعد الساعه 8 مساء ظلام ولازم ترجع الفندق اضافة لقلة المطاعم المشهورة يعني عشاك في الفندق
سادسا : ولا فندق يبث قنوات عربية . :anger1:
سابعا : تعبنا لما حصلنا رقم ماليزي للاتصال اضافة لتعبئة الرصيد :telephone:

الخلاصة : نصيحه اللي متعود على اوروبا لايغامر بالدول الاسيويه

كفيت ووفيت بس للامانة خط ماليزي لقيناه بالمطار وكروت التعبئة بكل مكان :)

[ضوى]

فعلا ماليزيا بلد عادي جدا والرطوبه فيها على مدار العام لانها على تقع خط الاستواء


ماشاء الله وايد ناس نفس رايي ، شكرا لك