المراكز الصحية و الإجازات المرضيه

[حـ ن ـيـ ن]

تساؤل ...هل يجب أن تكون معي حرارة لأعطى اجازة مرضية ؟؟

هل المرض هو فقط وجود حرارة ...

هل الدكتور (( أدرى )) بحالة المريض ..

عندما أصاب بالرشح دائما يصاحبه حرارة ليلاً((يعني انسى انك تنام ))

الصوت مايطلع وحالتك حالة واذا طلبت اجازة قالو تعال بكرة ونشوف ..

كأن السيارة واقفة عندي تنتظر مني إشارة :anger1:

كأن هذه الإجازة من جيوبهم :anger1:


نتمنى من وزارة الصحة حل هذه المشكلة

ودمتم بود

[ســـهم]

حنين

اعتقد هناك تعليمات مشدده من بعض الوزارت بعدم أعطاء اجازات مرضيه من المراكز الصحيه الى في الحالات القصوى

لكي لايكون هناك تلاعب .

[ودي أكون]

صحيح يالغاليه ان الاجازة مو من جيبهم ..

والمشكله الناس اللي عندها معارف اتحصل اجازات بالهبل ..

والناس الصج تعبانه .. قالوا لها ماعليج شر ان شاءالله .. وقبظوهم الباب ..


عندنا موظفه الله يحفظها يارب .. اجازاتها بالهبل .. بالهبل والله .. واتجيك اتعيير انها تعبانه ومادري شو .. واخرتها يصيدونها البنات فالمكان لفلاني والا لفلاني ..

وين التعب والمرض !! .. ولاا مايطلع المرض الا الصبح !!

واللي يعطونهم الاجازات .. وين ذمتك .. والا ذمتك بس مع الناس التعبانه !!


الله يعين والله

[بو خليفه 123]

أختي العزيزه أول شي سلامات و ماتشوفين شر .. و ان شاء الله ماتحتاجين تروحين المركز الصحي من الاساس .

هناك عدة الطرق للحصول على الاجازه المرضيه و انا اشوف شوفة عيني و مرّات يتمنى الرجل انه هو "الحامل" لكي يحصل على هذا الكم من الاجازات المرضيه :anger1:

اما بخصوص الزكام والرشح والحراره المرتفعه او اي مرض معدي و لكن على حسب مقاييس معيّنه مثل درجة حراره مرتفعه , زكام حاد مع جيوب انفيه مثلاً هنا يحق للدكتور اعطاء المريض اجازه مرضيه .

النظام تغير و اصبح مختلف عن السابق حيث تعطى الاجازه المرضيه مثل توزيع البسكوت لأن الدكتور آخر الشهر يُحاسب على عدد الاجازات المصروفه .

لازم نكوّن لنا صداقه قويه مع دكتور بالطوارىء :shy:

[حـ ن ـيـ ن]

حنين

اعتقد هناك تعليمات مشدده من بعض الوزارت بعدم أعطاء اجازات مرضيه من المراكز الصحيه الى في الحالات القصوى

لكي لايكون هناك تلاعب .

شاكرة لك مرورك ...سهم

أخي في الله الي يبي يتلاعب مايروح المراكز الصحية اي عيادة خاصة ويعطونه اجازة

...وصدقني محد يروح المركز وهو طيب بروحه يجيب لي المرض ...أنا مانمت البارحه بسبب

الحرارة وذهبت الى الدوام اليوم في وقت متأخر وحضرت وطلعت متجهه للمركز وقلت لها

دكتورة ابي اجازة حق بكرة ابي ارتاح قالت لا تعالي بكرة وقلتلها ماعندي سيارة والاهل في

الدوام ...ولكن لا حياة لمن تنادي

[ماريسا]

الله المستعان
و ماتشوف شر ان شاءالله

[HiTec]

حنين

اعتقد هناك تعليمات مشدده من بعض الوزارت بعدم أعطاء اجازات مرضيه من المراكز الصحيه الى في الحالات القصوى

لكي لايكون هناك تلاعب .

اختي مع احترامي للغالبية
فهناك فئة تأتي المراكز لا بل الطوارئ
بكامل حليّها وزينتها و " فخفختها " تطالب بأجازة مرضيّة :secret:

تسلمي

[hamoor4ever]

عندج واسطه تاخذين اكثر من يوم ماعندج وحاسه نفسج بتموتين مايعطونج خذي عارضه وريحي بالج وبلا منتهم

[ريماس الغلا]

خذي من مركز خاص بيعطونج اياها وانتي تضحكين


او ممكن احد يتعاير على الدكتورة وتعطيه الاجازة


او ممكن تشوفيلج واسطه وتأخذينها


وعادي مركز عملج بيقبلونها وهم يضحكون خاصه في وزارتنا انا واياج

وما ينخصم منج شئ ---- خخخخخ حلاوه



بس السؤال :


هل رب العالمين بيتقبل منج عملج بهذا اليوم الي بتأخذين به راتب وانتي ما لج حق به ؟؟


الله المستعان

[موضي قطر]

لو قلت لكم عندنا وحده في الدوام ما داوم الا بعد كم شهر لاحظوا مو كل كم اسبوع لاااااااااااااااااا

كل كم شهر لأنها ( مضبطة كل دكاترة حمد والولادة ) وتقول تبون بكلم لكم الدكاترة يعطونكم اجازات مرضية بس السؤال اللي محير الكل هل الإجازات المرضية الطويلة عاادي تمشي ؟؟؟؟؟ :eek5:

[دكتورة روح]

والله زين لو جي عيل لي اشتغلت
ع طووول بحمل خخخخخخخخخخخخ
ابي اجازة اخذ راتب وانا في البيت

[نور اعيوني]

ايه والله انا صارت لي نفس هالحركه بامانه مريضه شيلي بيقومني الصبح اكيد برتاح في فرشتي وهم يبونا نرتز عندهم من الصبح..خير وين احنا ..

[بـــــــنت النوخـّــــذه]

والله العظيم وربي شاهد وحده من دوله عربيه الحين بيسفرونهم كلهم لسبب (!!!) المهم اهي دكتوره قبلي داخله عليها قطريه والله اسمع صوتها واصل لي نهايه الممر ماتبي تعطيها اجازه والمره محتاجه 00عاد جيه دوري ودخلت بغيت اصلا دوى معين ومايصرف الا باستشاره الطبيب عاد قعدت وهات ياسوالف معاي الا بدى التملحس وقالت تبي اتوظف ولدها مادري شايفتني باب التوظيف عندي المهم الا اتقولي (بدييك اجازه كولي (قولي) كم يوم وانا اعطيك) انا من الخرعه سكت قلت لها لا مابي الا انا اعافي الاجازات اهههههه:nice: فقلت فقلبي وعليه الي قبلي لعلعت معها وتمت تذمر وماخلت حد ماقالت له (شوهضول الكتريين كثير بحبو الاجازات يااخوان قدرو ضروفنا على الكليله( على القليل) نروح من هي البلد ونحنا ملتزمين بقوانينها بعدم اعطاء اجازات بدون سبب !!!!!!!!!!!!!!!!!!!!!!!!!!!!!!!!!!!!!!!!!!!!! :eek5::eek5:

صراحه ما ارتحت لها حقد بقلبهم غريب واهي اتكلم كل ماروح المركز الصحي اسئل عادها موجوده ولا سفروها اههههه

يعني ترى تدخل فيها سوالف التملحس هالاجازات 000بس تدرون بلاها ذل من هذولي الله يخلي العيادات الخاصه 0000000

[قطرية فذة]

سبحان الله لكل ذي شأن حجه

[احمد1]

سبحان الله و بحمده ......سبحان ربي العظيم.......

[Ussop]

أخذ الإجازة من المراكز الصحية أو الطوارئ مافيه أسهل منه... وأنا عمري ما قابلت طبيب، وقلت له أبغي إجازة ويردني... العيب هو في أسلوب البعض وطريقة طلبه للإجازة من الطبيب.

[حـ ن ـيـ ن]

صحيح يالغاليه ان الاجازة مو من جيبهم ..

والمشكله الناس اللي عندها معارف اتحصل اجازات بالهبل ..

والناس الصج تعبانه .. قالوا لها ماعليج شر ان شاءالله .. وقبظوهم الباب ..


عندنا موظفه الله يحفظها يارب .. اجازاتها بالهبل .. بالهبل والله .. واتجيك اتعيير انها تعبانه ومادري شو .. واخرتها يصيدونها البنات فالمكان لفلاني والا لفلاني ..

وين التعب والمرض !! .. ولاا مايطلع المرض الا الصبح !!

واللي يعطونهم الاجازات .. وين ذمتك .. والا ذمتك بس مع الناس التعبانه !!


الله يعين والله

وهذا الحاصل ...

لا هنتي اختي على المرور:)


أختي العزيزه أول شي سلامات و ماتشوفين شر .. و ان شاء الله ماتحتاجين تروحين المركز الصحي من الاساس .

هناك عدة الطرق للحصول على الاجازه المرضيه و انا اشوف شوفة عيني و مرّات يتمنى الرجل انه هو "الحامل" لكي يحصل على هذا الكم من الاجازات المرضيه :anger1:

اما بخصوص الزكام والرشح والحراره المرتفعه او اي مرض معدي و لكن على حسب مقاييس معيّنه مثل درجة حراره مرتفعه , زكام حاد مع جيوب انفيه مثلاً هنا يحق للدكتور اعطاء المريض اجازه مرضيه .

النظام تغير و اصبح مختلف عن السابق حيث تعطى الاجازه المرضيه مثل توزيع البسكوت لأن الدكتور آخر الشهر يُحاسب على عدد الاجازات المصروفه .

لازم نكوّن لنا صداقه قويه مع دكتور بالطوارىء :shy:

حتى في الحمل مش الكل ...

شاكرة لك مرورك..:)

الله المستعان
و ماتشوف شر ان شاءالله

والشر مايجيك:nice:

[رمــش الغلا]

مركز عمر بن الخطاب الصحي مايعطي اجازة لو انموت انا مجربته

[وحيد-الشوق]

المشكلة احيانا وقت العيارة يعطونك اجازة لكن الي يقهر وقت ماتكون مريض وتعبان تستغرب ان الدكتور يرفض الاجازة :rolleyes2:

والله قهر اعرف ناس يكلمون الدكتور بالتلفون ويجهز لهم الاجازة خخخخخخخخخخخ

بس ملاحظ شغله دايما لما تطلب اجازة احس ان الدكتور حاقد ومحتر ليش مادري :tease:

كل شيء لازم واسطة :anger1:

[حـ ن ـيـ ن]

اختي مع احترامي للغالبية
فهناك فئة تأتي المراكز لا بل الطوارئ
بكامل حليّها وزينتها و " فخفختها " تطالب بأجازة مرضيّة :secret:

تسلمي

وماهو ذنب الأقلية :nice:

شكرا على المرور..


عندج واسطه تاخذين اكثر من يوم ماعندج وحاسه نفسج بتموتين مايعطونج خذي عارضه وريحي بالج وبلا منتهم

وليش اخذ العارضة وانا اقدر اخذها مرضية ((وهو من حقي))...

العارضة اخليها لاشغالي الضرورية

لا هنتي..

خذي من مركز خاص بيعطونج اياها وانتي تضحكين


او ممكن احد يتعاير على الدكتورة وتعطيه الاجازة


او ممكن تشوفيلج واسطه وتأخذينها


وعادي مركز عملج بيقبلونها وهم يضحكون خاصه في وزارتنا انا واياج

وما ينخصم منج شئ ---- خخخخخ حلاوه



بس السؤال :


هل رب العالمين بيتقبل منج عملج بهذا اليوم الي بتأخذين به راتب وانتي ما لج حق به ؟؟


الله المستعان


ان كنتِ ملتزمة بما عليك ِ أليس من حقك إجازة مرضية عند الحاجة :nice::nice:

[حـ ن ـيـ ن]

لو قلت لكم عندنا وحده في الدوام ما داوم الا بعد كم شهر لاحظوا مو كل كم اسبوع لاااااااااااااااااا

كل كم شهر لأنها ( مضبطة كل دكاترة حمد والولادة ) وتقول تبون بكلم لكم الدكاترة يعطونكم اجازات مرضية بس السؤال اللي محير الكل هل الإجازات المرضية الطويلة عاادي تمشي ؟؟؟؟؟ :eek5:

شهور!!! واحنا نطلب بالكثير يومين :weeping:

الله المستعان


والله زين لو جي عيل لي اشتغلت
ع طووول بحمل خخخخخخخخخخخخ
ابي اجازة اخذ راتب وانا في البيت

:nice::nice:


ايه والله انا صارت لي نفس هالحركه بامانه مريضه شيلي بيقومني الصبح اكيد برتاح في فرشتي وهم يبونا نرتز عندهم من الصبح..خير وين احنا ..

صحيح ما قلت ِ..لو فيني قوة كان باروح الدوام ابرك لي من صف الطابور عندهم:rolleyes2:
لا هنتي..

[ريماس الغلا]

ان كنتِ ملتزمة بما عليك ِ أليس من حقك إجازة مرضية عند الحاجة :nice::nice:



اذا تعبانه حدّي ممكن اطلب الاجازة :)

والامر متروك للدكتوره

واذا ما رضت : بكلم مدير المركز :telephone:

واذا ما رضى بقول : حسبي الله ونعم الوكيل :weeping:

اما اني اتعاير في اخذ الاجازات علشان والله اعرف لي دكتوره او اتلصق مع الدكتورة فهذا اعتقد حرام والله اعلم :secret:

وثانيا : المفروض احنا اكثر ناس ما نتعاير بالمرض لاكثر من سبب وجيه

ونقطه مهمه من الاسباب الكثيره ساشرحها باختصار :

انا مدرسه ادرس عيالج وعيال اخوج

وانتي مدرسه تدرسين عيالي وعيال اخوي

وانا تسببت وتعايرت واخذت اجازة مرضيه بغير وجه حق :

لن التكلم من ناحيه شرعيه ومحاسبه

ساتطرق الى ناحيه اني غائبه عن الفصل الدراسي وتاركه عيالج وعيال اخوج بدون دراسه وتعليم ووو وبالاخير صفر بالماده

اليست انا المسؤوله الاولى عن رسوب ابناءك وابناء اخوج و 20 طالب في الصف ؟

كله بسبب ان معايرتي بالمرض ويمكن الله يبلاني صج بالمرض عقابا لي

خاصه ههههه ان القانون ما يخصم شئ من رواتبنا في الاجازة المرضيه


اتمنى ان تكون وصلت فكرتي مثل ما اردت :nice:

[ابو عادل]

بس ملاحظ شغله دايما لما تطلب اجازة احس ان الدكتور حاقد ومحتر ليش مادري :tease:

:anger1:

معاك حق
انا اذا طلبت الاجازة اجوف ويه الدكتور يتغير ويكتب الاجازة وهو عافس ويهه :eek5:

[~~ الدانـه ~~]

عندي طريقه معتمدتها للأجازات ايام ماكنت موظفه


لدرجة ملفي ملياااان اجازات واخاف اقول الطريقه واستاثم لاني احس بالذنب الحين


والله العظيم بدون مبالغه احيانآ اسبوعيآ اخذ ( هي حركه تسوينها وتدخلين للكشف )


والأهم لازم يكون لج دكتور معين سواء بالمستشفى او المركز تخدمينه بشكل او بآخر


عاد هذي بعد مايبي لها شرح !

[روح الاطلس]

علمينا يالدانة ^_^

والله ينشفون الريق على اجازة يوم واحد

تاركين كل شيء وبس فالحين في التشديد على الاجازات !!! اما الاشياء المهمة ولا يدرون عنها

[mlson]

صحيح يالغاليه ان الاجازة مو من جيبهم ..

والمشكله الناس اللي عندها معارف اتحصل اجازات بالهبل ..

والناس الصج تعبانه .. قالوا لها ماعليج شر ان شاءالله .. وقبظوهم الباب ..


عندنا موظفه الله يحفظها يارب .. اجازاتها بالهبل .. بالهبل والله .. واتجيك اتعيير انها تعبانه ومادري شو .. واخرتها يصيدونها البنات فالمكان لفلاني والا لفلاني ..

وين التعب والمرض !! .. ولاا مايطلع المرض الا الصبح !!

واللي يعطونهم الاجازات .. وين ذمتك .. والا ذمتك بس مع الناس التعبانه !!


الله يعين والله

اللهـــمــ لاحســــد

لاتغتابين

[نور اعيوني]

(لا تستمرضوا فتمرضوا فتموتوا) المفروض الواحد يفكر عدل بهالايه قبل ليكذب عشان يحصل على اجازه مب من حقه ياخذها وغيره صج مريض بس ما قدر يحصل عليها..

[ســـهم]

(لا تستمرضوا فتمرضوا فتموتوا) المفروض الواحد يفكر عدل بهالايه قبل ليكذب عشان يحصل على اجازه مب من حقه ياخذها وغيره صج مريض بس ما قدر يحصل عليها..



نور اعيوني

مابين القوسين ليست آيه

ثانيا أن كان حديث فهو غير موجود


http://www.dorar.net/lib

[وحيد-الشوق]

(لا تستمرضوا فتمرضوا فتموتوا) المفروض الواحد يفكر عدل بهالايه قبل ليكذب عشان يحصل على اجازه مب من حقه ياخذها وغيره صج مريض بس ما قدر يحصل عليها..

:rolleyes2: :omg:

[ام سلطون]

عندج واسطه تاخذين اكثر من يوم ماعندج وحاسه نفسج بتموتين مايعطونج خذي عارضه وريحي بالج وبلا منتهم

:weeping:

[~~ الدانـه ~~]

علمينا يالدانة ^_^

والله ينشفون الريق على اجازة يوم واحد

تاركين كل شيء وبس فالحين في التشديد على الاجازات !!! اما الاشياء المهمة ولا يدرون عنها

ياليت اقدر

ويانا هنيه موظفين من وزارة الصحه ودكاتره اخاف اعلم واخرب على غيري

لأن اكيد فيه ناس معتمدينها مثلي :)

والله العظيم لو اقولها اليوم بيطلع تعميم على كل المراكز يعيدون الكشف اكثر من مره على كل

مريض طالب اجازه ....... لأن هالطريقه ماتنجح الا من الكشف الاول لو انعاد بعد خمس دقايق

تنكشف الخطه !

ياليت الي يعرفها يعلم لأني اخاف الصراحه حرام انا كنت مضطره <<<< مجرمه

[برشلوني قطر]

المشكله اتروح المستشفى يحسسونك انك مب مريض :anger1::anger1:

مره صادني الم فالظهر لدرجة اني امشي مترين ف ساعتين << :omg:

رحت الطواري ...والا تقولي الهنديه الله لا يحشمها ماعليك امورك طيبه خذ ابره

وقلت لها والدوام قالت بنعطيك يوم :omg: قالت ماقدر اعطيك اكثر..

واليوم الثاني تقريبا رحت لمستشفى الاهلي..قالي لازم تصوير ومن ذي الامور شوف وبعطيك اجازه اسبوعين

واذا احتجت لاجازه اكثر وماتحسنت بمدد لك...لاني ماقدر اعطي اكثر من اسبوعين مره وحده:rolleyes2:

والله ياجماعه خذت منها اسبوع وداومت الاسبوع الي بعده...ماكملت الاجازه :(

بس ضج ينرفزوووووون:anger1::anger1:

[عديـل الـروح]

اختي حنين :

بارك الله فيج ندري صج اننا مب مرتاحين نفسيا من وضعنا الحالي ..

ولكن هذا لا يعفينا من محاسبه رب العباد لنا على تقصيرنا في العمل المكلفين به ..

او احلال راتب ليس من حقنا ..

ولن ازيد على كلام الاخوه والاخوات الا الدعاء لج بظهر الغيب بالصحه والعافيه

فهما كنز اغلى من كنوز الارض ..

[حـ ن ـيـ ن]

والله العظيم وربي شاهد وحده من دوله عربيه الحين بيسفرونهم كلهم لسبب (!!!) المهم اهي دكتوره قبلي داخله عليها قطريه والله اسمع صوتها واصل لي نهايه الممر ماتبي تعطيها اجازه والمره محتاجه 00عاد جيه دوري ودخلت بغيت اصلا دوى معين ومايصرف الا باستشاره الطبيب عاد قعدت وهات ياسوالف معاي الا بدى التملحس وقالت تبي اتوظف ولدها مادري شايفتني باب التوظيف عندي المهم الا اتقولي (بدييك اجازه كولي (قولي) كم يوم وانا اعطيك) انا من الخرعه سكت قلت لها لا مابي الا انا اعافي الاجازات اهههههه:nice: فقلت فقلبي وعليه الي قبلي لعلعت معها وتمت تذمر وماخلت حد ماقالت له (شوهضول الكتريين كثير بحبو الاجازات يااخوان قدرو ضروفنا على الكليله( على القليل) نروح من هي البلد ونحنا ملتزمين بقوانينها بعدم اعطاء اجازات بدون سبب !!!!!!!!!!!!!!!!!!!!!!!!!!!!!!!!!!!!!!!!!!!!! :eek5::eek5:

صراحه ما ارتحت لها حقد بقلبهم غريب واهي اتكلم كل ماروح المركز الصحي اسئل عادها موجوده ولا سفروها اههههه

يعني ترى تدخل فيها سوالف التملحس هالاجازات 000بس تدرون بلاها ذل من هذولي الله يخلي العيادات الخاصه 0000000

اشكرك على المشاركة...


سبحان الله لكل ذي شأن حجه

سبحان الله..
لا هنت..

سبحان الله و بحمده ......سبحان ربي العظيم.......
:):)

أخذ الإجازة من المراكز الصحية أو الطوارئ مافيه أسهل منه... وأنا عمري ما قابلت طبيب، وقلت له أبغي إجازة ويردني... العيب هو في أسلوب البعض وطريقة طلبه للإجازة من الطبيب.

ماقول الا دكتورة ممكن اجازة الا تعتفس نفسيتها ...
لا هنت...


مركز عمر بن الخطاب الصحي مايعطي اجازة لو انموت انا مجربته
لا هنتِ

المشكلة احيانا وقت العيارة يعطونك اجازة لكن الي يقهر وقت ماتكون مريض وتعبان تستغرب ان الدكتور يرفض الاجازة :rolleyes2:

والله قهر اعرف ناس يكلمون الدكتور بالتلفون ويجهز لهم الاجازة خخخخخخخخخخخ

بس ملاحظ شغله دايما لما تطلب اجازة احس ان الدكتور حاقد ومحتر ليش مادري :tease::nice:

كل شيء لازم واسطة :anger1:

لا هنت اخي ...

[حـ ن ـيـ ن]

اذا تعبانه حدّي ممكن اطلب الاجازة :)

والامر متروك للدكتوره

واذا ما رضت : بكلم مدير المركز :telephone:

واذا ما رضى بقول : حسبي الله ونعم الوكيل :weeping:

:nice:وهذا الي سويته بحذافيره:nice::nice:اما اني اتعاير في اخذ الاجازات علشان والله اعرف لي دكتوره او اتلصق مع الدكتورة فهذا اعتقد حرام والله اعلم :secret:

وثانيا : المفروض احنا اكثر ناس ما نتعاير بالمرض لاكثر من سبب وجيه

ونقطه مهمه من الاسباب الكثيره ساشرحها باختصار :

انا مدرسه ادرس عيالج وعيال اخوج

وانتي مدرسه تدرسين عيالي وعيال اخوي

وانا تسببت وتعايرت واخذت اجازة مرضيه بغير وجه حق :

لن التكلم من ناحيه شرعيه ومحاسبه

ساتطرق الى ناحيه اني غائبه عن الفصل الدراسي وتاركه عيالج وعيال اخوج بدون دراسه وتعليم ووو وبالاخير صفر بالماده

اليست انا المسؤوله الاولى عن رسوب ابناءك وابناء اخوج و 20 طالب في الصف ؟

كله بسبب ان معايرتي بالمرض ويمكن الله يبلاني صج بالمرض عقابا لي

خاصه ههههه ان القانون ما يخصم شئ من رواتبنا في الاجازة المرضيه


اتمنى ان تكون وصلت فكرتي مثل ما اردت :nice:

لا هنتي اختي ...فاهمة عليك

بدون مبالغة اني داومت ايام المراجعة بدون صوت :weeping:

بس عشان اراجعهم قبل الامتحان ...وصدقيني الي يتعايرون عشان الاجازة حتى لو داومو

ماراح يقومون بشغلهم على اكمل وجه


معاك حق
انا اذا طلبت الاجازة اجوف ويه الدكتور يتغير ويكتب الاجازة وهو عافس ويهه :eek5:

مرت علي :nice:


عندي طريقه معتمدتها للأجازات ايام ماكنت موظفه


لدرجة ملفي ملياااان اجازات واخاف اقول الطريقه واستاثم لاني احس بالذنب الحين


والله العظيم بدون مبالغه احيانآ اسبوعيآ اخذ ( هي حركه تسوينها وتدخلين للكشف )


والأهم لازم يكون لج دكتور معين سواء بالمستشفى او المركز تخدمينه بشكل او بآخر


عاد هذي بعد مايبي لها شرح !
:eek5::eek5:


علمينا يالدانة ^_^

والله ينشفون الريق على اجازة يوم واحد

تاركين كل شيء وبس فالحين في التشديد على الاجازات !!! اما الاشياء المهمة ولا يدرون عنها

:nono::nono::nono:


اللهـــمــ لاحســــد

لاتغتابين

:eek5::eek5:

(لا تستمرضوا فتمرضوا فتموتوا) المفروض الواحد يفكر عدل بهالايه قبل ليكذب عشان يحصل على اجازه مب من حقه ياخذها وغيره صج مريض بس ما قدر يحصل عليها..

والله اني مريضة:weeping:


نور اعيوني

مابين القوسين ليست آيه

ثانيا أن كان حديث فهو غير موجود



http://www.dorar.net/lib

الله اعلم




:rolleyes2: :omg:
:nice:

:weeping:
لا تحزني :)

ياليت اقدر

ويانا هنيه موظفين من وزارة الصحه ودكاتره اخاف اعلم واخرب على غيري

لأن اكيد فيه ناس معتمدينها مثلي :)

والله العظيم لو اقولها اليوم بيطلع تعميم على كل المراكز يعيدون الكشف اكثر من مره على كل

مريض طالب اجازه ....... لأن هالطريقه ماتنجح الا من الكشف الاول لو انعاد بعد خمس دقايق

تنكشف الخطه !

ياليت الي يعرفها يعلم لأني اخاف الصراحه حرام انا كنت مضطره <<<< مجرمه

:secret::secret:

[حـ ن ـيـ ن]

المشكله اتروح المستشفى يحسسونك انك مب مريض :anger1::anger1:

مره صادني الم فالظهر لدرجة اني امشي مترين ف ساعتين << :omg:

رحت الطواري ...والا تقولي الهنديه الله لا يحشمها ماعليك امورك طيبه خذ ابره

وقلت لها والدوام قالت بنعطيك يوم :omg: قالت ماقدر اعطيك اكثر..

واليوم الثاني تقريبا رحت لمستشفى الاهلي..قالي لازم تصوير ومن ذي الامور شوف وبعطيك اجازه اسبوعين

واذا احتجت لاجازه اكثر وماتحسنت بمدد لك...لاني ماقدر اعطي اكثر من اسبوعين مره وحده:rolleyes2:

والله ياجماعه خذت منها اسبوع وداومت الاسبوع الي بعده...ماكملت الاجازه :(

بس ضج ينرفزوووووون:anger1::anger1:

ومن هنا الى الاطباء الكرام ارحموا من في الارض يرحمكم من في السماء..


اختي حنين :

بارك الله فيج ندري صج اننا مب مرتاحين نفسيا من وضعنا الحالي ..

ولكن هذا لا يعفينا من محاسبه رب العباد لنا على تقصيرنا في العمل المكلفين به ..

او احلال راتب ليس من حقنا ..

ولن ازيد على كلام الاخوه والاخوات الا الدعاء لج بظهر الغيب بالصحه والعافيه

فهما كنز اغلى من كنوز الارض ..

هلا ومرحبا بأخي عديل الروح ...:nice:

اشكرك اخي ع المرور الطيب وبارك الله فيك وفتحها عليك

سمعنا انك استقلت هل هذا صحيح !!!!

لأن عندي اسئلة ليست بالقليلة اريد من يجيبني عليها:shy:

وفقك الله اين ما ذهبت..

[Ussop]

أخذ الإجازة من المراكز الصحية أو الطوارئ مافيه أسهل منه... وأنا عمري ما قابلت طبيب، وقلت له أبغي إجازة ويردني... العيب هو في أسلوب البعض وطريقة طلبه للإجازة من الطبيب.


ماقول الا دكتورة ممكن اجازة الا تعتفس نفسيتها ...
لا هنت...

إذا دخلتي عند الطبيبة بغرض الحصول على الإجازة، صرحي لها بهذا الشيء من أول ما تجلسين عندها... ثم اشرحي لها سبب مطالبتج بها، وطالبي بها كأنها حقج... بدون عبارات الاستلطاف ( ممكن ) و ( لو سمحتي )... أهم شيء في الموضوع إن ما نتعاير قدام الأطبة لأن هالحركات تنرفزهم، والصراحة وتبليته الوية زينة في هالموقف.

أنا دوم آخذ الإجازة شذي، بس أهم شيء يكون عندج عذر مناسب، وتكونين صادقة فيه.

[WIFE]

أهلين

ازيدكم من الشعر بيت
انا اكره المستشفيات لو مريضة اقعد في بيتي .... الا اذا طال المرض...فمرة سخنت لدرجة اني مب قادرة اتحرك من شدة السخونة....و رحت المركز و تخيلو حرارتي كانت 40 والله صج...الا تقولي الدكتورة وهي ماسكة ورقت الاجازة: ايش تشتغلين؟ فرديت " مدرسة "....طالعتني شوي...و قالت: ما اقدر اعطيج اجازة الا اذا حرارتج 41 ؟؟؟ ...عسى ماشر امووووت عشان تتكرمين علي بإجازة؟؟؟
و خليتها تولي و خذتها من اجازتي العارضة...و لامنه حد

والله المستعان
و التحية لكم

[umabdulla77]

هههههههههههههههههههههههههههههه

اسمحيلي اختي على الضحكة اللي ممكن تكون نابعة اما من قهر على مراكزنا الصحية او على الدكاترة اللي يرشرشون ربعهم اجازات حتى لو كان بشكل اسبوعي لاني في مكان استقبل الاجازات بالهبل ومن ناس دوم برع قطر يعني كل حياتهم اجازات مرضية وتسافر فيها واتداوم في الشهر اسبوع بس مفرق

وانا من 3 ايام معاي كحة شديدة وضيق تنفس بس الحرارة ماتزيد عن 38 لما كنت في الطواري 2 الفجر مع كحة مستمرة تسببت في رفع الضغط عندي وبعد الاسترخاء على سريرهم واخذ العلاج اللازم والبخاخات وعند خروجي من المستشفى طلبت اجازة ليوم ردت علي الدكتورة المناوبة مايصير لازم مع حرارة فوق 39 لاجادلت ولاشي وطلعت ورديت البيت والصبح رحت اخذ علاجي منهم لان نوع من انواع البخاخات موموجود في الصيدليات اللي برع ولان الفجرصيدلية المستشفى مسكرة دخلت على الدكتورة الموجودة الصبح من جافتني قالت ليش الطواري ماعطوج اجازة وهذي حالتج قتلها قالولي كذا وكذا كل اللي قالته وهي دكتورة مايعطون الا ربعهم واكتبتلي يوم وطلعت واليوم نفس الشي كنت تعبانة الصبح لكن عارضتي موجودة ولامذلتهم

علما بان اخر اجازة مرضية لي من المركز الصحي او غيره كانت قبل سنة بسبب ارتفاع شديد في الحرارة ماتنزل الا بابرة كنت اروح لهم لمدة 3 ايام كل 8 ساعات قطتني اسبوع لكنه يوم يتيم ماعطوني غيره والباقي خذته من عارضتي .....

واجرنا واجركم على رب العالمين وربي لايحوجنا لهم

[أم عواشة]

اي والله مذلة.....ذاك اليوم مزكمة حدي وصوتي رايح وصداااااااع اقولها عطيني اليوم اجازة تقولي ماتحتاجين مافيج حرارة عشان اعطيج اقولها والله طول الليل مانمت تقولي حتى انا عندي زكام ومداومة اقولها شلون اروح الدوام وانا جي وطبيعة شغلي محاسبة شلون بركز تقول مابعطيج فتحت الباب بالقو ودخلت على مدير المركز وعطاني اجازة غصبا عنها ....الصراحة لازم الواحد صار يتعامل معاهم بهالطريقة عشان يعطوني اجازة

[الواعد]

مافي إلا ان الواحد يروح للمركز الصحي متأخر على الدوام

ويقول انه ماقدر يروح للدوام لأنه مريض هنا الدكتور بيتعاطف معك

وبيعطيك يوم واحد فقط وهو طبعا عافس وجهة :)

اما انك تجيه في الليل وتقول له مااقدر اروح بكرة للدوام بيقول لك

على طول مر علينا الصبح

ومرة واحد من الشباب ماراح للدوام وهو مب مريض بس حب ياخذ اجازة

يوم فراح للدكتور وقت الظهر وقال يادكتور أنا اليوم ماقدرت اروح للدوام لأني

عندي إسهال ( الله يكرّم الجميع ) فعطاه اجازة يوم وهو اصلا مب مريض :)

[الـقـاسـي]

هذي مشكله بعض الدكاتره ..
انا مره رحت الطوارىء وكنت تعبان حدي ولما دشيت لقيت دكتور هندي بدون ذكر جنسيات هههه
المهم لقيته يتكلم على واحد قطري وشوي وبيدزه تكلمت على الدكتور قلت له احترم نفسك وتكلم بحترام بطريقة مؤدبة والله العظيم ..
المهم دخلت عليه وفحص وخلص اموره وعطاني الوصفه السحرية اللي هي البندول وانا عندي حراره وطلبت ابره ماعطاني ..
واللي بعدي هنود وقسم بالله احلف مافيهم الا العافيه قاعدين يسولفون ويتضحكون تقريبا 4 او 5 اشخاص هنود وفي واحد قطري القطري عنده شد في الرقبه مايقدر يحركها ..
المهم قام عطى الهنود كلهم سبع ايام اجازه واحنا ماعطانا .. واروح للطبيب المسؤول واشرشحهم شوي وخذت اجازه مرضيه غصب عنهم ..

[ممنوع اللمس]

سنقول عن عـــيادة الشـــرطه؟ شي يصدم قسم بالله؟
اروح مريض حدي حدي حدي يقولي مافيك شي؟ يستهبل او يستعبط او اهو بالاساب بيطري مو دكتور؟

اول شي يقيس الحراره مافي حراره خلاص انت مافيك شي؟
ياخي والله شي يقهر المشكله تصارخ عالدكتور يسوي نفسه اطرم ما يسمع والله احيانا الواحد من المرض مايقدر يتحرك يقول له الدكتور مافيك شي
شنقول بس .. المشكله ممنوع العسكري يشتكي في وطني الحبيب صباح الخير من كذا يسكت ويطالع
دايم اقول ياليت تنفتح لجنه خاصه للعساكر لحل مشاكلهم ... بس اعتقد هالشي حلم

[ممنوع اللمس]

يالربع ترا السالفه هينه هههههه والله وسخيفه >>>> اشتغل أبليــس :eek2:
ياخي اذا قافله معاك تبي اجازه وماتعرف شتسوي خلاص... سهله..
إليكم الطريقه التـــآليه...:

طبعا انتم عارفين ان الطواري عقب الساعه 12 فليل مافيها تصوير.. لا مغناطيسي ولا عادي

عاد انت روح امسك ظهرك واعرج .. شفيك مافيك قول طحت وعظامي احسها منتهيه طبعا تصوير مافي كل ما لمسك الدكتور من صوب انت قول آآه من صوب
غصبن عليه يعطيك اجازه... ولو قالك اليوم اجازه وبكره تعال.. قول انا ماقدر اتحرك زين اني جيت المستشفى ماقدر اجيك بكره .. بيعطيك عالاقل 3 ايام...
طبعا بالنسبه للعساكر لازم يروحون يصدقون الاجازه عاد مو تروح تصدق الشهاده ثاني يوم كأنك مو شايف خير.... خذ الاجازه كامله عقب لين خلصتها روح صدقها الدكتور بيصدقها غصب لانك اصلا خذتها وخلصت..
طبعا انا زهقت وانا اسوي هالحركه خخخخ لان ما ينفع معاهم الا كذا :eek5:

[Scorpion]

حسب الحالة تُعطى الاجازة المرضية ..

يمكن حالتك عارضة !

بس لو مكانك كنت أصريت :d

ان شاء الله على اليوم تكوني تحسنتي :)

[وحيد-الشوق]

سنقول عن عـــيادة الشـــرطه؟ شي يصدم قسم بالله؟
اروح مريض حدي حدي حدي يقولي مافيك شي؟ يستهبل او يستعبط او اهو بالاساب بيطري مو دكتور؟

اول شي يقيس الحراره مافي حراره خلاص انت مافيك شي؟
ياخي والله شي يقهر المشكله تصارخ عالدكتور يسوي نفسه اطرم ما يسمع والله احيانا الواحد من المرض مايقدر يتحرك يقول له الدكتور مافيك شي
شنقول بس .. المشكله ممنوع العسكري يشتكي في وطني الحبيب صباح الخير من كذا يسكت ويطالع
دايم اقول ياليت تنفتح لجنه خاصه للعساكر لحل مشاكلهم ... بس اعتقد هالشي حلم

الله يعينكم فعلا العساكر اجازاتهم صعبة


يالربع ترا السالفه هينه هههههه والله وسخيفه >>>> اشتغل أبليــس :eek2:
ياخي اذا قافله معاك تبي اجازه وماتعرف شتسوي خلاص... سهله..
إليكم الطريقه التـــآليه...:

طبعا انتم عارفين ان الطواري عقب الساعه 12 فليل مافيها تصوير.. لا مغناطيسي ولا عادي

عاد انت روح امسك ظهرك واعرج .. شفيك مافيك قول طحت وعظامي احسها منتهيه طبعا تصوير مافي كل ما لمسك الدكتور من صوب انت قول آآه من صوب
غصبن عليه يعطيك اجازه... ولو قالك اليوم اجازه وبكره تعال.. قول انا ماقدر اتحرك زين اني جيت المستشفى ماقدر اجيك بكره .. بيعطيك عالاقل 3 ايام...
طبعا بالنسبه للعساكر لازم يروحون يصدقون الاجازه عاد مو تروح تصدق الشهاده ثاني يوم كأنك مو شايف خير.... خذ الاجازه كامله عقب لين خلصتها روح صدقها الدكتور بيصدقها غصب لانك اصلا خذتها وخلصت..
طبعا انا زهقت وانا اسوي هالحركه خخخخ لان ما ينفع معاهم الا كذا :eek5:

ههههههههههههههههههه طلعت ابليس :tease:

صج فنان :nice:

[عديـل الـروح]

هلا ومرحبا بأخي عديل الروح ...:nice:

اشكرك اخي ع المرور الطيب وبارك الله فيك وفتحها عليك

سمعنا انك استقلت هل هذا صحيح !!!!

لأن عندي اسئلة ليست بالقليلة اريد من يجيبني عليها:shy:

وفقك الله اين ما ذهبت..



لا يا اختي ما استقلــت وانما انا في اجازة طويله نوعا ما ..

لكني موجود روحيا هناك ..

وانا حاضر لأي سؤال ..

ودمتي بخير ..

[حـ ن ـيـ ن]

إذا دخلتي عند الطبيبة بغرض الحصول على الإجازة، صرحي لها بهذا الشيء من أول ما تجلسين عندها... ثم اشرحي لها سبب مطالبتج بها، وطالبي بها كأنها حقج... بدون عبارات الاستلطاف ( ممكن ) و ( لو سمحتي )... أهم شيء في الموضوع إن ما نتعاير قدام الأطبة لأن هالحركات تنرفزهم، والصراحة وتبليته الوية زينة في هالموقف.

أنا دوم آخذ الإجازة شذي، بس أهم شيء يكون عندج عذر مناسب، وتكونين صادقة فيه.

لا هنتي اختي ...



أهلين

ازيدكم من الشعر بيت
انا اكره المستشفيات لو مريضة اقعد في بيتي .... الا اذا طال المرض...فمرة سخنت لدرجة اني مب قادرة اتحرك من شدة السخونة....و رحت المركز و تخيلو حرارتي كانت 40 والله صج...الا تقولي الدكتورة وهي ماسكة ورقت الاجازة: ايش تشتغلين؟ فرديت " مدرسة "....طالعتني شوي...و قالت: ما اقدر اعطيج اجازة الا اذا حرارتج 41 ؟؟؟ ...عسى ماشر امووووت عشان تتكرمين علي بإجازة؟؟؟
و خليتها تولي و خذتها من اجازتي العارضة...و لامنه حد

والله المستعان
و التحية لكم

ولكِ منا سلام ...


هههههههههههههههههههههههههههههه

اسمحيلي اختي على الضحكة اللي ممكن تكون نابعة اما من قهر على مراكزنا الصحية او على الدكاترة اللي يرشرشون ربعهم اجازات حتى لو كان بشكل اسبوعي لاني في مكان استقبل الاجازات بالهبل ومن ناس دوم برع قطر يعني كل حياتهم اجازات مرضية وتسافر فيها واتداوم في الشهر اسبوع بس مفرق

وانا من 3 ايام معاي كحة شديدة وضيق تنفس بس الحرارة ماتزيد عن 38 لما كنت في الطواري 2 الفجر مع كحة مستمرة تسببت في رفع الضغط عندي وبعد الاسترخاء على سريرهم واخذ العلاج اللازم والبخاخات وعند خروجي من المستشفى طلبت اجازة ليوم ردت علي الدكتورة المناوبة مايصير لازم مع حرارة فوق 39 لاجادلت ولاشي وطلعت ورديت البيت والصبح رحت اخذ علاجي منهم لان نوع من انواع البخاخات موموجود في الصيدليات اللي برع ولان الفجرصيدلية المستشفى مسكرة دخلت على الدكتورة الموجودة الصبح من جافتني قالت ليش الطواري ماعطوج اجازة وهذي حالتج قتلها قالولي كذا وكذا كل اللي قالته وهي دكتورة مايعطون الا ربعهم واكتبتلي يوم وطلعت واليوم نفس الشي كنت تعبانة الصبح لكن عارضتي موجودة ولامذلتهم

علما بان اخر اجازة مرضية لي من المركز الصحي او غيره كانت قبل سنة بسبب ارتفاع شديد في الحرارة ماتنزل الا بابرة كنت اروح لهم لمدة 3 ايام كل 8 ساعات قطتني اسبوع لكنه يوم يتيم ماعطوني غيره والباقي خذته من عارضتي .....

واجرنا واجركم على رب العالمين وربي لايحوجنا لهم

اللهم آمين..لاهنتي ع المشاركة


اي والله مذلة.....ذاك اليوم مزكمة حدي وصوتي رايح وصداااااااع اقولها عطيني اليوم اجازة تقولي ماتحتاجين مافيج حرارة عشان اعطيج اقولها والله طول الليل مانمت تقولي حتى انا عندي زكام ومداومة اقولها شلون اروح الدوام وانا جي وطبيعة شغلي محاسبة شلون بركز تقول مابعطيج فتحت الباب بالقو ودخلت على مدير المركز وعطاني اجازة غصبا عنها ....الصراحة لازم الواحد صار يتعامل معاهم بهالطريقة عشان يعطوني اجازة

زين سويتي ...:victory:


مافي إلا ان الواحد يروح للمركز الصحي متأخر على الدوام

ويقول انه ماقدر يروح للدوام لأنه مريض هنا الدكتور بيتعاطف معك

وبيعطيك يوم واحد فقط وهو طبعا عافس وجهة :)

اما انك تجيه في الليل وتقول له مااقدر اروح بكرة للدوام بيقول لك

على طول مر علينا الصبح

ومرة واحد من الشباب ماراح للدوام وهو مب مريض بس حب ياخذ اجازة

يوم فراح للدكتور وقت الظهر وقال يادكتور أنا اليوم ماقدرت اروح للدوام لأني

عندي إسهال ( الله يكرّم الجميع ) فعطاه اجازة يوم وهو اصلا مب مريض :)

نجيهم في نفس اليوم ويرفضون ...ما أقول الا حسبي الله ونعم الوكيل

لا هنت ..


هذي مشكله بعض الدكاتره ..
انا مره رحت الطوارىء وكنت تعبان حدي ولما دشيت لقيت دكتور هندي بدون ذكر جنسيات هههه
المهم لقيته يتكلم على واحد قطري وشوي وبيدزه تكلمت على الدكتور قلت له احترم نفسك وتكلم بحترام بطريقة مؤدبة والله العظيم ..
المهم دخلت عليه وفحص وخلص اموره وعطاني الوصفه السحرية اللي هي البندول وانا عندي حراره وطلبت ابره ماعطاني ..
واللي بعدي هنود وقسم بالله احلف مافيهم الا العافيه قاعدين يسولفون ويتضحكون تقريبا 4 او 5 اشخاص هنود وفي واحد قطري القطري عنده شد في الرقبه مايقدر يحركها ..
المهم قام عطى الهنود كلهم سبع ايام اجازه واحنا ماعطانا .. واروح للطبيب المسؤول واشرشحهم شوي وخذت اجازه مرضيه غصب عنهم ..

لا القهر تقول لك وشفيك ولما اقولها كذا وكذا

ولما اطلب اجازة تقول وانا كيف اعرف ان فيك هذا ((يعني انا اكذب عليها))

شايفة الي قدامها اطفال :anger1:

لا هنت اخي ..

[حـ ن ـيـ ن]

سنقول عن عـــيادة الشـــرطه؟ شي يصدم قسم بالله؟
اروح مريض حدي حدي حدي يقولي مافيك شي؟ يستهبل او يستعبط او اهو بالاساب بيطري مو دكتور؟

اول شي يقيس الحراره مافي حراره خلاص انت مافيك شي؟
ياخي والله شي يقهر المشكله تصارخ عالدكتور يسوي نفسه اطرم ما يسمع والله احيانا الواحد من المرض مايقدر يتحرك يقول له الدكتور مافيك شي
شنقول بس .. المشكله ممنوع العسكري يشتكي في وطني الحبيب صباح الخير من كذا يسكت ويطالع
دايم اقول ياليت تنفتح لجنه خاصه للعساكر لحل مشاكلهم ... بس اعتقد هالشي حلم

الله يكون في عونكم ...لا هنت


يالربع ترا السالفه هينه هههههه والله وسخيفه >>>> اشتغل أبليــس :eek2:
ياخي اذا قافله معاك تبي اجازه وماتعرف شتسوي خلاص... سهله..
إليكم الطريقه التـــآليه...:

طبعا انتم عارفين ان الطواري عقب الساعه 12 فليل مافيها تصوير.. لا مغناطيسي ولا عادي

عاد انت روح امسك ظهرك واعرج .. شفيك مافيك قول طحت وعظامي احسها منتهيه طبعا تصوير مافي كل ما لمسك الدكتور من صوب انت قول آآه من صوب
غصبن عليه يعطيك اجازه... ولو قالك اليوم اجازه وبكره تعال.. قول انا ماقدر اتحرك زين اني جيت المستشفى ماقدر اجيك بكره .. بيعطيك عالاقل 3 ايام...
طبعا بالنسبه للعساكر لازم يروحون يصدقون الاجازه عاد مو تروح تصدق الشهاده ثاني يوم كأنك مو شايف خير.... خذ الاجازه كامله عقب لين خلصتها روح صدقها الدكتور بيصدقها غصب لانك اصلا خذتها وخلصت..
طبعا انا زهقت وانا اسوي هالحركه خخخخ لان ما ينفع معاهم الا كذا :eek5:

:(:(


حسب الحالة تُعطى الاجازة المرضية ..

يمكن حالتك عارضة !

بس لو مكانك كنت أصريت :d

ان شاء الله على اليوم تكوني تحسنتي :)

الحمدلله تحسنت وداومت وانا تعبانة ولا دريت وش تقول المحاضرة من شدة التعب وطلعت قبل

الوقت..وش يسوي الواحد يتهاوش معهم ((برستيجي مايسمح :shy:))





لا يا اختي ما استقلــت وانما انا في اجازة طويله نوعا ما ..

لكني موجود روحيا هناك ..

وانا حاضر لأي سؤال ..

ودمتي بخير ..

دمت بخير عديل الروح ...:)

[ساراام]

عندي طريقه معتمدتها للأجازات ايام ماكنت موظفه


لدرجة ملفي ملياااان اجازات واخاف اقول الطريقه واستاثم لاني احس بالذنب الحين


والله العظيم بدون مبالغه احيانآ اسبوعيآ اخذ ( هي حركه تسوينها وتدخلين للكشف )


والأهم لازم يكون لج دكتور معين سواء بالمستشفى او المركز تخدمينه بشكل او بآخر


عاد هذي بعد مايبي لها شرح !

كلااااام سليم

اناا الدكتور اللى اتابع معاه من فتره كل ماروح له يطلع الاجازه بدون ماقوله

ويقولي وين تشتغلين,,,بس للاسف يرجع يرد الاجازه الى مكانها لاني للحين ماشتغلت :weeping: خخخخخ