تغيير الاسم

[issaomar]

السلام عليكم
يا اخوان بالنسبة للقطري ايش الاجراءات المطلوبة لتغيير الاسم

[مستثمر 999]

يا اخوي

لا اجراءات ولا هم يحزنون

كل شي بالواسطه

اذا ما تعرف احد الله يعينك

ناس تغيير اسم العايله او الفخيذه كل كم شهر وناس مب قادره تغيير اساميها

وحتى لو كان اسمك يفشل والاسم الي تبيه اسم سهل ومعروف ( ما عبد وحمد )

[مسباح عاج]

مراجعة ادارة الجوازات

[بو شاهين]

على حسب اذا الاسم الاول بس له اجرائات واذا اسم العائلة له اجرائات
وعموما اذا رحت إدارة الجوزات بيعطونك كل التفاصيل

[البدع]

تغيير الاسم الاول سهل

اعرف 3 مغيريين اسمائهم

قبل كان صعب بسبب (فلان بن فلان)

بس الحين سهل

اما تغيير القبيلة او الفخيذة او او

فهذا صعب

والله يوفقك ويسهل امورك ان شاء الله

[شبه الملاك]

لا اخوي وينك وين تو الناس ع الجوازات اول الشئ يروح الصحه واجراءتهم تجيب اللوعه هذا غير النشر بالجريده الله يعينك

[ماريسا]

فشلة النشر بالجرايد هههه
الله يعينك اخوي

[لاجئ عاطفي]

اتروح وزارة الصحه عندهم فورمة اتعبيها
وعقب هم يطرشون المعاملة للجوازات تدخل على لجنه
ومن ثم اذا وافقت اللجنه ترجع الصحه ومن هناك تاخذ اعلان وتنشرة في الجريده
بس كل ذي عقب موافقة اللجنه واحتمال يطلبونك لمقابلة اللجنه

[ذيبه مزاجيه]

معقوله اول شي وزارة الصحه علشان تغيير الاسم !!!!
بس صج ترا بالواسطه ..
ناس تغير وايد وناس مب قادره تغير اسم واحد !!

[كازانوفا]

خلك على اسمك ههههههههههههه

[لاجئ عاطفي]

معقوله اول شي وزارة الصحه علشان تغيير الاسم !!!!
بس صج ترا بالواسطه ..
ناس تغير وايد وناس مب قادره تغير اسم واحد !!


وزارة الصحة عشان شهادة الميلاد اذا كان الشخص مولود في قطر فلازم بالاول اتغيير شهادة الميلاد