سائق هندي لنقل الكفالة

[al_qa76ani]

عندي هندي جبته علا كفالتي ودخلته مدرسة سواقه واخذ الليسن ...

عمره كبير تقريبا 50 سنه صحته زينه ..راتبه 700

اذا حد يبيه يكلمني علا الخاص .. ويكون جاد ...خلال هذا الاسبوع الاسبوع الجاي اذا ما له نصيب مع حد بسفره ...

(هلي صار عندهم ليسن وكل قايم بحاله ) مالي حاجه فيه .

[bo_hamad]

ممكن رقمك يا الغالي

[al_qa76ani]

اخوي بو حمد فالك طيب .. راجع الخاص .

[al_qa76ani]

يالربع للعلم ...فيه موعد اليوم مع واحد من الربع يبي يشوفه واحتمال كبير ياخذه لأسبابه الخاصه ..اذا حد له حاجه فيه بعد يكلمني علا الخاص عشان ارتب معاه اذا ما خذاه رفيجي ...وانا مب طماع وهذا رزقه .. وانا ما ابي اكون قطاع ارزاق .

[الريمي قطر]

ممكن الرقم للتواصــــل ..

[al_qa76ani]

يالربع السايق تقريبا 7 او 8 شهور يعني ماكمل سنه اللي معاي في الدوام يقول فيه قانون لازم عشان ينقل يكمل سنه او سنتين وانا اتصلت الجوازات البداله يقولون عادي بس لازم اتكلم اللجنه ..ويقولون محد رد علينا من الموظفين ...حد عنده فكره لأني بصراحه نقلت كفالات بس كانوا اكثر من سنتين ؟؟؟والامور عاديه حتى ماراجعت ابد يجيبون لي الاوراق وتوقيعي ماشي ؟؟

[The Planner]

المفروض يكمل سنه وبعدها تقدر تسويله نقل كفاله او اعاره

[al-obaidly]

انا ابغيه

[زمن الغدر]

بارك الله فيك
وفي ميزان حسناتك
بدال ماتسفره ابرك شوف حد ياخذه

[almalki2]

كلم ناصر العطيه مدير شؤون الوافدين اشرح له الوضع
ونشاء الله ماراح يردك

[jorri]

رقمك عالخاص

[ابو ريم]

ممكن رقمك للتواصل في عائله تحتاجه ضروري

[al_qa76ani]

ابشركم ..راجعنا الجوازات وقالوا مافي مشكله علا النقل عادي بس اللي كنت متواعد معاه طلع عنده عدد واجد وما وافقوله ..طبعا بعد ما شاف الهندي وكان يبيه بس هذا نصيبه .. ولين الحين السايق موجود بس بغيت اوضح نقطه انا ما ابي فلوس معامله او تذاكر او رسوم بغيت 2000 ريال فلوس المدرسه اللي دفعتها له ..وبس والنقل علا الكفيل الجديد طبعا ..

[al_qa76ani]

يالربع اسمحولي علا التأخير ناس اضيوف جوني من الامارات ...

المهم
تم بحمد الله نقل كفالة السايق والله يبارك للكفيل الجديد ويوفق السايق في رزقه الجديد..
سمحوني علا التأخير في الرد والناس اللي كلمتهم قلتلهم أنا عطيت الرجال كلمه وذا ما صارله نصيب بكلمهم
الحمد لله الرجال جزاه الله خير ربي وفقه وخلص أموره ..

ياليت حد من االاخوان يسكر الموضوع وجزاهم الله خير علا هذا المنتدى .

وربي يسلمكم ويعطيكم العافيه