كثرة مشاكل كيوتل

[Navigator 85]

السلام عليكم اخواني الاعضااء

الصراحة مشاكل كيوتل وايد زادت للاسف

خااصة الانترنت

وهم غير مهتميين بالعميل

يعني انا لازم شهريا اعاني من مشكلة بطئ الانترنت

والحين المشكلة موجودة عندي وانا صار لي اكثر من ساعة احاول

اقتح صفحة واحدة وماني قادر انتظر 5 دقائق علشان الصفحة تنفتح

وسرعة التحميل ما شالله 955 بايت اللهم لاحسد

لاتحسدونهم على السرعة الفائقة

ويوم اتصلت على 111 انتظرت ربع ساعة ومحد يرد ورجعت اتصلت بعد فترة محد رد

و 24 ساعة حاطين اغاني ويوم يرد الموظف ما اخذ منه لاحق ولا باطل

واقعد انتظر يومين او ثلاثة الى ان تنحل المشكلة

ومع ان المشكلة من عندهم الموظف يقعد يتفلسف

افصل شبكة الوايرلس وركب مودم كيوتل علشان نحل مشكلتك

واتعب نفسي وفي الاخير المشكلة من عندك من الويندوز ياسلام على التحليل العبقري

المهم انا متضايق شوي وقلت اكتب في المنتدى واطلع اللي عندي احسن من انفجر منهم ومن مشاكلهم

وخاصة اني اداري في منتدى وما اقدر اتابع المنتدى والسبب فشل كيوتل

واخر شئ عندي استفسار فودافون عندهم نزلوا خدمة النت

وهل فيها مشاكل مثل كيوتل والدعم الفني يردون على المكالمات

ولا مثل كيوتل تقولون شغاليين غصبا عنهم

[رجل الجزيرة]

أنا كانت عندي مشكلة في إنقطاع بالإنترنت من شهر 9 لين شهر 12 ولا منهم فايدة وكتبت لهم أي ميل في موقعهم وطنشوا لي، وأمس الصباح وعلى رواقة كتبت لهم إميل من شغلي ونسخة للمجلس الأعلى للإتصالات بالمشاكل والحلول وبعض الإقتراح ولين الحين ما ردوا علي هاه ويش رأيك؟

[yousef545]

الصراحه اخوي ماشفت مشاكل بخصوص الانترنت من كيوتل

اما بخصوص 111 مايردون اي نعم هاي الكلام صح لازم تنطر ساعه ساعتين اقل شي

والله فوادفون ماندري عنهم دووم متاخرين

واخر شي يوم نزلو عرض البلاك بيري لازم على الفاتورة والشهر 125 ؟؟؟؟؟

الحين هاي عرض وين المنافسه ؟؟

انا الصراحه اشوف كيوتل احسن من فوادفون
لين الحين ماجربت فوادفون

بس لو كيوتل يحسون شوي ويزيدون عدد الموظفين 111 يسون خير

[qatari911]

معروووووووووووفه
كيوتل نبعد كل قريب
:shy:

[Navigator 85]

أنا كانت عندي مشكلة في إنقطاع بالإنترنت من شهر 9 لين شهر 12 ولا منهم فايدة وكتبت لهم أي ميل في موقعهم وطنشوا لي، وأمس الصباح وعلى رواقة كتبت لهم إميل من شغلي ونسخة للمجلس الأعلى للإتصالات بالمشاكل والحلول وبعض الإقتراح ولين الحين ما ردوا علي هاه ويش رأيك؟

الله كريم بس ليش التطنيش

وانا مشكلتي من اكثر من 6 شهور

كل شهر لازم الانترنت ينقطع او بطئ في السرعة

لو في نص قانوني ان اليوم اللي يتعطل فية الانترنت عن العميل او المشترك

ينخصم المبلغ الشهري كنت شفتهم اهتموا وخافوا ان فلوسهم تنقص

بس دام احنا ندفع في الحالتيين مايهمهم

[Navigator 85]

الصراحه اخوي ماشفت مشاكل بخصوص الانترنت من كيوتل

اما بخصوص 111 مايردون اي نعم هاي الكلام صح لازم تنطر ساعه ساعتين اقل شي

والله فوادفون ماندري عنهم دووم متاخرين

واخر شي يوم نزلو عرض البلاك بيري لازم على الفاتورة والشهر 125 ؟؟؟؟؟

الحين هاي عرض وين المنافسه ؟؟

انا الصراحه اشوف كيوتل احسن من فوادفون
لين الحين ماجربت فوادفون

بس لو كيوتل يحسون شوي ويزيدون عدد الموظفين 111 يسون خير

قوول الحمد لله والله لايوريك راح تكرة عيشتك

وخاصة 111 دخلوا موسوعة جينس لاطول مكالمة تحت الانتظاار

لو يحسنون الخدمات افضل ويبيعون الرقم 111

لان وجودة من عدمة واحد

[احب قطر]

تامر ياNavigator طرش لي رقمك عالخاص ولا يصير خاطرك الا طيب

[جرح الزمان]

كرهونا النت

جداً بطيء

لكن شنو البديل

وخدمة 111 الله يعين اللي معاهم ضغط على هالخدمه

[Navigator 85]

تامر ياnavigator طرش لي رقمك عالخاص ولا يصير خاطرك الا طيب

عندك واسطة في كيوتل

ياليت لو توصل لهم رسالتنا

ويحسنون الخدمات

[Navigator 85]

كرهونا النت

جداً بطيء

لكن شنو البديل

وخدمة 111 الله يعين اللي معاهم ضغط على هالخدمه

انا اللي ماكان معاي ضغط

ضغطي ارتفع

[Navigator 85]

معروووووووووووفه
كيوتل نبعد كل قريب
:shy:

والله انك صادق

[ماريسا]

كــيــووتــل ؟؟

الله المستعان

[الرويـس]

انا مستغرب من مواقف كيوتل في بعض النقاط

كل مانسألهم في سالفة الأخطاء في الفواتير يقولون هذا خطأ في السستم
وبيرجع لك الحساب بالماينس في الفاتورةالجايه ( وش هالخطأ اللي مدوخ أم السستم ومب راضي يتصلح ) ؟؟

يوم تسالهم عن التأخير في قصة الرد في الكول سنتر يبررون ان السبب في ان الكادر فيه نقص
زين وبعدين ؟؟ خلاص في نقص وانتهى الموضوع ؟!! ايش فايدة وظايف المعلومات المرتجعة او الفيدباك !!

كل ما نقارن خدمات كيوتل وخدمات الاتصالات السعودية(مثلا) بانواعها يقولون ( لا تقارن ،عدد العملاء هناك كبير جدا ووووو)
ياخي اذا عدد العملاء هناك كبير فبالتالي راح يكون في تعزيز وظيفي او اداري وفني للخدمات لتلبية حجم الطلب من العملاء !!! نورونا اذا في خطأ في كلامنا :(

انا اعتب أيضا على العملاء في سالفة ( فهم ثقافة كيوتل) سواء في فهم التعريفات المخصصة للدقائق المتنوعه سواء
المحلية او الدولية او اوقات الذروة او خارجها او العروض الخاصة او التجوال
او حتى في فهم ( سياسة) فهم مراجعة الفواتير

العروض الخاصة غالبا ما يكون فيها (تحديد) لفترة او قنوات خدمات معينة او او او البعض يجهلها
بسبب عدم فهمه لسياسة العروض الخاصة :(

مثال : عرض المكالمات الدولية اللي كان قبل شهرين تقريبا ( 50د\للدقيقة) كان العرض يتحدث عن اشتراك
بــ 100 ريال ومن ثم يتم فتح الخدمة والاستفادة من العرض ، الاغلبية قاموا يتصلون من الباقة وهذا قصور في الفهم وباتالي ارتفاع المبالغ في الفواتير الخاصة لكل عميل ، الخطأ في فهم الاعلان :( ومن ثم شكوى شكوى شكوى )

المسائل ملخبطة شوي بس العتب على الطرفين مع تحمل (مزود الخدمة) النسبة الاكبر

:(

[رذاذ]

Mms

ما يوصل ثلاث مرات احاول اطرش ومافي فايده.. على العلم ان عندي 97 رساله وشائط مجانية

[قطرية وشيخي حمد]

انا صار لي موقف معاهم

رحت لهم عشان احول كرتي من فاتوره لين هلا في اللاند مارك قالو لي روحي لان السستم واقف وعقب ساعه تماما كل شي بيصير تمام بس لاتتصلين حق احد في هالساعه ابدا
رحت بيتنا وتميت انطر وانطر وانطر ونمت وقمت الصبح ماصار شي رحت لهم العصر ثاني يوم مره ثانيه قالو لي مثل الكلام ورجعت بيتنا تميت انطر وانطر ونمت وقمت ثالث يوم ماصار شي قلت خل اصبر واعطيهم فرصه
لين رابع يوم قمت من النوم قفللللللللللللللللللللللللت واروح اتصل 111 واتهاوش وياهم شنو 3 ايام ما اتصلت حق احد هزئتهم خمس دقايق بس اتصلوا لي كيوتل اللاند مارك وتحول تلفوني مايمشووون الا بالعين الحمره