هل هزمت الحكومة ... وعاد البيبسي الى ريال ونصف

[البدع]

بدا الحديث يكثر ان البيبسي بدا يباع بريال ونصف مرة اخرى

مع العلم ان الدولة تدخلت باحدى هيئاتها واعادت السعر الى ريال فقط

والحق يقال ان البيبسي بدا يباع في السعودية ببعض السوبرماكت على الخط بريال ونصف

وكذلك الامارات

[جاسم القطري]

جات على البيبسي الحين كل شي يرتفع سعره

واحنا ندفع وساكتين

زين لي متى يعني هالحاله

[ثرية]

خل يولي البيبسي احسن خل يصير بريال ونص عشان ما اشتريه ولا ابي اشتريه انا استبدلت في البيت البيسي بالعصاير عصاير المراعي باشكالها البرتقال والمنجا والمشكل ابرك من الف بيبسي واللبن من اكتيفيا
وصارت ثلاجه بيتنااااااا معصره للعصاير وبلا بيبسي وبلا وجع قلب

[hamoor4ever]

استغرب كل هالضجه علشان بيبسي

[بو شاهين]

خل يولي البيبسي احسن خل يصير بريال ونص عشان ما اشتريه ولا ابي اشتريه انا استبدلت في البيت البيسي بالعصاير عصاير المراعي باشكالها البرتقال والمنجا والمشكل ابرك من الف بيبسي واللبن من اكتيفيا
وصارت ثلاجه بيتنااااااا معصره للعصاير وبلا بيبسي وبلا وجع قلب

والله صدق اصلن الناس مهب صاحية قاعدة وتشرب في هاذي السموم
لو الناس تفكر بس جان محد اشربه

بعطيكم مثال خل البيبسي ينكن على الزولية مثلاَ كم مرة بتغسل مكان البيبسي علشان يروح اثرة؟؟ فشلون في المعدة

انزين ما تقولون لي ليش البيبسى والكولا والهاذي الخرابيط مكتوب على علبتها ( تعبة الشركة الفلانية) ومب مكتوب صنع الشركة الفلانية؟

وليش تعتبر خلطة البيبسي سرية؟

وليش وليش وليش اشياء وايد انا كنت مدمن مشروبات غازية بس لما تبحثت وسألت قلت لو اموت عطش حرام اخذ رشفة منه

[ابو ضمير]

اما هذا النص ما ينبلع

[ابن مانع]

ابشركم زادوه من الليلة

[بوعلي 78]

في البحرين بعد من شهرين تقريبا رفعوا سعره،،،

[هذلان]

اتركوه الله لا يرده عساه ينباع بـ ٥٠٠

اولا مامنه الا الضرر بالصحه
ثانيا يستاهلون دامهم زادو السعر

اخيرا .. دام ان الحكومه حدد السعر و هم ردو زادو فا الحكومه هي مسؤوله عن متابعه تطبيق قراراتها و معاقبه المتجاوزين.

[تحداني]

.. على فكره يا اخواني واخواتي الافاضل ..
النص .. والربع .. هي مسلوبه منه من زمان .
. ما عمري دخلت جمعيه واشتريت سلعه ..
الا مكتوب السعر 7:25 .. 12:50 ... الخ .. فما جات على الببسي ..

.
.



اتركوها وابتعدوا عن هذا الببسي اللعين ..
ما غير دمر اجسادنا .. وامتص عضلاتنا ..
واصبحنا كالجسم الهزيل ..


.
.
جملكم الله برضى الرحمن

[الحـ(درب)ـب]

اعرف مندوب شركة البيبسي

قال كل الخليج رفع وقطر حيرتفع

وطلع كلامة صحيح

طبعا كلامة اقنعني من ناحية تكلفة الأنتاج وصار مربحية الريال الواحد من سعر البيبسي لايغطي خط انتاج ومصنعية شركات البيبسي

وكلامه صحيح

على العموم انا مقاطع البيبسي
وفرحان بالزيادة

[ولد النواخذه]

كلن رفع خلاص خل يرفعون

[حمود قطر]

يا جماعة اتركوا عنكم سوالف البيبسي وخرابيطه

معروووف انه البيبسي أضراره وخطورته أكثر من فائدته اللتي لا تكاد تذكر

خلونا في ارتفاع المواد الغذائية والاستهلاكية والايجارات و و و و وو و و

[بـــــــنت النوخـّــــذه]

اشتبون بالبيبسي مضر وايد مادري اشلون تشربونه 00000000

[شعنونة قطر]

يدرون فيكم خبل ترجعون تشترونه حطوا لكم ماده تدمنون فيها
وقالوا يالله


انتو الحين تشكوون وبكره جدام بقالة بو حارب بتشترونه بالكارتين

خلف الله على عصير بو نص

[صوت الضمير]

فعلا امس عند البقالة نطلب سفن اب استغربنا لما قال بريال ونصف

علماً أنه بالسعودية بريالين

[شبح الصمت]

ما أحب أشربه
يالربع حطو لحمه داخل قلاص وخلوها يوم كامل وعقب ردو وشوفو اش بيصير فيها وردو علي ..

[بوطويشم]

السلام عليكم

مجلس الشورى طلع لايكش ولاينش!!!!!

مع احترامي لهم

http://www.up.qatarw.com/get-3-2010-mfen1y5g.jpg (http://www.up.qatarw.com)