اليوم في وسيط الشرق

[بوبندر]

شاب قطري منزل اعلان طالب وظيفه (مندوب اوسائق منزل) ممكن الهدرجه وصل الحال!!!!!
البيغي اشوف الاعلان في شرق الوسيط وحاط رقمه

[ودي أكون]

لا حول ولا قوة الا بالله .. الله يرحم حالنا والله ..

ناس ماتطلب افلوس .. تطلب شغل .. شغل ... ومن حقهم هذا والله من حقهم ..

مانبي نوصل لمواصيل الغرب جرايم وسرقات ومادري شو ..

الله يرحم حالنا والله ..

والله يرزقه الشغل قريب يارب ..

[الجزوع]

الحال وصل لهالدرجه واكثر ، وبعدين ما اشوف فيها شي بالعكس هذا شي ايجابي ان القطريين يبتدون يشتغلون كل الاشغال بدون نظره سلبيه ، الله يوفقه يارب

[الرويـس]

الله يوفقه

[شبح الصمت]

الله يــوفقــه ياخوك ما تدري وشو حالـه
الله يفتح له أبواب الرزق ويرزقه بوظيفة طيــبه ..

[ساراام]

الله اعلم بحاله
كل واحد وظرررروفه

[سلمان_1]

شاب قطري منزل اعلان طالب وظيفه (مندوب اوسائق منزل) ممكن الهدرجه وصل الحال!!!!!
البيغي اشوف الاعلان في شرق الوسيط وحاط رقمه


نوع من انواع التجارة ...

اللي الله يوفقه في التجارة يدخل ذهب و احسن له مليون مرة من الوظفية

[الغالي!]

اتمنى اي مسؤؤؤؤؤؤؤؤؤؤؤؤؤؤؤؤؤؤؤؤل في الدوله يكون عنده القدره على التوطيف وشوف هذا الاعلان يفزع وترى مش جميله دامه قطري ويخدم قطري لان مااعتقد ان بين الاخوان جمايل تكفون يااهل قطر الفزعه

[Realistic]

شاب قطري منزل اعلان طالب وظيفه (مندوب اوسائق منزل) ممكن الهدرجه وصل الحال!!!!!
البيغي اشوف الاعلان في شرق الوسيط وحاط رقمه

اخوي لازم كل قطري يكون مدير وله مهندس وله مسؤول ؟

نعم احنا شعب اشوي .. والوظايف كثيره .. بس بعد الشغل مب عيب ..
يمكن الاخ ماعنده حرفه ثانيه يقدر يأديها غير هالشغله .. وهو بارع فيها .. فحب انه يترزق .

[ال عمدهـ]

الله يعينه ويحصل الوظيفه المناسبه

[Sharshooooor]

عادي يا اخوان

انا عندي شهادات وغيرها بس لو حبيت اقدم استقالتي ماراح احصل شغل وبامش بوزي بعد

وبعدها راح ارضى بهالوظايف لاني ابي اعيش وابي الرزق الحلال

عيل منصب مدير واكون اكبر حرامي؟ :nice:

[برشلوني قطر]

ماحط مؤهلاته وعمره ؟؟ عل وعسى يلقى شغله وراتب احسن والله يسهر له عباده

[unless]

بالرغم انها مش اول حالة إلا انه مؤشر خطير وبالنسبة لفرصة مندوب
ممكنة مع انها مجهدة وقلما يتحملها قطري خصوصاً إذا تذكرنا ان
دخلها ضعيف مقارنة بالجهد... اما سائق فثقافتنا العامة وطبيعتنا
الخاصة تجعل من قبول سائق قطري للعائلة صعبة إن لم تكن من
المستحيلات..اسأل الله أن يكفي حاجة كل مسلم.

[الرويـس]

مميزات عقد سائق المنزل:
راتب ثابت
أكل وشرب ببلاش
سكن ببلاش
سيارة حلوة ببلاش
تذاكر
احتمال ايضا الزواج ببلاش في حال توفر مدبرة منزل مناسبة وعلى جمال ودلال واخلاق
أثاث ببلاش
الحصول على وكالة (بيع مواقف سيارات)
...
...
...

شباب لحد يتهور :unsure:

[مستثمر 999]

اخوي الكريم ابو بندر

نص الاعلان واضح


شاب قطري على استعداد للعمل كمندوب او سائق


وما قال سائق في المنزل يمكن يقصد سائق ناقلة بترول في وقود او باص كروه لتوصيل اليهال الى المدارس وبكل فخر

والقطريين اشتغلوا في هالمهن من الستينات

وما في داع الى لفت نظرات الشفقه واشفاء الغليل من الاجانب

القطريين بخير والحمد لله دام هو في ظل ابونا الغالي بومشعل الي يعجر اللسان عن الشكر له على المكرمات الي مالها نهايه

اعتقد ان موضوعك هذا رد على الاشاعات الي طلعت من فتره بخصوص عمل السعوديات كخادمات في البيوت

اتمنى حذف الموضوع واعتقد الرقم موجود في الاعلان وممكن اي حد من المشرفين او حتى المدير نفسه يتصل ويتأكد


بكره الجرايد ما تكذب خبر (( منتدى معروف يشهر ان القطريين بدون كرامه ))

لا ولن نرضاها كما يردد الغالي حسن الساعي

القطريين كانوا ولا زالوا هم الاساس هم الي علموا الاجانب وهم الي فيهم الخير ومنهم الرجى

تحياتي

[موضي قطر]

يمكن عنده شغل في الحكومة بس يبي يحسن دخله ... يمكن

[قطرية وشيخي حمد]

اكيد الحال بيوصل لهدرجه ومديرالتوظيف عندنا هندي او امريكي او بريطاني او مصري او سوري

[سوق واقف]

راح أضيف معلومة بسيطة للي يقول مافي وظا يف فقط وأرجوكم سامحوني على كلامي ...

1- في شباب وبنات خريجين ثانوية مثلا أذا حصلت له شغل مثلا براتب 8000 كبداية قبل التثبيت وفي شركة أو مكان معين يرفض ويتشرط والبنت تتشرط مثلا تقول أنا أبغي في المكان الفلاني والشغله الفلانية وغيرها ماراح أشتغل

بعض البنات يكونون خريجات ثانوية مثلا ويوظفونهم سكرتارية يقولون سكرتارية لا نبي شيء غير السكرتارية تعرفون ليش لأنه ما يبون التعب وأنا لا أقول الكل ولكن أقول البعض منهم

والله العظيم وزارة العمل غير مقصرة في أيجاد فرص العمل ولكن عندما يتم رفض جميع الوظايف المقدمة لك ماذا يفعلون لك ..

يعني مثلا واحد عنده إبتدائية يتصلون عليه لأكثر من جهة وبراتب مثلا 5000 الاف أو أكثر يقول لا الراتب ضعيف

أرجوكم قبل كتابة اي شيء أسئل الشخص الي مقدم أوراقه كم جهة أتصلوا عليك وأنت رفضت راح يقولكم وايد وراح يقول هذي الأماكن ما تعجبني ...

وسامحوني على الإطالة

[قطرية وشيخي حمد]

اسمح لي
اانا كنت في وزارة العمل وقدمت استقالتي

وكنت بوظيفه سكرتيره لمده سنتين طلعت من عندهم بسبب سوء المعامله والظلم خلها مستوره ترى في اشيا تسمع عنها بس لما تشوفها غير

[patrol]

الله المستعان والله يرزقه على قد نيته

[بوحارب]

الله ييعينه

[بوطويشم]

السلام عليكم

الله يوفقه والشغل مب عيب

[بوسعود911]

الله يوفقه

[ريماس الغلا]

للرفع

[الموضوعي]

بدل مايدفعون 2 مليار دولار حق اتفاق دارفور المحكوم عليه بالفشل كان وزعوها على سكان قطر الـ 150 الف

[دلة الرسلان]

احي فيه جرأته والله يرزقه من اوسع ابوابه

[بـــــــنت النوخـّــــذه]

شاب قطري منزل اعلان طالب وظيفه (مندوب اوسائق منزل) ممكن الهدرجه وصل الحال!!!!!
البيغي اشوف الاعلان في شرق الوسيط وحاط رقمه

لاتلومه والله الشخص ما يقدم على هذي الخطوه الا للحاجه الملحه 00000000الله يرزقه ويستر عليه

[Bently]

منزل للايجار يحدود 5000 في مناطق دحيل الغرافه . مدينة خليفة. المعموره. جليب

[المقهوره]

هالمواضيع ماتطرح هنا بالطريقه هذه

اولا هل قدم هالشاب على جميع الوظايف وانرفض

هل قدم على الجيش ال شرطه الي ماترفض احد حتى الي ماعنده شهاده وظفوه


يمكن هو مايبي مجال العسكريه

ويبي مجال مدني

بس ماعنده شهاده تأهله


كل شي جايز

[FAUCHON]

والله انه رجال

عمر العمل الشريف والطاهر ماكان عيب .. احسن من انه يكون فداوي ولا يرز وجهه عند فلان وعلان .. ويمد يده

كفو والله انه عجبني ..~

لاتستغربون وااااااايد قطرين مب لاقين وظااايف وااايد جامعين وجامعيات قاعدين في بيوتهم

هذا واحنا في بلادنا

لاحول ولا قوه الا بالله

[FAUCHON]

باك

نسيت اقولكم شغله انتو ليش مستغربين

ترى وايد فيه شباب قطرين دريوليه في القطاع الحكومي ..

ومره صادني موقف ف الدوام كان عندي شغل خارجي وقالو بيرسلون لي سياره من الشغل

الا الدريول شاب وقطري وولد قبايل بعد


يعني مافي شي يدعوه للتعجب

[OTOsan]

وبعدين مع سالفة رفع المواضيع القديمة ..؟؟؟

صارت موضة في المنتدى هاليومين :)

[لاجئ عاطفي]

اذكر من شهرين مسؤول في وزارة العمل صرح وقال ان هناك مشروع لتوظيف حملة مادون الثانوية من القطريين وين هالتصريحات من الواقع؟؟ ولا هو كلام جرايد بس ؟؟

[RE-Qatar]

يمكن محد يرد عليه في الجريدة بعد

الله يسهل عليه

[الأصيلة]

لأن أغلب الوظائف تحتاج إلى شهادات تعليمية
ويمكن الأخ ماخلص الإبتدائية ومحتاج للعمل
أفضل من التسول أو طريق الحرام
الله يوفقه ويكتب له الرزق الحلال..
ومب بعيد يصير مدير في يوم من الأيام
والا ماسمعتوا بقصة..(علي النعيمي) اول مدير سعودي لشركة ارامكو السعودية
http://www.halhul.com/e7ki/showthread.php?t=73718

[halcrow]

الموضوووع قديييييييييييييم :eek5: من شهر 3 واليوم احنا في شهر 8

[بـــــــنت النوخـّــــذه]

العلم يرفع بيوتا" لاعماد لها


والله يوسع رزقه ويستر عليه هذا الي اقدر اقوله

[@ vip @]

وشو سايق مستحيل اخر زمن قطري يشتغل سايق عند عائلة

اعتبرها اهانه والحمدلله الدولة ما فيها قصور وراعي الشركات ما راح يقصرون معاه

اقل شيء يحطونه مندوب اما سايق فلا

وبكرة بتجيك قطرية خادمة بعد لا تسبعدون الكلام

الله يستر بس

[الأصيلة]

الموضوووع قديييييييييييييم :eek5: من شهر 3 واليوم احنا في شهر 8

والله ما انتبهت لتاريخ الموضوع ..
افتكرته اليوم جديد...

[إينشتاين]

وبعدين مع سالفة رفع المواضيع القديمة ..؟؟؟

صارت موضة في المنتدى هاليومين :)


هههههههههههه لا والي رافع الموضوع كاتب (منزل للايجار يحدود 5000 ) مادري شدخل ؟؟؟

[OREO]

انا قطري و أملك ثلاثمئة مليون ريال قطري و عندي مؤسسة مكونه من 5000 موظف من مختلف الجنسيات
بمن فيهم ابنائي الخمسة حمد , محمد , عبدالعزيز , ابراهيم و سالم..
ادفع زكاة مالي سنويا بما يقارب سبعة مليون و نصف ريال قطري و لله الحمد ..
و بالاضافة اتبرع كل شهرين بما يقارب مليون ريال قطري لاصدقائي كي تتحسن مستوى معيشتهم و في نفس الوقت ارفع من شأني بينهم ..

حمد : مدير الموارد البشرية
محمد : رئيس قسم الاحصاء
عبدالعزيز : موظف علاقات عامه
ابراهيم : سائق باص و مسؤول توصيل الموظفين
سالم : عاطل عن العمل بسبب مؤهله الدراسي ما دون المستوى

لا اخفي عليكم بأنني املك اكبر منجرة في جنوب تايلند و تقدر ثمنها 20 مليون دولار و بالاضافة الى مزرعة بقدونس تقدر بما يقارب 35 مليون دولار ..

--------------------

السؤال الذي يسدح نفسه !!

اين الخلل و ما هي طريقة حل الخلل ..؟؟

[nouar]

ياشباب خلوه يترزق الله ... الشغل مب حرام ... حرام السرقه حرام النصب ....

ليه تضايقوا على خلق الله ... يعني الهندي حلال يندخله بيوتنا يعرف اولادنا وبناتنا ونجيب قريبه في بيوتنا امه اولادنا يموتوا من الجوع يا امه اسرق يا امه اشحد ليش ما نعلمهم يشتغلوا ويعملوا بايدهم ... ونشد على ازرهم ...

ليه صايرين ياجماعة مثل صاحبه القطه لا هي حررها ولا اهي اكلتها

[ماريسا]

عادي في سواقات قطريات بعد

هذه صرخه في وجه من يقول ان مافي بطالة في قطر لمّا الاجانب يستلمون المناصب الملكية و القطريين مساكين و الحمدلله على كل حال!!

[الراقيه سبشل]

الله يوفقه ويفتح له ابواب الرزق

وهالشغله مب عيب ولا حرام ياصاحب الموضوع:)

على الاقل هو احسن من وايد غيره الي ياخذون الفلوس بالحرام

الله يزيده :)

[بلوتنيوم]

بعد مرور 6 شهور على الموضوع والاعلان
حد يعرف وش صار على الرجال ؟؟!

[بلوتنيوم]

منزل للايجار يحدود 5000 في مناطق دحيل الغرافه . مدينة خليفة. المعموره. جليب

مطلوب والا معروض
:omen2:

[النائب]

اخوي الكريم ابو بندر

نص الاعلان واضح


شاب قطري على استعداد للعمل كمندوب او سائق


وما قال سائق في المنزل يمكن يقصد سائق ناقلة بترول في وقود او باص كروه لتوصيل اليهال الى المدارس وبكل فخر

والقطريين اشتغلوا في هالمهن من الستينات

وما في داع الى لفت نظرات الشفقه واشفاء الغليل من الاجانب

القطريين بخير والحمد لله دام هو في ظل ابونا الغالي بومشعل الي يعجر اللسان عن الشكر له على المكرمات الي مالها نهايه

اعتقد ان موضوعك هذا رد على الاشاعات الي طلعت من فتره بخصوص عمل السعوديات كخادمات في البيوت

اتمنى حذف الموضوع واعتقد الرقم موجود في الاعلان وممكن اي حد من المشرفين او حتى المدير نفسه يتصل ويتأكد


بكره الجرايد ما تكذب خبر (( منتدى معروف يشهر ان القطريين بدون كرامه ))

لا ولن نرضاها كما يردد الغالي حسن الساعي

القطريين كانوا ولا زالوا هم الاساس هم الي علموا الاجانب وهم الي فيهم الخير ومنهم الرجى

تحياتي

الله يهديك يامستثمر

حتى طلبه للوظيفة بتحرمونه منه وين يروح تبيه ينزل طلب وظيفه في الجرائد الخليجية الأخرى او تبيه ينزلها في منتديات خليجية هذي الفضيحة بعينها .
والرجال ماطلب منكم معونه طلب وظيفة . واعتقد بأن هذه الخطوة راح توصله للوظيفه لان ربعنا مايبون فضائح .

[STAR]

انا قطري و أملك ثلاثمئة مليون ريال قطري و عندي مؤسسة مكونه من 5000 موظف من مختلف الجنسيات
بمن فيهم ابنائي الخمسة حمد , محمد , عبدالعزيز , ابراهيم و سالم..
ادفع زكاة مالي سنويا بما يقارب سبعة مليون و نصف ريال قطري و لله الحمد ..
و بالاضافة اتبرع كل شهرين بما يقارب مليون ريال قطري لاصدقائي كي تتحسن مستوى معيشتهم و في نفس الوقت ارفع من شأني بينهم ..

حمد : مدير الموارد البشرية
محمد : رئيس قسم الاحصاء
عبدالعزيز : موظف علاقات عامه
ابراهيم : سائق باص و مسؤول توصيل الموظفين
سالم : عاطل عن العمل بسبب مؤهله الدراسي ما دون المستوى

لا اخفي عليكم بأنني املك اكبر منجرة في جنوب تايلند و تقدر ثمنها 20 مليون دولار و بالاضافة الى مزرعة بقدونس تقدر بما يقارب 35 مليون دولار ..

--------------------

السؤال الذي يسدح نفسه !!

اين الخلل و ما هي طريقة حل الخلل ..؟؟

كل شهرين يتبرع مليوووون ريال لربعه...‏!!‏

مالي نصيب لو خمسين الف ‏‏(‏‏=‏