اعترافات ام خماس!!!

[التركي]

اهات عمري ضاعت مع ابو خماس ،وصبري عليه طال ، ربيت عياله حمود وزلوخ وعووش وخماس، ابو خماس رجال شكاك من الدرجة الاولى:nea:، ما احط ماك الالماني الا ولع، حتى صار يعرف كل الماركات وكله يسألني رجال موديل متأخر جدا تذكرون الكاديلاك القديم اللي كله حديد ،ابو خماس بعيونه ، بقولكم المصيبة انا جالسة وحبيبي ابو خماس نشوف احدى القنوات الفضائية وعيونه بتطاير كانها عيون ضفدع:eek5:، الحبيب لما يشوف المذيعة يتبسم وريجه ينشف كانها فوطة قديمة ومرة فرط لسانه وقال : تعور الوجه ، وانا باطلع من هدومي على قولة اخوانا المصريين:weeping: ،ولا يعرف مواعيدها بعد ، بس انا بصراحة بعد باعلم على نفسي، انا في مذيع عنده برنامج كل صديقاتي يتكلمن عنه وعن اناقته، وانا بصراحة معجبة فيه وايد ، وافكر اشيل صورة ابو خماس من الصالة :pic:(يوم ضرسه القدامي طايح ) واحط صورة المذيع يبرد عن النفس ويقوي النظر .


انا زلوخ:playball: بنت ابو خماس -عدوة الرادار الذكي - اعرض عليكم هذه المشكلة الشائعة بعد ان سمعتها من لسان امي ام خماس مباشرة ؟ فما رأيكم فيها وكيف علاجها !!!
(ملاحظة :اخر مرة تهاوش ابوي مع امي وابوي طبعا قام بالواجب وامي بعد ما قصرت حتى ان ابوي قال حق امي والله بكسج قوي كنا بوكس طبالة:court:)

[التركي]

للرفع

[بنت ذياب]

مافهمت اخوي :(

هل هي مشكلة حقيقية وحبيت تطرحها بطريقة فكاهية باستخدامك لشخصية ام خماس ..؟؟؟

ولا وشو :omen2:؟؟

[التركي]

الاخت الفاضلة بنت الذيب ,
بعد اسمى الاحترام , ابوخماس وام خماس هذه شخصيات قصصية , من خلالها تطرح مشاكل واقعية .

شكرا على الاستفسار.
ولك اسمى الاحترام

[قطر دزاين]

مواضيع ام حماس او ام سداس ليس لها اهميه او منفعه اشوف الموضوع لا يفيد القارئ بشي

اكتب في شي ينفع العضو والزائر ارتقوا بالمواضيع

[فيصل الشمري]

مواضيع ام حماس او ام سداس ليس لها اهميه او منفعه اشوف الموضوع لا يفيد القارئ بشي

اكتب في شي ينفع العضو والزائر ارتقوا بالمواضيع

ياعليك اسلوب بالنصح! مامثله الصراحه
ههههههههههههه

الله يجزاك خير ترى هو الحين فتح موضوع مهم جداً صارت من وراه بلاي مايعلم بها الا الله
انا ابتكلم عن نقطه وحده من نقاط القصه هذي واترك لكم الباقي

نقطة العين الزايغه

سواء للرجل او للمرأه

كثير من اسباب النفره بين الزوجين ان الزوج من كثر ما شاف حريم بالتلفزيون ماتعجبه اللي جنبه ولا هي من كثر ما تشوف رجال مزين بالتلفزيون مايعجبها زوجها
تخيل تجتمع مع هذا سوء اخلاق
ياسلام

لا وزد عليها بخيل

لا وزد عليها يدخن

لا وزد عليها مايصلي

لا وزد عليها عصبي

لا وزد عليها شكاك

ياحبيبي وحده من هذولي تكفيك

المره ماتلقى فيه شي يجذب تلقاها طول نهارها "حسبي الله عليك يابو فلان"

لا اسلوب ولا وجه ولا حسن خلق

والأدهى والأمر

لما تجيك هي عاد لسانها طويل,, ياحبيبي كملت,, ولا حسوده,, طول النهار فلانه الي فيها مالافيها سوت كذا وكذاا وفلانه ملعونة الراس تسوي كذا وكذا,, وانت قافله معاك وتلقاها ماتهتم بنفسها عقب ماجابت كم بزر,, وتلتفت يمين يسار ماتلقى الا المذيعة ولا الممثلة الشقرا والحمرا بتفل على اللي جنبك

والأمثله في هذا الباب كثييييييييييييييره

لكن لو الرجال يغض البصر عن هالحرام
كان لو زعلته يشوفها قمر 14 ويمشي لها
حبيبة القلب هذي

اي لان القلب يتعلق باللي يشوفه

وهي لا شافت هالأهتمام اكيد بتبداء تغيير من تعاملها معاه عشان ماتفقد الغلا هذا
هذا طبع بني آدم سبحان الله

او من جهه اخرى

لو هي غضت بصرها عما حرم الله وتركت النظر الي في إثاره كان شافت زوجها فارس الأحلام

مهما شد عليها ما تتضايق منه هذا ابو العيال حبيب القلب "العشير"


كذا كانوا عايشين آباءنا وأجدادنا مابينهم هالمشاكل الوحده تجلس مع زوجها من يتزوجها عمرها 14 سنه وتعيش معه 60 سنه ماتحب احد مثله وتلقى يمكن يموت قبلها وتوصل الثمانين وهي تدعيله الله يرحمه

الحين اغلب المتزوجين حده سنتين من كثر المشاكل

رجال يشوف زوجته عينها زايغه مع الممثلين ولا هو مالي عينها اكيد بيتضايق ويبدى يفرغ هالغيره بأي طريقه لو يطلق او يتزوج زوجه ثانيه او حتى يعاند وتصرف اي تصرفات اخرى

وهي كذلك هذي فطرة بني آدم

ايضا عدم الأهتمام بالنفس,, اغلب الحريم عندهم ذوق لكن في حريم الله المستعان تدخل مع زوجها بالفراش وريحها ثوم وكزبره وتلقاها ناسيه ولاعة المطبخ بجيبها,, ام فلان قومي تعطري شوفيلك حل,, تقول ليش حد بيسير علينا؟؟,, :rolleyes2:

ولا الحبيب يجيك معفن ريحته تصرع الطير الطاير بالسماء و لا ريحة حطب وبدون مايتسبح ثم يندعس بالفراش لا سلام ولا كلام

اكيد بتتراكم مع الزمن وتسير ما تحب حتى شكله ومثل ماقالت ام خماس كنه ضفدع

هههههههه

قال ابن عباس رضي الله عنه (أني لأحب أن اتزيين لأهلي كم أحب ان يتزينوا لي)

اييييه هذولا الرجال اللي فاهمين مشاعر الحريم صدق
لاكن واحد من فنانه الى ممثله كيف يلتفت لوحده آخر مره حطت مكياج قبل أمس العصر

وعلى هذا فقس

جزاك الله خير ياصاحب الموضوع
سبحانك اللهم وبحمد أشهد ان لا اله الا انت استغفرك واتوب اليك

[التركي]

الاخ الفاضل فيصل الشمري لك اسمى الاحترام

الاخت الفاضلة زاد صدودك , انتي رومنسية , ووطنية , وتحبين اللون الاحمر, الله يوفق زوج المستقبل ,

الله يخلي لك بابا.

[فيصل الشمري]

الاخ الفاضل فيصل الشمري لك اسمى الاحترام

الاخت الفاضلة زاد صدودك , انتي رومنسية , ووطنية , وتحبين اللون الاحمر, الله يوفق زوج المستقبل ,

الله يخلي لك بابا.

التركي ماتحس انك جبت العيد؟؟:eek5::eek5:
شيك على التوقيع :secret::secret:

[حليتان*]

فللله


سلم على خماسو رفيجي

[التركي]

حبيبي amaf لك اسمى الاحترام , وخماس من البحرين هم يسلم عليك,
دمت على خير .

[التركي]

للرفع