ليش ياهيئة اشغال

[ثرية]

السلام عليكم

اتقدم بعتبي على هيئة اشغال وعلى اي وزارة وأي هيئة تتبع نفس الاسلوب والنهج

اختي خريجه ثانويه وتمت ااتحن عليي ابي وظيفه مليت من البيت ابي اصرف على نفسي

ابي ايكون عندي بطاقة ورصيد بالبنك ابي وابي وابي تبي ايكون حالها نفس بنات جيلها


ماتم مكان ماقدمنااا فيه حتى السنه الماضيه في معرض التوظيف الي اعتبره من افشل المعارض للتوظيف على كثر ماحطينا سيفيات مافي الووووووو واحد ياخذ بالخاطر

بسس



نرجع الى موضوعي الاساسي

قدمت لها في هيئة اشغال لاني سمعت انها محتاجين وتفضلوا مشكورين بالاتصال

وتم عمل المقابله وقالوا لها ومنوها ان بيوضفونها وقالوا لاختي انطري اتصالناااااااااااااا

ومر اسبوع واسبوعين وثلاثه واختي قاعده عند التلفون وتنطر وتقول حق ابوي يبه ودني السوق ابي افصل عبي قالوا لي بيتصلون لي

منوهااااااا وهاي حالها كل يوم تنطر وتقولي محد اتصلج عالجوال قلت لها لا

انزين وبعدين

تميت اتصل لهم كل يوم واحرق تلفوناتهمممم وكل اشوي يقولون بنتصل فيج بعد شوي

قمت امس واتصلت ودخلت لهم بدخله قويه بدون ما اتكلم عن التوظيف واني قدمت لاختي وجاتكم في المقابله ردووو عليي وامري واتفضلي وسمي اول ماعرفوا اني اتكلم عن التوظيف
بررو ان الموضوع طلع من يدهم هم قابلوا بس التوظيف في يد الموارد البشريه هي توظف وان هم مايتذكرون مع من سوو مقابله حسيت بالشخص الي يكلمني يبيني اسكر ويبي ينهي الموضوع بأنه ماله خص انا مادري انا ماعرف انا ماتذكر طيب انت الي مسوي المقابله



على مين يابابا انا موظفه واعرف هالسوالف الي قابل يسوي توصيه وفي نفس اليوم يتوظف

المهم دقيت عالموارد البشريه قالوا مالنا خص الي طلب اختج هو الي مسؤول عن التعييين يعني يسوي طلب انه يرغب بتوظيف هالبنت وخلاص واحنا نباشر باجراءاتنا بس لين مابغوا طرشوا السيفيات للحفظ بعد التعليق


ودي اقول كلمه طالعه من خاطري ليش تمنون الانسان وتقولوون له بنتصلك قولوا له مانبيك
ماصلحت لنااااااا هو سوا امتحان وسوا مقابله يعني تعرفون نتيجته على طول اذا عجبكم او لا
كووووون جريء يالمسؤول وقولها من شنو خايف تقوله انت ماصلحت لي وماعندك المؤهلات والكريزما الي تشغل هالوظيفه

كلها شغله اداريه ما عتقد محتاجه فهلوووه او ذكاء او انسان عبقري

بليزززز لو سمحتوا رجاءا اخر عباره اقولها

لاتنطرونهم لا تمنونهم لا تضايقونهم هاي عيال بلدكم منكم وفيكم لو انتوا مامسكتو بيدهم من بيمسك من تبون توظفون الي يااكلون خيركم ويسبونكم

ياريت اقدر اوظفها عندي بس ما اقدر مايصير خوات ثنتين في نفس الادارة وهاي نظامناااا

[ودي أكون]

حسبي الله ونعم الوكيل .. عشموا البنت وفالاخير ..!!

والله اني حاسه فيج وحاسه بقهر من بعض مسؤولين الموارد البشريه ..

مع اني اشتغل فالموارد البشريه واحب قسمي .. بس الغلط ينقال ..

التوظيف عالمزاج عفانا الله ..

[عزووز قطر]

ليش ماتراجع الموظف اللي سوالها المقابلة ؟؟

[كازانوفا]

بس اللى اعرفه الشؤون الاداريه ما تتحرك الا اذا اللى فوقهم هو اللى حركهم
يعني بارداته مش بارادة شؤون التوظيف
لان الحال تغير هي مسميات بس للاقسام بس اللى يحرك واحد متخبي بينهم
الله المستعان ان شالله

[ثرية]

ليش ماتراجع الموظف اللي سوالها المقابلة ؟؟

امسسسس اتصلت وللاسف ماحصت منه اجابه ماعطاني اجابه:telephone:

[ودي أكون]

ليش ماتراجع الموظف اللي سوالها المقابلة ؟؟

واذا كان فإجازة سنويه !!

وللعلم اي موظف مايسوي مقابله مع اي شخص الا بطلب من مدير الادارة او رئيس القسم ..

يعني هل رئيس القسم او الرئيس ماعندهم فكرة يعني ..

للأسف وين الضمير .. وين احساسهم بحاجة الغير .. وين فخرهم باعيال قطر .. وفزعتهم لهم بمثل هالمواقف ..

يعني انا لو مديرة قسم احس بفتخر والله لين اتجيني قطرية وشهاده وحابه تشتغل .. فخر لنا هاذول اعيالنا .. حابين يعطون قطر .. حابين يخدمون بلدهم ..

لكن للاسف المسؤولين .. مثل ماقلت ياخذونها عالمزاج او يوظف من معارفه ..

هذا واقعنا وبكل اسف ..

وين ابهاتنا والله .. يستانسون لين جاهم ياهل قال يباا عطني شغل .. يكدونهم كد .. حتى لو مايبون الشغل .. وهاي ابهاتنا مومتعلمين ..!!

لكن للأسف الناس المتعلمه .. يجونهم ناس بشهاداتهم وعزمهم .. وهم يقتلون رغبتهم ويقولون لهم ..

مافي توظيف .. !!

لا والحلو .. عندنا مدير ادارة مسموح له يوظف هاا .. مسموح له يعين اي بنتين .. الاخو يقول لا عندي بنات كفايه ..

وانت شلك اذا عندك بنات كفايه او لا .. دام مصرح لك انك اتوظف .. وظفهم .. راح تدفع لهم من جيبك انت !!

اااخ بطلع مافيني انقهر من الصبح والله اللي فيني مكفيني :shy:

[الغالي!]

للاسف الوقت هذا اللي ماعنده وسطه ينتظر لحد الله يشوف له واذا اشتكى مااحد يسمع له هذا اذا حصل مكان يشتكي طبعأ لاتقولون برامج وطني الحبيب صباح الخير لاتعليق

[ثرية]

واذا كان فإجازة سنويه !!

وللعلم اي موظف مايسوي مقابله مع اي شخص الا بطلب من مدير الادارة او رئيس القسم ..

يعني هل رئيس القسم او الرئيس ماعندهم فكرة يعني ..

للأسف وين الضمير .. وين احساسهم بحاجة الغير .. وين فخرهم باعيال قطر .. وفزعتهم لهم بمثل هالمواقف ..

يعني انا لو مديرة قسم احس بفتخر والله لين اتجيني قطرية وشهاده وحابه تشتغل .. فخر لنا هاذول اعيالنا .. حابين يعطون قطر .. حابين يخدمون بلدهم ..

لكن للاسف المسؤولين .. مثل ماقلت ياخذونها عالمزاج او يوظف من معارفه ..

هذا واقعنا وبكل اسف ..

وين ابهاتنا والله .. يستانسون لين جاهم ياهل قال يباا عطني شغل .. يكدونهم كد .. حتى لو مايبون الشغل .. وهاي ابهاتنا مومتعلمين ..!!

لكن للأسف الناس المتعلمه .. يجونهم ناس بشهاداتهم وعزمهم .. وهم يقتلون رغبتهم ويقولون لهم ..

مافي توظيف .. !!

لا والحلو .. عندنا مدير ادارة مسموح له يوظف هاا .. مسموح له يعين اي بنتين .. الاخو يقول لا عندي بنات كفايه ..

وانت شلك اذا عندك بنات كفايه او لا .. دام مصرح لك انك اتوظف .. وظفهم .. راح تدفع لهم من جيبك انت !!

اااخ بطلع مافيني انقهر من الصبح والله اللي فيني مكفيني :shy:

صج لسانك

[G0LD]

ماتم مكان ماقدمنااا فيه حتى السنه الماضيه في معرض التوظيف الي اعتبره من افشل المعارض للتوظيف على كثر ماحطينا سيفيات مافي الووووووو واحد ياخذ بالخاطر

بسس




المكان الي سووه في مركز المعارض وهو راجع لهيئة السياحه وهي إدارتها بنفس مركز

المعارض !!

تتوقعون عملوا المقابلات كذا لعيونا يعني لا والله فقط إستأجروا مساحه عند مركز المعارض

حتى تستفيد هيئة السياحه لأنها خسرانه من قلب وخسرت في كثير من المشاريع السياحيه

من كذا فكروا يدعمونها بطريقه غير مباشره !! ويوظفون فئه قليله فقط !!

وإحنا خبر خير وهذا من طيبنا بس مش شي ثاني

- - - - -

وبعدين الي يعمل مقابله شخصيه ل إختبار شخص قادم لوظيفه


في آخر المقابله لازم يوصي على الطلب بعد انتها المقابله يا مرفوض او مقبول او جيد

او ممتاز !!

لكن للأسف الي يقدم عندهم ويقابلهم مايعملون له حساب بس في حالات استثنائيه وبواسطه

وكأن الي يقدم عندهم طالب منهم شي لايردون على اتصالاته ولا يقابلونه من يوصلهم

ويخلونه يتضايق وحتى مايراجعهم أبدااااا!!


* كان أحد الأصدقاء نفس موضوع إختج بالضبط لكن بعدها تضايق وتهاوش وياهم ووصلت

حتى مراكز الشرطه !! والسبب انهم مطنشين ويفكرن الشخص يشتغل على حسابهم0


الله يوفقكم ويسترعليكم وإن شاء الله تحصل الوظيفه السنعه والمميزه

[ثرية]

ماتم مكان ماقدمنااا فيه حتى السنه الماضيه في معرض التوظيف الي اعتبره من افشل المعارض للتوظيف على كثر ماحطينا سيفيات مافي الووووووو واحد ياخذ بالخاطر

بسس






الله يوفقكم ويسترعليكم وإن شاء الله تحصل الوظيفه السنعه والمميزه



يااااااااااااااااااااااارب

[hamoor4ever]

اعتقد موقفين التوظيف مع الميزانيه

[ثرية]

اعتقد موقفين التوظيف مع الميزانيه

اذا موقفين ليش يتصلون تعالوا واحنا محتاجين ونبي ويسسون مقابله ويتعبونااااااااا ويلقلقونا من الصبح

[قطرية فذة]

ناس وايد بمثل موضوعك

شبيصير يعني

كلا ان الانسان ليطغى ان رآه استغنى

[يحفظك ربي]

ليش ماتراجع الموظف اللي سوالها المقابلة ؟؟

الاخت شقاعده تقول فوق من مساعه ؟؟؟؟؟؟؟؟؟؟:secret:


المهم اختي الله يوفقج وان شاء الله اختج تلاقي المكان الممتاز وبالراتب الممتاز اللي يعوضها عن الوقت اللي قعدت تنطر فيه


اكثري من الاستغفار و الله كرييييييييييم

[قطر501]

والله اختي مانصحج تشغليين اختج في هيئة الأشغال كلها خرب ودمار

[ثرية]

والله اختي مانصحج تشغليين اختج في هيئة الأشغال كلها خرب ودمار

لا خلااااااااااااااااااااااااااص النفسس عافتهممممممم واكيد خيرررررره لهااااااا وباشوف لها الحي الثقاااااااااااافي ايقولون زين

[خوخه وحلو]

الله يعوضها بالوظيفه الي احسن منها يمكن خير لها

[الموضوعي]

عندك واسطة راح يقبلونك لاتعبين نفسك ، الوزارة الوحيدة اللي محترمة نفسها ومحترمة اللي يقدمون للوظايف وزارة الداخلية

[مرتبش]

الله كريم
ويكرمكم بالوظيفة المناسبة

[قطرية فذة]

عندك واسطة راح يقبلونك لاتعبين نفسك ، الوزارة الوحيدة اللي محترمة نفسها ومحترمة اللي يقدمون للوظايف وزارة الداخلية

الزم ماعلى الانسان تفقه واقعه

شكراً اخي الموضوعي

جزاك الله خيراً

[دلوليانوز]

وقلت...ملياااااااااااااااااااااااااااااااااااااااا اااااااااااااااااااااااااااااااااااااااااااار مره...كلام ودي اكون صح 100%

وقلت مليااااااااااااااااااااااااااااااااااااااااااااااا ااااااااااااااااااااااااااااااااااار مره...للي يشتغل بالموارد..واي مكان ثاني...كلهم سواء...وفوقهم مدير...يأمر وينهي..متسلط...ولا اناني..ولا مزاجي..يكره المحجبات..يكره الجادات...يكره..ما ادري شنو...افهموا يا عالم...

عالم الشغل..قذر...ومذل...اتشوف الغلط وتسكت...والا..اخرجناك من جنة النعيم..

شعور اختك..يا اخت ثريه..صارلي عامين..وغيرنا الكثير...وانا جامعي...وطبعا هي ثانويه...يعني العدد كبير جدااااااااا...والانتقاء بيكون صعب..

واقولها للكل...
مثلك..الف...ليش اختاروا هال 10 من بينكم...مش مؤهلات...انما واسطات ومعارف

ولين تقوم الساعه...راح اتم هالمحسوبيات..في العالم الخليجي والعربي..والعالمي حتى..لان الكل ما يشتغل بشفافيه..
كله بمحاباه..وتفضيل فلان على فلان..وحزب على حزب..ودين على دين

صدقي...اذا تيسرت معاي..لإي يوم من الايام...كتب الله اني اشتغل..لو مره في حياتي بشهادتي الجامعيه..خلافاً لمرات الشغل..الطيااااري..والتنقل من مكان لين مكان..علشان نعجب..هالعالم..وبالنهايه بدون مقابل" مادي" لن انسى اللي ما حصلوا..

والكل..شاطر..ايدش الموضوع..ويقول..حاس فيك..وهالخرابيط..دامك في مكان تشتغل..شوف..ااذا محتاجين.. سكرتيره..اداريه...ساعد خلق الله..الله بيساعدك..مب شوف..اركض..
وكلمي الاداريات بالمدراس المستقله..ياخذون اداريات..والمعرض المهني..دشي ع كل استاند..بقوه..واسألي كاش..عندكم وظايف.؟ ولا اخذ كيس وامشي..

[ماريسا]

حسبي الله و نعم الوكيل
الله يرزق كل عاطل بوظيفة تناسبه
عليكم بالصبر و الصدقات أختي
و توكلي على ربك
حاسة فيكم و الله

مش لأني عاطلة
الحمدلله عندي وظيفة بس ماعمري حسيت بالاحترام و التقدير و مو مرتاحة و ربي اعلم بحالي و لا في زيادة ولا شي و انا على هالحالة 3 سنين و علي ديون كاسرة ظهري!! و مثلكم قاعدة ادور و كله يمنّوون

we are all in the same boat :(

[قطرية فذة]

أزمة

والاجنبي يحصل بسهوله

[وردة]

هيئة الاشغال بالذات فاشلة بمعنى الكلمة انا قدمت عندهم وطبعا مقابلة واتصلوا فيني موافقين وانتظري العقد طبعا قدمت استقالتي في الجهة اللي اشتغل فيها بعدها اتصلوا فيني واعتذر لي عن الوظيفة قلت مالي نصيب فيها قدمت اوراقي في هيئة الاشغال لكن في ادارة ثانية والحمدلله توظفت. تدرون رفضني ليش لانة قدمت وحدة من جماعتة للوظيفة وظفها طبعا هالكلام من البنت نفسها لانة اصبحت صديقتي !

[ماريسا]

هيئة الاشغال بالذات فاشلة بمعنى الكلمة انا قدمت عندهم وطبعا مقابلة واتصلوا فيني موافقين وانتظري العقد طبعا قدمت استقالتي في الجهة اللي اشتغل فيها بعدها اتصلوا فيني واعتذر لي عن الوظيفة قلت مالي نصيب فيها قدمت اوراقي في هيئة الاشغال لكن في ادارة ثانية والحمدلله توظفت. تدرون رفضني ليش لانة قدمت وحدة من جماعتة للوظيفة وظفها طبعا هالكلام من البنت نفسها لانة اصبحت صديقتي !
:omg: