من المسؤول عن تأخر معاملات الناس بغياب الموظف ؟؟؟؟ [الأرشيف]

مشاهدة النسخة كاملة : من المسؤول عن تأخر معاملات الناس بغياب الموظف ؟؟؟؟

سوق واقف

04-03-2010, 10:16 AM

السلام عليكم ورحمة الله وبركاته

أخواني أخواتي الأعزاء الكثير منا لديه الكثير من المعاملات في الإدارات الحكومية وغيرها .

ولكن نصادف في بعض الأوقات يقول المسؤول غايب أو الموظف الي عنده معاملتك غايب ..

الزين أنا ايش ذنبي أنتظره لين أهو يداوم ليش ما يكون في بديل مثلا لهذا الشخص أو صلاحيات لشخص آخر بالتوقيع ...

مثلا من فترة أنا كنت أخلص إجراءات خرايط البنيان وغيره يوم وصلت التخطيط بخصوص الخدمات..

أول مرة طبعا تعطيهم الخرايط عقب ما تستلمهم من البلدية تروح التخطيط .. يعطيك وصل بالمراجعه بعد عشرة أيام ..

المهم خلصت العشرة أيام مريت عليهم قالي موظف الكهرباء غايب بكره ان شاء الله ..

المهم خليتهم يومين ومريت عليهم بعد يومين خذ الوصل قالي الكهرباء خلاص بس باقي الماي مهندس الماي غايب ...قلت والله حاله يتناوبون الغياب قلت حق الموظف الزين ومعاملات الناس المساكين الي ينتظرون قالي والله يا خوي شا سوي هذولا مهندسين ...

يعني مافي الا مهندس واحد حق الكهرباء والماي ...

أتمنى نناقش هذا الموضوع بشكل جدي ونريد حلول لهذا الموضوع ..لأنه ايش ذنب الشخص المسكين هاد شغله وكل يوم مراجعات كل يوم شخص غايب ....

ودي أكون

04-03-2010, 10:21 AM

شبح الصمت

04-03-2010, 10:25 AM

الله يعيــنك المفروض يكون في بديل وثنين وثـلاثه في أي قسـم في أي دائرة حكوميـة مب الشغل يوقـف على شخص معيـن .. صدقنــي هالدور يرجـع للمسئول وضمـيره وأخلاصــه للعمــل .. أما أذا المدير مهب مهتـم لا تنـظر من الموظـف الأنضباط ..

بو خليفه 123

04-03-2010, 10:26 AM

اللي يقهر اكثر لما يكون الموظف/الموظفه مداومين و تلقى الموظف زابن بالمطبخ و عنده اجتماع مع فطاير الزعتر واللحم و يخليك تنقع برا اكثر من ساعه لين حضرته/حضرتها يخلصون !!

شبح الصمت

04-03-2010, 10:29 AM

اللي يقهر اكثر لما يكون الموظف/الموظفه مداومين و تلقى الموظف زابن بالمطبخ و عنده اجتماع مع فطاير الزعتر واللحم و يخليك تنقع برا اكثر من ساعه لين حضرته/حضرتها يخلصون !!

انزين أدخــل له المطبـخ وسلم عليه وكل معاه .. وإذا قالك من قوله مراجــع يوعان ومتمـلل معاملته ما خلصــت ويبيها تخلص ..
عالاقــل يأكـل أحسن من الي ماسك البلاك كيري ويالس يغــرد فيـه :anger1:

بويوسف

04-03-2010, 10:29 AM

مفترض ان المراجع العادي مايناقش المهندس على امور فنية .. يعني غلطتك لانه استشاري الكهرباء هو المفروض يراجع وليس صاحب العقار ولكن ربعنا من زود الاحترام مايبون يقولون لك هالشي ويقولون لك انه غياب ..

على فكرة عدد مهندسين الكهرباء الخاصين بدراسة المعاملات الخاصة بالرخص لايقلون عن ثمان مهندسين مش مثل ماذكرت :)

لاجئ عاطفي

04-03-2010, 10:30 AM

هذا يدل على فساد اداري لان هالكلام في الشركات الخاصه مهب موجود ولكن في المؤسسات الحكومية حدث ولا حرج والمشكله ان الموظف يطلع اجازه او المسؤول بدون بديل مع العلم ان هذا يخالف القانون القانون ينص على ان الموظف مايطلع اجازه الا بوجود بديل يقوم بشغله

سوق واقف

04-03-2010, 10:31 AM

مفترض ان المراجع العادي مايناقش المهندس على امور فنية .. يعني غلطتك لانه استشاري الكهرباء هو المفروض يراجع وليس صاحب العقار ولكن ربعنا من زود الاحترام مايبون يقولون لك هالشي ويقولون لك انه غياب ..

لا يالغالي أنا ماخذ التصميم رقم 2 الخاص بالدولة يعني أنا الي لازم أراجع

إعلامي قطر

04-03-2010, 10:36 AM

اللوم على مسؤول الادارة .. وكلمته !!

يعني اذا هو مو منضبط من الاصل .. وين بيضبط او يفكر يضبط موظفينه .. !!

يعني انا اللحين لا مدير ادارة ولا الرئيس موجودين ..

وحاليا افكر بشرده :tease:

شرايك :con2:

هههه

تخيلي مسؤولج يقرى الموضوع ويعرف إن هذا إنتي !! :omg:

أما بالنسبه للموضوع فأعتقد إن التسيب الواضح بالقطاعات الحكوميه
وشح الكفاءات فيها وعدم وجود ضوابط وتنظيمات تحكم العمل هي السبب..

مثلاً اليوم بقسم الصادر بجهة عمل ما الموظف المسؤول غايب ومعاه إثنين
للأسف زينه وماينتجون وأيضاً غايبين ومافي إلا سوداني قاعد لحاله
ومناحس ومايبي يخلص خلق الله وهل قطر هواش معاه !!!!

شي يرفع الضغط الصراحه !!

..

بويوسف

04-03-2010, 10:37 AM

لا يالغالي أنا ماخذ التصميم رقم 2 الخاص بالدولة يعني أنا الي لازم أراجع

اوكي تراجع ولكن مايحتاج تطلب مهندس كهربا اصلا .. على فكرة المعاملة للكهرباء فقط تمر على 4 اشخاص خاصين بكهرماء .. موظف وثلاثة مهندسين ..

بو خليفه 123

04-03-2010, 10:37 AM

انزين أدخــل له المطبـخ وسلم عليه وكل معاه .. وإذا قالك من قوله مراجــع يوعان ومتمـلل معاملته ما خلصــت ويبيها تخلص ..
عالاقــل يأكـل أحسن من الي ماسك البلاك كيري ويالس يغــرد فيـه :anger1:

كأنك تقرأ افكاري يالغالي ..!

سويتها و دخلت لأني "تنقعت" اكثر من 45 دقيقه والفراش يقولي الموظفه قاعده تاكل !!

المهم جزاهم الله خير "العين الحمرا" حركت موضوعي .

ودي أكون

04-03-2010, 10:45 AM

هههه

تخيلي مسؤولج يقرى الموضوع ويعرف إن هذا إنتي !! :omg:

أما بالنسبه للموضوع فأعتقد إن التسيب الواضح بالقطاعات الحكوميه
وشح الكفاءات فيها وعدم وجود ضوابط وتنظيمات تحكم العمل هي السبب..

مثلاً اليوم بقسم الصادر بجهة عمل ما الموظف المسؤول غايب ومعاه إثنين
للأسف زينه وماينتجون وأيضاً غايبين ومافي إلا سوداني قاعد لحاله
ومناحس ومايبي يخلص خلق الله وهل قطر هواش معاه !!!!
شي يرفع الضغط الصراحه !!
..

ان قرا ردي وجاني وقالي هااا .. :waiting:

تبين نقطع النت عندج ..

:nop:

بقول هااا تبي اطلع فضايحكم بعد :waiting:

صدقني ياخوي هاذول ناس ماتخاف من ربها .. بتخاف منا احنا ومن كلامنا عليهم !!

عااادي عندهم .. يطلع لك اجازة .. ويبقض راتب 30 يوم عمل :eek5:

عادي اتراجعهم .. يجيك يدافع عن موظفينه .. لا هم مضغوطين .. وهم يا التسيب ذابحهم .. والا ارقود فمكاتبهم والا زط فالاكل !!

عادي اتراجعهم .. يقولك تعال بعد كم يوم .. ليش لان اليوم موده مو مود شغل !!

عادي وعادي ترا .. عندهم :(

مسكين المراجع والله .. ومسكين طالب الوظيفه والله ..

حقهم مأكول

بويوسف

04-03-2010, 10:49 AM

ان قرا ردي وجاني وقالي هااا .. :waiting:

تبين نقطع النت عندج ..

:nop:

بقول هااا تبي اطلع فضايحكم بعد :waiting:

صدقني ياخوي هاذول ناس ماتخاف من ربها .. بتخاف منا احنا ومن كلامنا عليهم !!

عااادي عندهم .. يطلع لك اجازة .. ويبقض راتب 30 يوم عمل :eek5:

عادي اتراجعهم .. يجيك يدافع عن موظفينه .. لا هم مضغوطين .. وهم يا التسيب ذابحهم .. والا ارقود فمكاتبهم والا زط فالاكل !!

عادي اتراجعهم .. يقولك تعال بعد كم يوم .. ليش لان اليوم موده مو مود شغل !!

عادي وعادي ترا .. عندهم :(

مسكين المراجع والله .. ومسكين طالب الوظيفه والله ..

حقهم مأكول

وعادي الموظفين يشردون (مب توج تبين تشردين)

وانه اشوف كما تكونون يولى عليكم .. يعني المدير او المسئول مش من كوكب ثاني .. التسيب موجود من اقل موظف لين اكبر موظف .. ثقافة في الشعب والله المستعان ..

موظفين قاعدين اربع وعشرين ساعة مجابلين الانترنت وين يشتغلون ؟ يا اما مهملين يا اما بطالة .

ودي أكون

04-03-2010, 10:58 AM

وعادي الموظفين يشردون (مب توج تبين تشردين)

وانه اشوف كما تكونون يولى عليكم .. يعني المدير او المسئول مش من كوكب ثاني .. التسيب موجود من اقل موظف لين اكبر موظف .. ثقافة في الشعب والله المستعان ..

موظفين قاعدين اربع وعشرين ساعة مجابلين الانترنت وين يشتغلون ؟ يا اما مهملين يا اما بطالة .

قلت افكر اشرد .. ماقلت بشرد !!:waiting:

وللعلم في حالة غياب المدير ورئيس القسم .. أنا أغطي مكانهم :)

يعني الشرده حريمة بوزي :(

وبالنسبه للشغل .. اتعرف من اللي مايقدر يهد مكانه .. مثلا اللي يخلص المعملات .. اللي فالبداله .. اللي فالسكرتاريه .. اللي فالبنوك .. اللي فالجوازات .. اللي فالرسبشن ..

لكن أحنا كإداريات بغض النظر عن اي قسم ..
شغلنا يكون حلو .. انخلص الشغل وطول اليوم فاضيين .. شنسوي !!

مانسوق والا جان شردنا :tease: << خاطرها بشرده مسكينه :shy:

فأنت ماتحكم على كل اللي فالنت ان عندهم تسيب في عملهم .. بسبب وجودهم عالنت !!

للعلم :)

واسمحلي عالاسلوب :shy:

سوق واقف

17-03-2010, 11:10 AM

يا أخوان ألا يوجد حل اليوم ذهبنا الى أحد الجهات يقولك المدير برع قلت له بكره قالي بكره إجازة سنوية

وسكرتير المدير مسافر الزين والحل يعني معاملاتنا توقف لين يرجع ما يصير ..

طلعة الروح

17-03-2010, 07:22 PM

نفس الشي حاصل في العيادات الحكومية تلقى الواحد صاك له باليالله موعد عقب شهرين ثلاثة واخرتها يجي الموعد يحصل الدكتور في اجازة وبكل بساطه يقولونها لك وبدون انذار مسبق وحلوة الحياة..

ANONYMOUS

17-03-2010, 11:29 PM

ياخي اطلع لمدير هالشخص اللي مش موجود.. واطلب منه حل..

المدير مش موجود روح للي فوقه... واللي فوقه واللي فوق فوقه

...

بس طالما انت تسكت وفلان يسكت

مابيكون في اي تقدم يذكر