كلاكيت ثاني مره .. هل تستوعب قطر هذه الاستثمارات

[الوجبه]

السلام عليكم

http://www.visit-the-world.com/images/qatar_map_1.gif

في البدايه اخي القارئ ركز على الخارطه بشكل جيد قبل لا ترد على الموضوع ..

شوف قطر .. وشوف المناطق بقطر .. واسال نفسك (هل تسوعب قطر هذي

الاستثمارات الضخمه ) ..

والمقصود بالاستثمارات الضخمه هي من :

1. استثمارات بروه (العقار)

2. استثمارات الديار (العقار)

3. استثمارات ازدان (العقار)

4. استثمارات شخصيه (خاصه) ولكن ضخمه (العقار)

5. القابضه (العقار)

بالله عليكم العقار يستحمل بقطر كل هذي الاستثمارات وفي مجال واحد ؟؟؟!!!

ومن بيسكنها ؟؟؟؟؟!!!!!

يعني حد قال لكم ان (الاهرامات) موجوده في الشحانيه او (برج ايفل) في الكورنيش

او (شلالات نياجرا) في الوسيل ..

وبعد تمنعون اي شخص راتبه فوق ال 8000 يجيب زوجته وعياله الا بواسطه ..

يعني تبغون الشقق يسكنونها عزابيه ..

وتقولون ليه البلد مافيها حركه .. وسعو على الناس الله يوسع عليكم ..

مركزين على الاجنبي اللي عنده استثمارات ضخمه .. هذا جالس ياخذ في البلد

اكثر من انه يعطي ..

نرجع حق الشركات الضخمه المذكوره .. انا اقترح يكونون يد وحده كلهم واتكون

استثماراتهم في الخارج افضل .. ويتركون قطر حق الشعب يستفيد

تستفيد (العجوز) بدكانها

ويستفيد الرجل بكم بيت عنده ياجره ..

والقطري اللي بادي حياته ممكن يساعده البنك لوجود فرص كثيره ..

اصحااااااااااب رؤؤس الاموال الضخمه .. اقولها بصوت عال ..

باموالكم تشترون دول في الخارج واتكونون اداه ضغط .. لا تضغطون على القطري

اجعلو سياستكم (خارجيه) مش داخليه ..
نشوف كيف قطر اصبحت (مستعمره) عقاريه زاحمت بيوت اهل قطر وضيغت

عليهم .. والمجمعات في كل مكان في البلد وين ما اتروح .. من يسكنها ؟؟!!

هنا السوال ؟؟؟!!!

تكاتف بروه والديار وازدان وغيرها من الشركات الضخمه (للخارج) وشراء الاراضي

في الخارج والمستشفيات المعروفه والاراضي السياحيه وغيرها سيكون لها مردود

جيد على الاقتصاد القطري وايضا سيتم الحفاظ على البنيه التحتيه بقطر وثروتها

الطبيعيه وتقلل من الزحام فيها وخلق مناخ بيئي نظيف ..

وايضا الاهم :

ستكون قطر لصغار المستثمرين فقط ..

انا والله مستغرب كيف مستثمرين (قطريين) ارصده بالمليارات تفكيرهم في العقار

فقط ..

ما عندهم افكار باسثمارات (تشجع) السياحه ويقللون العبئ على الدوله ..

ما سمعت مستثمر عمل تصميم لمدينه ملاهي ضخمه في البلد ..

او استثمر امواله في عمل قاعه جليد .. او غيرها من المشاريع .. فقط عماره

او برج ..

يفكرون في اقصر الطرق واسهلها واسرعها لهم ..

الخلاصه : المطلوب من الدوله

1. اي شي فيه (قابضه) التوجه يكون (خارجي )

2. بروه والديار وازدان وغيرها توجه (خارجي )

3. تحديد اصحاب الدخل المتوسط للسوق العقاري

4. ابتعاد المليارديريه عن سوق العقار بقطر وجعله للطبقه المتوسطه

5. فتح المجال للاجانب لجلب عوائلهم وعدم التضييق عليهم او جعلها بالواسطه

..

في الختام

1.ليه ما نسمع من بروه او الديار او غيرها شراء مستشفى في الخارج حق اهل قطر

2.ليه ما نسمع من بروه او الديار او غيرها شراء فنادق باسعار معقوله للقطريين في

الخارج سواء الدارسيين او غيرهم ..

نرجو من المسئولين النظر في هذا حتى ترجع لنا الطبقه الوسطى في البلد

ويكون هناك توازن .

..

لو تكاتف المذكورين في الاعلى واصبحو يد وحده ممكن (يشترون) اليونان

بكبرها او يشترون حوار .

وسلامتكم

[هدهد سليمان]

بيض الله وجهك يوم تسود وجوه وبارك الله فيك للكلام الطيب .. لكن السؤال اخوي الوجبه وين هالمشاريع موجوده؟ ما اشوف اي شي ؟؟ اروح خط الشمال اشوف تصحر فقط اروح صوب دخان لا يوجد اي مشروع مجرد ارض صحراء .. اروح صوب ام سعيد نفس الشي .. زين هالمشاريع ليش ما تكون خارجيه قبل كل شي؟ ويا كثر الاراضي الفاضيه عندنا ! ولي عوده بإذن الله

[بوحارب]

الله يسلمك:nice:

[الموضوعي]

ارجع لحلقة برنامج في العمق عن تجربة دبي وما قاله العبقري الاقتصادي جاسم السعدون عن دبي ينطبق على قطر لكن ربعنا اذكى ناس في مجرة درب التبانة راح يستوردون سكان من خارج قطر ويسكنونهم على حساب الدولة في تلك المشاريع يعني نهبه بطريقة غير مباشرة

[الفريق أول ركن]

أظن انك نسيت تذكر شركة مزايا العقاريه وايضا احدى الشركات اللي لاتسعفني الذاكره بذكرها

ولكن اخي الوجبه انا أؤيدك بفكرة لماذا لا تقوم بروه او الديار بتملك فنادق وشقق وتؤجرها على القطريين بالخارج بأسعار رخيصه

ع الاقل " دهنا بمكبتنا "

بخصوص الخريطه

*** اظن هالخريطه قديمه لان المملكة العربية السعوديه هي الدولة الوحيده اللي ترتبط معنا بحدود بريه وليست الامارات

[مساهم عادي]

ارجع لحلقة برنامج في العمق عن تجربة دبي وما قاله العبقري الاقتصادي جاسم السعدون عن دبي ينطبق على قطر لكن ربعنا اذكى ناس في مجرة درب التبانة راح يستوردون سكان من خارج قطر ويسكنونهم على حساب الدولة في تلك المشاريع يعني نهبه بطريقة غير مباشرة

صحيح كلامك ... اغلب الساكنين الحاليين في المشاريع العقارية التي يشير لها كاتب الموضوع ... موظفين اجانب يعملون لدى الدولة وبرواتب وعلاوات خيالية...... يعني هم عبء اضافي على مال الدولة...ومامنهم اي فائدة...

[شاهيناز]

شركات هدفها مشاركه المواطن في رزقه من الاجارات
لكن الحمدلله شركات فاشله وخسرانه والقادم اسود لهذي الشركات لان الله مايحب الظلم
احدى شركات الديار في بريطانيا تعاني من مشاكل وديون مشابهه لمشكله ديون شركه نخيل الاماراتيه ....

[مرتبش]

مزيد من الاحتكار
المشكلة ان القطريين ما يشتكون ولا يحاولون يغيرون الا لما يطبون في مصيبة...

تشوفون اشياء غلط تصير بس مادام انها تصير للغير فمافي مشكلة ابدا.... لكن من تصيدكم تنقلب الدنيا

الله كريم

[قناص الخليج]

ليش ماتستوعب

خط الشمال كله صحراء

خط ابو سمره

خط دخان

الوكره

من الدوحه الى الخور

وعدد السكان بزدياد فجاءة وصلنا 2 مليون

يعطيك الف عافيه

[المها قطر]

موضوع مهم وناس غافلة عن هالاشياء الله يرحمنا برحمتة من توافد الاجانب وضيق البلاد علينا كلة من مصلحة اصحاب العقارات الكبار اللي ذكرهم الكاتب ..لان الدولة تستنفعهم بجلب الاجانب وتشغيلهم
برواتب عمرهم مايحلمون بها ...وتسكنهم بفلل الهوامير بايجارات ضخمة والدولة اللي تدفعها !

الله اعلم ان فية سنوات عجاف جاية لهم وبيخسرون مهما يرقعون لان الله مايحب الظلم وهم اظلموا اهل قطر وايد بتضيق عليهم بكثرة الاجانب وبلاويهم من زحمة وحشرة في كل مكان ...
يعني احيانا عندنا شغل وما نقدر نخلصة من الزحمة ويضيع الوقت اللي هو عمرنا كلة في الزحمة
الله يرحمنا برحمتة ...الاجانب صاروا نقمة علينا ونعمة حق الهوامير الكبار المرتاحين اللي مايطلعون الا في الجرايد وكأنهم من كوكب اخر ولا حاسيين بمعاناة الانسان القطري ولا بالمصايب والجرائم اللي كل مالها تزيد
وكلة من تحت راس الاجانب لان مايجي البلاد الا المجرمين والناس السوية مستحيل دولهم تسترخص بهم وتطلعهم لان يعتبر هذا خسارة لهم وهذا يفسر سبب البوقات الكبيرة والضخمة اللي استولوا عليها الاجانب من مشاريع عقارات وشوارع وغيرها
والبلد صايرة مع القوي ضد الضعيف والمحتاج ومافية عدل
مادري شصاير ومادري ليش انقلب حال الدنيا
ياالله ورحمتك وسعت كل شي ترحمنا برحمة من عندك وتبدل الحال بحال احسن انك على كل شي قدير

[عاشق الشهادة]

هل اعداد الوحدات السكنية و عدد المقيمين له دخل بزيادة حصه دوله قطر في منظمه اوبك ؟

مجرد سؤال :telephone:

[Darco]

بالعكس الشركات المساهمة, واللي هي فعلاً مساهمة ويملك الأفراد الحصة العظمى, هو وسيلة إشراك أصحاب الدخول المتوسطة والمحدودة في هذا المجال. أقدر أملك 100 سهم في بروة وأكون مالك جزئياً لعماراتها, وأقدر أملك 100000 سهم وبعد أكون مالك جزئي للشركة.

لكن المشكلة أن بروة مثال وحيد -ومنقوص بعد من ناحية أن نصف بروة مملوك للحكومة ممثلة في شركة الديار- .. الديار وأذرعها ومؤخراً قطر فاونديشن وأذرعها (دوحة لاند وطقتها) قاعدين يزاحمون الناس, الدولة تزاحم الناس في هذه الحالة مهب الناس يزاحمون الناس لو فرضنا أن شركة يملكها أفراد زاحمت مؤسسة يملكها فرد. هذه مشكلة وما لها مبرر في هذا الزمن أبداً .. في السابق الحكومة دخلها من البترول بس -على بساطته حينها- ومخليه الناس تسترزق في العقار وفي بعض المجالات .. الحين الدولة طافحة بترول وغاز وشرت أراضي الناس بالقوة وشرت تكاسيهم بالقوة وسكرت محطاتهم ومحلاتهم علشان تحصل فلوس أكثر :secret:.

[كازانوفا]

انا مش شايفه ان ممكن حد من الهوامير يرد على هذه الاسئله لان كلهم مشغولين بحلالهم واحنا شاغلين انفسنا بشئ ما يخصنا

[مضاد]

,

المستقبل مظلم .

والقطري عزتي له :(

[ســـهم]

هناك مشكله عقاريه كبيره واقعه ولكن تعودنا بعدم الشفافيه فهناك من المجمعات الكبيره

والتي يملكها ناس لهم ثقلهم في البلد ومازالت خاويه لايسكنها سوى الرياح .

ولكن ما ارآه حاليا هو استعمار بروه لجميع المشاريع العقاريه السكنيه والتجاريه

هل تعلم ان اكبر خط تجاري في العالم ستملكه بروه وسيجبر بعض اصحاب المحلات للأستئجار لديهم

بعد منع تجدد التصاريح لهم لاجبارهم على الخروج ..ّ!

الق نظره على قسم السوق وسترى انه توجد محلات تجاريه تعرض للبيع بدون خلو !!

لماذا الله أعلم .

[بو الطيب]

اي والله انا اشهد ضايغو علينا البراان والبحر

حتى البحر ياخوان ضايغونا فيه كل واحد اللي يسوى واللي مايسوى

كلن خذ شاليه كيلو في كيلو واختفت مالمح البحر وقسم بالله انا حزين جد حزين

على ذي الامر ضايغونا في البران شوف خط الشمال كل خمس دقائر قريه او مدينة او مبانيه

وحضرت اللي بانيها ماخذ الارض والبنيان على الديوان وشوف في ازغوى والخريطيات وانا من اهلها

اقسم بالله اغلب سكانها من اهل قطر الاصليين من : البوكواره والنعيم ولكبسه والمهانده وغيرهم
كل ماتمشي مكان مجمع سكني وحضرته حق من ؟! حق واحد عند اكثر من 20 مجمع سكني
وكله على الديوان عنده واسطه ومضايغ العالم بالمجمعات السكنيه ولابهامه
وقسم بالله راعي المجمع ذي يمكن عنده حلال اكثر من حلال اهل الخريطيات كلهم

ماقول الا حسبي الله ونعم الوكيل وين اول كنت تبي تروح بر قريب 30 كيلو توصل ام عبيريه ام اصلال

الحين مافي بر كلن حاوط البران تبي تروح البر روح الشمال اكثر من 100 كيلو على شان توصل

ولا ياريت مثل قبل حتى في الشمال زحمه من شاف الغاريه وفويرط والمرونه اعوذ بالله خيمه ورى خيمه

ماخبرنا ديرتنا توصل ذي المواصيل الشينه وكل هذي حق من حق مواطن بطران مليارديري جعله يتحاسب في جهنم على من وين ياب الفلوس ولا عشان حمر ولا عشان بوهندو ولا عشان لبنه

واهل قطر كل واحد ورااه ديووون وقسم بالله شي محزن قطر توصل ذي المواصيل وحنا اكبر دوله مصدره للغاز

[هدهد سليمان]

اي والله انا اشهد ضايغو علينا البراان والبحر

حتى البحر ياخوان ضايغونا فيه كل واحد اللي يسوى واللي مايسوى

كلن خذ شاليه كيلو في كيلو واختفت مالمح البحر وقسم بالله انا حزين جد حزين

على ذي الامر ضايغونا في البران شوف خط الشمال كل خمس دقائر قريه او مدينة او مبانيه

وحضرت اللي بانيها ماخذ الارض والبنيان على الديوان وشوف في ازغوى والخريطيات وانا من اهلها

اقسم بالله اغلب سكانها من اهل قطر الاصليين من : البوكواره والنعيم ولكبسه والمهانده وغيرهم
كل ماتمشي مكان مجمع سكني وحضرته حق من ؟! حق واحد عند اكثر من 20 مجمع سكني
وكله على الديوان عنده واسطه ومضايغ العالم بالمجمعات السكنيه ولابهامه
وقسم بالله راعي المجمع ذي يمكن عنده حلال اكثر من حلال اهل الخريطيات كلهم

ماقول الا حسبي الله ونعم الوكيل وين اول كنت تبي تروح بر قريب 30 كيلو توصل ام عبيريه ام اصلال

الحين مافي بر كلن حاوط البران تبي تروح البر روح الشمال اكثر من 100 كيلو على شان توصل

ولا ياريت مثل قبل حتى في الشمال زحمه من شاف الغاريه وفويرط والمرونه اعوذ بالله خيمه ورى خيمه

ماخبرنا ديرتنا توصل ذي المواصيل الشينه وكل هذي حق من حق مواطن بطران مليارديري جعله يتحاسب في جهنم على من وين ياب الفلوس ولا عشان حمر ولا عشان بوهندو ولا عشان لبنه

واهل قطر كل واحد ورااه ديووون وقسم بالله شي محزن قطر توصل ذي المواصيل وحنا اكبر دوله مصدره للغاز

ضايغونا تقصد ضايقونا صح؟!

واللي ذكرتهم من شوي اهل قطر الاصليين هم بس بروحهم صح ! الباقي تايوان !

[الخير كله]

ما شفتو شي ...
مصصصصصصصصصصصصص الدماء

[الخير كله]

الحمد لله والشكر هم خلو شي ما خذوه...
الجو والبر والبحر ......
انفوس جشعه عساها اتزول

[مضاد]

كلاكيت ثالث مرة .!!