للبيع كلية وعبن

[حرقطر]

بسم الله الرحمن الرحيم


اي نعم شخص يريد بيع عينه وكليته بسعر مليون و300 الف

والشخص مايحب يطلب فلوس من حد هو مديون وتقدم له شخص

بيدفع له نص الغرض بس رفض وقال مقابل عيني وكليتي راح اقبل منك هذا المبلغ .

قصه من الواقع

نترك التعليق لكم

[مشتاقة لقطر]

لا حول ولا قوة الا بالله

بس يعني هو شاللي خلاه يجمع على روحه ديون ؟؟ هالكثر وعقب يبيع عينه وكليته ؟؟

[alfahad1]

ممكن الكليه لكن العين

الله يهديه

[بو حسن]

ان لله وان اليه راجعون

لا تعليق :(



بوحسن

[الـقـاسـي]

لاحول ولاقوه الابالله

[وافق شنن طبقة]

انا يقهرني الرد الي مثلااا يكون

ليش ربق نفسه بديون ...او ليش هو من اولها تسلف ..او ..الخ

الناس الي ماعندها ديون ..تعرف ان الدين شي مهب زين ..وممكن يدمر ..

بس الناس الي ماعندها شي تعتاش ولا تقدر تعيش في هالزمن..
يوفرلها البنك وغير البنك كل شي ف ما يسوي الا الي موجود ..انه يلجأ للبنك..ولصار الدين مثلاا 200 الف وعقب جدوله وزاد وزاد ..
ماعاد قدر يعيش ..اهنا المفروظ مايقولون عنه ليش سويت وش الي حادك ..هذا شي يصير يا اخوان حنا في نعمه وغيرنا ما يعرف هالنعمه..حنا عندنا دخل ..غيرنا ماعنده دخل ..حنا عندنا دبرة ..غيرنا مايعرف شيسوي ..

ف انا اقول ل راعي هالموضوع الي هو بيبيع عينه وكليته ..

عسى الله يهديك بس ..يمكن انت في حاجه نعم ..بس ما توصل انك تبيع كليتك ..حاول قدر المستطاع تدخل على ناس تقدر ..
ولا تشكي همك للي ماراح يينفعك ابد ..
لانه بيجيك انتقاد وكلام يقهر وانا عارف انه نصكم بيقول ..

شدعوة في قطر احد ماعنده دين او في قطر واحد يبيع كليته عشان فلوس ..

نعم فيه ناس مهب عايشه وفيه ناس ماعندها الي عندنا ..

عسى الله يهديك ويسهل امورك


فلوسنا للاجانب ..وخيرنا للاجنبي ..وكل شي للاجنبي ..
والقطري لا .

[foooxy]

فلوسنا للاجانب ..وخيرنا للاجنبي ..وكل شي للاجنبي ..
والقطري لا .

وانت الصادق كل شي للاجانب والقطري لا

الملايين اي ملايين
مليارات المليارات تندفع برى واهل قطر هم اللي بعازتها
نص اهل قطر عندهم قروض توصل المليون وزياده والقسط الشهري يوصل لثلاث ترباع الراتب

الله يعين بس لو نتكلم لبكره ما راح يتغير شي

[~ نســـايم ~]

اللي عنده ديون عشان بيت او فقط سيارة عاديه مب كشخه اخر موديل هذول فقط اللي نعذرهم او يمكن ديون على شخص يعالج امه او ابوه او احد من اهله لتعذر العلاج داخل الدوحه هذي مجموعة الاسباب اللي نعذر فيها صاحب الدين غير هالسباب الانسان مسرف والمسرفين والمبذرين كانوا اخوان الشياطين ياليت كل انسان ياخذ عبرة وعظه من الناس اللي نشوفهم طايحين بالمشاكل والديون و داخلين السجون بدال ما نظل قاعدين فقط نتبع هالمبدأ الخاطيء الا وهو الدين بسبب وبدون سبب


بيع الاعضاء يا ليت الشخص هذا الي قاعد يبي يبيع كليته وعينه يشوف رأي الدين وهل هذا حلال ام حرام اول شي عقب يصير خير؟؟؟؟؟؟ لان اللي اعرفه انه يجوز بعد الموت لكن ما سمعت على حياة الشخص انه يبيع اعضائه لسد الديون وخصوصا العين ؟؟ الكليه لانقاذ الحياة والنيه انقاذ لكن ان كانت النيه لسد الديون هذي اللي ما سمعنا لها فتوى تحللها فالاولى له يشوف الحكم الشرعي ليتق غضب الله بكل الاحوال ,,

الله لا يوصلنا لهالحاله بيوم و الله يكفي جميع المسلمين بحلاله عن حرامه ويهديهم جميع الى درب الصواب ويبعدهم ان دروب الحرام اللهم امين ,,

[ريماس الغلا]

لا حول ولا قوة الا بالله

[basma222]

دعاء فك الكرب وجلب الرزق




لا إله إلا الله الحليم الكريم، لا إله إلا الله العلي العطيم، لا إله إلا الله رب السموات السبع رب العرش العطيم

دعاء: اللهم يا مؤنس كلّ غريب ويا صاحب كلّ وحيد ويا ملجأ كل خائف ويا كاشف كلّ كربة أسألك لأن تقذف رجاءك في قلبي حتى لا يكون لي همُ ولا شغلُ غيرك وأسألك أن تجعل لي من أمري فرجاً ومخرجاً إنك على كل شيء قدير.

دعاء: هبني اللّهم الصبر والقدرة لأرضى بما ليس منه بد، وهبني اللّهم الشجاعة والقوة لأغير ما تقوى على تغييره يد، وهبني اللهم السداد والحكمة لأميز بين هذا وذاك.

دعاء: اللهم آت نفسي تقواها , وزكّها, أنت خير من زكّاها , أنت وليّهاومولاها ،اللهم إني أعوذ بك من علم لا ينفع, وقلب لا يخشع , ونفس لا تشبع , ودعوة لا يستجاب لها ،اللهم إني أعوذ بك من شر ما عملت , ومن شر ما لم أعمل , وأعوذ بك من شر ما علمت , ومن شر ما لم أعلم اللهم إني أعوذ بك من زوال نعمتك , وتحول عافيتك , وفجاءة نقمتك , وجميع سخطك ".

دعاء: اللهم من اعتزّ بك فلن يُذل، ومن اهتدى بك فلن يضِلّ، ومن استكثر بك فلن يقلّ، ومن استقوى بك فلن يضعف، ومن استغنى بك فلن يفتقر، ومن استنصر بك فلن يُخذل، ومن استعان بك فلن يُغلب، ومن توكل عليك فلن يخيب، ومن جعلك ملاذه فلن يضيع، ومن اعتصم بك فقد هُدي إلى صراط مستقيم، اللهم فكن لنا وليّاً ونصيرا، وكن لنا معيناً ومجيرا، إنك كنت بنا بصيرا.

[الوعد2016]

لاحول ولا قوة الا بالله
نسئل الله ان يفرج كربه ويهون امره ويقضي دينه ويشفي المريض

[بـــــــنت النوخـّــــذه]

عيونه :eek5::eek5::eek5:

الله يفك ضيقته ولا يستعجل ببيع عينه 0000000 يروح للجمعيات الخيريه

صراحه احيانا الانسان تنسد جدامه جميع الابواب ويلجأ لقرارات بدون تفكير 0000مالومه الله يعينه ويفك ضيقته بدون التبرع بالعين 00000000لان شي مؤلم جدا جدا جدا ان الشخص يتبرع باعضائه لجل لقمه العيش :weeping::weeping:

[الجووري]

الله يفك كربته ويرزقه من اوسع ابوااااابه

اميييييييييييين

[STAR]

هل هذه قصة حقيقية حقا؟!‏
اين حصلت؟!!‏
ومتى!!!

[مرتبش]

اخاف

تطلعون لنا فتوى او قانون او شي من هالقبيل للي يقول ليش حطيت على عمرك ديون بهالشكل ..

صار انتقاد هالنوع من العبث حرام في عرف الكثيرين.. والتحجج ان كل القطريين مديونين..
عذر اقبح من ذنب.
عبث اني اتسلف مليون وانا ماعندي شي غير راتبي.. وعبث اني اتسلف وارهن بيتي واشتت اسرتي عشان اشتري اسهم مثل ماسوى فلان وعلان واربحوا.. عبث في عبث اني اشتري سيارة وديونها على 7 سنين

وعبث اني ابدل سيارتي كل سنتين وازيد في هالاقساط..

عبث اتسلف فوق طاقتي عشان ابني بيت العمر واموت فيه مديون..

[امـ حمد]

لا حول ولا قوة الا بالله

[الساهر 17]

والله لابيع ولاشيء يتصل على احد الصحفين في احد الجرايد ويحط اعلان عنه ويشوف اهل الخير بقطر ايشش بيسون صدقني بس يومين ويسددوون ديوينه

[شيزكيك]

بعد الكليه اهون لكن العين صعبه الله يهون عليه ويرزقه ولا يحتد يبيع اجزاء من جسمه

[هبوب الشمال]

الله يفك كربته وكربه كل مسلم يااااااااااااااارب

ولا يشمت فيه عدو ولا صديق

[كازانوفا]

لو لجأ اللى كان احسن له من هالبهدله
ربي يفك كربته يارب

[G0LD]

والله لابيع ولاشيء يتصل على احد الصحفين في احد الجرايد ويحط اعلان عنه ويشوف اهل الخير بقطر ايشش بيسون صدقني بس يومين ويسددوون ديوينه




صدقت والله - - أهل قطر أبشر بهم عند اللزوم

[ممنوع اللمس]

بال وربي قويه مشكور حر عالطرح