مخالفة الشاحنات مع القانون الجديد!!!!!

[بوطويشم]

السلام عليكم

أعلنت إدارة المرور أنه سيتم منع دخول الشاحنات إلى مدينة الدوحة اعتباراً من 1 مارس القادم خلال أوقات الذروة سواء في الفترة الصباحية أو الظهيرة أو المسائية
وتضمن القرار الذي أعلنته إدارة المرور، منع دخول الشاحنات خلال الفترة الصباحية من الساعة السادسة صباحا إلى الثامنة صباحا وفي فترة الظهيرة سوف يكون المنع من الساعة 12 ظهرا الى الساعة الثالثة عصرا وفي الفترة المسائية من الساعة الخامسة الى العاشرة ليلا.

استانسنا يوم سمعنا عن هالخبر

لكن

اليوم الساعة 9 وربع تلقى الشاحنات ووين فدوار المرخية الي يعتبر دوار حساس خاصة في هالوقت عشان اغراض المدارس والأجازة

يعني لي هدرجة الشاحنات مثل مايقولون راضخين القانون عرض الحائط!!!!

ولا فالحين المرور يحجزون مواتر الشباب على مخفي أو فلتر؟؟؟؟؟

احنا بعد نطالب المرور بمخالفة الشاحنات وتكون مخلفاتهم مضاعفة وحجز عشان راعي الشاحنة يحس بالخسارة

أتمنى تحرك المرور وتخف على الشباب كلشي ممنوع حتى الاستكر!!!!

وماتقدرون تخالفون شاحنة عشان راعيها فلان بن فلان؟؟؟؟؟!!!!!!!!!

[الخفي]

ابشرك انهم موجودين على مدار الساعه ولا يلتزمون لا بالوقت

المرور محدد وقت والجماعه مالتزموا ويوميا نشوفهم في كل وقت

المرور مانعهم من استخدام بعض الطرق وتشوفهم يوميا

المرور يقول ممنوع دخول الشاحنات ولا احد التزم

وصدقني لو حصلو اصحاب الشاحنات من يردعهم بمخالفات بشكل يومي

ماشفت يسرحون ويمرحون حتى ان اغلبهم يدخل المناطق السكنيه وكأنه راكب صالون موب شاحنه

من امن العقوبه ساء الادب لا التزام بوقت محدد ولا التزام بالطرق المحدده

وللأسف ان قانون المرور شديد مع مخالفات السيارات الصغيره ولا يشدد على الشاحنات

لذلك في شيئين استحاله ان تعرقل وهي سكن العزاب والشاحنات لانها مرتبطه مع بعض والرابط

( التجار ) والهوامير

[بوطويشم]

ابشرك انهم موجودين على مدار الساعه ولا يلتزمون لا بالوقت

المرور محدد وقت والجماعه مالتزموا ويوميا نشوفهم في كل وقت

المرور مانعهم من استخدام بعض الطرق وتشوفهم يوميا

المرور يقول ممنوع دخول الشاحنات ولا احد التزم

وصدقني لو حصلو اصحاب الشاحنات من يردعهم بمخالفات بشكل يومي

ماشفت يسرحون ويمرحون حتى ان اغلبهم يدخل المناطق السكنيه وكأنه راكب صالون موب شاحنه

من امن العقوبه ساء الادب لا التزام بوقت محدد ولا التزام بالطرق المحدده

وللأسف ان قانون المرور شديد مع مخالفات السيارات الصغيره ولا يشدد على الشاحنات

لذلك في شيئين استحاله ان تعرقل وهي سكن العزاب والشاحنات لانها مرتبطه مع بعض والرابط

( التجار ) والهوامير

صحيح كلامك

وقبل القانون كنت ماشوفهم على هالكثر

لكن يوم حطو القانون بدو يطلعون كأنهم يقولون حق المرور يالله خالفونا

مشكور على ردك

[امل الحب]

المرور والدوريات فالحين ياخذون لهم لفة عالابراج ويخالفون السيارات فالمواقف الي واقفين اشغالهم ومخلين الشاحنات تسرح وتمرح .. هااي شغلتهم بس ..

[هدهد سليمان]

المشكله القانون يصدر .. لكن هناك استثناء بالسماح لهم بالدخول لمتطلبات العمل ! ثاني شي عندك ميناء الدوحه صوب الكرنيش شلون ما تبون شاحنات ؟!

[بوطويشم]

المرور والدوريات فالحين ياخذون لهم لفة عالابراج ويخالفون السيارات فالمواقف الي واقفين اشغالهم ومخلين الشاحنات تسرح وتمرح .. هااي شغلتهم بس ..
لان احنى لو تكلمنا بيسكتونا بيقولون يا تدفع او حزة تجديد الاستمارة تدفع!!!




المشكله القانون يصدر .. لكن هناك استثناء بالسماح لهم بالدخول لمتطلبات العمل ! ثاني شي عندك ميناء الدوحه صوب الكرنيش شلون ما تبون شاحنات ؟!

الي شفتهم شاحنات الاسمنت (الخلاطة) و الي تحمل الرمل

بس فالقانون قالو ماراح يكون في تهاون!!!

مشكورين على ردودكم

[مرتبش]

استثناء

[الوعد2016]

ابشرك القانون على ناس وناس لا يعني فيه استثناء لشاحنات
وللاسف هذا اكبر خطاء لاداره المرور باصدار مثل هذي التصاريح لان الكل مرتبط باعمال مهمه

[ساراام]

هذا قانون بس مع وقف التنفيذ :nice:

[مرتبش]

كم شهر والكل ينسى هالقانون؟

انا اقول على شهر 7.. بيتحججون ان الكل مسافر ومافي زحمة مدارس وخلاص ننسى الموضوع

يعني نسميه قانون العدة الشرعية 4 شهور وعشرا

[استغفرالله]

نفس اللي في بالي

طول الطريق شاحنات ومافي حد يوقفهم او يخالفهم

[هجمة مرتدة]

كلام الليل يمحيه النهار ..

[بوطويشم]

مشكورين على مروركم

[كازانوفا]

بالفعل اشوف بعيني في شاحنات تمشي بالشوارع كانهم داخلين مدينة ملاهي
مش ماشين بشوارع وفيها خطر على الخلق

[وحيدالزمن]

من صج مافي الموقع حد من ضباط ولا افراد المرور ولا الداخليه كل يوم وانا راجع من دوامي اشوف شاحنات تدخل صوب معيذر ولا يهمهم قانون ولا شي وامس شايفهم في الغرافه الساعه 1 وشوي الين متى الاستهرار يامرور وينكم عن الشاحنات المخالفه واذ مافيكم حيل عطوا حق الشباب ضبطيه قضائيه ( مب يتجرجرون الشباب وهم يسون الخير ) والله ماراح انشوف ولا شاحنه واكثر الي يخالفون من الجنسيه العربيه وانتو عارفين اي جنسيه اقصد:anger1:

[لله الحمد]

اخوي يعطيك العافيه موضوع .. مميز ويدل على حرصك الدايم

طيب القانون يقول من الساعه السادسه ليين الساعه الثامنة

صباحاً صحيح ؟

وانت شايف التريلات الساعه 9 وربع .. طيب وين الغلط ؟

[استغفرالله]

شايفين تريلات في الاوقات المحضور تواجدهم فيها

وليس 1 او 2 العدد كبير ومافي حد يخالفهم

[راعي البيرق]

واللي يقول لكم انه هناك سواقين للحين ماعندهم ليسن قطري ثقيل ؟!!! وقاعدين يسوقون بلياسن بلدانهم اللي العالم الله شلون طلعوها (( الاحتمالات واردة )) واللي المفروض انه خلال
6 شهور من اقامتهم بالبلد يبدلونها بليسن قطري (( حسب كلام مدير المرور )) .
وهذولا لهم اكثر من 3 سنين وللحين مابدلوها بل وينقلون بضايع من والى الدوحة فيها ؟!!!
وشكرا