طلب مساعده لو سمحتوا

[khaldoon]

السلام عليكم و رحمة الله و بركاته

عندي مشكله في سياره شفروليت شريتها من وكالة الجيده

السياره للحين ماشيه 29800 كلم و صارت متعطله 3 مرات و ما تشتغل ابدا

انا ملتزم بالتصليح داخل الوكاله وكنت راح ارسلها بمجرد انها تكمل 30000 كلم لاني شيكت معهم ايش يكلف الفحص وكنت راح ارسلها بعد كم يوم ....الخراب مب متوقف على هالشي لانه خرب الزجاج الايسر الخلفي و بدلوا الموتور و الحين ما عاد يشتغل الزجاج الخلفي الايمن وكنت ناوي ابدله مع فحص ال 30000 كلم

للاسف امس في نفس اليوم رخصتها و امنتها شامل

في المره الاولى نقلها البريك داون الخاص بطوارىء الجيده و قالوا بعد الفحص انه المشكله في طرمبة البنزين و بدلوها

بعد كم شهر (يعني تقريبا 3 او 4 شهور) نقلها البريك دوان ايضا وقالوا بعد الفحص انه المشكله في البطاريه و بدلوها وكانت في شهر أغسطس الماضي

امس بالليل الساعه 12:30 ما رضيت السياره تشتغل و ارسلتها للوكاله عن طريق البريك دوان و الظاهر انه المشكله بطرمبة البنزين مره ثانيه مثل ما قالي مندوب الوكاله اللي فحصها

سؤالي هو ايش اقدر اسوي مع الوكاله في هذه الحاله

هل اقدر اني ابدل السياره والا لا ...ايش راح يفيديني لو تعاملت معاهم بلين او بعنف

صحيح انه السياره راح يستمروا في تصليحها في كل مره طالما انهم ملتزمين بالضمان بس بعد الضمان ايش راح يصير غير اني راح اصير ادفع ثمن هالنقل و التبديل

سؤالي للي عنده فعلا خبره او يعمل في الوكالات او تعرض لنفس الحاله ايش قدر يحصل منهم

اتوقع اللي يقولي انا لو تصير معاي بسوي و بتهاوش و بقلب الوكاله فوق تحت ...انا احتاج نصيحه عن تجربه

اتمنى انكم ما تبخلوا علي بالمساعده

جزاكم الله كل خير سلفا

[khaldoon]

للرفع

[بن درويش]

يمكن واحد ناظل السياره وله حاسدها

[eXpert*]

بخصوص طرمبة البنزين ،، هذا شئ مب جديد على الأمريكي .

حاول قد ما تقدر لا تخليّ خزان البترول يقل عن ربع الخزان ..

[khaldoon]

يمكن واحد ناظل السياره وله حاسدها

جزاك الله كل خير على المرور و الرد


بخصوص طرمبة البنزين ،، هذا شئ مب جديد على الأمريكي .

حاول قد ما تقدر لا تخليّ خزان البترول يقل عن ربع الخزان ..

صحيح كلامك و احاول دائما اني اسوي مثل ما قلت بس يا اخوي مب حاله يعني بعدين كثير مرات يقل عن الربع في سيارات ثانيه ولا صارت معاي هالمشكله

كل الشكر و التقدير على النصيحه يا الغالي

[khaldoon]

واضح انه ما احد صادف مثل هذا النوع من المشاكل غير انا بس لانه ما احد قدر يساعد في الموضوع

جزاكم الله كل خير

[al-obaidly]

طرش اميل حق شركه الام بدبي

[قطر501]

اخوي هل المشكلة ان السيارة كل فترة ماتشتغل اذا كانت هذي المشكلة اتوقع يكون مشكلة في الكهرباء سؤال هل السيارة مخمل ولا جلد واذا كانت مخمل هل انت ملبس الكراسي وهل الكراسي كهرباء ولا عادية لاني اخوي كان عندي جمس اول ماخذيته رحت لبست الكراسي وكل فترة ادق سلف مافيه فايده مايشتغل غيرت البطارية تظل كم يوم وتطفي مليت خذه الشركة قالوا شويت ويرات غيرنها لك ونفس المشكلة ردت خذوا الموتر الشركة هو طافي على سطحه وعندهم جهاز يكشف وين الخلل اخر شي اخوي طلعت المشكلة من التلبيسه لان الكرسي كهرب وكانت التلبيسه تشير في لي يحرك الكرسي يعني ماسكتنه على وضع التشغيل علشان كذا كان يطفي الوكالة وسعوا مكان التلبيسه وبعدين الأمور سهالات
اما بالنسبة حق طرنبت البترول ماظن الحين فيها مشكلة خاصه الموديلات الجديدة انا عندي موتر جديد شفر وعادي الخزان مصفر ماصاده الشي ولله الحمد
في النهاية اذا المشكلة مانحلت روح حق الرئيس التنفيذي في الشركة الي عند جسر الجيده اسمه وليد ودخل عليه جامد وخذ معاك كل أوراق التصليح وقوله شوف لي حل يا باخذ الاوراق بروح اشتكي في العاصمة
هو مب مقصر معاك

[BoAof]

وش لك في الامريكي
الله يعز الياباني عطه 20 سنه لا تغير الا سفايف تواير وتصب بترول
وبعدها بيعه وبجيب لك سعر :)
انا من رايي نفس ما قال اخوي قطر 501
خذ اوراق التصليح كلها وادخل على المدير التنفيذي وان المشكله ما انحلت
اوكي انت الحين وتوك على الضمان وكذا اجل يوم يخلص الضمان بقولو مب شغلنا وبدفعونك
عندك اياهم وفي مقوله تقول ( دامك على الضمان احكر الموتر ) بالعربي حلل الضمان لان بعده بحللونك

[على نياته]

نصيحه مادام الموتر كل يوم عله الله يعينك بيعه والله بيرزق بابرك منه ان شاء الله واذا تبي سياره تريح بالك خذ ياباني ويفضل تويوتا ولو انه السيرفس عندنا عله لكن الموتر مشاكله قليلة ........... الله يوفق الجميع .

[البسطة]

اكيد مشكلة مضخة البترول ( طرمبله )

[X 4 X]

أسأل عن واحد أسمه إلي لبناني .. هو مدير الورشه في المنطقه الصناعيه

و قوله عن مشكلتك وان شاءالله ما راح يقصر معاك

للاسف الموظفين اللي في الكاستمر سيرفز بياعين حجي لا تاخذ منهم لا حق ولا باطل

والله يعينك ياخوي

[أسد الجزيرة]

ممكن لو سمحت نوع السيارة عشان ما نشتريها

[قطر501]

للرفع

[khaldoon]

طرش اميل حق شركه الام بدبي

جزاك الله كل خير على النصيحه ما قصرت

اعتقد انه الفرع الرئيسي بالبحرين والله اعلم

[khaldoon]

اخوي هل المشكلة ان السيارة كل فترة ماتشتغل اذا كانت هذي المشكلة اتوقع يكون مشكلة في الكهرباء سؤال هل السيارة مخمل ولا جلد واذا كانت مخمل هل انت ملبس الكراسي وهل الكراسي كهرباء ولا عادية لاني اخوي كان عندي جمس اول ماخذيته رحت لبست الكراسي وكل فترة ادق سلف مافيه فايده مايشتغل غيرت البطارية تظل كم يوم وتطفي مليت خذه الشركة قالوا شويت ويرات غيرنها لك ونفس المشكلة ردت خذوا الموتر الشركة هو طافي على سطحه وعندهم جهاز يكشف وين الخلل اخر شي اخوي طلعت المشكلة من التلبيسه لان الكرسي كهرب وكانت التلبيسه تشير في لي يحرك الكرسي يعني ماسكتنه على وضع التشغيل علشان كذا كان يطفي الوكالة وسعوا مكان التلبيسه وبعدين الأمور سهالات
اما بالنسبة حق طرنبت البترول ماظن الحين فيها مشكلة خاصه الموديلات الجديدة انا عندي موتر جديد شفر وعادي الخزان مصفر ماصاده الشي ولله الحمد
في النهاية اذا المشكلة مانحلت روح حق الرئيس التنفيذي في الشركة الي عند جسر الجيده اسمه وليد ودخل عليه جامد وخذ معاك كل أوراق التصليح وقوله شوف لي حل يا باخذ الاوراق بروح اشتكي في العاصمة
هو مب مقصر معاك

جزاك الله كل خير اخوي على الاضافه القيمه

السياره من الداخل مخمل وما لبست الكراسي اي شي

الحين صلحوا السياره و قالوا انه المشكله بالبطاريه وانا صارلي يومين رافض استلمها من غير ما يضمنون لي انه المشكله بالبطاريه او طرمبة البنزين ما راح تتكرر

تكلمت مع مدير الصيانه بالفرع الرئيسي و اشوف ايش بيسوي بكره مع اني متأكد انه ما راح يسوي شي و راح يقولون لي انهم فحصوا السياره وما فيها شي ابدا

اخوي الحين اقدر فعلا اروح امن العاصمه اشتكي و ايش راح استفيد لو سويت هالشي؟

جزاك الله كل خير مره ثانيه و الله يكثر من امثالك

[khaldoon]

وش لك في الامريكي
الله يعز الياباني عطه 20 سنه لا تغير الا سفايف تواير وتصب بترول
وبعدها بيعه وبجيب لك سعر :)
انا من رايي نفس ما قال اخوي قطر 501
خذ اوراق التصليح كلها وادخل على المدير التنفيذي وان المشكله ما انحلت
اوكي انت الحين وتوك على الضمان وكذا اجل يوم يخلص الضمان بقولو مب شغلنا وبدفعونك
عندك اياهم وفي مقوله تقول ( دامك على الضمان احكر الموتر ) بالعربي حلل الضمان لان بعده بحللونك

ايه والله انك صادق و اتفق معاك

بارك الله فيك ما قصرت :nice:

[khaldoon]

نصيحه مادام الموتر كل يوم عله الله يعينك بيعه والله بيرزق بابرك منه ان شاء الله واذا تبي سياره تريح بالك خذ ياباني ويفضل تويوتا ولو انه السيرفس عندنا عله لكن الموتر مشاكله قليلة ........... الله يوفق الجميع .

فعلا معاك حق....الحين انا شريت باجيرو من الوكاله و الحمد لله مرتاح فيها وما تسويلي مشاكل و فعلا فرق كبير بينها و بين الامريكي

كل الشكر و التقدير على النصيحه يا الغالي

[khaldoon]

اكيد مشكلة مضخة البترول ( طرمبله )

مره قالوا طرمبة البنزين و مرتين البطاريه

ما يندرى عنهم المره الجايه ايش بيقولون

كل الشكر على مرورك و تعليقك اخوي ما قصرت

[khaldoon]

أسأل عن واحد أسمه إلي لبناني .. هو مدير الورشه في المنطقه الصناعيه

و قوله عن مشكلتك وان شاءالله ما راح يقصر معاك

للاسف الموظفين اللي في الكاستمر سيرفز بياعين حجي لا تاخذ منهم لا حق ولا باطل

والله يعينك ياخوي

كان في واحد لبناني اسمه تريكول هو مدير الصيانه بالصناعيه الحين ترك و في محله واحد جديد اسمه ناصر

كثر الله خيرك على النصيحه ما قصرت :victory:

[khaldoon]

ممكن لو سمحت نوع السيارة عشان ما نشتريها

فعلا معاك حق

كل واحد اقوله عطلت معاي السياره 3 مرات و هي جديده يقول لي تستاهل لانك شاري شيفر

نوع السياره كابتيفا :(

[khaldoon]

للرفع


بارك الله فيك يا الغالي :nice: