صباح الخير ...يامنية الروح والقلب ...وملاذه

[(بوعوف)]

http://up.arab-x.com/pic/VGU37663.jpg

صباح الخير يا احلى صباح بدنيتي كله

صباح النور يا نور طلع والقلب حيابه

هلا بالحب يوم انه تغنى وطلته طله

هلا بالشوق لا غرد من محياك وعذابه

حضورك به شذى الجوري وزهر الكادي وفله

حضورك به رومانسية موسيقى حيل جذابه

على نغمات صوتك يرقص الخفاق ويتله

شعورٍ أو أحاسيسٍ غريبه منك أسبابه

ملكت القلب من قدك ترى ماقبل وصَّل له

تراك أنت الوحيد اللي دخلت وسكر أبوابه

ملكته وحدك وباقي عليك تبهر الدله

ترى فوحه يعذبني وأنا شايفك وأشقى به

هلا بك من صميم القلب والله ثم لك والله

فلا ذقت الصباح العذب من غيرك تهيابه

أنا مابي سواك ولو يقال كثار بالمله

ولا يكون غيرك حي ولا والله تغنابه

هي انت يا عبير الورد يا حله ويا دله

يا اطيب قلب بالدنيا يذوب خافق احبابه

[بنت ذياب]

مساء الخير اخوي الفاضل بوعوف

جمعه مباركه عليك

اختيار موفق

لاهنت ..

[(بوعوف)]

هلا بأختي بنت ذياب مسا النور، وجمعة مباركة علينا وعليج
ولاهان شانج على المرور الكريم

[ملاذ الروح]

واايد حلوه القصيدة تسلم والله أخوي بوعوف

[(بوعوف)]

تسلمين أختي ملاذ عل المرور الكريم لاهنتي