@@@موقف غريب@@

[hemoud123]

اثناء توجهها الى دوامها في احد مدارس البنات تعرضت سيارتها التي يقودخا سائقهم الى حادث مروري بسيط ولكن لم تعد السياره صالحه للحركه, في هذي الاثناء تصادف مرور سيارة افيها اثنين هم ابناء عمها وطبعا عرفوا السياره فقام الاكبر بالنزول وبعد الاطمئنان على سلامة بنت عمه طلب منها تركب معهم لايصالها لمكان عملها ,
اتصلت البنت لامها تخبرها عن الحادث , واخبرتها عن وجود عيال عمها يبغون يوصلونها وفي نفس الوقت فيه تاكسي كروة واقف فمع من هي لازم تركب ؟
تتصورون ايش كان رد الام ؟
طيب انت/ي لو في نفس الموقف مع من تنصح اختك او بنتك تركب ؟

[الساهر 17]

والله لو انا ما اخليها لا مع اولاد عمها ولا سائق بروة لانهم كلمهم اجانب عليها ( يحل لهم الزواج بها) اخليها تقعد لين مايجي ابوها او اخوها واهم شيء البنت ماتعورت تقعد تتنظرفي السيارة لين مايجي ابوها ولا اخوها وسلامتكم والمدرسة لاحقه عليها

[hemoud123]

والله لو انا ما اخليها لا مع اولاد عمها ولا سائق بروة لانهم كلمهم اجانب عليها ( يحل لهم الزواج بها) اخليها تقعد لين مايجي ابوها او اخوها واهم شيء البنت ماتعورت تقعد تتنظرفي السيارة لين مايجي ابوها ولا اخوها وسلامتكم والمدرسة لاحقه عليها

الله يهديك لو لايوها او اخوها موجود كان اتصلت لامها ؟ على العموم حلك حلو ومثالي لو الكل موجود انا اتكلم عن الخيارات المتاحه
وبعدين يا اخي مو لان ابن عمها يحل له ياخذها اصبح خلاص ذئب بالنسبه لها
وشاكر مرورك

[ام السعف]

عيال عمها طبعا
ولا اتم البنت في الشارع ،،
وكل اشوي اتصل ،، وينج ،، وين وصلتي ،، خلج على الخط
اسكر وارد اتصل في ولد عمها ،، اي صوب انتوا ،، وين وصلتوا ؟

[الساهر 17]

تسلم لي ومشكورر على سعه صدرك

[نجم سهيل]

فللضرورة أحكام!

[بن موسى]

لاطبعآ تروح مع كروه لان سايق كروه هندي ولا على الاقل اجنبي مايعرفهم
والمثل يقول -- عنزة الفريج ماتحب الا التيس الغريب
0لذا مافيه مشكلة مع ابن العم ولاتاكسي كلهم غرباء من غير المحارم

[مابدل العادات]

ولد العم اكيد

والله يعطيك العافيه يالغالي :)

[meme~qatar]

ولد عمها

[كازانوفا]

لااااااااااااا خليها بالشارع للجاي واللى رايح
هذه عقول البشريه بهذا الزمن

[Realistic]

الي قال اجانب واعترض ..

الحين عادي تركب مع الدريول ( الاجنبي)
ومب عادي تركب مع سايق الكروه وله ولد عمها ؟

همممم غريب والله ..

[alrheeb2020]

اكيد ولد عمها ..

[ابن عوف]

اذا كان مافي أحد من محارمها ابدا

يوصلها ابن عمها بسيارة كروة

[hemoud123]

اشكر الجميع على المرور الطيب واحترم كل الردود
طبعا اللي صار ان امهما امرتها تركب مع كروه , وكان السبب اتقاء كلام الناس والقيل والقال !!
غريب هالفكر اللي ما ياتمن الولد على بنت عمه حتى في الحالات الطارئه لمدة ربع ساعه
مع انها ركبت مع كره لكن ولد عمها تبعهم بالسياره لين وصلت مقر عملها علشان يطمن عليها , لكن كان موقف لا يحسد عليه

[hemoud123]

اذا كان مافي أحد من محارمها ابدا

يوصلها ابن عمها بسيارة كروة

يعني سايق كروه صار محرم

[بن موسى]

اشكر الجميع على المرور الطيب واحترم كل الردود
طبعا اللي صار ان امهما امرتها تركب مع كروه , وكان السبب اتقاء كلام الناس والقيل والقال !!
غريب هالفكر اللي ما ياتمن الولد على بنت عمه حتى في الحالات الطارئه لمدة ربع ساعه
مع انها ركبت مع كره لكن ولد عمها تبعهم بالسياره لين وصلت مقر عملها علشان يطمن عليها , لكن كان موقف لا يحسد عليه


احدآ يحاول بالردى بنت عمة- واحدآ يداري ستر عذراء عوانيه
ماني وانا بندر بياع دمة - ملعمون يا بياع دمة و شاريه
00 الله يرحمك يابندر بن سرور00
في هذا الزمن تغير الحال واصبح كل شي بالمقلوب

[hemoud123]

احدآ يحاول بالردى بنت عمة- واحدآ يداري ستر عذراء عوانيه
ماني وانا بندر بياع دمة - ملعمون يا بياع دمة و شاريه
00 الله يرحمك يابندر بن سرور00
في هذا الزمن تغير الحال واصبح كل شي بالمقلوب

صح لسانك
عزالله انك صدقت

[nasser 519]

ولد عمها اكيد

[أم وضحى]

المفروض كان ولد عمها عطى الدريول مفاتيح السياره ..
وقاله وصلها بالسياره وارجع ..



على فكره نظرة الام صحيحه ..
هناك من يفسر الحدث البسيط على انه خبر عاجل ..
او بمعنى اخر ( يصاد في الميه العكره )
الام هنا حاولت تدبر امرها بحيث محد يمس بنتها بكلمه ..
حتى لو كانوا اقرب الناس لها ..

[ســـهم]

اشكر الجميع على المرور الطيب واحترم كل الردود
طبعا اللي صار ان امهما امرتها تركب مع كروه , وكان السبب اتقاء كلام الناس والقيل والقال !!
غريب هالفكر اللي ما ياتمن الولد على بنت عمه حتى في الحالات الطارئه لمدة ربع ساعه
مع انها ركبت مع كره لكن ولد عمها تبعهم بالسياره لين وصلت مقر عملها علشان يطمن عليها , لكن كان موقف لا يحسد عليه

توقعت ذلك

عموما وبكل صراحه الامرين شران

ولكن شر اقل ضررا من الآخر

بالطبع الطبيعي ان تكون مع ابن عمها ..

[حليتان*]

اكيد ولدعمها

والي يقول الناس والناس


الناس ما تخلي شي ما تتكلم فيه .. ومن الناس انتو الناس

اذا احنا ما تكلمنا الباقي ما بيتكلمون

والام قالت لها اركبي مع كروه لانها اصلا هي لو شافت اي بنت مع ولد عمه هي بتتكلم عنها او في مشاكل بين العايلتين

[hemoud123]

المفروض كان ولد عمها عطى الدريول مفاتيح السياره ..
وقاله وصلها بالسياره وارجع ..



على فكره نظرة الام صحيحه ..
هناك من يفسر الحدث البسيط على انه خبر عاجل ..
او بمعنى اخر ( يصاد في الميه العكره )
الام هنا حاولت تدبر امرها بحيث محد يمس بنتها بكلمه ..
حتى لو كانوا اقرب الناس لها ..

يا سبحان الله صار الغريب مؤتمن على العرض اكثر من ابن العم ؟ مالكم كيف تحكمون
وبالنسبه لنظرة الام انا اعتقد انها خاطئه 100% ولا لها داعي
الموضوع ليس الخوف من الاصطياد في الميه العكره , انما نظرة المجتمع الخاطئه ولازم نعترف بهذا الشيء

[hemoud123]

اكيد ولدعمها

والي يقول الناس والناس


الناس ما تخلي شي ما تتكلم فيه .. ومن الناس انتو الناس

اذا احنا ما تكلمنا الباقي ما بيتكلمون

والام قالت لها اركبي مع كروه لانها اصلا هي لو شافت اي بنت مع ولد عمه هي بتتكلم عنها او في مشاكل بين العايلتين

صدقت اخوي

جزاك الله خير على المشاركه

[الجوري]

طبعا مع ولد العم من الناحيه العموميه

ويعتمدددددددددددددددددددددددددد على اصاله ولد العم ومستوى غيرته على بنت عمه ورجولته

[hemoud123]

طبعا مع ولد العم من الناحيه العموميه

ويعتمدددددددددددددددددددددددددد على اصاله ولد العم ومستوى غيرته على بنت عمه ورجولته

احسنتي والله
وهذا اللي كام اكثر ايلاما في الموضوع
اقصد مثل ما تفظلتي لو كان ابن العم معروف عنه امور غير طيبه كان ممكن يكون موقف الام مقبول , لكن الانسان هذا معروف عنه حسن الخلق

[الجوري]

هذا الووواقع الغريب اللي نعيشه والله وانا اختك

[السهم الكلاسيكي]

مدام سمح لها تروح مع السايق لحالها المدرسة
الافضل
الساايق يوصلها في سيارة كروة ويرجع بعدها لسيارة
اما حكاية ولد العم يوصلها فهذي طامة كبرى بواقعنا الحالي

[الجوري]

انشهدددددددددددد يالسهم الكلاسيكي

[بوعلي 78]

والله في ناس تفكر بالمقلوب!!!

احين السايق وسايق كروه ائمن على البنت من ولد عمها ولا ولد خالتها؟؟؟!!!

تخلف ورب الكعبه

[نورالهدى]

حنا صرنا في زمن غريب
الصح مغلوط
والخطأ مرغوب
ولو بنمشي على الاصول الناس ماتترك حد في حاله
تركب مع ولد عمها وش بتقول عليها العايلة الكريمة
الولد شيخ الشباب في اخلاقه
بس كلام الناس شين
للاسف كل شي بالمقلوب
الله يستر من الجاي

[خيال شمر]

ياجماعه اللحين وش المشكله لو الواحد يجيب خدامه فلبينيه تسوق ... يعني بيت خالي عندهم فلبيبنه وتسوق وصار لها 3 سنيين او اكثر والحمدلله عال العال ... وكذا بيت بعد ... ممكن نعرف السبب ... اما بخصوص الموضوع انا اقول مع كروه لانها اصلا من قبل راكبه مع غرييييييييب يعني الموضوع موب قاعدين نحل فيه شي :)

[الـقـاسـي]

والله موضوع حيرني وهالزمن صار يخوف ..
بس ياخوي لو ولد عمها يقرى الموضوع ولا البنت نفسها تقرى الموضوع ياليت جبته بطريقة مثال بتكون احسن

[hemoud123]

الحقيقه يا اخوان صدمتني بعض المشاركات وان كانت تعبر عن واقعنا , واقعنا الغير طبيعي , واقعنا الخليجي , في كل الثقافات سواء كانت عربيه او غير عربيه , وبصرف النظر عن الديانه التي تنتمي لها , مسلمه , مسيحيه , يهوديه , هندوسيه او حتى بوذيه , في كل اؤلئك يعتبر ابن العم اخ ومؤتمن على بنت عمه حتى في الغربه , ماعدا عندنا في الخليج ولا اعتقد ان هذا له اي علاقه بالدين
واللي يبغي يتاكد ممكن يضع المشكله في اي منتدى عربي غير خليجي , والله راح ينصدم بالردود اللي تعتبر السؤال في حد ذاته غباء لان الاجابه واضحه من وجهة نظرهم
الله يعينا على واقعنا

[hemoud123]

مدام سمح لها تروح مع السايق لحالها المدرسة
الافضل
الساايق يوصلها في سيارة كروة ويرجع بعدها لسيارة
اما حكاية ولد العم يوصلها فهذي طامة كبرى بواقعنا الحالي

الطامه الكبرىصيده كل واحد ينتظر الفرصه علشان ينقض عليها حتى لو كان اقرب الناس لها والله فكرنا اللي يعتبر المرأه
انا متفهم ردك اخوي كلاسيكي اللي يعبر عن واقعنا ,
اخوي ايش رايك لو كان ابوها موجود واتصلت فيه بدل امها ايش ياترى بيكون رده ؟

انا بقولك ايش بيكون رده
بيتصل على ولد اخوه وبيقوله الحمد لله اللي جابك , خذ اختك وانا ابوك ووصلها المدرسه , عقب هالكلمتين ايش تتوقع رد فعل الولد بيكون ؟

[حلم اللقا]

يعني هي من الاساس راكبه مع السايق

يعني مع شخص غريب عنها ...

بالنسبه لي الاساس غلط انها راكبه لحالها مع السايق ..

يعني السايق بيكون احن وارحم عليها من ولد عمها ..؟؟

اكيد مع ولد العم ..

[نمر بن عدوان]

من الاساس ركوبها مع الدريول غلط فماتفرق تركب مع ولدعمها مع سايق كروة مع ولد الجيران :-


موضوع ذو صلة

http://www.qatarshares.com/vb/showthread.php?t=311308

[hemoud123]

[quote=نمر بن عدوان;5562538]من الاساس ركوبها مع الدريول غلط فماتفرق تركب مع ولدعمها مع سايق كروة مع ولد الجيران :-


موضوع ذو صلة

[/[/quote

لا يا اخي تفرق وتفرق كثير
كيف ابن عمها مثل الريول او مثل ابن الجيران؟ وين صلة الرحم وين صلة الدم ؟ لا يمكن الغاء كل ذلك ونساوي بين ابن العم وسائق كروة

[ماريسا]

أكيد القريب أأمن لها من الغريب
هذا في حالة إنها وجدت نفسها قدام عيال عمها و سائق كروة
في ردود غريبة بس هذي الدنيا و كل واحد له رأي و أسباب :s

[blackjacket]

اثناء توجهها الى دوامها في احد مدارس البنات تعرضت سيارتها التي يقودخا سائقهم الى حادث مروري بسيط ولكن لم تعد السياره صالحه للحركه, في هذي الاثناء تصادف مرور سيارة افيها اثنين هم ابناء عمها وطبعا عرفوا السياره فقام الاكبر بالنزول وبعد الاطمئنان على سلامة بنت عمه طلب منها تركب معهم لايصالها لمكان عملها ,
اتصلت البنت لامها تخبرها عن الحادث , واخبرتها عن وجود عيال عمها يبغون يوصلونها وفي نفس الوقت فيه تاكسي كروة واقف فمع من هي لازم تركب ؟
تتصورون ايش كان رد الام ؟
طيب انت/ي لو في نفس الموقف مع من تنصح اختك او بنتك تركب ؟


الي فهمته انها رايحها مع الدريول , يعني هو محرم ؟؟؟؟؟؟
بعد كان ممكن انها تروح مع عيال عمها و معاهم السيد الدريول ولا تاخذ تكسي و معاها الدريول يوصلها لين المدرسة:)

[رنج سبورت]

[b]شي غريب

اللي فهمته من الموضوع انها مع الدريول لحالها !! وهذا بحد ذاته غلط وغير منطقي اقل شي لو معاها خدامه او حد من اخوانها مع السايق كمحرم !!

في النهايه الموضوع من بدايته غلط من ركوبها مع السايق بروحها الى موافقة الام على ركوبها سيارة كروه !!

وكاتب الموضوع اختار احلى عنوان موقف غريب !![
اللهم لاشماته
/b]

[hemoud123]

الي فهمته انها رايحها مع الدريول , يعني هو محرم ؟؟؟؟؟؟
بعد كان ممكن انها تروح مع عيال عمها و معاهم السيد الدريول ولا تاخذ تكسي و معاها الدريول يوصلها لين المدرسة:)

طبعا السايق ليس محرم ولا حتى اولاد عمها محرم لها وما ندري بظروف الناس فهم قد ياتون بافعال من باب الاظطرار لاغير
لكن الاستغراب في الموضوع النظره السائده في المجتمعوالمليئه بالشك والخوف والحذر الغير مبرروالمبالغ فيه لابن العم او الخال او الخاله
شكرا على مرورك

[almaha19999]

دام امها اسمحت لها بالركوب مع السايق لوحدها

اعتقد ما عندها مانع انها تركب كروه

الله يستر علينا جميعا

[غزلان]

في مثل هالظرف دون تردد ولد عمي ولا هندي كروه

والأنسانه المحترمه الكل غصب بيحترمها :)

[hemoud123]

دام امها اسمحت لها بالركوب مع السايق لوحدها

اعتقد ما عندها مانع انها تركب كروه

الله يستر علينا جميعا

هي بالفعل ركبي مع كروه
واضح انك ما فهمتي الموضوع او اني ما قدرت اوضح القصد من الموضوع

[hemoud123]

في مثل هالظرف دون تردد ولد عمي ولا هندي كروه

والأنسانه المحترمه الكل غصب بيحترمها :)

بيض الله وجهك على هالمشاركه

[zeknon]

الله ايهداكم انتم مكبرين الموضوع والموضوع بسيط
امها خايفة عليها من الكلام
والدريول والتاكسي واحد
للضرورة احكاااام
واللي يقووول حرااام مايجوووز
هذا يفتي على كيفة والا يجيب الدليل على التحريم
لان فية فتوى من احد مشايخ السعودية يقووول فيها حلال مادام انة في وسط وحدود المدينة
ان تركب المراءة مع السايق

[عاشقة الخور]

يااااااااااااااااااللة المشكلة في عقول البشر ... صاااارت مشكلة اللحين عشان ابن العم اللي راح يحافظ عليها لأن بنت عمة ومايرضا عليها الضرر ... احسنو النية الأعمال بالنيات .. واللة سالفة ؟؟؟؟؟

[فرقة الصقور]

والله لو انا ما اخليها لا مع اولاد عمها ولا سائق بروة لانهم كلمهم اجانب عليها ( يحل لهم الزواج بها) اخليها تقعد لين مايجي ابوها او اخوها واهم شيء البنت ماتعورت تقعد تتنظرفي السيارة لين مايجي ابوها ولا اخوها وسلامتكم والمدرسة لاحقه عليها

يعني الدريول اللي محرم؟؟؟

[نااااني]

طبعا مع عيال عمها