المساعد الشخصي الرقمي

مشاهدة النسخة كاملة : :::احمد ربك انك مسلم...قصه في امريكا:::...احم


The Master
06-03-2010, 08:44 PM
احم احم...ثم احم...

الموضوع...باين من عنوانه...(ماجا على بالي اني باقول القصه لحد...لكن عقب سنين...عرفت الجواب...وحبيت تسمعونه...)


قصه صارت لي سنة 2000 لما كنت في امريكا...وعمري ذاك الوقت 17 سنه...وصاحبي عمره 19...
كنا شلة شباب...6 اشخاص من قطر...و 2 من السعوديه...
الاعمار تتفاوت...لكن اكبرنا كان 22 سنه...واصغرنا كان 17 اللي هو انا...

كنا رايحين لغه...وتصادف الزمان والمكان...ان حنا السبعه نجتمع...
حنا القطريين محد يعرف الثاني...والسعوديين كانوا عيال عم...
تلاقينا في جامعه امريكيه...وكنا رايحين لغه...سكنا كلنا في مجمع الجامعه...وتشاركنا في الشقق...والغرف...

المهم...

صاحبنا اللي القصه تدور عنه...نرمز له ب "فلان"...كان يحب وحده معانا في الصف...(طبعا في ذاك الوقت والعمر...اي شي نقول عنه حب...)...
فا كانت اللي يحبها...صينيه...وهو معجب فيها كثير...وهي كذلك...

كعادتنا...بعد الجامعه...كنا نروح انتمشى في المجمع(المول)...
منها انتغدى...ومنها نغير جو...شباب...في رحله...

خلصنا من المجمع...وبنرجع للسكن...كنا قاعدين عالرصيف...ننتظر الباص...وفلان كان جنبي...واشوفه سرحان...وفي عالم لحاله من طلعنا للجامعه من الصبح...
"ليش ربي خلقني مسلم"...
جاتني قشعريره...
"ليش ربي ماخلقني مثلها"...
التفت عليه...كلي استغراب...
الحزن مخيم عليه..."احبها...ماقدر اتزوجها...ليش ربي ماخلقها مسلمه...قطريه..."
فلان...شسالفه...وش قاعد تقول انت؟؟؟...

"ليش انا مسلم...وهي كافره...ليش ليش..."
هنا انا انربط الساني...وماقدرت انطق بكلمه...احس اني تيبست...
رد عليه واحد من الشباب..."تعوذ من ابليس...واترك عنك هالخرابيط...استغفر الله...وش تخربط انت...الحمدلله والشكر..."

رد وقال..."ردوا علي...ليش ليش...فهموني...انا انولد مسلم...وهي كافره..."

الكل هنا سكت...ومحد قدر يرد عليه...

وانتهي اليوم...وانا مصدوم من اللي صار...ومن خويي...وتفكيره...
لكن الادهى والامر...اني ماعرفت وش اقول له...او ارد عليه...
ابغي افهمه...ماعرف وش اقول...ابغي اخفف عنه...ماعرف وش الطريقه...


وعقب ماكبرنا...والعقل تفتح...وتثقفنا...ولله الحمد والمنه...
وانا نسيت القصه...وماطرت علي...الا لما...

ها يالربع جا وقت صلاة الظهر...يالله خلنا نصلي...شنو؟؟؟....من صجك علي؟؟؟...ليه وين المشكله...ماتشوف المكان...في الحديقه...وكله استراليين رايحين وجايين...وش تبغيهم يقولون عنا؟؟...
اشدخل؟؟...وانا وش علي منهم؟؟؟...وخلهم يقولون اللي يقولونه...ويضحكون...مافي مشكله...اهم شي نصلي...الصلاه في وقتها...ونوريهم عبادتنا حنا يالمسلمين...يا من صجك...لا لا يبا...احراج...بنصليها مع العصر في الشقه...اي بس حنا صار لنا فتره في استراليا..."براحتكم...انا باروح اصلي في العشب...والله يهديكم....ويهدينا..."

هنا تذكرت قصة فلان...ليه؟؟؟...
فلان والربع...ما احمدوا ربهم انه خلقهم مسلمين...

فلان...عشان حب او بنت...شكك في دينه...وفي ربه...(وهذا اللي حاصل في زمنا هذا...يعصي...وتوصل انه يكفر بربه...بس عشان بنت ترضي عليه...)
ولو فكرنا في اسألته...سهله...وماتحتاج فتاوي...لكن صغر السن...وعدم التفتح والاطلاع في الدين...ماعرفنا وش نجاوبه عليه...

الجواب كان الفطره هي اللي تحكم الانسان يعرف الصح من الغلط...
والاستدلال بحديث الرسول عليه الصلاة والسلام...
"مامن مولود إلا يولد على الفطرة...فابواه يهودانه أوينصرانه أو يمجسانه"

وجوابنا له لما سأل...ليه ربي خلقني مسلم...انك لازم تحمد ربك على هالنعمه...والا يمكن انك تعبد بقر...
وربي سبحانه...العدل...وحتى المسلم...المولود مسلم...عليه بالعمل الصالح...والايمان...
قال سبحانه..."قل اعملوا فسيرى الله عملكم"


وبالنسبه للربع...الحياء...والاحراج...امنعوهم...
ولو فكروا فيها...فا ان صلاتهم...بتخلي الاجانب...يفكرون وش قاعدين يسوون هذول...ويبحثون...ويدورون...لان شي غريب بالنسبه لهم...وماتدري سبحان الله...لعل وعسى حد يهتدي...

والاهم من ذلك... بصلاتك...تفتخر للجميع وامام الكل...انك مسلم...وتحمد ربك انك مسلم...


الاهداف اللي بغيت اوصلها من هالمقال...الموضوع...القصه...

- تثقيف عيالنا...مهما كان عمرهم...في الدين...وتوضيح لهم العقيده...وشرح مبسط لها...عشان يعرفون هم وش قاعدين يسوون...وعبادتهم ليه...فا التثقيف دينيا وعقائديا...
ولمروا في مثل ماحنا مرينا فيه...يعرفون وش يردون...خاصه في زمنا الحين...الله يجيرنا من الفتن...


- الافتخار انك مسلم قدام الكل...واهمهم الغرب...نوصل لهم فكرة حنا مسلمين...مب اذا ركبنا الطياره فصخنا العبي والشيلات...ولا حلقنا اللحى او خففناها"عشان ما اتعرض للقتل او التحرش"...ياخوي اذا بيتحرشون فيك ماراح تمسكهم قفل ولا لحيه...ترا اللحيه من دلائل الاسلام...فا بلحيتك...انت تنشر الاسلام...قال سبحانه..."ومن يتق الله يجعل له مخرجا...ويرزقه من حيث لا يحتسب"

- لا تستحي كونك مسلم...فا تتجرد من تعاليم الاسلام...من توصل للغرب...
تراهم في غفله عن ما حنا عليه يالمسلمين...ومايدرون عنا شي...غير ان حنا ارهابيين وقتله...ونروح الحج...بس
فا لحد اسالك...لاتنحرج وتتوهق...فهمه الاسلام على اصوله...وتعاليمه...


- ابتسم ابتسم ابتسم... لانك "مسلم"...واحمد ربك انك..."مسلم"

- طبعا في نقاط موجوده خلال الموضوع فوق...ماحبيت اعيدها...


ان اصبت فا من الله...وان اخطأت فا مني ومن الشيطان...

وان شاء الله ربي يعينا نبني جيل صالح...ومستقبل في طاعه الله ورسوله...

وان شاء الله وفقت في الطرح...ومحد تملل...احم...
"مو مواضيعي دايما طويله...الله المستعان"

ويامرحبا بكم...
(الفيصل)
06-03-2010, 09:05 PM
جزاك الله خيراً ، ونفع الله بك
موضوع موفق ، وغايات تشكر عليها وتجزى خيرا ان شاء الله
تحياتي لك
كازانوفا
06-03-2010, 09:10 PM
هذا الكلاااااااام سنة 2000 فما بالك الحين ايش تتوقع بتكون العقول والقلووووب والردود
اشكرك
The Master
06-03-2010, 09:50 PM
جزاك الله خيراً ، ونفع الله بك
موضوع موفق ، وغايات تشكر عليها وتجزى خيرا ان شاء الله
تحياتي لك

هلا ومرحب اخوي الفيصل
ويجزاك يارب...اجمعين يارب
الحمدلله وماتوفيقي الا بالله...
تشكر على المرور والكلام الطيب

ويامرحبا بك
ولاهنت اخوي
ام السعف
06-03-2010, 09:55 PM
جزاك الله كل خير ،،

بالفعل المسلم لازم يفتخر بنفسه لأنه مسلم ،، ولا يعير اي نظرات ثانية أي اهتمام
يعيش مع نفسه المسلمة بكل ما فيها من تمسك بالدين ،، فرضى الله سبحانه و تعالى فوق
رضى الناس اجمعين ،،

وبهذه المناسبة "السعيدة " اسمح لي اذكر لك سالفتي مع بنتي يوم طلعنا من محل النظارات
اللي صوب تسيليز عل ىيسار المحل كوفي شوب و طاولات يقعدون عليها رواد الكوفي ذيه،،

فاللي حصل ان و احنا داشين المحال بنتي انتبهت لمجموعة اجنبيات ملتفتين صوبنا
اضطرينا ندخل و نطلع على مرتين ،، فهالمرتين بنتي معصبة من نظراتهم ،، قلت لها :
اشبلاج ؟
ردت علي : جوفيهم اشلون يطالعونا !!
قلت لها : خليهم يطالعون فيج شي غلط ؟
قالت لي : لا ،، بس يمكن لأن احنا لابسين عبي وشيل ،،
قلت لها : طيب هالشي المفروض يخليج تبتسمين لأن ربنا انعم عليج بالستر
بدل ما اتعصبين و اتردين نظراتهم المتعالية بنظرة عصبية ،، ابتسمي
ابتسمي ( وابتسمت لها ) ،، ابتسمت وهي منقهرة ،، الا ردوا عليها بابتسامة احلى و اجمل ،،
فقلت لها : جفت اشلون كسرت نظراتهم ؟ ورسمت البسمة على ويييهم .؟
متى ما احترمت نفسج ومشيت و انت واثقة من اللي لابسته
وان شاءالله تمشين ما بين عارضات الأزياء بتكونين راضية باللي انت لابسته
حتى لو كلهم تموا يطالعونج ،، فابتسامتج سر ثقتج في هالمواقف ،،
WIFE
06-03-2010, 09:56 PM
أهلين
الله يجزاك كل خير....الله يهدي الجميع

و لكم التحية
The Master
06-03-2010, 09:57 PM
هذا الكلاااااااام سنة 2000 فما بالك الحين ايش تتوقع بتكون العقول والقلووووب والردود
اشكرك

هلا ومرحب اختي كازانوفا...
صدقتي...العقول تغيرت وتطورت في ناس الاحسن وناس الاسوا
لكن اهم شي الاهداف نسعى لتحقيقها وقبل ذلك فهمها...واستيعابها...
على ايامنا الوالد والوالده اميين وكنا ندرس نفسنا بنفسنا...
اما الحين قليل تشوف اميين...والكل مثقف وقارئ
نتمنى منهم توضيح المفاهيم للابناء والبنات...دينيا وعقائديا...
وعسى ربي ينفع بهم الامه...

يامرحبا بك
ولاهنتي على المرور اختي
الخير كله
06-03-2010, 10:15 PM
عيزانه اكتب....
بس رفيجك باصج..ماصخ ...كان تحول بوذي وخذ الصينيه وفك الاسلام منه....
في برنامج لنبيل العوضي الجمهه ذكر واحد نفس قصته...

اما اللي ما صلى لانه يستحي ههههههههه(حلوه)
ياليته قدوه للكفار ويستحون مثله ...علشان لا يشربون الخمر قدامنا ..ولا يتفصخون بمجمعاتنا ...ولا يتباوسون بشوارعنا..
هزلت يا اخي اشهالربع اللي انت صافهم؟؟؟؟:anger1:
الخير كله
06-03-2010, 10:16 PM
الجمهه
يعني الجمعه
شـعـشـبـونـه
06-03-2010, 10:36 PM
جزاك الله خير اخوي .. الحمدلله على هالنعمه ...
بدون
07-03-2010, 12:15 AM
جزاك الله خير و ثبت قلبك على الدين وزادك يقينا على يقين
آمين يا رب العالمين

و الحمد لله الذي خلقنا مسلمين
ماريسا
07-03-2010, 08:35 AM
جزاك الله خير
موضوع أكثر من رائع
الحمدلله على نعمة الإسلام
موضي قطر
07-03-2010, 10:21 AM
يستحي يصلي صلاة ربه ؟؟؟؟ الله يهديه ... سؤال القصة صارت في امريكا ولا في استراليا ؟؟؟
هدهد سليمان
07-03-2010, 10:35 AM
اول شي يعطيك العافيه للقصه والسرد والكلام الطيب وبما تفضلت به من نصائح ..
ثاني شي تخيل ان البعض مب في امريكا عندنا هني في قطر قول له ا قم الصلاه ما يعرف !
او ان عرف يستحي يقيم الصلاه بصوت منخفض .. وان اقام الصلاه يطالعك ويقول من قبل حي الفلاح ولا حي على الصلاه؟
The Master
07-03-2010, 03:46 PM
جزاك الله كل خير ،،

بالفعل المسلم لازم يفتخر بنفسه لأنه مسلم ،، ولا يعير اي نظرات ثانية أي اهتمام
يعيش مع نفسه المسلمة بكل ما فيها من تمسك بالدين ،، فرضى الله سبحانه و تعالى فوق
رضى الناس اجمعين ،،

وبهذه المناسبة "السعيدة " اسمح لي اذكر لك سالفتي مع بنتي يوم طلعنا من محل النظارات
اللي صوب تسيليز عل ىيسار المحل كوفي شوب و طاولات يقعدون عليها رواد الكوفي ذيه،،

فاللي حصل ان و احنا داشين المحال بنتي انتبهت لمجموعة اجنبيات ملتفتين صوبنا
اضطرينا ندخل و نطلع على مرتين ،، فهالمرتين بنتي معصبة من نظراتهم ،، قلت لها :
اشبلاج ؟
ردت علي : جوفيهم اشلون يطالعونا !!
قلت لها : خليهم يطالعون فيج شي غلط ؟
قالت لي : لا ،، بس يمكن لأن احنا لابسين عبي وشيل ،،
قلت لها : طيب هالشي المفروض يخليج تبتسمين لأن ربنا انعم عليج بالستر
بدل ما اتعصبين و اتردين نظراتهم المتعالية بنظرة عصبية ،، ابتسمي
ابتسمي ( وابتسمت لها ) ،، ابتسمت وهي منقهرة ،، الا ردوا عليها بابتسامة احلى و اجمل ،،
فقلت لها : جفت اشلون كسرت نظراتهم ؟ ورسمت البسمة على ويييهم .؟
متى ما احترمت نفسج ومشيت و انت واثقة من اللي لابسته
وان شاءالله تمشين ما بين عارضات الأزياء بتكونين راضية باللي انت لابسته
حتى لو كلهم تموا يطالعونج ،، فابتسامتج سر ثقتج في هالمواقف ،،

هلا ومرحب اختي ام السعف...

اشكرك على المشاركه المثريه...والطيبه...وبارك الله فيك...
وهذا لازم نعمله عيالنا...الثقه في النفس...ومعرفة احنا ليش نسوي هالشي وايش راح نحصل من وراه...يعني مش عادات وتقاليد وخلاص...لازم نقنعهم ب ان اي شي يسوونه له معنى...

وبالنسبه للاجانب...والاجنبيات...لما يشوفون حريمنا...تراهم يطالعون بنظرات با بالفيت شفقه وحزن...يعني شوف هالمسكينه غاصبينها وملبسينها السواد...ظالمينها...حارمينها...
تخيلي لدرجه ان وحده هنا في استراليا مره اسألت زوجتي تقول لها انتي تفصخين النقاب والعبايه في البيت؟؟؟...شوفي كيف مايعرفون عن دينا اي شي غير انه دين قتل وحرب وكره امريكا...

فا احسنتي ب الابتسامه...وهذا دليل منا لهم...ان حنا مستانسين على ما احنا عليه...وفخورين ب دينا الاسلامي...

الله يجزاك خير على الاضافه الطيبه...والموضوع موضوعك اختي...

يامرحبا بك اي وقت...
ولاهنتي على التواجد الجميل...
متابع عن قرب
07-03-2010, 06:19 PM
ابوحسن

من طول الغيبات جاب الغنايم


مالك حس من 4 ايام

عموما الله يحييك


عزيزي

بالنسبة للأخ الاول فمن المؤكد انه غيب عن الوعي فقد ابتلي بالعشق والعياذ بالله ولنا في كتاب ( ذم الهوى) دلائل كثيرة توضح ان حالة هذا الشخص تحت تأثير الهوى, فالهوى مفعوله مثل السكر تماما والشخص لا يعي مايقول واسأل الله له الهداية

اما الثاني فقد سقط في درس الحياء فالحياء الذي يستتر به ما هو الا عدم ثقة وعدم يقين بما يؤمن به فالإيمان يعني اليقين والتصديق

فالشخص المؤمن يجب ان يكون مؤمن بما يحمل من فكر ومعتقد ولا يكون مؤمن بالهوية او بالوراثة

فإن كان مؤمن بقلب صادق لم يستحي من اظهار ايمانه بل يعتز بإيمانه وقناعاته وليبين من اخلاقه ما يصدق معتقده فهؤلاء الاجانب قد يتعجبون من صلاتنا لكن عندما يرون تعامل المسلم ورقي نفسه وعلو همته وصدق كلامه سيعجبون من هذا الدين وسيرجعون سبب نجاحنا لهذا الدين العظيم

فكم من كافر اهتدى بعد ان رأى المسلمين وبحث في دينهم وتوسع في دراسة الاسلام


اخي علي

لا انكر ان هناك خوف من البعض والحقيقة ان الخوف اذا كان مبررا فلا مانع كأن تحين الصلاة وانت في مكان لا يليق بالصلاة او كنت لوحدك وخفت على نفسك من تهجم بعض المتعصبين الزنادقة فلا ارى ان في تأجيلها مع محافظة الانسان على نفسه فيها اثم

ولكن لا يكون التأجيل بدافع الحياء




اخي الكريم

موضوع جميل ونماذج من حياة بعض الاخوة الذين نخالطهم هدانا الله واياهم وموقف نبيل منك في نصحهم وارشادهم

جزاك الله خير الجزاء

ونفع الله بك

ووفقك وجعلك للمتقين اماما

تقبل شكري وتحياتي واعجابي بما كتبت
سهيمان
07-03-2010, 06:26 PM
كلماتك من ذهب

اسأل الله لنا ولك ولجميع المسلمين الهداية والثبات
The Master
07-03-2010, 07:26 PM
أهلين
الله يجزاك كل خير....الله يهدي الجميع

و لكم التحية

هلا ومرحب اختي wife

ويجزاك يارب...امين...
تشكرين على المرور اختي...

ويامرحبا بك
The Master
07-03-2010, 07:40 PM
عيزانه اكتب....
بس رفيجك باصج..ماصخ ...كان تحول بوذي وخذ الصينيه وفك الاسلام منه....
في برنامج لنبيل العوضي الجمهه ذكر واحد نفس قصته...

اما اللي ما صلى لانه يستحي ههههههههه(حلوه)
ياليته قدوه للكفار ويستحون مثله ...علشان لا يشربون الخمر قدامنا ..ولا يتفصخون بمجمعاتنا ...ولا يتباوسون بشوارعنا..
هزلت يا اخي اشهالربع اللي انت صافهم؟؟؟؟:anger1:

هلا ومرحب اختي المبروكه...
ماشاء الله...هذا وانتي عجزانه وكذا ردك...اجل لو صاحيه وش بتقولين ولا وش بتخلين...احم...عساك بالصحه يارب...

عن خويي...اممم...لبغيتي الصدق ماقدر الومه...كنا تونا صغار في السن...وتدرين الغفله...والبيئه اللي هو فيها...والناس اللي حواليه...ماتقدرين تحكمين عليه بهالسرعه...
ويكون في علمك...عشان توصل الصوره افضل...مش تبيان اني افضلهم ولا احسنهم...لكن كا دليل على البيئه والتربيه واهتمام الوالدين في العبادات وتوصيلها لعيالهم...
انا على صغر سني...كنت اذكرهم بالصلاه...وهم الحمدلله يسمعون الندا ويصلون...لكن احيانا تحس انهم يصلون حياء او مستحى...يعني لما اصلي قدامهم...يقومون يصلون...لكن لما اصلي في غرفتي..."سييييييين...احم"...
فا اللي ابغي اوصل له...انا تعودت اني اصلي في المسجد دايما...هذا اللي تربينا عليه...
لكن غيري مب شرط هله حثوه او ارغموه على اصلاه...فا تلقينه عادي...
وهذا اللي ابغي اوصل له من خلال هالموضوع...لازم غرس الدين والعقائد...في عيالكم من هم اصغار...لكن بكره بيبين فيهم...ومهما انحرفوا...بيرجعون لصوابهم...عكس اللي مريحين...


واما عن ربعي...وعن الصلاه...اسرعتي بالحكم عليهم...صحيح انهم استحوا يصلون قدام الناس...والكل يشوفهم...لكن هذا لا يعني انهم مب اجاويد او رجال وينحطون على يمناك...
لكن مب اي شي انت تسوي غيرك يقدر يسويه...
او مب اي شي انت تبغي توصله ومهتم فيه...غيرك يكون مهتم لهالنقطه...فا تلقى عنده سهالات...
"ان شاء الله فهمتي هالنقطه"...

بالنسبه للاجانب اللي يتفصخون او يتباوسون قدامنا...
لازم تعرفين ان هم يحبون لفت الانتباه...و اني راعي سوالف...خاصه لما يكون مجتمع محافظ...فا تلقينهم يتفننون علينا...ويمكن يسوون اكثر من ما يسوون في بلادهم...


وبصراحه...اعجبتني نقطه الحيا ولو تعلموها منهم الاجانب...ترتيب اختي...احم

ويامرحبا بك
ولاهنتي على التواجد العصبي...الجميل...احم
The Master
07-03-2010, 07:43 PM
جزاك الله خير اخوي .. الحمدلله على هالنعمه ...

هلا ومرحب اختي شعشبونه...
ويجزاك يارب...والحمدلله على هالنعمه...والشكر دائما وابدا لله...
فا والله ماراح تعرف قدر هالنعمه...الا لما تشوف من يعبدون البقر...الاصنام...الشمس...البوذا...
الحمدلله...وعسى ربي يجعلنا من دعاة الاسلام...ونصرته...

يامرحبا بك
ولاهنتي على المرور
The Master
07-03-2010, 07:45 PM
جزاك الله خير و ثبت قلبك على الدين وزادك يقينا على يقين
آمين يا رب العالمين

و الحمد لله الذي خلقنا مسلمين

هلا ومرحب بدون...
ويجزاك يارب...امين...واجمعين...
الله يسمع منك...لنا ولكم...ولجميع المسلمين...

الحمد لله...والشكر لله...وحده...

ويامرحبا بك
ولاهنت على الدعاوي الطيبه...ولك بالمثل يارب
The Master
07-03-2010, 07:48 PM
جزاك الله خير
موضوع أكثر من رائع
الحمدلله على نعمة الإسلام

هلا ومرحب اختي دانتيل وردي...(الاسم عجيب...احم)

ويجزاك يارب...
تشكرين على الاطراء اختي...وتواجدك الرائع...

اكيد...مافي شك...دائما وابدا...الحمدلله على نعمة الاسلام...وان ربي خلقنا مسلمين...

ويامرحبا بك
ولاهنتي على المرور
The Master
07-03-2010, 07:49 PM
يستحي يصلي صلاة ربه ؟؟؟؟ الله يهديه ... سؤال القصة صارت في امريكا ولا في استراليا ؟؟؟

الاولى في امريكا...

والثانيه...عن الصلاه...في استراليا...
حليتان*
07-03-2010, 08:00 PM
صدقني مواضيعك من احسن المواضيع في الحوار العام





تسلم يا عليان وارحم الله والديك
The Master
07-03-2010, 08:16 PM
اول شي يعطيك العافيه للقصه والسرد والكلام الطيب وبما تفضلت به من نصائح ..
ثاني شي تخيل ان البعض مب في امريكا عندنا هني في قطر قول له ا قم الصلاه ما يعرف !
او ان عرف يستحي يقيم الصلاه بصوت منخفض .. وان اقام الصلاه يطالعك ويقول من قبل حي الفلاح ولا حي على الصلاه؟

هلا ومرحب اخوي هدهد سليمان...
ويعافيك يارب...ماعليك زود...

صادق...وانا مرت علي هالسالفه من قبل...
حتى احيانا تشوفه يتاخر...ولا يقول لك اقم اقم...تقول له اقم...يقول لك...لا لا انت احسن...احم

مشكلة شبابنا مع الاحراج...خاصه في الدين...يستحون يسوون شي له علاقه بالدين قدام الناس...
منها الخوف انهم يغلطون فا الناس تعيبهم انهم مايعرفون...
ومنها ماتعودوا علي اشيا بالصوت...مثل الاقامه...الامامه في الصلاه...فا تلقاه متوهق...وماله حس...
ومنها عدم معرفه...فا يكون ضعيف شخصيه...

الله يهديهم ويهدينا يارب...

ويامرحبا بك
ولاهنت على اضافتك الطيبه...
The Master
07-03-2010, 08:34 PM
ابوحسن

من طول الغيبات جاب الغنايم


مالك حس من 4 ايام

عموما الله يحييك


عزيزي

بالنسبة للأخ الاول فمن المؤكد انه غيب عن الوعي فقد ابتلي بالعشق والعياذ بالله ولنا في كتاب ( ذم الهوى) دلائل كثيرة توضح ان حالة هذا الشخص تحت تأثير الهوى, فالهوى مفعوله مثل السكر تماما والشخص لا يعي مايقول واسأل الله له الهداية

اما الثاني فقد سقط في درس الحياء فالحياء الذي يستتر به ما هو الا عدم ثقة وعدم يقين بما يؤمن به فالإيمان يعني اليقين والتصديق

فالشخص المؤمن يجب ان يكون مؤمن بما يحمل من فكر ومعتقد ولا يكون مؤمن بالهوية او بالوراثة

فإن كان مؤمن بقلب صادق لم يستحي من اظهار ايمانه بل يعتز بإيمانه وقناعاته وليبين من اخلاقه ما يصدق معتقده فهؤلاء الاجانب قد يتعجبون من صلاتنا لكن عندما يرون تعامل المسلم ورقي نفسه وعلو همته وصدق كلامه سيعجبون من هذا الدين وسيرجعون سبب نجاحنا لهذا الدين العظيم

فكم من كافر اهتدى بعد ان رأى المسلمين وبحث في دينهم وتوسع في دراسة الاسلام


اخي علي

لا انكر ان هناك خوف من البعض والحقيقة ان الخوف اذا كان مبررا فلا مانع كأن تحين الصلاة وانت في مكان لا يليق بالصلاة او كنت لوحدك وخفت على نفسك من تهجم بعض المتعصبين الزنادقة فلا ارى ان في تأجيلها مع محافظة الانسان على نفسه فيها اثم

ولكن لا يكون التأجيل بدافع الحياء




اخي الكريم

موضوع جميل ونماذج من حياة بعض الاخوة الذين نخالطهم هدانا الله واياهم وموقف نبيل منك في نصحهم وارشادهم

جزاك الله خير الجزاء

ونفع الله بك

ووفقك وجعلك للمتقين اماما

تقبل شكري وتحياتي واعجابي بما كتبت

هلا ومرحب اخوي متابع عن قرب...
فيك الخير اخوي على الملاحظه...وهذا من طيبك...الله يجزاك خير...


عن الهوى...وكتاب ذم الهوى...صدقت...وهذا مما لا شك فيه...
وكم من مسلم تنصر عشان محبوبته...
لكن بالنسبه لصاحبي...تحس ان العمر كان يفرق...النضوج...الثقافه والعلم...كلها كانت عائق...
لكن يبقى في النهايه...محد بيتحمل الوزر...الا الشخص نفسه...

وعن الصلاه...اكيد...مافي شك...وفي ردي للاخت المبروكه شرح عن الشباب...والصلاه...وكذلك ردي علي هدهد...

وعن التاخير لامر فيه خير لك...فا انا اتفق معاك...وهذا مطلوب...لحفظ النفس...ماتدري عنهم وش كثر حقدهم...لكن حنا كنا ذاك الوقت 5 شباب...
وكنا في مكان عام...في حديقه...
الله يهدينا ويهديهم يارب...

الحمدلله ان الموضوع نال استحسانكم...والاهم والله الفائده من الموضوع...
وربط القصص اللي صارب بالواقع...ومحاولة تفاديها...ومحاربتها...لنا وللاجيال القادمه...

امين يارب...والله يجزاك خير...ولك بالمثل...هذا من ذوقك...وعسى ربي يجملنا برضاه...ومغفرته...يارب...وجميع المسلمين...

لي الشرف اخوي...بتواجدك...وان شاء الله نبيض الوجه...ونكون افضل من توقاعتكم...احم

واشكرك علي اثرائك الرائع...اعجبتني مشاركتك اخوي...وشرحك للنقاط كل وحده على حده...فا بذلك تفيد القارئ...الله يجزاك خير...

يامرحبا بك...
ولاهنت على التواجد اخوي...
The Master
07-03-2010, 08:36 PM
كلماتك من ذهب

اسأل الله لنا ولك ولجميع المسلمين الهداية والثبات

هلا ومرحب سهيمان...
تشكر على الكلام الطيب...هذا من طيبك...

امين يارب...والله يجزاك يخر على الدعاء الكريم...والله مجيب للدعاء...

يامرحبا بك
ولاهنت
اشدعوه
07-03-2010, 09:39 PM
اذكر اذن علي العصر في المانيا ،، في حديقة عامة ،، ودورت مكان للوضوء ولكن مالقيت ابدا
قلت مافيه الا ،،، الاخ ماكدونالدز ،،
رحت دورة المياة -تكرمون- وتلفت يمنة ويسرة ،، واتوضأ
ماخذت الا بذاك الصوت اللي يصرخ لان كانت كيمرة فوقي ماانتبهت لها
المهم اني توضيت ورحت الحديقة وصليت وكان فيه واحد شرق اسيوي قاعد يسوي يوقا
واكبر واصلي ،،، اللي بذاك اللي يقولي تقبل الله

اسف على المداخلة بس حبيت اثري موضوعك
العداله
07-03-2010, 10:45 PM
جزاك الله خير
ورحم الله والديك
The Master
08-03-2010, 08:16 AM
صدقني مواضيعك من احسن المواضيع في الحوار العام





تسلم يا عليان وارحم الله والديك

هلا ومرحب اخوي amaf535

وصدقني انك طيب...وهذا من طيبك اخوي...وماعليك زود...
وان شاء الله نكون عند توقعكم وزود...
وما عليهم زود الموجودين...
رايك على العين والراس...
والاهم الفايده من المواضيع...ونطلع منها بشي...


ومن قال سالم...ووالديك يارب...

وبجد اسعدتني مشاركتك اخوي...

ويامرحبا بك
ولاهنت على الاطراء الجميل...المشجع...ويحدنا للافضل...دائما...
بن جلبان
08-03-2010, 08:35 AM
هزلت يا اخي اشهالربع اللي انت صافهم؟؟؟؟:anger1:[/QUOTE]


هههههههههههههههههههههه




موضوع تشكر عليــه أخوي ولاهنت ..
The Master
08-03-2010, 03:08 PM
اذكر اذن علي العصر في المانيا ،، في حديقة عامة ،، ودورت مكان للوضوء ولكن مالقيت ابدا
قلت مافيه الا ،،، الاخ ماكدونالدز ،،
رحت دورة المياة -تكرمون- وتلفت يمنة ويسرة ،، واتوضأ
ماخذت الا بذاك الصوت اللي يصرخ لان كانت كيمرة فوقي ماانتبهت لها
المهم اني توضيت ورحت الحديقة وصليت وكان فيه واحد شرق اسيوي قاعد يسوي يوقا
واكبر واصلي ،،، اللي بذاك اللي يقولي تقبل الله

اسف على المداخلة بس حبيت اثري موضوعك

هلا ومرحب اخوي اشدعوه...

تشكر على المشاركه القيمه...والقصه اللي ذكرتها...بارك الله فيك...وهذا العشم فيكم...

اي والله ازعجونا بسالفة الماء لاتخلصونه...حتى عندنا في الجامعه مأذينا بهالماء...والمطر 24 ساعه شغال عندهم...اجل لو يجون الدوحه وش بيقولون...احم

يا عيني على تقبل الله...شي غريب..لكن يثلج الصدر...

شرفت اخوي...واثريته...الله يجزاك خير...

يامرحبا بك...
ولاهنت على المشاركه الطيبه...
Thinkshen
The Master
09-03-2010, 05:59 AM
جزاك الله خير
ورحم الله والديك

ويجزاك يارب كل خير...
ووالديك وجميع المسلمين...

تشكر على الدعاء الطيب...
شعنونة قطر
09-03-2010, 06:47 AM
عيزانه اكتب....
بس رفيجك باصج..ماصخ ...كان تحول بوذي وخذ الصينيه وفك الاسلام منه....
في برنامج لنبيل العوضي الجمهه ذكر واحد نفس قصته...

اما اللي ما صلى لانه يستحي ههههههههه(حلوه)
ياليته قدوه للكفار ويستحون مثله ...علشان لا يشربون الخمر قدامنا ..ولا يتفصخون بمجمعاتنا ...ولا يتباوسون بشوارعنا..
هزلت يا اخي اشهالربع اللي انت صافهم؟؟؟؟:anger1:

شلونج مبروكه :nice:

ان شاء الله بخير وتناقزين من العافيه :nice:


اختاه

انتي قرقر قرقر
جربتي تغتربين


انتبهي اغتراب مو سياحه :)


ومامعج حد الا ربع ماتعرفنهم مو شرط عرب تعرفينهم :omen2:


اذا جربتي هذولا كلهم اقعدي هواشي ربعه

لان الاغتراب صعبه

على الاقل يروح لشقته وقت الصلاه من بدري

تحياتي لصاحب الموضوع والله يتممك بعقلك ياخوي ويكثر من امثالك عقليه فاهمه

وياكثر ماتقول احم احم في كل مواضيعك :rolleyes2:
The Master
09-03-2010, 12:41 PM
هزلت يا اخي اشهالربع اللي انت صافهم؟؟؟؟:anger1:


هههههههههههههههههههههه




موضوع تشكر عليــه أخوي ولاهنت ..[/quote]

احم...مشكله العصب...
العفو...ولا انت...
يامرحبا بك
The Master
09-03-2010, 08:06 PM
شلونج مبروكه :nice:

ان شاء الله بخير وتناقزين من العافيه :nice:


اختاه

انتي قرقر قرقر
جربتي تغتربين


انتبهي اغتراب مو سياحه :)


ومامعج حد الا ربع ماتعرفنهم مو شرط عرب تعرفينهم :omen2:


اذا جربتي هذولا كلهم اقعدي هواشي ربعه

لان الاغتراب صعبه

على الاقل يروح لشقته وقت الصلاه من بدري

تحياتي لصاحب الموضوع والله يتممك بعقلك ياخوي ويكثر من امثالك عقليه فاهمه

وياكثر ماتقول احم احم في كل مواضيعك :rolleyes2:

هلا ومرحب اختي شعنونة قطر...
اللي فوق نتركه للي له...احم

تشكرين على الكلام الطيب...امين يارب...والحمدلله على كل حال...
بخصوص احم...
اممم ياكثر ما تنقدين انتي...احم...

بس اعرفي اذا موضوع جاد...او مشاركه جاده مني...ماراح تعينين احم...(ارحم حالك بس...احم)

يامرحبا بك
ولاهنتي على المرور الطيب...
خالد624
09-03-2010, 08:57 PM
الحمد لله الذي جعلنا مسلمين
The Master
10-03-2010, 08:11 AM
الحمد لله الذي جعلنا مسلمين

الحمدلله وحده...والحمد دائما وابدا...لله وحده...
تشكر اخوي على المرور...